Lawyer Kamalelden Ayad

Lawyer Kamalelden Ayad هذه صفحه خاصه بأعمال المحاماه والقانون واي استشارات قا

07/11/2026

مدد الحبس الاحتياطي وسلطة التجديد وفقًا لقانون الإجراءات الجنائية
يُعد الحبس الاحتياطي إجراءً احترازيًا استثنائيًا ومسؤولية جسيمة، وقد نظم المشرع المصري مدده وسلطات التجديد بتدرج دقيق على النحو الآتي:
📌 أولًا: النيابة العامة
تملك النيابة العامة إصدار أمر بحبس المتهم 4 أيام على ذمة التحقيق من تاريخ القبض عليه أو تسليمه إليها.
كما تملك النيابة الكلية (بدرجة رئيس نيابة) سلطة مد الحبس لمدة 15 يومًا مجتمعة أو متفرقة.
📌 ثانيًا: القاضي الجزئي
إذا انتهت مدة النيابة العامة واقتضت مصلحة التحقيق استمرار الحبس، يُعرض المتهم على القاضي الجزئي.
يجوز له تجديد الحبس مددًا متعاقبة، بحيث لا تزيد كل مدة على 15 يومًا، وبحد أقصى 45 يومًا إجمالاً.
📌 ثالثًا: محكمة الجنح المستأنفة (منعقدة في غرفة المشورة)
إذا استمرت الحاجة للحبس بعد الـ 45 يومًا الأولى، تختص المحكمة بالتجديد في كل مرة لمدة لا تجاوز 45 يومًا متتالية، ما لم تكن القضية قد أحيلت للمحكمة المختصة بنظر الموضوع.
📌 الحد الأقصى للحبس الاحتياطي (المادة 143 إجراءات جنائية):
لا يجوز أن تزيد مدة الحبس الاحتياطي في مرحلة التحقيق الابتدائي وسائر مراحل الدعوى الجنائية على:
6 أشهر في الجنح.
18 شهرًا في الجنايات.
سنتين (24 شهرًا) إذا كانت العقوبة المقررة للجريمة هي السجن المؤبد أو الإعدام.
⚖️ الأساس القانوني: المواد 134، 136، 142، 143، و 202 من القانون .

05/24/2026

قهوتك وركز شويه 💪💪💪💪

🔮 العفو الرئاسى وعفو نصف وثلث المدة :
ركزوا معايا يعني أيه الاستعلام عن تاريخ الإفراج لمسجون؟
يعني حضرتك تروح السجن اللى تابع له المسجون وتقوله عايز أعمل استعلام رسمى عن تاريخ افراجه ، الاستعلام بيكون مكتوب فيه تاريخ دخول المسجون وتاريخ خروج المسجون وميعاد العفو اللى هيتعرض فيه ، وكمان إيه الورق الناقص من الملف والمفروض يكمل اد إيه عشان العفو ، بدل ما تقعد تسأل المادة دى بكام شهر؟
الاستعلام ده هيوضحلك كل حاجة.

🔫 طريقة تقديم طلب العفو الرئاسة :-

١- التقديم في لجنة العفو الرئاسي :-
العنوان / ٥٧ شارع مصدق الدور السادس
هتقول عاوز اقدم في العفو ، هيديلك استماره تملاها وتمشي.
● مش مطلوب أى ورق خالص.
● خد معاك رقم القضية فقط.
عن طريق مترو الانفاق اتجاه الجيزة او التحرير :-
● أنزل محطة مترو البحوث .
● واسأل عن شارع مصدق.
وفي شارع مصدق اسأل عن رقم ٥٧
● واطلع الدور السادس.
٢- التقديم للمحكوم عليهم حضوري فقط:-
🖍️ التحقيق ممكن ياخد افراج في أى وقت.
الغيابى بمجرد ما يعمل إعادة إجراءات بيلغى الحكم.
المختفى لا هو محكوم عليه ياخد عفو ولا هو تحقيق مستني افراج ، ده منتظر رحمة ربنا بيه وبأهله، او ترفع قضية في مجلس الدولة، ربنا يرده سالم لبيته.
٣- المحبوس احتياطي ميقدمش ، لان البيانات بتنزل علي السيستم، ولو رحت تقدم قبل الحكم هيرفض ياخد منك الطلب ، خليك بعد الحكم افضل.
والسجناء السياسيين ليهم وضع خاص ولجنة خاصة.
٤- لا يشترط قضاء مده معينة من العقوبة حتى تتقدم بطلب عفو.
٥- لا يشترط وجود صفه في تقديم طلب العفو .
٦- التقديم بيتم مره واحده فقط.
٧- لكل من قدّم في العفو الرئاسي ولم يحظي به، ووجد بالكشف من في ذاته موقفه أو أسوأ من موقفه، أن يتظلم لرئيس الجمهورية، ويطعن أمام مجلس الدولة.
أسئلة متعلقة بالعفو عن المسجونين:

س/ هو انا لازم اقدم على العفو ولا السجن بيراجع من نفسه؟
ج/ بيتم تشكيل لجنة قانونية من الإدارة العامة لمصلحة السجون، تقوم بفحص ملفات نزلاء السجون، في إطار قانون لتحديد مستحقي الإفراج بالعفو عن باقي مدة العقوبة، أو الإفراج الشرطي
س/ يعني ايه؟
ج/ يعني السجون بتراجع ملفات النزلاء وبترسل ملفات من يستحقون العفو لمصلحة السجون للبت في امرهم، لكن للسرعه وعشان عدد المسجونين مش قليل " يفضل " تسعى بنفسك وتقدم طلب العفو بنفسك.
س / العفو بعد اد ايه؟
ج / العفو بعد تلت المدة لو حكمك سنه، العفو بعد ٤ شهور ولو حكمك ٥ سنين، العفو بعد ٢٠ شهر.
س / يعني ايه نص المدة ؟
ج / نص المدة اسمها الافراج الشرطي يعني تقضي نص المدة مسجون، والنص التاني بتخرج بتروح تمضي في قسم الشرطه مرة كل اسبوع.
س / مش فاهم قصدك؟
ج/ حاضر هفهمك
لو مسجون حكمه ١٠ سنين وهيخرج نص المدة " افراج شرطي " يبقى هيقضي ه سنين كوامل يعني ٦٠ شهر محبوس، وبعدها يخرج ويروح القسم كل اسبوع يمضي مرة.
س/ العفو والافراج الشرطي لاي حد؟
ج / لأي حد لكن فيه شروط حسن السير والسلوك وموافقة الامن على خروجه.
س / ايه شروط العفو ؟
ج / الشروط الواجبة لتنفيذ قرارات العفو، سواء عن تلت المدة أو الافراج الشرطى هى: يجب أن يتوافر فى النزيل شرط إتمام تلت المدة " للعفو "
و شرط اتمام نصف المدة " للإفراج الشرطي " فى يوم تنفيذ العفو بالإضافة إلى حسن السير والسلوك. بالاضافة لسداده لكافة الالتزامات الماليه الوارة على الحكم زى التعويضات والمصاريف الجنائية
س / بس بيقولو فيه قضايا ملهاش عفو ؟
ج / صح فيه قضايا ملهاش عفو بس لها افراج شرطي
س / يعني ايه ملهاش عفو بس ليها افراج شرطي ؟
ج / يعني تخرج باذن الله بعد نص المدة بدلا من تلت المدة
س / زي ايه القضايا دي ؟
ج / زي قضايا الاتجار فى السلاح
و قضايا المخدرات بضبطيات أكثر من ١٠ كيلو جرام
و قضايا " الهيروين" و قضايا الثأر
س/ هو حكم المؤبد ؟ او الأحكام المتعددة لشخص واحد ليهم عفو ؟
ج / أيوه ليهم عفو
1 . الحكم المؤبد العفو عنه بعد ٢٠ سنه
2 . إذا تعددت الأحكام يكون العفو بعد تلت المدة " من مجموع الأحكام "
س / هو ملف العفو اللى بيرجع من مصلحة السجون لازم يقعد ٦ شهور عشان يرجع تاني ؟
ج/ لا مش لازم ...مصلحة السجون بتكون محدده تاريخ رجوعه للفحص مرة اخري
ممكن بعد شهرين أو ٣ شهور و ممكن بعد ٦ شهور و ممكن اكتر من كده
س / هو العفو و الإفراج الشرطي لهم وقت محدد ؟
ج/ أيوه لهم وقت محدد في المناسبات الرسمية
س / ايه هي المناسبات الرسمية اللي فيها عفو ؟
ج/
🎇 عفو ٢٥ يناير
🎆 عفو ٢٤ ابريل
🎊 عفو عيد الفطر
🎄 عفو عيد الأضحي
🎉 عفو ٣٠ يونيه
🎈 عفو ٢٣ يوليو
🎋عفو ٦ اكتوبر
س / اقدم طلب العفو فين؟
ج / تقديم طلب العفو بيكون ف جهات كتير
ف مصلحة السجون
أو فى قصر عابدين بوابة رقم ٥
أو في مجلس النواب
أو فى مجلس الوزراء
ودى غير لجنة العفو الرئاسى الموجودة بالعنوان ٥٧ شارع مصدق محطة البحوث الجيزة بالدور السادس ودى خاصة بالعفو الرئاسى فقط غير العفو بتلت المدة ونص المدة
س / بس انا من محافظة بعيدة وصعب اروح القاهرة ؟
ج / ابعت طلب عفو با التلغراف أو بالفاكس
س / ابعت تلغراف او فاكس لمين بالظبط ؟
ج / الجهات التي يرسل إليها تظلم العفو عن مسجون
🌺 السيد / رئيس الجمهورية
🌺 السيد / النائب العام
🌺 السيد / رئيس مجلس الوزراء
🌺 السيد/ وزير الداخلية
🌺 السيد/ مدير مصلحة السجون
🌺 السيد / رئيس لجنة حقوق الانسان
🌺 السيد/ مدير إدارة الشكاوي بمجلس النواب
حضرتك هتروح سنترال كبير في محافظتك وهما عارفين الفاكسات والعناوين
حضرتك هتروح سنترال كبير في محافظتك وهما عارفين الفاكسات والعناوين
🌺 عنوان مصلحة السجون المصرية
🌺 مقر ديوان عام قطاع مصلحة السجون
5 شارع شنن المتفرع من شارع الجلاء بمنطقة القللي ، رمسيس ، في القاهرة
📠 أرقام مصلحة السجون
بيردوا علي أى استفسار أو سؤال يخص المسجونين من 8 صباحا حتي 3 مساءا
0225741871
٠٢٢٥٧٥٧٤٧٤
0225741871
0225742493
س / انا مش عارف اكتب صيغة للعفو عشان ابعتها
ج / اكتب اي صيغه مفيش صيغة محددة
س / طيب قول لي صيغه الطلب يكرمك ربنا ؟
ج / حاضر
بـــــســــم الـــــلَّٰـــــه الًـــرحــــمـــــٰـن الـــــــرحـــــــيــــم
معالى سيادة رئيس الجمهورية / ................
السيد رئيس الوزراء / دكتور مصطفى مدبولي
السيد وزير الداخلية / اللواء محمود توفيق
بعد اسمي آيات الاحترام والتقدير
نطلب من سيادتكم العفو عن
السجين / ........
الموجود بسجن / ................
والمحكوم عليه في قضية رقم ........ جنايات ..........
قسم ......... رقم ........ كلي .......
حيث حُكم عليه بقضاء .......... سنوات وقضى منها أكثر من نصف المدة .
وحيث أن سنه قد تجاوز ال ....... ، ويعاني من أمراض الشيخوخة وارتفاع ضغط الدم وضعف الجهاز المناعي وعدم القدرة على القيام بالأعمال البسيطة وبقاؤه في الحبس يشكل خطرا على حياته نظراً لتدهور حالته الصحية ، ولأن تكدس المساجين يعد صورة من صور التجمعات والزحام والذي يؤدي لتفشي ڤيروس كورونا المستجد والذي يودي بحياة كبار السن واصحاب المناعة الضعيفة
وإستمراراً لتطبيق أطر السياسة العقابية بمفهومها الحديث ، وتوفير أوجه الرعاية المختلفة لنزلاء السجون ، وتفعيل الدور التنفيذى لأساليب الإفراج عن المحكوم عليهم الذين تم تأهيلهم للإنخراط فى المجتمع.
🖍️ لذا........ نرجوا منكم النظر بعين الرأفة والرحمة واتخاذ القرار اللازم نحو العفو عن باقى المدة المحكوم عليه بها
وتفضلوا بقبول فائق الاحترام والتقدير
ولسيادتكم جزيل الشكر .
س/ هو اللي ورقه " لا قدر الله " بيترفض فى العفو بيرجع يتعرض تانى أمتي ؟
س / هو صحيح اللي ورقه " لا قدر الله " بيترفض ف العفو لازم يستني ٦ شهور كمان عشان يتعرض مره تانية ؟
ج/ اللي ورقه بيترفض فى اي عفو بيتكتبله فى الملف بتاعه تاريخ العرض التاني بيكون امتي
س/ يعني ايه ؟
ج/ يعني حضرتك تسأل فى السجن بتاعه هيقولك تاريخ سفر ملفه للعرض تاني مره
مش لازم يستني ٦ شهور عادي جدا ينزل تاني العفو اللي بعده كل المطلوب من حضرتك تعرف سبب الرفض وتحاول تعالجه وتعرف تاريخ العرض التاني امتي وده بيبقى ثابت فى الملف بتاعه فى السجن .
مشاركه علشان الكل يستفاد.

04/13/2026

قرار هيئة الأوقاف رقم 56 لسنة 2026
ــــــــــــــــــــــــــــــــ ــــــــــــــــــــــــ
نقلة قانونية في إدارة أموال الوقف وتمليك صغار المنتفعين

في إطار تطوير منظومة إدارة أموال وأعيان الوقف، صدر قرار هيئة الأوقاف المصرية رقم 56 لسنة 2026، والمنشور بالوقائع المصرية بتاريخ 4 فبراير 2026، والذي جاء بتعديل بعض أحكام اللائحة الخاصة بالاستبدال واستثمار أموال وأعيان الوقف الصادرة بالقرار رقم 1595 لسنة 2022.

ويُعد هذا القرار من أهم القرارات الحديثة التي تمس الواقع العملي للمستأجرين والمنتفعين بأراضي وأملاك الوقف.

أولاً: مضمون القرار
ــــــــــــــــــــــــــــــــ
نص القرار على تعديل بعض حالات الاستبدال بالممارسة، حيث أضاف حالات جديدة يجوز فيها
الاستبدال دون مزاد، أبرزها:

المساحات الصغيرة التي لا تصلح للاستثمار ولا يمكن طرحها بالمزاد

الأراضي المحبوسة أو شبه المحبوسة بما لا يزيد عن 300 متر

الأراضي الزراعية المتناثرة التي
لا تزيد عن 3 أفدنة

الأراضي المستخدمة للسكن
في القرى والعزب

الأراضي محل عقود التقنين

مع التأكيد على أن الاستبدال يكون بالقيمة السوقية العادلة وبما يحقق مصلحة الوقف الخيري

ثانياً: الأثر القانوني للقرار
ــــــــــــــــــــــــــــــــ ــــــــــــــــــــــــ
1- إباحة التملك المقنن
(بطريق الاستبدال)

رغم أن الأصل في أموال الوقف هو عدم البيع، إلا أن المشرّع أجاز الاستبدال لتحقيق مصلحة الوقف.

القرار فتح الباب عمليًا لـ:
ــــــــــــــــــــــــــــــــ ــــــــــــــــــــــــ
تمليك صغار المزارعين

تقنين أوضاع واضعي اليد

إنهاء مشكلات التفتت الزراعي

وهو ما يتفق مع السياسة التشريعية الحديثة التي تهدف للاستقرار الاجتماعي والاقتصادي

2- التحول من الإيجار إلى الملكية
ــــــــــــــــــــــــــــــــ ــــــــــــــــــــــــ
القرار يمثل تحولًا مهمًا من:

👉 نظام الإيجار السنوي
إلى
نظام التملك بضوابط قانونية

وهو ما يقلل النزاعات ويحقق استقرار المراكز القانونية.

3- التوسع في الاستبدال بالممارسة
ــــــــــــــــــــــــــــــــ ــــــــــــــــــــــــ
الأصل أن الاستبدال يتم بالمزاد، لكن القرار وسّع الاستثناء، وهو ما يعني:

✔ تبسيط الإجراءات
✔ سرعة إنهاء التعاقدات
✔ مراعاة الحالات الاجتماعية والواقعية

ثالثاً: الأساس القانوني للقرار
ــــــــــــــــــــــــــــــــ ــــــــــــــــــــــــ
صدر القرار استنادًا إلى:

القانون رقم 209 لسنة 2020 بشأن إعادة تنظيم هيئة الأوقاف المصرية

لائحة الاستبدال واستثمار أموال الوقف

القواعد العامة في القانون المدني بشأن التصرف في الأموال

رابعاً: موقف محكمة النقض
ــــــــــــــــــــــــــــــــ ــــــــــــــــــــــــ
استقرت أحكام محكمة النقض على مبادئ مهمة في هذا الشأن، منها:

🔹 أموال الوقف أموال مخصصة للمنفعة العامة ولا يجوز التصرف فيها إلا وفقًا للقانون

🔹 الاستبدال جائز إذا كان فيه مصلحة للوقف
(طعن نقض مستقر: العبرة بتحقيق مصلحة الوقف وليس الشكل الإجرائي فقط)

🔹 العقود الصادرة
عن جهة الوقف تخضع
لرقابة القضاء
بما يضمن عدم الإضرار
بحقوق الوقف أو المنتفعين

خامساً: قراءة عملية للقرار
ــــــــــــــــــــــــ ــــــــــــــــــــــــ
القرار في حقيقته “حل عملي”
لمشكلات مزمنة، أهمها:

تفتت الأراضي الزراعية
النزاعات بين المستأجرين وهيئة الأوقاف
صعوبة استغلال بعض الأعيان

وبالتالي:
ــــــــــــــــــــــــ
✔ أصبح من الممكن للمستأجر أن يتحول إلى مالك
✔ وأصبح التقنين هو القاعدة بدلًا من النزاع

تنبيه قانوني مهم
ــــــــــــــــــــــــــــــــ
رغم مزايا القرار، إلا
أن التطبيق العملي يتطلب:

وجود عقد تقنين صحيح

سداد القيمة السوقية

عدم الإضرار بباقي أعيان الوقف
(الري – الصرف – الحبس)

وإلا يكون القرار عرضة للطعن.

الخلاصة
ــــــــــــــــــــــــ
قرار هيئة الأوقاف
رقم 56 لسنة 2026 يمثل:

✔ تطور تشريعي مهم
✔ مرونة في إدارة أموال الوقف
✔ تحقيق التوازن بين مصلحة الوقف ومصلحة المنتفع

ولو اتطبق صح على أرض الواقع… هيحل مشاكل ناس كتير كانت عايشة بين الإيجار والخوف من الضياع!

لو عندك أرض أوقاف أو عقد إيجار… القرار ده يخصك بشكل مباشر
وممكن يغيّر وضعك القانوني بالكامل

شارك البوست

📌 مكتب 🏢 المستشار/ كمال الدين مصطفى عياد

Address

Arab, AL
35016

Telephone

+201112476240

Website

Alerts

Be the first to know and let us send you an email when Lawyer Kamalelden Ayad posts news and promotions. Your email address will not be used for any other purpose, and you can unsubscribe at any time.

Shortcuts

Share

Category