Aung Paralegal Services

09/10/2026

🇨🇦 ကနေဒါမှာ ကျောင်းတက်ဖို့ စီစဉ်နေတဲ့သူတွေ၊ ဒီ Post ကို သေချာဖတ်ထားပါ။
🇨🇦 ကနေဒါရဲ့ နိုင်ငံတကာကျောင်းသား ပါမစ်ကန့်သတ်ချက် (Study Permit Cap) ကြောင့် အခုနှစ်တွေမှာ ကျောင်းသားဝင်ရောက်မှုက အရမ်းကို ကျဆင်းသွားပါတယ်။
၂၀၂၆ ခုနှစ်အတွင်း ကျောင်းသားအသစ် ၁၅၅,၀၀၀ ဦး ဝင်ရောက်ဖို့ ပစ်မှတ်ထားပေမယ့် ပထမခြောက်လမှာ ၂၂,၄၀၅ ဦးသာ ဝင်ရောက်ခဲ့ပါတယ်။ ၂၀၂၄ ခုနှစ်က ၂၉၂,၈၈၅ ဦး ရှိခဲ့ရာကနေ ၂၀၂၅ ခုနှစ်မှာ ၆၀% ကျော် ကျဆင်းပြီး ၁၁၅,၀၀၅ ဦးသာ ရှိတော့ပါတယ်။
🇨🇦 IRCC ကတော့ အိမ်ရာ၊ အခြေခံအဆောက်အအုံနဲ့ ဝန်ဆောင်မှုတွေအပေါ် ဖိအားလျှော့ချဖို့ ဒီလိုလုပ်တယ်လို့ ပြောပါတယ်။
🎓 ကောလိပ်တွေ တက္ကသိုလ်တွေထက် ပိုထိခိုက်နေ။
အွန်တာရီယိုက ကောလိပ်တွေက အဆိုးဆုံး ခံစားနေရပါတယ်။
⚠️ Centennial College – သင်တန်း ၆၁ ခု ရပ်ဆိုင်းခဲ့ရ။
(၂၀၂၅ မှာ ၅၄ ခု၊ ဒီနှစ် ၇ ခု)
⚠️ Fanshawe College – ကျောင်းသားစုစုပေါင်း စာရင်းသွင်းမှု ၄၀% ကျဆင်း။
⚠️ Algonquin College – ဒီဆောင်းရာသီကစပြီး သင်တန်း ၃၀ ခု ရပ်ဆိုင်း သို့မဟုတ် ဖျက်သိမ်းမယ်။
ကျောင်းသားတွေအတွက် အသက်မွေးဝမ်းကျောင်း ဝန်ဆောင်မှုတွေ၊ အလုပ်အကိုင် အခွင့်အလမ်းတွေပါ လျော့နည်းလာတယ်လို့ College Student Alliance က ပြောထားပါတယ်။
🛂 ဗီဇာရဖို့ ပိုခက်လာပြီ။
အရင်တုန်းက ငွေကြေးပြရတာ 🇨🇦 ကနေဒါဒေါ်လာ ၁၅,၀၀၀ လောက်ဆိုရင် ရခဲ့ပေမယ့် အခုက ၂၅,၀၀၀ ဒေါ်လာနီးပါး ပြရပါပြီ။
ဗီဇာစောင့်ဆိုင်းချိန်လည်း တစ်နှစ်ကနေ နှစ်နှစ်အထိ ကြာနေတဲ့သူတွေ ရှိပါတယ်။
နောက်ထပ် ပြရမယ့်အချက်တွေက –
➡️ ဘဏ်စာရင်းအထောက်အထား။
➡️ ပိုင်ဆိုင်မှုအထောက်အထား။
➡️ ပညာသင်ပြီးရင် ကိုယ့်နိုင်ငံပြန်မယ်ဆိုတဲ့ ရည်ရွယ်ချက် အထောက်အထား။
ပြီးတော့🇨🇦 IRCC က ကွီဘက်ပြည်နယ်ပြင်ပ လျှောက်ထားသူတစ်ဦးအတွက် နေထိုင်စရိတ်အနေနဲ့ အနည်းဆုံး ဒေါ်လာ ၂၂,၈၉၅ ပြရပါမယ်။ စက်တင်ဘာ ၁ ရက်နောက်ပိုင်း လျှောက်ရင်တော့ ဒေါ်လာ ၂၃,၄၄၈ ပြရပါမယ်။

09/04/2026

အပြုံးများနှင့် အမြဲတမ်းနေထိုင်ခွင့်ကတ် နှစ်ကတ်ပါ ခရီးစဉ်တစ်ခုရဲ့ နိဂုံး! 🇨🇦
ဒီမိသားစုဟာ ကျွန်ုပ်တို့ရုံးကို ပထမဆုံးအကြိမ် ဆက်သွယ်လာတုန်းက သူတို့ရဲ့ အမြဲတမ်းနေထိုင်ခွင့် လျှောက်လွှာတွေကို အတူတူ တင်သွင်းထားတယ်လို့ ထင်ခဲ့ကြပါတယ်။ နှစ်ပေါင်းများစွာ ကြာပြီးချိန်မှာ အိမ်ထောင်ဖက်နဲ့ ကလေးရဲ့ လျှောက်လွှာတွေကို မျှော်လင့်ထားသလို ဆောင်ရွက်မပေးခဲ့ဘဲ ကနေဒါမှာ အတူတူ နေထိုင်နေကြပေမယ့် အမြဲတမ်းနေထိုင်ခွင့် အဆင့်အတန်း မရရှိခဲ့တာကို ရှာဖွေတွေ့ရှိခဲ့ရပါတယ်။
ဖိုင်ကို ပြန်လည်သုံးသပ်ပြီးနောက် ကျွန်ုပ်တို့ရုံးက ညှိနှိုင်းဆောင်ရွက်ပေးခဲ့ပြီး ရုံးရဲ့ ကိုယ်စားပြဴ ရှေ့နေမှ တစ်ဆင့် ဖက်ဒရယ်တရားရုံး၏ တရားစီရင်ရေးဆိုင်ရာ ပြန်လည်သုံးသပ်မှု (Federal Court judicial review) လုပ်ငန်းစဉ်ကို စတင်ခဲ့ပါတယ်။
တရားရေးလုပ်ငန်းစဉ် ဆက်လက်ဆောင်ရွက်နေချိန်တစ်လအတွင်းမှာပဲ IRCC က လျှောက်လွှာတွေကို ပြန်လည်ဆောင်ရွက်ပေးခဲ့ပြီး ယနေ့မှာ အိမ်ထောင်ဖက်ရော ကလေးရော ၎င်းတို့ရဲ့ အမြဲတမ်းနေထိုင်ခွင် ကတ်တွေကို လက်ခံရရှိသွားပါပြီ။
မိသားစုတစ်စုရဲ့ 🇨🇦 ကနေဒါမှာ အနာဂတ်ကို နောက်တစ်ကြိမ် ခိုင်မာစေတာကို မြင်တွေ့ရတာ အလွန်ပဲ ကျေနပ်စရာကောင်းပါတယ်။
ဖက်ဒရယ်တရားရုံးရှေ့မှာ ဒီကိစ္စကို ကိုင်တွယ်ဆောင်ရွက်ပေးခဲ့တဲ့ ရှေ့နေကို ကျေးဇူးတင်ရှိပြီး ဒီအရေးပါတဲ့ မှတ်တိုင်ကို ရောက်ရှိခဲ့တဲ့ ကျွန်ုပ်တို့ရဲ့ အမှုသည်များကိုလည်း ဝမ်းမြောက်စွာ ဂုဏ်ပြုပါတယ်！
တစ်ဦးတိုင်းရဲ့အမှုကိစ္စတိုင်းဟာ သီးခြားဖြစ်ပါတယ်။ ရလဒ်များဟာ တိကျတဲ့ အချက်အလက်များနဲ့ သက်ဆိုင်ရာ ဥပဒေများပေါ်မှာ မူတည်ပါတယ်။

09/02/2026

DUI တစ်ခါ စီရင်ချက်ချခံရရင် ဘဝတစ်ခုလုံး ပြောင်းသွားနိုင်တယ်။

လွန်ခဲ့တဲ့ရက်ပိုင်းက အွန်တာရီယိုပြည်နယ် ရဲတပ်ဖွဲ့ (OPP) မှ အတွေ့အကြုံ ၁၇ နှစ်ရှိ အရာရှိတစ်ဦးဟာ တာဝန်ထမ်းဆောင်နေစဉ် အရက်မူးပြီး ရဲကားမောင်းမှု အတွက် တရားရုံးမှာ အပြစ်ဝန်ခံခဲ့ပါတယ်။ သူ့ရဲ့ သွေးတွင်းအရက်ပါဝင်မှုက ဥပဒေကန့်သတ်ချက် (၈၀ mg) ရဲ့ ၃ ဆကျော် (၂၆၀ mg) ရှိခဲ့ပြီး ဒဏ်ငွေ $၃,၀၀၀၊ ယာဉ်မောင်းခွင့် ၂ နှစ်ပိတ်နဲ့ ၂ နှစ် စောင့်ကြည့်အမိန့် ချမှတ်ခံခဲ့ရပါတယ်။

ဒါပေမယ့် သာမန်ပြည်သူတစ်ယောက်အတွက် DUI ရဲ့ နောက်ဆက်တွဲဆိုးကျိုးတွေက ဒီလောက်နဲ့ ပြီးသွားမှာ မဟုတ်ဘူး ဆိုတာ သိထားဖို့ အရေးကြီးပါတယ်။

⚠️ DUI (အရက်မူးယာဉ်မောင်း) ရဲ့ ဆိုးကျိုး ၄ ချက်

၁။ ရာဇဝတ်မှုဖြစ်ပြီး ထောင်ဒဏ်ထိခံရနိုင်။
➡️ ကနေဒါမှာ DUI ဟာ ယာဉ်စည်းကမ်းချိုးဖောက်မှု မဟုတ်ဘဲ ရာဇဝတ်မှု (Criminal Offence) တစ်ခုဖြစ်ပါတယ်။
➡️ ပထမအကြိမ် - အနည်းဆုံး ဒဏ်ငွေ $၁,၀၀၀+ နှင့် ယာဉ်မောင်းခွင့် ၁ နှစ်ပိတ်။
➡️ ဒုတိယအကြိမ် - အနည်းဆုံး ထောင်ဒဏ် ၃၀ ရက်။
➡️ တတိယအကြိမ် - အနည်းဆုံး ထောင်ဒဏ် ၁၂၀ ရက် (အများဆုံး ၁၀ နှစ်အထိ)။

၂။ တစ်သက်တာ ရာဇဝတ်မှတ်တမ်း (Criminal Record) ကျန်ရစ်မည်။
➡️ စီရင်ချက်ချပြီးတာနဲ့ ဒီမှတ်တမ်းက ဘယ်တော့မှ မပျောက်ပါဘူး။ အလုပ်အကိုင်၊ ဘဏ္ဍာရေးနဲ့ ယုံကြည်ရတဲ့ ရာထူးတွေအတွက် နောက်ခံစစ်ဆေးမှု (Background Check) အားလုံးမှာ ပေါ်နေမှာဖြစ်ပြီး အလုပ်လျှောက်တိုင်း ငြင်းပယ်ခံရနိုင်ပါတယ်။
၃။ လူဝင်မှုကြီးကြပ်ရေး (Immigration) ထိခိုက် (အရေးကြီးဆုံး)
➡️ ၂၀၁၈ ခုနှစ် ဒီဇင်ဘာလ ၁၈ ရက်နေ့ကစပြီး DUI ကို "ကြီးလေးသောရာဇဝတ်မှု (Serious Criminality)" အဖြစ် သတ်မှတ်ထားပါတယ်။
➡️ ဒါကြောင့် အမြဲတမ်းနေထိုင်ခွင် (PR) လျှောက်ထားခြင်း၊ နိုင်ငံသားဖြစ်ခွင့် လျှောက်ထားခြင်း၊ အလုပ်ဗီဇာ/ကျောင်းသားဗီဇာ အားလုံး ငြင်းပယ်ခံရနိုင်ပါတယ်။
➡️ PR ရပြီးသားသူတောင်မှ ပြည်နှင်ဒဏ် (Deportation) ခံရနိုင်ခြေရှိပါတယ်။
၄။ ငွေကြေးနှင့် လူမှုဂုဏ်သတင်း ထိခိုက်မည်။
➡️ ဒဏ်ငွေ + ပညာပေးသင်တန်း + ကားပေါ်ကိရိယာတပ်ဆင်ခ + အာမခံကြေးမြင့်တက်မှု စုစုပေါင်း ဒေါ်လာ ၂,၅၀၀ မှ ၄,၀၀၀ အထိ ကုန်ကျနိုင်ပါတယ်။
➡️ မိသားစု၊ သူငယ်ချင်းများနှင့် လူမှုအသိုင်းအဝိုင်းအတွင်း ဂုဏ်သိက္ခာနှင့် ယုံကြည်မှု ပြိုလဲသွားနိုင်ပါတယ်။
⚠️ သတိပြုရန် -
ဒီအမှုက ရဲအရာရှိအတွက်တောင် ဒီလောက်ပြင်းထန်တဲ့အပြစ်ဒဏ်တွေ ချမှတ်ခံရတာမို့ သာမန်လူတစ်ယောက်အတွက် ပိုဆိုးဝါးနိုင်တယ်ဆိုတာ သိထားပါ။
သင်ဒါမှမဟုတ် သင်သိသူတစ်ဦးဦး DUI စွဲချက်နဲ့ ရင်ဆိုင်နေရပါက ချက်ချင်း တရားရုံးရှေ့နေနှင့် ဆက်သွယ်ပါ။ အခွင့်အရေးတစ်ခုက ဘဝတစ်ခုလုံးကို ပြောင်းလဲပစ်နိုင်ပါတယ်။
ဒီမှာလည်းဖတ်ကြည့်လို့ရတယ်။
https://www.facebook.com/share/p/1Ebn1sEvLW/
⚠️စကားချပ်။
ဤအကြောင်းအရာသည် သတင်းနှင့်ဥပပေပညာဖြန့်ချိရေးအခြေခံသာဖြစ်ပြီး ဥပဒေအကြံပြုချက် (Legal Advice) မဟုတ်ပါ။ သင့်ကိုယ်ရေးကိုယ်တာအခြေအနေအတွက် ရှေ့နေနှင့် တိုင်ပင်ပါရန် အထူးအကြံပြုအပ်ပါသည်။

#မောင်းရင်မမူးနဲ့ မူးရင်မမောင်းနဲ့ #ကနေဒါရာဇဝတ်ဥပဒေ #ရာဇဝတ်မှုမှတ်တမ်း #လူဝင်မှုကြီးကြပ်ရေးအကျိုးဆက် ာရှိ #ဥပဒေအသိပညာ #ဘေးကင်းလုံခြုံစွာမောင်းနှင်ပါ။

08/31/2026

🇨🇦 ကနေဒါမှာ နှစ် ၃၀ နီးပါး အမြဲတမ်းနေထိုင်ခွင့်ရှိခဲ့တဲ့ ဒုက္ခသည်ဟောင်းတစ်ဦးကို ဇာတိနိုင်ငံပြန်သွားတဲ့အကြောင်းတစ်ခုတည်းနဲ့ ပြည်နှင်ဒဏ်ချမှတ်ခံလိုက်ရပါတယ်။ သူ့အမှုက တရားရေးသမိုင်းမှာ အထင်ကရဖြစ်လာနိုင်ပါတယ်။
🇨🇦 ကနေဒါလူဝင်မှုဥပဒေဆိုင်ရာ အထင်ကရစီရင်ထုံး – Slepcsik အမှုအကျဉ်းချုပ်။
Roman Slepcsik သည် ချက်သမ္မတနိုင်ငံမှ ရိုမာလူမျိုး ဒုက္ခသည်ဟောင်းတစ်ဦးဖြစ်ပြီး ၁၉၉၉ ခုနှစ်မှစ၍ ကနေဒါတွင် အမြဲတမ်းနေထိုင်ခွင့် (PR) ရရှိခဲ့သည်။ အနှစ် ၃၀ နီးပါး နေထိုင်ခဲ့ပြီး သမီး၊ မြေးများရှိသူဖြစ်သည်။

⚖️ အမှု ဖြစ်စဉ်အကျဉ်း။
၂၀၂၀ ခုနှစ်တွင် ဖျားနာနေသော ညီဖြစ်သူအား ပြုစုရန် ချက်သမ္မတနိုင်ငံသို့ ပြန်သွားခဲ့သည်။
ထို့နောက် 🇨🇦 ကနေဒါပြန်လာသောအခါ လူဝင်မှုဘုတ်အဖွဲ့ (RPD) က ၎င်းအား "မူရင်းနိုင်ငံ၏ ကာကွယ်မှုကို ဆန္ဒအလျောက် ပြန်လည်လက်ခံခြင်း" (IRPA ပုဒ်မ ၁၀၈(၁)(က)) ဟု ဆုံးဖြတ်ခဲ့သည်။
🚨 အလိုအလျောက် ဆုံးရှုံးခြင်း။
ထိုဆုံးဖြတ်ချက်ကြောင့် သူ၏ PR သည် IRPA ပုဒ်မ ၄၀.၁ နှင့် ၄၆(၁)(ဂ.၁) အရ အလိုအလျောက် ရုပ်သိမ်းခံခဲ့ရသည်။
လဝက အရာရှိများတွင် ဆင်ခြင်သုံးသပ်ခွင့် (discretion) လုံးဝမရှိဘဲ
🇨🇦 ကနေဒါသို့ ဝင်ရောက်ခွင့်မရှိသူအဖြစ် သတ်မှတ်ခံရကာ ပြည်နှင်ဒဏ် ချမှတ်ခံခဲ့ရသည်။
🏛️ တရားရုံးဆိုင်ရာ ဆုံးဖြတ်ချက်များ။
၂၀၂၅ နိုဝင်ဘာ (FC) – Slepcsik ၏ ဖွဲ့စည်းပုံအခြေခံဥပဒေဆိုင်ရာ စိန်ခေါ်မှုကို ပယ်ချခဲ့သော်လည်း "အရေးပါသော ဥပဒေရေးရာမေးခွန်း" အဖြစ် အသိအမှတ်ပြုခဲ့သည်။
၂၀၂၆ ဩဂုတ် ၁၁ (FCA) – ပြည်နှင်ဒဏ်ဆိုင်းငံ့ရန် တောင်းဆိုချက်ကို ပယ်ချခဲ့ပြီး CBSA မှ ပြည်နှင်ဒဏ်ပေးရန် လမ်းဖွင့်ပေးလိုက်သည်။ အယူခံကို ၂၀၂၇ နွေဦးတွင် ကြားနာနိုင်ဖွယ်ရှိသည်။
📜 အဓိကဥပဒေပုဒ်မများ။
IRPA s. 108(1)(a) – မူရင်းနိုင်ငံကာကွယ်မှုကို ပြန်လက်ခံခြင်းကြောင့် ဒုက္ခသည်အဆင့်အတန်း ရပ်စဲခြင်း။
IRPA s. 40.1 & 46(1)(c.1) – ဒုက္ခသည်ကာကွယ်မှုရပ်စဲပါက PR အလိုအလျောက်ဆုံးရှုံးခြင်း။
💡သင်ခန်းစာ။
ဒုက္ခသည်များအနေဖြင့် မူရင်းနိုင်ငံသို့ ပြန်သွားခြင်းသည် PR အဆင့်အတန်းကို ဆိုးရွားစွာ ထိခိုက်စေနိုင်သည်။ ယခုအခါ ပါလီမန်တွင် ဤဥပဒေကို ပြင်ဆင်ရန် C-213 ပြည်သူ့ဥပဒေမူကြမ်းကို တင်သွင်းထားသည်။
နိုင်ငံသားလျောက်ထားရန် သက်မှတ်ချက်များပြည့်မီပါက လက်မနှေးဘဲ အမြန်ဆုံးလျောက်ထားဖို့လည်း တိုက်တွန်းအပ်ပါတယ်။
⚠️စကားချပ်။
ဤအချက်အလက်များသည် သတင်းအခြေခံသာဖြစ်ပြီး ဥပဒေအကြံပြုချက် (Legal Advice) မဟုတ်ပါ။ သင့်ကိုယ်ရေးကိုယ်တာအခြေအနေအတွက် RCIC သို့မဟုတ် လူဝင်မှုရှေ့နေနှင့် တိုင်ပင်ပါရန် အထူးအကြံပြုအပ်ပါသည်။

08/24/2026

🇨🇦 မနီတိုဘာပြည်နယ် လုပ်သားအင်အား လိုအပ်ချက်အရ အကူးအပြောင်း တံတားအစီအစဉ် (Manitoba Workforce Transition Bridge) – ပြည်သူ့မူဝါဒအသစ်ထုတ်ပြန်။
ဤပြည်သူ့မူဝါဒသည် မနီတိုဘာပြည်နယ်၏ အရေးတကြီး လုပ်သားအင်အား လိုအပ်ချက်များကို ဖြည့်ဆည်းရန် ရည်ရွယ်ပြီး ပြည်နယ်၏ ယခင်က ပြည်သူ့မူဝါဒအရ သတ်မှတ်ထားသော (PNP)လျောက်ထားသူကိုယ်စားလှယ်လောင်းများကို ဆက်လက်ထိန်းသိမ်းထားရန် ဆောင်ရွက်သည်။
📌 မနီတိုဘာပြည်နယ်၏ အရေးတကြီး လုပ်သားအင်အား လိုအပ်ချက်ကို ဖြည့်ဆည်းပေးရန် ယခင်က သတ်မှတ်ထားသော ပြည်နယ်အမည်စာရင်းတင်သွင်းသူအစီအစဉ် (PNP) ကိုယ်စားလှယ်လောင်းများကို ဆက်လက်ထိန်းသိမ်းရန်။
📌အရည်အချင်းပြည့်မီသော ကိုယ်စားလှယ်လောင်းများအား အမြဲတမ်းနေထိုင်ခွင့် (Permanent Residence) သို့ အကူးအပြောင်းပြုလုပ်ရန်
📌 🇨🇦 ကနေဒါအစိုးရ၏ ယာယီနေထိုင်သူဦးရေကို လျှော့ချရန် နှင့် ရေရှည်တည်တံ့သော လူဝင်မှုအဆင့်သို့ ပြန်လည်ရောက်ရှိရန် ကြိုးပမ်းမှုများနှင့် ညီညွတ်စေရန် စသည့်ရည်ရွယ်ချက်ဖြင့် မူဝါဒကိုကြေညာ။
✅ ဤပြည်သူ့မူဝါဒသည် အက်ဥပဒေ (Immigration and Refugee Protection Act – IRPA) ပုဒ်မ ၂၅.၂ အရ အောက်ပါအရည်အချင်းများနှင့် ကိုက်ညီသော နိုင်ငံခြားသားများအား အကန်သတ်မဲ့ အလုပ်ခွင့်ပြုပါမစ် 🚨 (Open Work Permit)🚨 ထုတ်ပေးရန် ခွင့်ပြုထားသည်။
🔥အရည်အချင်းပြည့်မီရန် သတ်မှတ်ချက်များ🔥
၁။ တရားဝင်အလုပ်ခွင့်ပြုမိန့် ကိုင်ဆောင်ထားသူ (သို့မဟုတ် ၂၀၂၄ ခုနှစ် မေလ ၇ ရက်နေ့တွင် သက်တမ်းရှိသော်လည်း ယခုအခါ သက်တမ်းကုန်ဆုံးသွားသူ)
၂။ အောက်ပါတို့အတွက် လျှောက်ထားပြီးသူ -
📌အလုပ်ခွင့်ပြုမိန့် လျှောက်လွှာ (စည်းမျဉ်း ပုဒ်မ ၂၀၀ သို့မဟုတ် ၂၀၁ အရ)
📌ယာယီနေထိုင်ခွင့် သက်တမ်းတိုးခြင်း (စည်းမျဉ်း ပုဒ်မ ၁၈၁ အရ)
(သက်တမ်းကုန်ဆုံးသွားသူများအတွက်) ယာယီနေထိုင်ခွင့် အခြေအနေ ပြန်လည်တည်ဆောက်ခြင်း (စည်းမျဉ်း ပုဒ်မ ၁၈၂ အရ)
၃။ အောက်ပါစာရွက်စာတမ်းများ တင်သွင်းထားသူ -
မနီတိုဘာအစိုးရမှ ထောက်ခံစာ (Support Letter) – ၂၀၂၅ ခုနှစ် ဒီဇင်ဘာလ ၃၁ ရက်နေ့ သို့မဟုတ် ထို့ထက်စော၍ ထုတ်ပေးထားသော စာ။ ယင်းစာတွင် လျှောက်ထားသူအား မနီတိုဘာပြည်နယ်၏ စိစစ်မှုခံယူပြီး PNP ၏ Expression of Interest (EOI) ရေကန်ထဲတွင် ၂၀၂၅ ခုနှစ် ဒီဇင်ဘာလ ၃၁ ရက်နေ့ သို့မဟုတ် ထို့ထက်စော၍ ထည့်သွင်းထားကြောင်း ဖော်ပြထားရမည်။
လက်ရှိအလုပ်ရှင်၏ အလုပ်ခန့်အပ်စာ (Letter of Employment)
📌 ဤမူဝါဒအရ အများဆုံး ယာယီအလုပ်သမား ၂,၇၀၀ ဦးအထိ ပံ့ပိုးကူညီခံရမည်ဖြစ်သည်။ ၎င်းတို့သည် မနီတိုဘာအစိုးရမှ အမြဲတမ်းနေထိုင်ခွင့်အတွက် အလားအလာရှိသော ကိုယ်စားလှယ်လောင်းများအဖြစ် အကဲဖြတ်ထားခြင်းခံရသူများဖြစ်သည်။

👉 ဥပဒေရေးရာ သတိပြရမည့်အချက်မျာကတော့...။

📌 ၁။ ဤမူဝါဒသည် မနီတိုဘာပြည်နယ်အတွက်သာ အကျုံးဝင်ပြီး အခြားပြည်နယ်များအတွက် မသက်ရောက်ပါ။
📌 ၂။ ထောက်ခံစာသည် သော့ချက်စာရွက်စာတမ်းဖြစ်သည် – ၂၀၂၅ ခုနှစ် ဒီဇင်ဘာလ ၃၁ ရက်နေ့ သို့မဟုတ် ထို့ထက်စော၍ ထုတ်ပေးထားရမည်ဖြစ်သည်။
📌 ၃။ အကုန့်သက်မဲ့အလုပ်ခွင့်ပြုမိန့် (Open Work Permit) သည် အလုပ်ရှင်တစ်ဦးဦးနှင့် ချိတ်ဆက်မှုမရှိဘဲ မည်သည့်အလုပ်ရှင်ထံတွင်မဆို အလုပ်လုပ်ကိုင်ခွင့်ပြုသည်။
📌 ၄။ ဤမူဝါဒသည် အချိန်အကန့်အသတ်ရှိသော ပြည်သူ့မူဝါဒဖြစ်သည် – သတ်မှတ်ကာလအတွင်းသာ အကျုံးဝင်မည်ဖြစ်သည်။

⚠️ စကားချပ် – ဤအချက်အလက်များသည် သတင်းအခြေခံသာဖြစ်ပြီး ဥပဒေအကြံပြုချက် (legal advice) မဟုတ်ပါ။
⚠️ သင့်ကိုယ်ရေးကိုယ်တာအခြေအနေအတွက် လူဝင်မှုကြီးကြပ်ရေးဆိုင်ရာ ရှေ့နေ သို့မဟုတ် အသိအမှတ်ပြု ကနေဒါလူဝင်မှုကြီးကြပ်ရေးအတိုင်ပင်ခံ (RCIC) နှင့် တိုင်ပင်ဆွေးနွေးပါ။
#မနီတိုဘာပြည်နယ် #အကန်သက်မဲ့အလုပ်ခွင့်ပြုမိန့် #ပြည်သူ့မူဝါဒ #ကနေဒါလူဝင်မှု #ပြည်နယ်အမည်စာရင်းတင်သွင်းမှု #ဥပဒေရေးရာအသိပညာ #ကနေဒါအလုပ်ခွင့်ပြုမိန့် #ကနေဒါရွှေ့ပြောင်းနေထိုင်မှု

08/13/2026

အွန်တာရီယိုပြည်နယ်၊ တရားမဝင်နေထိုင်သူများအတွက် လူမှုဖူလှုံရေးထောက်ပံ့ကူညီငွေများ ချက်ချင်းရပ်ဆိုင်း။
၂၀၂၆ ခုနှစ် ဩဂုတ်လ ၁၃ ရက်နေ့တွင် အွန်တာရီယိုပြည်နယ်အစိုးရက ကနေဒါနိုင်ငံတွင် တရားဝင်နေထိုင်ခွင့်မရှိသူများနှင့် ယာယီနေထိုင်ခွင့်ရှိသူများအတွက် လူမှုကူညီငွေ (social assistance) ပေးအပ်ခြင်းကို ချက်ချင်းရပ်ဆိုင်းကြောင်း ကြေညာခဲ့သည်။
အောက်ပါသူများသည် Ontario Works (OW) နှင့် Ontario Disability Support Program (ODSP) တို့မှ လူမှုဖူလှုံရေးထောက်ပံ့ကူညီငွေ မရရှိတော့ပါ။😢
၁။ 🇨🇦 ကနေဒါနိုင်ငံတွင် တရားမဝင်နေထိုင်သူများ (Individuals who are in Canada illegally)
၂။ 🇨🇦 ကနေဒါနိုင်ငံတွင် ယာယီနေထိုင်ခွင့်ရှိသူများ (Individuals authorized to remain in Canada on a temporary basis) ဥပမာ -
❌ကျောင်းသားဗီဇာ (student visa)
❌အလုပ်ခွင့်ပြုမိန့် (work permit)
❌ဧည့်သည်ဗီဇာ သို့မဟုတ် ခရီးသွားဗီဇာ (visitor or tourist visa)
ပြောင်းလဲမှု၏ နောက်ခံအကြောင်းရင်း…
အွန်တာရီယိုပြည်နယ် လူမှုဖူလှုံရေးနှင့်ထောက်ပံ့ရေးဆိုင်ရာ ခုံရုံး (Ontario Social Benefits Tribunal) ၏ ဆုံးဖြတ်ချက်တစ်ရပ်အရ 🇨🇦 ကနေဒါတွင် တရားမဝင်နေထိုင်သူတစ်ဦးသည် Ontario Works မှ လူမှုကူညီငွေ ရရှိခွင့်ရှိကြောင်း စီရင်ခဲ့သည်။ ထိုဆုံးဖြတ်ချက်ကို တုံ့ပြန်သည့်အနေဖြင့် ပြည်နယ်အစိုးရက ယခုကဲ့သို့ စည်းမျဉ်းများကို ချက်ချင်းပြင်ဆင်ခဲ့ခြင်းဖြစ်သည်။
ဝန်ကြီးချုပ် Doug Ford က "ကျွန်ုပ်တို့၏ အစိုးရသည် အခက်အခဲကြုံနေရသူများကို အမြဲကူညီသွားမည်ဖြစ်သော်လည်း ၎င်းတွင် ကနေဒါနိုင်ငံတွင် တရားမဝင်နေထိုင်သူများ မပါဝင်ပါ" ဟု ပြောကြားခဲ့သည်။

07/21/2026

🇨🇦 ကနေဒါလူဝင်မှုကြီးကြပ်ရေးရဲ့ အတိုင်းထပ်အလွန် နှောင့်နှေးမှုများနှင့် လဝက ဝန်ကြီး၏အာဏာကို စိန်ခေါ်ရန် ⚖️ တရားရုံးဆုံးဖြတ်ချက်က တံခါးဖွင့်ပေးလိုက်တဲ့အမှု။ စိတ်ဝင်စားရင်ဆက်ဖတ်ကြည့်ပါ။
လူဝင်မှုကြီးကြပ်ရေးဝန်ကြီး၏ မူဝါဒဆိုင်ရာ ဆုံးဖြတ်ချက်များကြောင့် ဖြစ်ပေါ်လာသော လဝက လျှောက်လွှာများ အတိုင်းထပ်အလွန် နှောင့်နှေးကြ့ကြာမှုကို မခံစားနိုင်လို့ တရားရုံးတတ်ပြီး စိန်ခေါ်ခဲ့ပြီး ဖက်ဒရယ်တရားရုံးက အနိုင်ပေးခဲ့တဲ့အမှု။
⚖️ အမှုအကြောင်းအရာကဒီလို။
ယူဒိုင်း (Yu Dai) သည် အိမ်အကူ ကလေးထိန်းဝန်ဆောင်မှုလုပ်ငန်းအစီအစဉ် (home child-care provider program) အောက်တွင် အမြဲတမ်းနေထိုင်ခွင့် လျှောက်ထားခဲ့သူဖြစ်သည်။
၂၀၂၂ ခုနှစ် ဇန်နဝါရီလတွင် လျှောက်ထားခဲ့ပြီး ၄၂ လကျော် စောင့်ဆိုင်းခဲ့ရသည်။
၂၀၂၅ ခုနှစ် ဇွန်လတွင် လုပ်ဆောင်ချိန် ၂၃ လဟု ခန့်မှန်းခဲ့သော်လည်း ၂၀၂၆ ခုနှစ် မေလတွင် နောက်ထပ် ၃၉ လ ထပ်မံစောင့်ဆိုင်းရမည်ဟု အသိပေးခံရသည်။
စုစုပေါင်း ၇၉ လ (၆ နှစ်ကျော်) ကြာမြင့်မည့် အခြေအနေဖြစ်နေပါသည်။
🇨🇦 အစိုးရဘက်က ဒီနှောင့်နှေးမှုအတွက် ၂၀၂၅ ခုနှစ်က ထုတ်ပြန်ခဲ့တဲ့ ဝန်ကြီး၏ လမ်းညွှန်ချက်မူဝါဒသစ် (Ministerial Instructions) တွေကို အကြောင်းပြခဲ့ပါတယ်။ ဒါပေမယ့် တရားသူကြီး မိုက်ကယ် ဘာတစ်စတာ (Michael Battista) က ဝန်ကြီးရဲ့ လမ်းညွှန်ချက်တွေဟာ မူဝါဒအဟောင်းကို ရုပ်သိမ်းလိုက်ပေမယ့် အစားထိုးမယ့် မူဝါဒအသစ် မရှိဘဲ 'မူဝါဒလစ်ဟာမှု (processing policy vacuum)' ကို ဖန်တီးခဲ့တယ်လို့ ထောက်ပြခဲ့ပါတယ်။
.
⚖️ တရားရုံး၏ အဓိကဆုံးဖြတ်ချက်။
တရားသူကြီး မိုက်ကယ် ဘာတစ်စတာ (Michael Battista) က ဝန်ကြီး၏ လမ်းညွှန်ချက်များသည် "ပွင့်လင်းမြင်သာပြီး ကြိုးကြောင်းဆီလျော်သော အကြောင်းပြချက် (transparent and intelligible justification)" မရှိဘဲ လျောက်လွှာလုပ်ဆောင်ချိန်ကို အဓိပ္ပာယ်မဲ့စွာဖြင့် နှောင့်နှေးစေသည်ဟု ဆုံးဖြတ်ခဲ့သည်။
🇨🇦 IRCC ဝန်ကြီးတွင် ဦးစားပေးသတ်မှတ်ရန် ဥပဒေဆိုင်ရာ အခွင့်အာဏာရှိသော်လည်း လျှောက်လွှာများ နှောင့်နှေးမှုအတွက် "ပွင့်လင်းမြင်သာပြီး ကြိုးကြောင်းဆီလျော်သော အကြောင်းပြချက်" ပေးရန် တာဝန်ရှိသည်။
🇨🇦 ဝန်ကြီး၏ လမ်းညွှန်ချက်ကို အကောင်အထည်ဖော်သည်နှင့် ကျိုးကြောင်းဆီလျော်မှုရှိပြီး နှောင့်နှေးမှုကို အကြောင်းပြနိုင်သည်ဟု မဆိုလိုနိုင်ပါ။
🇨🇦 ဝန်ကြီး၏ ဒီဇင်ဘာလရဲ့ လမ်းညွှန်ချက်မူဝါဒတွင် ပွင့်လင်းမြင်သာသော လုပ်ဆောင်မှုဆိုင်ရာမူဝါဒတွေ မပါဝင်ဘဲ "မူဝါဒရဲ့ လစ်ဟာမှု (processing vacuum)" ကို ဖန်တီးခဲ့သည်ဟုထောက်ပြခဲ့ပါတယ်။
ဤအမှုရဲ့ သခန်းစာက တော့...
ဤဆုံးဖြတ်ချက်သည် အနာဂတ်အမှုများအတွက် ရှေ့ပြေးဖြစ်လာနိုင်ပြီးအလားတူအခြေအနေမျိုးရှိ လျှောက်ထားသူများအတွက် တရားရေးဆိုင်ရာ လမ်းကြောင်းကို ဖွင့်လှစ်ပေးလိုက်တာပါပဲ။
အတိုင်းထပ်အလွန် ပုံမှန်မဟုတ်သော နှောင့်နှေးမှုများကို စိန်ခေါ်နိုင်သည်ဆိုတာပါပဲ။
လျှောက်ထားသူများသည် ကျိုးကြောင်းမဲ့သော နှောင့်နှေးမှုများအတွက် ⚖️ ဖက်ဒရယ်တရားရုံးသို့ လျှောက်ထားနိုင်သည်ကိုသတိချပ်ပါ။
⚠️ ဤအချက်အလက်များသည် ဥပဒေအသိပညာပေးသာဖြစ်ပြီး ဥပဒေအကြံပြုချက် ❌ (legal advice) ❌ မဟုတ်ပါ။
⚠️ သင့်ကိုယ်ရေးကိုယ်တာအခြေအနေအတွက် လူဝင်မှုကြီးကြပ်ရေးဆိုင်ရာ ရှေ့နေ သို့မဟုတ် လိုင်စင်ရ ကနေဒါလူဝင်မှုကြီးကြပ်ရေးအတိုင်ပင်ခံ (RCIC) နှင့် တိုင်ပင်ဆွေးနွေးပါ။

07/17/2026

🇨🇦 ကနေဒါအစိုးရမှ မိဘနှင့် အဘိုးအဘွားများ ပံ့ပိုးကူညီမှုအစီအစဉ် (PGP) ကို ယာယီရပ်ဆိုင်း။
🇨🇦 ကနေဒါလူဝင်မှုကြီးကြပ်ရေးဌာန (IRCC) သည် ၂၀၂၆ ခုနှစ် ဇူလိုင်လ ၁၅ ရက်နေ့မှ စတင်၍ မိဘနှင့် အဘိုးအဘွားများ စပွန်ဆာလုပ်ခေါ်ယူတဲ့အစီအစဉ် (Parents and Grandparents Program - PGP) အတွက် လျှောက်လွှာအသစ်များကို ယာယီရပ်ဆိုင်းလိုက်သည်။
လက်ရှိအခြေအနေ
🔴 PGP သို့ လျှောက်လွှာအသစ်များ လက်မခံတော့ပါ။
👉 စိတ်ပါဝင်စားမှုဖောင်များ (interest to sponsor forms) နှင့် ဖိတ်ကြားချက်များ (invitations) ကိုလည်း ထပ်မံထုတ်ပြန်ခြင်း မရှိတော့ပါ။
👉 ယာယီရပ်ဆိုင်းခြင်းဖြစ်သော်လည်း ပြန်လည်ဖွင့်လှစ်မည့်ရက်ကို အတိအကျ ကြေညာထားခြင်းမရှိသေးပါ။
🟢 သို့သော် လက်ရှိ လုပ်ဆောင်ဆဲ လျှောက်လွှာများကိုမူ ဆက်လက်ဆောင်ရွက်ပေးသွားမည်။
📢 အခြားရွေးချယ်စရာလမ်းကြောင်းကတော့ စူပါဗီဇာ (Super Visa)
🔥 မိဘနှင့် အဘိုးအဘွားများသည် စူပါဗီဇာ ဖြင့် ကနေဒါသို့ လာရောက်နိုင်ပါသေးသည်။
🔥 တစ်ကြိမ်လျှင် ၅ နှစ် နေထိုင်ခွင့်ရှိပြီး 🇨🇦 ကနေဒါအတွင်း၌ပင် ၂ နှစ် ထပ်မံတိုးမြှင့်နိုင်သည်။
🔥 PGP ကဲ့သို့ အမြဲတမ်းနေထိုင်ခွင့် မဟုတ်သော်လည်း မိသားစုပြန်လည်ဆုံဆည်းရေးအတွက် လက်ရှိတွင် အကောင်းဆုံးရွေးချယ်မှုတစ်ခုဖြစ်သည်။
🔥 စူပါဗီဇာသည် 🇨🇦 အမြဲတမ်းနေထိုင်ခွင့်မဟုတ်သော်လည်း ရေရှည်နေထိုင်ရန် ထိရောက်သော ရွေးချယ်မှုတစ်ခုဖြစ်သည်။
⚠️ ဤအချက်အလက်များသည် သတင်းအခြေခံသာဖြစ်ပြီး ဥပဒေအကြံပြုချက် (legal advice) မဟုတ်ပါ။
⚠️လူဝင်မှုကြီးကြပ်ရေးဆိုင်ရာကိစ္စရပ်များအတွက် ရှေ့နေ သို့မဟုတ် လိုင်စင်ရ ကနေဒါလူဝင်မှုကြီးကြပ်ရေးအတိုင်ပင်ခံ (RCIC) နှင့် တိုင်ပင်ဆွေးနွေးပါ။

07/16/2026

🚨ဂျူလိုင် ၁၄ ရက့်နေကပဲ နိုဗာစကိုရှီးယားပြည်နယ် အမည်စာရင်းတင်သွင်းသူအစီအစဉ် (NSNP) နှင့် အတ္တလန္တိတ်လူဝင်မှုအစီအစဉ် (AIP) ၂၀၂၆ ခုနှစ် ဦးစားပေးရွေးချယ်မှုအချက်များကို တစ်ကြိမ်တည်းသော တိုးချဲ့မှု (one-time expansion)စနစ်ဖြင် ထုတ်ပြန်။🚨
နိုဗာစကိုရှီးယားပြည်နယ်သည် လက်ရှိ လုပ်သားဈေးကွက်လိုအပ်ချက်များနှင့် ရရှိနိုင်သော အမည်စာရင်းတင်သွင်းခွင့်နေရာများနှင့် ကိုက်ညီစေရန် ၎င်း၏ လူဝင်မှုကြီးကြပ်ရေး ရွေးချယ်မှုဦးစားပေးအချက်များကို တစ်ကြိမ်တည်းသော တိုးချဲ့မှု (one-time expansion) အောက်ပါအတိုင်း အကောင်အထည်ဖော်ဆောင်ရွက်လျက်ရှိသည်။
နိုဗာစကိုရှီးယားပြည်နယ်သည် အောက်ပါအုပ်စုများမှ စိတ်ပါဝင်စားမှုကြေညာချက် (EOI) များကို ထည့်သွင်းစဉ်းစားမည်ဖြစ်သည်-
အရည်အချင်းပြည့်မီသူများ။
👉 ၁. ၂၀၂၆ ခုနှစ် ဇွန်လ ၃၀ ရက်နေ့ သို့မဟုတ် ထို့ထက်စောသော ရက်တွင် EOI တင်သွင်းပြီးသူများ။
👉 ၂. ၂၀၂၆ ခုနှစ် သို့မဟုတ် ထို့ထက်စော၍ အလုပ်ခွင့်ပြုမိန့် (Work Permit) သက်တမ်းကုန်ဆုံးမည့်သူများ။
👉 ၃. အောက်ပါသတ်မှတ်ချက်များအနက် တစ်ခု သို့မဟုတ် တစ်ခုထက်ပို၍ ပြည့်မီသူများ-
✅ နိုဗာစကိုရှီးယား၏ အဓိကကဏ္ဍများ (ပရော်ဖက်ရှင်နယ်နှင့် သိပ္ပံ၊ ကုန်ထုတ်လုပ်ငန်း၊ ဆောက်လုပ်ရေး၊ ကျန်းမာရေးနှင့် လူမှုဝန်ဆောင်မှု၊ သဘာဝအရင်းအမြစ်၊ စိုက်ပျိုးရေး၊ သယ်ယူပို့ဆောင်ရေး) တွင် TEER 0-4 အလုပ်အကိုင်တွင် လုပ်ကိုင်နေသူများ။
✅ နိုဗာစကိုရှီးယားရှိ အသိအမှတ်ပြုပညာရေးအဖွဲ့အစည်းမှ ဘွဲ့ရပြီး TEER 0-5 အလုပ်အကိုင်တွင် လုပ်ကိုင်နေသူ
✅ Halifax ဒေသမြို့တော်အုပ်ချုပ်ရေးနယ်မြေ (HRM) အပြင်ဘက်ရှိ အသိုင်းအဝိုင်းတွင် နေထိုင်ပြီး TEER 0-5 အလုပ်အကိုင်တွင် လုပ်ကိုင်နေသူများ။
✅ အရောင်းနှင့် ဝန်ဆောင်မှုလုပ်ငန်း (TEER 0-2) တွင် တစ်နာရီလျှင် အနည်းဆုံး ဒေါ်လာ ၂၀ ရရှိသူများ။
✅ နိုဗာစကိုရှီးယားတွင် မည်သည့်အလုပ်အကိုင်၌မဆို တစ်နာရီလျှင် အနည်းဆုံး ဒေါ်လာ ၂၇ ရရှိသူများ။
📌 နိုင်ငံတကာမှ စုဆောင်းမှုအစီစဉ်များအတွက် ဦးစားပေးကဏ္ဍများမှာတော့
📌 ကျန်းမာရေးစောင့်ရှောက်မှုဆိုင်ရာ အလုပ်အကိုင်များ။
📌 ကျွမ်းကျင်လက်မှုပညာသည်များ။ (Skilled Trades)
📌 နိုဗာစကိုရှီးယားအသိုင်းအဝိုင်းများတွင် အရေးပါသော ဝန်ဆောင်မှုများ ပေးအပ်သည့် ရွေးချယ်ထားသော အလုပ်အကိုင်များ အဖြစ်ဆက်လက်ရှိနေဦးမည်ဖြစ်သည်။
⚠️ အရေးကြီးနားလည်ရမည့်အချက်များမှာတော့...
၁။ အရည်အချင်းပြည့်မီရုံဖြင့် ရွေးချယ်ခံရမည်ဟု အာမခံချက်မရှိ။
၂။ ဦးစားပေးအချက်များသည် အချိန်နှင့်အမျှ ပြောင်းလဲနိုင်။
၃။ ရွေးချယ်ခံရသူများကို တိုက်ရိုက်ဆက်သွယ်မည်။
၄။ ဤသည်မှာ တစ်ကြိမ်တည်းသော တိုးချဲ့မှုဖြစ်သည်။
⚠️ ဤအချက်အလက်များသည် သတင်းအခြေခံသာဖြစ်ပြီး ဥပဒေအကြံပြုချက် (legal advice) မဟုတ်ပါ။
⚠️သင့်ကိုယ်ရေးကိုယ်တာအခြေအနေအတွက် လူဝင်မှုကြီးကြပ်ရေးဆိုင်ရာ ရှေ့နေ သို့မဟုတ် အသိအမှတ်ပြု ကနေဒါလူဝင်မှုကြီးကြပ်ရေးအတိုင်ပင်ခံ (RCIC) နှင့် တိုင်ပင်ဆွေးနွေးပါ။

07/15/2026