23/09/2026
‼️Slaggate om te vermy tydens dissiplinêre optrede‼️
Baie werkgewers beland in warm water nie oor 'n werknemer se oortreding nie, maar oor hoe die proses hanteer is.
Hier is 'n paar algemene slaggate waarop jy moet let:
⚠️ Geen behoorlike kennisgewing nie – 'n werknemer moet vooraf skriftelik in kennis gestel word van die aanklag(te), datum, tyd en plek van die verhoor.
⚠️ Onvoldoende ondersoek – Moenie voorbarige aannames maak nie. Doen eers 'n deeglike, regverdige ondersoek voordat enige aksie geneem word.
⚠️ Onkonsekwente toepassing – As een werknemer gewaarsku word vir 'n oortreding, maar 'n ander summier ontslaan word vir dieselfde oortreding, kan dit as onbillik beskou word.
⚠️ Geen kans om te reageer nie – Elke werknemer het die reg om hul kant van die saak te stel voor 'n besluit geneem word.
⚠️ Verkeerde voorsitter – Die persoon wat die verhoor voorsit, moet nie bevooroordeeld wees en of self by die voorval betrokke gewees het nie.
⚠️ Onvoldoende dokumentasie – Sonder skriftelike bewyse (waarskuwings, notules, getuienis) staar 'n werkgewer verskeie uitdagings in die gesig by die CCMA.
⚠️ Verkeerde sanksie vir die oortreding – Die strafmaatreël moet in verhouding tot die erns van die oortreding wees – nie te swaar, nie te lig nie.
💡 Onthou: 'n Regverdige proses beskerm nie net die werknemer nie – dit beskerm ook die werkgewer teen duur en tydrowende CCMA-geskille.
Kontak Labour Excelsis vandag nog vir deskundige leiding en ondersteuning met jou dissiplinêre prosesse. 📞
👇 Watter van hierdie slaggate het julle al self teëgekom, of wat wonder julle meer oor? Deel gerus julle ervaring of vrae hieronder!
