Aktevervaardiger
Anita Janse van Rensburg is die eiendomspesialis van die firma, ‘n toegelate prokureur, notaris en aktevervaardiger met 12 jaar ondervinding. Sy is welbekend in die eiendomsmark in Stellenbosch met ‘n rotsvas reputasie wanneer dit kom by die lewering van ‘n professionele diens van hoogstaande gehalte gerig op uitstekende en vriendelike kliëntediens om die ervaring so gerieflik e
n deursigtig as moontlik vir elke individuele kliënt te maak. Sy hanteer die registrasie van deeltitel en konvensionele oordragte, die registrasie van konvensionele en deelverbande, notariële dekkingsverbande, onderverdelings en konsolidasie aansoeke, die opening van deeltitelregisters en die opstel van eiendomsverwante ooreenkomste. Ons firma se besigheidsetiek het dit nog altyd ten doel gestel om kliënte verhoudings te bou wat nie net vir die duur van een enkele transaksie sal hou nie, maar wat ‘n kliënt sal noop om weer en weer terug te kom omdat hy of sy verseker is dat sy belange hoog op prys gestel word en dat ons uit ons pad sal gaan om sy transaksie keer op keer so glad as moontlik te laat verloop. Notaris
Aangesien ons ook van hulp kan wees waar voornemende egpare hul huwelik wil beheer deur ‘n huweliksvoorwaarde kontrak te sluit, sal Anita Janse van Rensburg, ‘n gekwalifiseerde notaris u ook hierin effektief kan bystaan. Sy bly op hoogte ten opsigte van die nuutste ontwikkelings in die huweliksgoederereg, en is daarom in ‘n uiters bekwame posisie om aan ‘n voornemende egpaar die nuutste advies te gee. Natuurlik kan ons u net so effektief kan bystaan om ‘n na-huwelikse kontrak te registreer, wanneer daar ‘n oorsig was toe die kontrak oorspronklik gesluit moes gewees het. Ons firma kan ook oorspronklike dokumente soos universiteitskwalifikasies, diploma’s en regsdokumente notarieel sertifiseer soos benodig vir registrasie op verskeie rade, asook die apostille verkry vir gebruik in die buiteland. Diverse dienste
Ons firma spits hom wel toe op bogenoemde aangeleenthede, maar ons is altyd meer as bereid om op alle vlakke diens te lewer, selfs al sou dit beteken ons moet dieper delf of nog opinies inwin om aan ‘n klient so ‘n wyd as moontlike oplossing vir sy probleem te bied. Soveel Suid Afrikaners sterf sonder testamente, en ‘n testament kan so‘n eenvoudige dokument wees wat die moeilike tyd na afsterwe van ‘n geliefde vir die naasbestaandes kan vergemaklik. Ons firma kan u bystaan in die opstel van ‘n testament en met algemene boedelbeplanning en die administrasie van die boedel na afsterwe van die testateur of testatrise. Die oprigting van trusts, hetsy inter vivos of testamentêr, deur die aansoek by die Meester in te dien met al die ondersteunende dokumente tot uitreik van die trustees se magtigingsbrief. Aangesien dit die veilige en wyse keuse is om besigheidstransaksies sover moontlik met dokumentere bewyse te staaf, is dit uiters belangrik dat die kontrakte en ooreenkomste deur ‘n prokureur met ondervinding in daardie area van die reg opgestel word. Ons staan u by vanaf die vorming van die maatskappy, opstel van aandeleooreenkomste tot die intrinsieke kompleksiteit van enige kontrak, hetsy die koop en verkoop van goedere tot die optrek van ‘n dienskontrak vir werknemers. As gevolg van Anita se wye ondervinding wat sy deur jare in die praktyk opgedoen het, sal sy altyd eerlike advies kan gee wat dienooreenkomsitg ‘n klient moontlik baie geld kan spaar omdat sy eerder sal adviseer om nie regsaksie te neem as om onnodige uitgawes aan te gaan vir ‘n aangeleentheid wat geen redelike kans op sukses het nie.
