10/14/2025
2025 წლის 29 სექტემბერს, აშშ-ის ტრანსპორტის დეპარტამენტმა (DOT) და ფედერალურმა საავტომობილო გადაზიდვების უსაფრთხოების ადმინისტრაციამ (FMCSA) გამოაცხადეს ახალი წესი, რომელიც დაუყოვნებლად ცვლის კონკრეტული იმიგრანტებისთვის CDL (კომერციული მძღოლის ლიცენზიის) და CLP (სასწავლო ნებართვის) გაცემის წესებს. ეს ცვლილება ეხება ბევრ ემიგრანტ მძღოლს და უკვე ძალაშია.
🔴მთავარი ცვლილებები, რაც უნდა იცოდეთ:
მხოლოდ იმ პირებს, ვინც იმყოფებიან კონკრეტულ სამუშაო ვიზებზე, შეუძლიათ CDL ან CLP-ის აღება ან განახლება. ასეთებია ვიზებია მაგალითად: H-1B, L-1, O-1, E-2, H-2A და H-2B.
🔴თუ თქვენ გაქვთ მხოლოდ სამუშაო უფლება (EAD) კონკრეტული მიმდინარე აპლიკაციის ფარგლებში — მაგალითად, ხართ თავშესაფრის მაძიებელი, DACA-ის ბენეფიციარი, TPS-ის მქონე ან მწვანე ბარათზე განაცხადის პროცესში — თქვენ ვეღარ შეძლებთ CDL ან CLP-ის აღებას ან განახლებას.
🔴მწვანე ბარათის მფლობელებს (მუდმივი ბინადრები) ეს წესი არ ეხებათ.
🔴CDL/CLP-ის მისაღებად ან გასაახლებლად, იმიგრანტმა მძღოლებმა უნდა წარადგინონ: ეროვნული პასპორტი, და მოქმედი I-94 ფორმა, რომელიც აჩვენებს, რომ იმყოფებიან ზემოთ ჩამოთვლილ რომელიმე ვიზის კატეგორიაში.
🔴შტატები ვალდებული არიან შეაჩერონ CDL/CLP-ის გაცემისა და განახლების პროცესი იმიგრანტებისთვი, სანამ მძღოლები სრულად არ დააკმაყოფილებენ ახალი წესების მოთხოვნებს.
🔴შტატებს ევალებათ, რომ CDL/CLP-ის გაცემამდე შეამოწმონ მძღოლების საიმიგრაციო სტატუსი ე.წ. SAVE სისტემაში.
🔴CDL ან CLP-ის ვადა ახლა უნდა ემთხვეოდეს I-94 ფორმის ვადას, ან იყოს მაქსიმუმ 1 წელი, რომელიც უფრო ადრე გადის.
