เว็บไซต์คืออะไร?

https://www.facebook.com/114565650537646/

Billionairs Vision

ข้อมูลการติดต่อ, แผนที่และเส้นทาง,แบบฟอร์มการติดต่อ,เวลาเปิดและปิด, การบริการ,การให้คะแนนความพอใจในการบริการ,รูปภาพทั้งหมด,วิดีโอทั้งหมดและข่าวสารจาก Billionairs Vision, กฎหมาย, Taling Chan.

19/08/2021

In a nutshell … Leadership theory developed by Paul Hersey and Ken Blanchard Effective leadership is task relevant and is most successful when adapted to the ‘maturity’ of the individual/group. Developed a Situational Leadership model of 4 distinct Leadership Styles based on the amount of dire...

02/05/2021

No Rules Rules โดย Reed Hastings CEO ของ Netflix และ Erin Meyer ผู้เขียน “The Culture Map” ได้ให้แง่คิดดีๆ แบบพาผู้นำทั่วโลกออกจากกรอบขนบการบริหารองค์กรแบบเดิมๆ ไปสู่โลกของการสร้างชุมชนของคนเก่งขั้นเทพด้วยวิธีคัดสรรคนเก่งและดูแลแบบที่คนเก่งชอบ ด้วยวัฒนธรรมแบบให้อิสระและสร้างความรับผิดชอบ โดยเครื่องมือชิ้นสำคัญที่ Netflix ใช้ในการรดน้ำพรวนดินวัฒนธรรมองค์กรแบบนี้คือระบบการ Feedback ที่ทรงประสิทธิภาพ

ในขณะที่หลายคนพยายามให้ Feedback ที่เป็นประโยชน์ แต่ลึกๆก็กลัวว่าจะทำร้ายอีกฝ่าย และกลัวสูญเสียความเป็นสมาชิกในทีมซึ่งต้องแลกมากับการที่ไม่ได้ผลลัพธ์ที่ดีที่สุดของมัน Reed Hasting กล่าวในหนังสือเล่มดังของเขาว่า “หากคุณกำลังส่งเสริมวัฒนธรรมแห่งความจริงใจในทีมคุณต้องกล้ากำจัดสิ่งที่ไม่เอาไหนออกไป หลายคนอาจคิดว่า คนๆนี้ยอดเยี่ยมมากเราขาดเขาไม่ได้ แต่หากมันเป็นเหตุให้คุณไม่สามารถสื่อสารกันแบบตรงๆได้ ต้นทุนของการมีคนๆนี้จะสูงเกินไป”

การให้ Feedback เป็นศิลปะที่ละเอียดอ่อน หนังสือ “No Rules Rules” ไม่เพียงชี้ให้เห็นถึงความยากในการนำไปใช้ แต่ยังให้แนวทางในการที่ Netflix พยายามจัดการกับงานศิลปะชิ้นนี้

4A Feedback ทั้งหมดนี้ได้ถูกสรุปมาเป็นรูปแบบ 4A ดังนี้

การให้ Feedback

Aim to assist

Feedback ต้องส่งออกไปด้วยเจตนาเชิงบวก การให้ Feedback ผู้อื่นเพื่อให้คุณหายข้องใจขึ้นและเจตนาทำร้ายอีกฝ่ายหรือส่งเสริมการเมืองในองค์กรเป็นสิ่งที่ยอมรับไม่ได้ อธิบายให้ชัดเจนคือว่า การเปลี่ยนแปลงพฤติกรรมครั้งนี้ เฉพาะเจาะจงจะช่วยบุคคลหรือบริษัทได้อย่างไร ไม่ใช่ว่าจะช่วยคุณได้อย่างไร การพูดว่า “วิธีที่คุณเอาแต่นั่งแคะขี้ฟันในการประชุมกับคู่ค้าของเรานั้นน่ารำคาญมาก” เป็น Feedback ที่ไม่ถูกต้อง ที่ถูกต้องน่าจะเป็น“ ถ้าคุณหยุดแคะฟันในการประชุมกับคู่ค้าของเรา พวกเขาก็จะมีแนวโน้มที่จะมองว่าคุณเป็นมืออาชีพมากขึ้นและเรามีแนวโน้มที่จะได้ความสัมพันธ์ที่แน่นแฟ้นขึ้น”

Actionable

ความคิดเห็นของคุณต้องมุ่งเน้นไปที่สิ่งที่ผู้รับสามารถนำไปสร้างความแตกต่างได้จริง Feedback ที่ไม่ถูกต้อง เช่น “การนำเสนอของคุณกำลังทำลายข้อความสำคัญของตัวเอง” ซึ่งที่ถูกต้องคือ “วิธีที่คุณขอข้อมูลจากทีมงานส่งผลให้มีบางคนให้ความร่วมมือ, มันน่าจะดีกว่าหากคุณสามารถหาวิธีอื่น เช่น ###. จะช่วยให้มีประสิทธิภาพมากขึ้น”

การรับ Feedback

Appreciate:

มนุษย์มีแนวโน้มจะปกป้องตัวเองหรือแก้ตัวเมื่อได้รับคำวิจารณ์เพื่อปกป้องอัตตาและชื่อเสียงของตน เมื่อคุณได้รับคำติชมคุณต้องต่อสู้กับปฏิกิริยาตามธรรมชาติอันนี้และถามตัวเองแทนว่า “เราจะขอบคุณคนที่อยู่ตรงหน้าสำหรับ Feedback นี้ได้อย่างไร โดยการรับฟังอย่างรอบคอบ พิจารณาข้อความด้วยใจที่เปิดกว้าง และจะไม่พยายามปกป้องตนเองหรือโกรธผู้ให้ฟีดแบ๊ก”

Accept or discard:

คุณจะได้รับ Feedback มากมายจากผู้คนขณะอยู่ที่ Netflix คุณจะต้องรับฟังและพิจารณาคำติชมทั้งหมดที่มีให้ คุณไม่จำเป็นต้องปฏิบัติตามโดยกล่าว “ขอบคุณ” ด้วยความจริงใจ แต่ทั้งคุณและผู้ให้ Feedback ต้องเข้าใจว่าการตัดสินใจตอบสนองต่อคำติชมนั้นขึ้นอยู่กับผู้รับทั้งหมด

การปฏิบัติตาม 4A ไม่ใช่เรื่องง่าย ต้องมีการฝึกฝนอย่างจริงจังและมีประสิทธิภาพ อีกทั้งการสร้างพื้นที่ปลอดภัยเชิงจิตวิทยา (Psychological Safety) Feedback ที่มีคุณภาพจะเป็นพื้นฐานของวิธีการทำงานที่ก้าวหน้ายิ่งขึ้นอย่างที่ Netflix เชื่อ

Feedback way >>
“Start, Stop, Continue” หรือ การระบุว่าพนักงานผู้รับ feedback นั้นควรต้องเริ่มทำอะไร ควรต้องหยุดทำอะไรและควรทำอะไรต่อพร้อมระบุเหตุผลที่ชัดเจนและลงชื่อของตัวอย่างโปร่งใส

แต่แน่นอนว่าการเติบโตไปยังต่างประเทศนั้นต้องรวมไปถึงการขยายออฟฟิศและทีมงานที่แต่เดิมมีความเป็นอเมริกันชนสูงไปยังสำนักงานใหญ่ทั่วโลกอย่างเนเธอร์แลนด์ บราซิล ญี่ปุ่นและสิงคโปร์ ซึ่งล้วนมีความแตกต่างกันในเชิงวัฒนธรรมและวิถีการทำงานเป็นอย่างมาก การเชื่อมประสานวัฒนธรรมการทำงานแบบ Netflix ที่ส่งเสริม Talent Denisity, Candor และ Freedom and Responsibility จึงต้องได้รับการประนีประนอมและปรับให้เข้ากับวัฒนธรรมของแต่ละประเทศ โดยเฉพาะ Candor ที่พนักงานในประเทศอย่างญี่ปุ่นหรือไทยที่มีวัฒนธรรมการทำงานแบบพยายามหลีกเลี่ยงการเผชิญหน้านั้นไม่คุ้นชินกับวัฒนธรรมการให้ feedback แบบตรงไปตรงมาของ Netflix [การให้อิสรภาพแก่พนักงานอย่างเต็มที่และการสร้างทีมแบบนักกีฬามืออาชีพนั้นได้รับความนิยมอย่างรวดเร็วจากพนักงานทั่วโลก]

https://www.brightsidepeople.com/en/4a-feedback-%E0%B8%95%E0%B8%B2%E0%B8%A1%E0%B9%81%E0%B8%9A%E0%B8%9A-netflix-2/

14/04/2021

"လွၵ်းလၢႆးပၢႆးဝူၼ်ႉးၵွၼ်းသျိ"
ၶူင်သၢင်ႈသၢႆၵပ်းသိုပ်ႇပၢႆးမၢၵ်ႈမီး(Business Connection)
ၸၢဝ်းၶိူဝ်းၶႄႇ
|
|

ၵွၼ်းသျိ ၼႆႉ ပဵၼ်ၾိင်ႈထုင်း လွင်ႈႁဵတ်းသၢင်ႈပၢႆးမၢၵ်ႈမီး ၵူၼ်းၸၢဝ်း ၶႄႇၶဝ် ဢၼ်လွင်ႈယႂ်ႇလူင်ဢၼ်ၼိုင်ႈသေ ႁဵတ်းႁႂ်ႈၸုမ်း/မူႇၸုမ်း/organization ၸၢဝ်းၶိူဝ်းၶႄႇၶဝ်
ၶိုၼ်ႈယႂ်ႇမႂ်ႇသုင် လႄႈ ၵႅၼ်ႇၶႅင်
သမ်ႉပေႃးႁဵတ်းႁႂ်ႈၵူၼ်းမိူင်းဝၼ်းတူၵ်း
ၶဝ် ယိူင်ႈၸွမ်းဢမ်ႇလႆႈ ၼႆယဝ်ႉ

ပေႃးၼၼ် ၵွၼ်းသျိ ၼႆႉ ပဵၼ်သင် လွင်ႈယႂ်ႇမွၵ်ႈၵႃႈႁိုဝ် ၼႂ်းတူင်ႇဝူင်းပၢႆႈမၢၵ်ႈမီး?

ၵွၼ်းသျိ ၼႆႉ ၼႂ်းၽႃႇသႃႇၶႄႇပွတ်းၵၢင် မီးတီႈပွင်ႇဝႃႈ "သၢႆတိတ်းၸပ်းၵၼ်/ၵွင်ႉသၢၼ်ၵၼ်" ၼႆယဝ်ႉ

ႁဝ်းတေလႆႈႁၼ်ဝႃႈ ၵူၼ်းၸၢဝ်းၶိူဝ်းၶႄႇၶဝ်ၼႆႉ မီးလွင်ႈတိုဝ်ႈၵမ် တႃႇတေသၢင်ႈလွင်ႈၵပ်းသိုပ်ႇတိတ်းတေႃႇၵၼ် သၢင်ႈဢူၺ်းၵေႃႉဢူၺ်းသႄႈႁိမ်းႁွမ်း လႄႈ လွၵ်းလၢႆးပၢႆးဝူၼ်းၵွၼ်းသျိ ၼႆႉၵေႃႈ လႆႈဢဝ်မႃး ၸႂ်ႉတိုဝ်းၼႂ်းတူင်ႇဝူင်းပၢႆးမၢၵ်ႈ ၶွင်ၵူၼ်းၶႄႇၶဝ်ၸွမ်း

တႃႇတေ သၢင်ႈလွင်ႈၵပ်းသိုပ်ႇမိုတ်ႈၵိုဝ်း ၼႂ်းတူင်ႇဝူင်းၵူၼ်းၶႄႇၶဝ်ၼၼ်ႉ တေလႆႈႁၼ်ဝႃႈ ဢမ်ႇလႆႈသဵင်ႈငိုၼ်းသဵင်ႈတွင်း မွၵ်ႈၵႃႈႁိုဝ်
ၵူၺ်းၵႃႈ ၽူႈဢွၼ်ႁူဝ်လူဝ်ႇလႆႈၼပ်ႉၼမ်ၵူမ်ႈၵွမ်းတေႃႇၵူႈၵေႃႉ လႄႈ ၶတ်းၸႂ်ပွင်ႇၸႂ် တၢင်းၶႂ်ႈလႆႈၶႂ်ႈပဵၼ်လုၵ်ႈၼွင်ႉၵူၺ်း
ၵူၺ်းၵႃႈႉႉႉႉႉႉႉႉႉႉႉႉႉႉႉႉႉႉႉႉႉႉႉႉႉႉႉႉ
-ဢမ်ႇထၢင်ႇယႂ်ႇတူဝ်
-ဢမ်ႇၽိတ်းၶေႃႈမုၼ်ႈၵႅၼ်ႇဢၼ်ပၼ်ဝႆႉ
-ႁဵတ်းၸႂ် ႁဵတ်းသၢင်ႈလွင်ႈၵပ်းသိုပ်ႇယူႇတႃႇသေႇ
ၸိူဝ်းၼႆႉ ပဵၼ်ပိူင်တႅၵ်ႈၽွၼ်းလီ ဢၼ်ႁဝ်းလႆႈႁၼ် လွၵ်းလၢႆးၵွၼ်ႈသျိ ၶွင် Gary ဢၼ်ပဵၼ်ၵူၼ်းၸၢဝ်းၶိူဝ်းၶႄႇၵေႃႉၼိုင်ႈ ဢၼ်ႁဵတ်းၵၢၼ်ႁူမ်ႈၵၼ်တင်း Amazon လႄႈ
ၶဝ်ႁပ်ႉဢဝ်ပုၼ်ႈၽွၼ်းၽၢႆႇၸတ်ႈႁႃ ၵူၼ်းၸၢဝ်းၶႄႇမႃးႁဵတ်းၵၢၼ်ၼႂ်းဢမေႇသွၼ်ႇယဝ်ႉ။

(1) ၵၢၼ်တမ်းဝၢင်းၵႃႈၶၼ်ၶူဝ်းၶွင် ၸွမ်းၽူႈၶၢႆပၼ်ႁဝ်း (Suppliers)ငၢႆႈၶိုၼ်ႈ

သင်ဝႃႈ သူမီးလွင်ႈၵပ်းသိုပ်ႇလီလီ တင်းၽူႈၶၢႆၶွင်ပၼ်သူ သိုဝ်ႉၶၢႆၵၼ်တႅၵ်ႇလႅင်း ႁဵတ်းၵူႈၸိူဝ်ႉၵူႈလွင်ႈၸွမ်းၼင်ႇတူၵ်းလူင်းလႆႈၸႂ်ၵၼ်တႃႇသေႇ တေႁဵတ်းႁႂ်ႈၸိူဝ်းၶဝ် ယုမ်ႇယမ်သူ လႄႈ ယင်းတေႁဵတ်းႁႂ်ႈလူတ်းယွမ်းၵႃႈၶၼ်ဢၼ်ၶၢႆပၼ်သူလူတ်းလူင်းထႅင်ႈၵွၼ်ႇ

ငဝ်ႈႁၢၵ်ႈလွင်ႈတၢင်းဢၼ်ၼိုင်ႈတႄႉ လွင်ႈဢၼ်သူပဵၼ်ၵူၼ်းဢၼ်လၢတ်ႈတေႃႇငၢႆႈ ပွင်ႇၸႂ်ၵၼ်လႆႈငၢႆႈၼၼ်ႉ ၽူႈသိုဝ်ႉသူ တေဝႆႉသူပဵၼ်ၵူၼ်းဢၼ်လွင်ႈယႂ်ႇမႃးလိူဝ်ၵဝ်ႇ
လႄႈ လွင်ႈဢၼ် ၽၢႆႇၽူႈၶၢႆၶူဝ်းၶွင်ပၼ်ႁဝ်း ၼႂ်းၵႃႈၶၼ်တႅမ်ႇၵေႃႈ ႁဵတ်းႁႂ်ႈႁဵတ်းပၢႆးမၢၵ်ႈမီးသူ ယူႇၵႂႃႇလႆႈၶၢဝ်းႁိုင်

(2) ၸၢႆႇငိုၼ်းလႆႈငၢႆႈၶိုၼ်ႈ (ငိုၼ်းသူၵေႃႈ တေတဵမ်ထူင်တဵမ်ထွင်း ပဵင်းပေႃးဝႆႉတႃႇသေႇ)

ၼႂ်းၵၢၼ်ၵႃႉၶၢႆၼႆႉ ႁဝ်းတေလႆႈႁၼ်ဝႃႈ ၽူႈၶၢႆ(Suppliers)တင်ႈၵႃႈၶၼ်ၶၢႆ ပၼ်ၽူႈသိုဝ်ႉ(Demanders)
မိူၼ်ၼင်ႇ လူဝ်ႇလႆႈၸၢႆႇဝႆႉ 30% ဢွၼ်တၢင်း လႄႈ 70% ဢွၼ်တၢင်းမိူဝ်ႈပႆႇသူင်ႇၶူဝ်းၶွင်ထိုင်မိုဝ်းၽူႈသိုဝ်ႉ

ၵူၺ်းၵႃႈ သင်ဝႃႈမီးဝႆႉၵွၼ်းသျိ/သၢင်ႈဝႆႉလွင်ႈၵပ်းသိုပ်ႇၵၼ် မၼ်ႈၵိုမ်းၸိုင် သူတေၸၢင်ႈလႆႈလွင်ႈထၢင်ႇႁၢင်ႈ ဢမ်ႇလူဝ်ႇလႆႈၸၢႆႇၵႃႈသိုဝ်ႉၶူဝ်းဝႆႉဢွၼ်တၢင်း ဢမ်ႇၼၼ် ၸၢႆႇ 0% လႄႈ လႆႈသုၼ်ႇလူတ်း (Discount)ၵႃႈသူင်ႇၶူဝ်းၶွင်
ဢၼ်တေႁဵတ်းႁႂ်ႈၵႃႈၶၼ်ငိုၼ်းသူ လႆႈၵဵပ်းသိမ်းဝႆႉ

(3) ပၼ်လွင်ႈႁူမ်ႈမိုဝ်း/ႁဵတ်းသၢင်ႈၸွမ်း ၼင်ႇသူယွၼ်းၼမ်ၶိုၼ်ႈ

ယိုင်ႈသူမီးလွင်ႈၵပ်းသိုပ်ႇၵၼ်တင်း ၽူႈၶၢႆၶူဝ်းၶွင်ပၼ်သူ ၼမ်ၵႃႈႁိုဝ်ၵေႃႈ သူယွၼ်းသင်ၵေႃႈ တေၸွမ်းၸႂ်ပၼ်သူၼမ်ၵႃႈၼၼ်ႉ
ဢမ်ႇဝႃႈ ၶႂ်ႈႁႂ်ႈဢဝ်သႂ်ႇၼႂ်းတိူၵ်ႈၼႂ်းၵွင်ႇ လႄႈ ႁဵတ်းပၼ်တိူၵ်ႈၶူဝ်းၶွင်သူ ႁႂ်ႈလီလူလီတူၺ်း

တွၼ်ႈတႃႇ ၵူၼ်းၸိူဝ်းဢၼ်ဢမ်ႇမီးလွင်ႈၵပ်းသိုပ်ႇလီလီ တေႃႇၽူႈၶၢႆ သမ်ႉ ယွၼ်းဢီႈသင် ၶႂ်ႈႁႂ်ႈပိူၼ်ႈႁဵတ်းပၼ်သင်ၵေႃႈ ၽူႈၶၢႆၶူဝ်းၶွင်ပၼ်သူ တေဢမ်ႇသူၼ်ၸႂ်လွင်ႈဢၼ်သူယွၼ်း/ၶႂ်ႈလႆႈ

ၵွပ်ႈၼၼ် လွၵ်းလၢႆးႁဵတ်းပၢႆးမၢၵ်ႈမီး မိူင်းဝၼ်းဢွၵ်ႇ/မိူင်းဢႃႇသျႃႉ ၼႆႉ တေဢဝ်ၸႂ်သႂ်ႇ တီႈ "လွင်ႈယုမ်ႇယမ်" လႄႈ "လွင်ႈမီးဢူၺ်းၵေႃႉဢူၺ်းသႄႈ" ပဵၼ်ငဝ်ႈ

တႃႇႁႂ်ႈၽူႈႁဵတ်းၵၢၼ်ပၢႆးမၢၵ်ႈမီးႁူမ်ႈၵၼ် ဢမ်ႇမီးလွင်ႈႁၵ်းလင်ၵၼ် လႄႈ ႁဵတ်းၽိတ်းၶေႃႈမၼ်ႈၵႅၼ် ဢၼ်မီးဝႆႉတေႃႇၵၼ်
ဢိၵ်ႇသမ်ႉ ယင်ႈၸွႆႈႁႂ်ႈၽႈႁဵတ်ႈၵၢၼ်ပၢႆးမၢၵ်ႈမီး ဢမ်ႇလႆႈယူႇၵေႃႉလဵဝ် မိူဝ်းထူပ်းပၼ်ႁႃ လႄႈ ယင်းၸၢင်ႈႁဵတ်းႁႂ်ႈ ႁဵတ်းသၢင်ႈပၢႆးမၢၵ်ႈမီးငၢႆႈလူင်းထႅင်ႈလူးၵွၼ်ႇ

ပိူင်တႅၵ်ႈ ၶွမ်ႇပၼီႇ ဢၼ်ႁဵတ်းၵၢၼ်ပၢႆးမၢၵ်ႈမီး ၸႂ်ႉလွၵ်းလၢႆးၵွၼ်းသျိသေ ၵႃႉၶၢႆ ၼႂ်းမိူင်းၶႄႇၼၼ်ႉ ႁဝ်းတေလႆႈႁၼ်ဝႃႈ မီး IKEA

IKEA ပဵၼ်ၶွမ်ႇပၼီႇ ဢၼ်ႁဵတ်းၵၢၼ်ပၢႆးမၢၵ်ႈမီး ၵႃႉၶၢႆယွႆႈ (Retail) ဢၼ်ပဵၼ်ၶွင်မိူင်း သဝိတ်ႉတႅၼ်ႇ (Sweden) သေ
ၶဝ်ႈမႃးႁဵတ်းၵၢၼ်ၵႃႉၶၢႆ ၼႂ်းမိူင်းၶႄႇ မိူဝ်ႈပီ 1998
မႃးတင်ႈၵိင်ႇၽေ Outlet ဢၼ်ယႂ်ႇသေပိူၼ်ႈ ၼႂ်းမိူင်းဢႃႇသျႃႉ လႄႈ ယႂ်ႇပဵၼ် မၢႆ 2 ၼႂ်းပွတ်းတွၼ်ႈၽူႇတူင်း မိူင်းသႅင်ႇႁၢႆး ၼႆယဝ်ႉ

IKEA လႆႈၸႂ်ႉလွၵ်းလၢႆး ၵွၼ်းသျိ သၢင်ႈသၢႆႇၼႅင်ႇ ၶိူဝ်းၶၢႆႇ လႄႈ ထိင်းသိမ်း သၢႆၵွင်ႉသၢၼ်ဢၼ်မၼ်ႈၵႅၼ်ႇ ၸွမ်းၽူႈမီးပုၼ်ႈၽွၼ်းၽၢႆႇလူင်ပွင်ၸိုင်ႈ ဢၼ်ၵပ်းၵၢႆႇၶဝ်
လိူဝ်ၼၼ်ႉ ယင်းၶတ်းၸႂ် ဢဝ်ၾိင်ႈထုင်းပၢႆးမွၼ်းၸိူဝ်းၶိူဝ်းၶႄႇမႃး ႁဵတ်းဢွၵ်ႇၶူဝ်းၵႃႉၶၢႆ မိူၼ်ၼင်ႇ ဢွၵ်ႇ Design Feature လၢႆးလဵၼ်းလၢႆလၢႆမဵဝ်း ၼႂ်းၶိူင်ႈၸႂ်ႉၶူဝ်းတိုဝ်း (Furniture) လႄႈ တူၺ်းၸွႆႈ (Services)

Gillian Drakeford (IKEA China Retail President) ၽူႈၸတ်းၵၢၼ်ဝၢင်းၽႅၼ် IKEA လႆႈလၢတ်ႈဝႃႈႉႉႉႉႉ

"ပေႃႇလသိႇ ဢၼ်ၸႂ်ႉလႆႈ ၼႂ်းမိူင်းဝၼ်းတူၵ်း/ယူးရုပ်ႉၼၼ်ႉ တေဢမ်ႇၸႂ်ႉလႆႈ ၼႂ်းမိူင်းဝၼ်းဢွၵ်ႇ/ဢႃႇသျႃႉ"
လႄႈ "ဢၼ်ႁဵတ်းပၢႆးမၢၵ်ႈမီး ၸွမ်းပွတ်းတွၼ်ႈ (Localization)" ပဵၼ် Key ဢၼ်လွင်ႈယႂ်ႇလူင် ၶွင် IKEA တႃႇဢွင်ႇမင်ႇလႄႈထိုင်ယိူင်းမၢႆ
ယဝ်ႉ

ယွၼ်ႉဝႃႈ ႁဝ်းလူဝ်ႇလႆႈ သၢင်ႈလွင်ႈၵပ်းသိုပ်ႇၶဝ်ႈဢွၵ်ႇ ၵူၼ်းၼႂ်းမိူင်းၼၼ်ႉ လႄႈ ယုမ်ႇယမ်ၵူၼ်းၼႂ်းပွတ်းလႆႈလီလိူဝ် ၵူၼ်းဢမ်ႇၸႂ်ႈၼႂ်းပွတ်းတွၼ်ႈၼၼ်ႉၼၼ်ႉ

ၸိူင်ႉႁိုဝ်ၵေႃႈလီ လွင်ႈဢၼ်ၸႂ်ႉတိုဝ်း လွၵ်းလၢႆးၵွၼ်းသျိ ၼႆႉ သဵၼ်ႈတၢင်းၼိုင်ႈ တႃႇတေတမ်းဝၢင်း လွၵ်းဝၢင်းၽႅၼ်သၢင်ႈသၢႆႇၵပ်းသိုပ်ႇ
တႃႇႁႂ်ႈပၢႆးမၢၵ်ႈမီး/ၶွမ်ႇပၼီႇ ပေႃးတေယူႇၵႂႃႇလႆႈၶၢဝ်းႁိုင်ၼၼ်ႉ
ဢမ်ႇၵၢင်းလွတ်ႈလႆႈ လွင်ႈလီ (Quality) လႄႈ တူၺ်းလူ (Services) ၼင်ႇၵဝ်ႇ

လိုၼ်းသုတ်း လွင်ႈဢၼ်ၶွမ်ႇပၼီႇ ၵုမ်ႇဢဝ်ၸႂ်တိတ်းၸပ်း လွင်ႈၵႅၼ်ႇၶႅၼ်ၸဝ်ႈၵဝ်ႇၽၢႆႇလဵဝ် လႄႈ ၶတ်းၸႂ်ထိင်းသိမ်း လွင်ႈပိူင်ပဵၼ် ၶွမ်ႇပၼီႇ ၼမ်ႁႅင်းလူၼ်ႉပူၼ်ႉလိူဝ်ၼၼ်ႉသေ
လိူၵ်ႈသဵၼ်ႈတၢင်း ပိုင်ႈဢိင်တူဝ်ၸဝ်ႈၵဝ်ႇၽၢႆႇလဵဝ် ဢမ်ႇပိုင်ႈဢိင်ၽႂ် လႄႈ ဢမ်ႇလႅၵ်ႈလၢႆႈ ၽိူမ်ႉထႅမ်ၸွမ်းၵၢပ်ႈပၢၼ် ငဝ်းလၢႆးၼၼ်ႉ
လႅပ်ႈတူၺ်းၶိုၵ်ႉၶႅမ်ႉ ၼႂ်းသၢႆတႃၵူၼ်းၵမ်ႈၽွင်ႈသေတႃႉ

ၵူၺ်းၵႃႈ ဝၢႆးသေလဵပ်ႈႁဵၼ်းႁူႉ လွၵ်းလၢႆးၵွၼ်းသျိ ယဝ်ႉၼႆႉ တေလႆႈႁၼ်ဝႃႈ ၶွမ်ႇပၼီႇ/ပၢႆးမၢၵ်ႈမီးဢၼ် ၶႂ်ႈပဵၼ်ၶွမ်ႇပၼီႇဢၼ်ၵႃႉၶၢႆတေႃႇတင်းၵမ်ႇၽႃႇ လႄႈ ၶိုၼ်ႈယႂ်ႇလႆႈႁိုင်ၼၢၼ်းၼၼ်ႉ
ၶဝ်လႆႈသၢင်ႈၶူဝ်လွင်ႈသၢႆၵပ်းသိုပ်ႇ/သၢႆၼႅင်ႇ ဢၼ်ႁွင်ႉဝႃႈ "Network or Connection" ဝႆႉဢွၼ်တၢင်းၵွၼ်ႇ ယဝ်ႉ။

ၼပ်ႉယမ်ယႂ်ႇၼမ်သေ
ထူးၶမ်း
(14/04/2021)

References
*https://www.8020sourcing.com/the-art-of-guanxi-building.../
*https://www.iedp.com/.../chinese-leadership-5-critical.../
*https://www.facebook.com/AsianKnowledgeInstitute/posts/386800618053315/
*http://www.launchfactory88.com/business-in-china-an.../

13/04/2021

Product life Cycle ပဵၼ်ပၢႆးဝူၼ်ႉTheory ဢၼ်ၸွႆႈပၼ် ႁႂ်ႈႁဝ်းဝၢင်းၽႅၼ်ၵၢၼ်ၵၢတ်ႇ ႁႂ်ႈလီၶိုၼ်ႈလိူဝ်ၵဝ်ႇ |

📦📦📦📦🚹📦📦📦📦📦📦📦📦📦📦📦📦

Product ၶူဝ်းၵႃႉၶၢႆ ဢၼ်မီးယူႇၼႂ်းလူၵ်ႈၼႆႉ တင်းသဵင်ႈ မီးဝူင်းသမ်ႇသရႃႇၵူႈၸိူဝ်ႉၵူႈဢၼ်ယဝ်ႉ တင်ႈတႄႇ ပိုတ်ႇတူဝ်ၶဝ်ႈၼႂ်းၵၢတ်ႇမႂ်ႇ တွၼ်ႈၶၢႆလီ တွၼ်ႈဢိမ်ႇတူဝ်/ၶၢႆတၢၼ်ႇႁိုဝ်ၵေႃႈၶၢႆလႆႈမိူၼ်ၵဝ်ႇ ဢိၵ်ႇသမ်ႉ တွၼ်ႈၵႃႈၶၼ်လူတ်းလူင်းၶၢႆဢမ်ႇလႆႈ လႄႈ လႆႈဢွၵ်ႇၵႂႃႇပႅတ်ႈၼႂ်းၵၢတ်ႇ/သဵင်ႈသၢႆၸႂ်

ပေႃးဢဝ်ၸွမ်းလွင်ႈမၢၼ်ႇမႅၼ်ႈဝႃႈၸိုင်ႉႉႉႉႉႉႉႉႉႉႉႉႉႉ
ၶူဝ်းၶွင် တင်းမူတ်းတင်းသဵင်ႈၼၼ်ႉ ၵိူတ်ႇၶိုၼ်ႈမႃးယဝ်ႉ လုႁၢႆတၢႆၶိုၼ်း
မိူၼ်ၼင်ႇ ၽဝၸၢတ်ႈပၢၼ် ၵူၼ်းႁဝ်းၵူႈၵေႃႉၼၼ်ႉၵူၺ်း ဢမ်ႇမီးသင်မၼ်ႈၵိုမ်း ယူႇၵႂႃႇလႆႈတေႃႇၸူဝ်ႈသုတ်းပၢၼ်

ပေႃးတေမႃးတူၺ်းၽၢႆႇၵၢၼ်ႁႃၵိၼ်လဵင်ႉတွင်ႉ လႄႈ ပၢႆးမၢၵ်ႈမီးၸိုင်
ၽႂ်ၵေႃႈယဝ်ႉ တေဢမ်ႇၶႂ်ႈႁႂ်ႈၶူဝ်းၵႃႉၶၢႆ ဢၼ်ႁဵတ်းဢွၵ်ႇမႃးၼၼ်ႉ လႆႈဢွၵ်ႇပႅတ်ႈၼႂ်ၵၢတ်ႈ လႄႈ ႁၢႆလၢႆပႅတ်ႈ

ၵွပ်ႈၼၼ် ပၢႆးဝူၼ်ႉTheory "Product life Cycle" ဢၼ်ႁွင်ႉဝႃႈ PLC ၼၼ်ႉ ၽူႈတႅမ်ႈလိၵ်ႈ လႆႈပိၼ်ႇဝႆႉ လၢႆလၢႆမဵဝ်း တႃႇႁႂ်ႈပွင်ႇၸႂ်ငၢႆႈ မိူၼ်ၼင်ႇ
#"တူင်ႇလေႃႉၶူဝ်းၵႃႉၶၢႆ"/
#"ဝူင်းလေႃႉၶူဝ်းၵႃႉၶၢႆ"/
#"တူင်ႇၸၢၵ်ႈၶူဝ်းၵႃႉၶၢႆ"/
#"သမ်ႇသႃႇရႃႇၶူဝ်းၵႃႉၶႆၢ"ၼၼ်ႉ ၸွင်ႇလႆႈၵိူတ်ႇၶိုၼ်ႈမႃး ယဝ်ႉ။

ပႅၵ်ႉသမ်ႉဝႃႈ တီႇဢူဝ်ႇရီႇၼႆႉ လႆႈၵိူတ်ႇၶိုၼ်ႈမႃးယၢဝ်းၼၢၼ်ႈသေတႃႉ ၵူၺ်းၵႃႈ ယင်းတိုၵ်ႉပဵၼ် တီႇဢူဝ်ႇရီႇ ဢၼ်ၶိုတ်းၸၼ်ႉ ၸႂ်ႉလႆႈယူႇၵူႈၶၢဝ်းယၢမ်း ႁၢၼ်ႉတေႃႇထိုင်ဝၼ်းမိူဝ်ႈလဵဝ်ၼႆႉယဝ်ႉ

လွင်ႈလီ တီႇဢူဝ်ႇရီႇ ၸွႆႈႁဵတ်းႁႂ်ႈႁဝ်း ဝတ်း/တႅၵ်ႈလႆႈဝႃႈ ၶူဝ်းၵႃႉၶၢႆႁဝ်းၼၼ်ႉ မိူဝ်ႈလဵဝ် ယူႇဝႆႉၸၼ်ႉလႂ် ၼႂ်းၵၢတ်ႇ
လႄႈ ႁဝ်းထုၵ်ႇလီလႆႈၸႂ်ႉ လွၵ်းလၢႆးၸိူင်ႉႁိုဝ်/ပၼ်ႁႅင်း ႁႂ်ႈၶူဝ်းၵႃႉၶၢႆ ႁဝ်းၶၢႆလႆႈလီလိူဝ်
ႁဝ်းဢဝ်လွၵ်းလၢႆး ဝူင်းလေႃႇၶူဝ်းၵႃႉၶၢႆ ၼႆႉ မႃးဝတ်း/တႅၵ်ႈလႆႈ

ၶိူင်ႈ ဢၼ်ၸႂ်ႉတိုဝ်းဝတ်း/တႅၵ်ႈလႆႈဝႃႈ ၶူဝ်းၵႃႉၶၢႆ ႁဝ်းၼၼ်ႉ ယူႇၼႂ်းတွၼ်ႈလႂ် တူင်ႇလေႃႉၶူဝ်းၵႃႉၶၢႆၼၼ်ႉ
ႁဝ်းတေလႆႈတူၺ်းတီႈ ဢၼ်ႁဝ်းၶၢႆလႆႈ(Sale) သုၼ်ႇမႅင်ႇၵၢတ်ႇ(Marketshare) လႄႈ ၶၢဝ်းယၢမ်း (Perioid of time) သေ တႅပ်းတတ်းယဝ်ႉ။

တူင်ႇဝူင်းလေႃႉၶူဝ်းၵႃႉၶၢႆ / PLC ၼၼ်ႉ လႆႈၸႅၵ်ႇဢွၵ်ႇဢွၵ်ႇဝႆႉပဵၼ် 4 ၶၢဝ်းယၢမ်း/ပွတ်းတွၼ်ႈ ၼင်ႇၽၢႆႇတႂ်ႈၼႆႉႉႉႉႉႉႉႉႉႉႉႉႉႉႉႉႉႉ

(1) တွၼ်ႈၵပ်းသိုပ်ႇၼႄႉၼမ်း (Introduction)
မိူဝ်ႈၶူဝ်းၵႃႉၶၢႆ (Product) လႆႈထုၵ်ႇႁဵတ်းသၢင်ႈၶိုၼ်ႈမႃး ၼႂ်းတွၼ်ႈၼိုင်ႈ လႄႈ တူဝ်ႈတၼ်းဢဝ်ၶဝ်ႈၶၢႆ ၼႂ်းၵၢတ်ႇ တႃႇႁႂ်ႈၵူၼ်းႁူႉၸၵ်းယဝ်ႉၼၼ်ႉ
လူဝ်ႇလႆႈဢဝ်ႂၸႂ်သႂ်ႇ တီႈၵၢၼ်ၵပ်းသိုပ်ႇတိတ်းတေႃႇၽၢႆႇၵၢတ်ႇႁႅင်းႁႅင်း လႄႈ ထုၵ်ႇလီႁၢင်ႈႁႅင်း ငိုၼ်းဢလၢင်း တႃႇတေဢီးသူၼ်း ႁႂ်ႈၶူဝ်းၵႃႉၶၢႆႁဝ်းၼၼ်ႉ ယူႇၼႂ်းၵၢတ်ႇလႆႈ/ၶၢႆလႆႈၼႂ်းၵၢတ်ႇ

မိူၼ်ၼင်ႇ ႁဵတ်း Boot ၸေႇၺႃႇ ၼိူဝ် Facebook ဢမ်ႇၼၼ် Instragram ဢိၵ်ႇသမ်ႉ E-commerce(ၵႃႉၶၢႆၸွမ်းၶိူင်ႈၸၢၵ်ႈ) ဢၼ်ႁဝ်းၸႂ်ႉ/ၵပ်းသိုပ်ႇ ၸေႇၺႃႇ /Advertizement တႃႇႁဵတ်းႁႂ်ႈပိူၼ်ႈႁူႉၸၵ်း၊ လိူဝ် ၸႂ်ႉၵူၼ်းၸိုဝ်ႈသဵင်ယႂ်ႇ (Influencers)မႃး ၵပ်းသိုပ်ႇပၼ် ဢမ်ႇၼၼ် Review ပၼ်ႁဝ်း ၵူႈၽၢႆႇၵူႈႁွင်ႈ Social Media။
ပၼ်ႁႅင်းၶူဝ်းၵႃႉၶၢႆ တႃႇႁႂ်ၽူႈၶဝ်ႈလႄႇၵၢတ်ႇႁူႉ လႄႈ ၸႅၵ်ႇပၼ်ၶူဝ်းၶၢႆႁဝ်း ႁႂ်ႈပိူၼ်ႈၸၢမ်းဢဝ်ၵႂႃႇၸႂ်ႉတူၺ်း / သင်ပဵၼ်တၢင်းၵိၼ်ၵေႃႈ ႁႂ်ႈၶဝ်ၵိၼ်ၸၢမ်းတူၺ်း တႃႇႁႂ်ႈၶဝ်ဢဝ်ၵႂႃႇသိုပ်ႇလၢတ်ႈၼႄပိူၼ်ႈ

ဢၼ်လွင်ႈယႂ်ႇလိူဝ်ၼၼ်ႉ ၸဝ်ႈၶွင် Brand လူဝ်ႇလႆႈယုမ်ႇယမ်ဝႃႈ
ၶူဝ်းၶွင်ႁဝ်း ႁဵတ်းဢွၵ်ႇမႃႈၶႅမ်ႉတီႈသုတ်းယဝ်ႉၵွၼ်ႇ ၸင်ႇၵွႆႈသူင်ႇပၼ်ၽူႈသိုဝ်ႉ(Customers)
မိူဝ်ႈပႆႇႁဵတ်းဢွၵ်ႇၼၼ်ႉ ၽူႈၶူင်သၢင်ႈၶူဝ်းၵႃႉၶၢႆ လူဝ်ႇလႆႈ ဝၢင်းၽႅၼ်၊ လူင်းပိုၼ်ႉတီႈ ထတ်းတူၺ်းၵၢတ်ႇ၊ ႁဵတ်းၽိုၼ်ထၢမ်တွပ်ႇ (Form) ဢမ်ႇၼၼ် ၶူၼ်ႉၶႂႃႉဢွၼ်တၢင်းၵွၼ်ႇ

တႃႇႁႂ်ႈပဵၼ်လွင်မၼ်ႈၸႂ်ဝႃႈ ၶူဝ်းၶွင်ႁဝ်း လႆႈႁဵတ်းသၢင်ႈၶိုၼ်ႈ ၸွမ်းၼင်ႇတင်းလူဝ်ႇၽူႈသိုဝ်ႉတႄႉတႄႉ လႄႈ တႃႇမုင်ႈၵႂႃႇၸူး တွၼ်ႈၶူဝ်းၵႃႉၶၢႆၶိုၼ်ႈယႂ်ႇ(Growth)

ဢၼ်ထုၵ်ႇလီၽၢင်ႉသတိလိူဝ်ပိူၼ်ႈ ၽွင်းၵပ်းသိုပ်ႇၼႄႉၼမ်း ၶူဝ်းၵႃႉၶၢႆၶဝ်ႈၸူးၵၢတ်ႇၼၼ်ႉ ယိူင်းဢၢၼ်းလူဝ်ႇ(Objective)ၼၼ်ႉ
-ႁဵတ်းႁႂ်ႈၵူၼ်းႁူႉၸၵ်း ၊ ၸၢမ်းၸႂ်ႉတူၺ်း လႄႈ ၽူႈၸႂ်ႉတိုဝ်း မီးတၢင်းသိူဝ်း မိူဝ်ႈၸႂ်ႉၶူဝ်းၵႃႉၶၢႆႁဝ်း လိူဝ်သေ ဢဝ်ယိူင်းၵႂႃႇဝႆႉ တီႈလွင်ႈၶၢႆမဵဝ်းလဵဝ်/ လူဝ်ႇၶၢႆလႆႈမဵဝ်းလဵဝ်

(2) တွၼ်ႈၽေႈတိူၼ်းၶိုၼ်ႈယႂ်ႇ (Growth)

ပဵၼ်တွၼ်ႈဝၢႆးသေၵပ်းသိုပ်ႇၼႄႉၼမ်း ၶူဝ်းၵႃႉၶၢႆ ၶဝ်ႈၵၢတ်ႇ/ၽူႈသိုဝ်ႉယဝ်ႉ လႄႈ မီးၵူၼ်းႁူႉၸၵ်း ၸၢမ်းဢဝ်ၵႂႃႇၸႂ်ႉတိုဝ်းလႄႈ ဢဝ်သိုပ်ႇလၢတ်ႈၼႄ တႆးၵေႃႉ/ၵူၼ်းႁူႉၸၵ်း ႁဵတ်းႁႂ်ႈမီးၸုမ်းၽူႈသိုဝ်ႉၶူဝ်းၶွင်ႁဝ်းလႄႈ ၽူႈၸိူဝ်းပႆႇသိုဝ်ႉ

မိူဝ်ႈၶူဝ်းၵႃႉၶၢႆ ပဵၼ်တီႈဢၼ်ၵူၼ်းသူၼ်ၸႂ်ပွတ်းတွၼ်ႈၼိုင်ႈယဝ်ႉ ယွတ်ႈၶၢႆ/လွင်ႈၶၢႆၵေႃႈ ၽေႈတိူၼ်းၵႂၢင်ႈၵႆၵႂႃႇၸွမ်း
မိူဝ်ႈၽွင်းၸိူင်ႉၼင်ႇၼၼ် ၽူႈၶႄႉၶဵင်ႇလဵၵ်ႉ လႄႈ ယႂ်ႇ တေမုင်ႈႁၼ်တိုဝ်ႉတၢင်းꩮီ လႄႈ ၶတ်းၸႂ်ၶဝ်ႈမႃး ႁိမ်ဢဝ်ၽွၼ်းလီ သုၼ်ႇမႅင်ႇၵၢတ်ႇ (Marketshare) ပွင်ႇဝႃႈႉႉႉႉႉႉႉႉႉ
မိူဝ်ႈၶူဝ်းၶွင်ႁဝ်း ၶၢႆလီၼၼ်ႉ ပိူၼ်ႈၵေႃႈတေ ၶဝ်ႈမႃးႁဵတ်းသၢင်ႈဢွၵ်ႇၶူဝ်းၶွင်မိူၼ်/ငၢႆးႁဝ်းသေ ၶၢႆၶဵင်ႇၵၼ်တင်းႁဝ်း ႁိမ်ဢဝ်တိုဝ်ႉတၢင်းၽွၼ်လီႁဝ်း

ၵမ်ႈပႃႈၼမ် ယၢမ်းၽေႈတိူၼ်းၶိုၼ်ႈယႂ်ႇၸိူင်ႉၼႆ လူဝ်ႇလႆႈမီး လွင်ႈႁုၼ်ႈမုၼ်း(Develop) လႄႈ ၽိူမ်ႉထႅမ်သၢင်ႈ(Improve) ၶူဝ်းၵႃႉၶၢႆၵဝ်ႇႁႂ်ႈလီလိူဝ်
မိူၼ်ၼင်ႇ ၵၢၼ်ၽိူမ်ႉသၢင်ႈၶူဝ်းၵႃႉၶၢႆ ၽၢင်ႁၢင်ႈ တီႇသၢႆးၼ် လႄႈ တိူၵ်ႈ/တဝ်ႈ/ထူင် သႂ်ႇၶူဝ်းၶွင်ၵႃႉၶၢႆ
ၵၢၼ်ၽိူမ်ႉထႅမ်သဵၼ်ႈတၢင်း ၵၢၼ်တေႃႉသူင်ႇၸူ: (transporation) ၸုမ်းၽူႈသိုဝ်ႉႁဝ်းၵႂၢင်ႈလိူဝ်မႃး လႄႈ ၵၢၼ်ပၼ်ႁႅင်းၵၢၼ်ၶၢႆ(Market) လၢႆလၢႆမဵဝ်း တႃႇႁႂ်ႈႁူမ်ႇငမ်းထိုင် သုၼ်ႇမႅင်ႇၵၢတ်ႇ ၼမ်ၵႃႈႁိုဝ် လီၵႃႈၼၼ်ႉ

ၸိူင်ႉႁိုဝ်ၵေႃႈ ယၢမ်းတွၼ်ႈၽေႈတိူၼ်းၶိုၼ်ႈယႂ်ႇ (Growth) ၼႆႉ ယွတ်ႈၶၢႆ တေၽိူမ်ႉၼမ်ၶိုၼ်ႈ လႄႈ ဢမ်ႇၵိုတ်းဢမ်ႇလိုဝ်ႈ
ဢၼ်ထုၵ်ႇလီႁဵတ်းသၢင်ႈလိူဝ်ပိူၼ်ႈၼၼ်ႉ လူဝ်ႇလႆႈႁဵတ်းႁႂ်ႈၶူဝ်းၵႃႉၶၢႆ ၸပ်းၵၢတ်ႇ/ၶၢႆလႆႈၼႂ်းၵၢတ်ႇ/ၽူႈသိုဝ်ႉၶၢတ်ႇဢမ်ႇလႆႈ
ယႃႇၼႅတ်ႈၵႂႃႇႁႃသၢင်ႈၵၢတ်ႇမႂ်ႇမႂ်ႇ လႄႈ ထုၵ်ႇလီၽိူမ်ႉထႅမ် ႁဵတ်းပႃး Campaign (ၶႄႉၶဵင်ႇၵပ်းသိုပ်ႇၶူဝ်းၶၢႆ) ၼႂ်းၵၢတ်ႇ
တႃႇႁႂ်ႈ ၶူဝ်းၵႃႉၶၢႆ မီး သုၼ်ႇမႅင်ႇၵၢတ်ႇ(Marketshare) ၵႂၢင်ႈၼမ်လိူဝ်ၵဝ်ႇ ဢိၵ်ႇတင်း ႁဵတ်းႁႂ်ႈၽူႈသိုဝ်ႉ/ၽူႈပၼ်ႁႅင်း/ၽူႈၸႂ်ႉၶူဝ်းၶွင်ႁဝ်း ႁူႉၸၵ်းၼမ်ၶိုၼ်ႈ လႄႈ ႁဵတ်းႁႂ်ႈမီးသိူဝ်းလီလိူဝ်

(3) တွၼ်ႈဢိမ်ႇတူဝ် ဢမ်ႇၼၼ် ယႂ်ႇတဵမ်တူဝ် (Maturity)

ပဵၼ်တွၼ်ႈဝၢႆးသေ ၸုမ်းၵူၼ်းသိုဝ်ႉ ၸႂ်ႉတိုဝ်းတူၺ်း လႄႈ ပဵင်းပေႃးႁၢၼ်ႉၸႂ်ၼိူဝ်ၶူဝ်းၵႃႉၶၢႆႁဝ်းယဝ်ႉ ႁဵတ်းႁႂ်ႈမီးၸုမ်းၽူႈသိုဝ်ႉတႃႇသေႇ(Relation buyers) ၼမ်လိူဝ်ယဝ်ႉသေ
ႁဵတ်းႁႂ်ႈၶူဝ်းၵႃႉၶၢႆႁဝ်း ၶၢႆလီၶိုၼ်ႈ ၵူၺ်းၵႃႈ ၶၢႆလီၶိုၼ်ႈၵမ်းလွႆႈလွႆးၵူၺ်း တေဢမ်ႇမိူၼ်မိူဝ်ႈတွၼ်ႈၽေႈတိူၼ်းၶိုၼ်ႈယႂ်ႇ
ယွၼ်ႉပိူဝ်ႈဝႃႈ ၸုမ်းၽူႈသိုဝ်ႉမႂ်ႇမႂ်ႇ ၵိူတ်ႇၶိုၼ်ႈယၢပ်ႇမႃး ၼၼ်ႉယဝ်ႉ

လႄႈ လွင်ႈမီးၽူႈၶေႉၶဵင်ႇမႂ်ႇမႂ်ႇၵေႃႈ ႁဵတ်းႁႂ်ႈလွင်ႈၶႂ်ႈလႆႈ ၶူဝ်းၵႃႉၶၢႆ ႁဝ်းၼၼ်ႉ လူတ်းလူင်းၸွမ်း

ၵွပ်ႈၼၼ် #လွၵ်းလၢႆး(Strategy)ဢၼ်ထုၵ်ႇလီၸႂ်ႉ ၼႂ်းတွၼ်ႈၼႆႉႉႉႉႉ
ၸၢမ်းႁႃတူၺ်းၵၢတ်ႇမႂ်ႇမႂ်ႇ ဢမ်ႇၼၼ် ၵၢၼ်ၶူင်သၢင်ႈဢွၵ်ႇၶူဝ်းၵႃႉၶၢႆ ၼႂ်းႁၢင်ႁၢင်ႈမႂ်ႇမႂ်ႇ ဢၼ်ၸႂ်ႉၶိူင်ႈၶိုတ်းၵၢပ်ႈလႄႈၶိူင်ႈၸၢၵ်ႈလၢႆလၢႆမဵဝ်းမႃးၸႂ်ႉႁဵတ်းသၢင်ႈဢွၵ်ႇ
တႃႇႁႂ်ႈပဵၼ်သဵၼ်ႈတၢင်ႈလိူၵ်ႈမႂ်ႇတႃႇၸုမ်းၽူႈသိုဝ်ႉၶူဝ်းၶွင်ႁဝ်း

ဢိၵ်ႇတၢင်းၼိုင်ႈၵေႃႈ လူတ်းယွမ်းၵႃႈၶၼ်ၶူဝ်းၶၢႆ ဢမ်ႇၼၼ် ႁႃသဵၼ်ႈတၢင်းလူတ်းယွမ်းၵႃႈဢလၢင်း(Cost)
မိူၼ်ၼင်ႇ ဢဝ်ၶူဝ်းၶွင်ၶၢႆၼိူဝ်ဢွၼ်ႇလၢႆး တႅၼ်းတၢင် ၶၢႆၼႃႈလၢၼ်ႉႁဝ်း
ယိူင်းဢၢၼ်းဢၼ်ၼႆႉ တႃႇလူတ်းယွမ်းလႆႈၵႃႈၶၼ်ဢလၢင်းႁဵတ်းဢွၵ်ႇဢေႇတီႈသုတ်း ၵူၺ်းၵႃႈ ယႃႇပေလိုမ်းဝႃႈ ႁဝ်းလူဝ်ႇလႆႈထိင်းသိမ်း ၸုမ်းၽူႈသိုဝ်ႉ/ပၼ်ႁႅင်းႁႅင်း ဢၼ်မီးဝႆႉၵဝ်ႇၵဝ်ႇ ၸႂ်ႉတိုဝ်ႉၶူဝ်းၶွင်ႁဝ်း/သိုဝ်ႉၶူဝ်းၶွင်ႁဝ်း

ဢၼ်လွင်ႈယႂ်ႇသုတ်ႈ ၼႂ်ႈတွၼ်ႈဢိမ်ႇတူဝ်ၼႆႉ ၵႃႈၸႂ်ႉၸၢႆႇ ႁႃၵၢတ်ႇမႂ်ႇ/ႁဵတ်းႁႂ်ႈၵူၼ်းႁူႉၸၵ်း တေလူတ်းယွမ်းလူင်း
တေဢမ်ႇမိူၼ်မိူဝ်ႈ တွၼ်ႈၵပ်းသိုပ်ႇၼႄႉၼမ်း လႄႈ တွၼ်ႈႁုၼ်ႈမုၼ်းၶိုၼ်ႈယႂ်ႇ
ၵွပ်ႈၼၼ် ပဵၼ်ၶၢဝ်းဢၼ်ၽူႈၶူင်သၢင်ႈဢွၵ်ႇၶူဝ်းၶွင် ၵဵပ်းလႆႈၼမ် လႄႈ လႆႈၼမ်ႉမႅတ်ႈၼမ်ႉတွၼ်း ၼမ်လိူဝ်ပိူၼ်ႈသုတ်း ၼႆယဝ်ႉ။

(4) တွၼ်ႈလူတ်းလူင်း (Decline)

ပႅၵ်ႉသမ်ႉဝႃႈ ၽူႈႁဵတ်းၵၢၼ်ပၢႆမၢၵ်ႈမီး ၶတ်းၸႂ် ထိင်းသိမ်းဝႆႉ လွင်ႈႁုၼ်ႈမုၼ်းၶိုၼ်ႈယႂ်ႇ/လွင်ႈၶၢႆလႆႈလီ ၶူဝ်းၵႃႉၶၢႆတၢၼ်ႇႁိုဝ်ၵေႃႈယဝ်ႉ ၵူၺ်းၵႃႈ ဢမ်ႇၵၢင်းလႆႈတွၼ်ႈလူတ်းယွမ်းလူင်း/ၵႃႈၶၼ်လူတ်းယွမ်ႈလူင်းလႆႈ

ယွၼ်ႉပိူဝ်ႈဝႃႈ ဝၢႆးလင် ၶူဝ်းၵႃႉၶၢႆၸပ်းၵၢတ်ႇ လႄႈ ပဵၼ်တင်းလူဝ်ႇၽူႈသိုဝ်ႉယဝ်ႉ ၽူႈၶေႉၶဵင်ႇၵေႃႈ ၵိူတ်ႇၶိုၼ်ႈၼမ်ၶိုၼ်ႈ မိူၼ်ၼင်ႇ ၽူႈၶေႉၶဵင်ႇ ႁဵတ်းသၢင်ႈဢွၵ်ႇၶူဝ်းၶွင် ဢၼ်မိူၼ်ၵၼ်တင်ႁဝ်းသေ ၶၢႆၼႂ်းၵၢတ်ႇတီႈလဵဝ်ၵၼ်ၸွမ်းႁဝ်း ႁဵတ်းႁႂ်ႈယွတ်ႈၶၢႆ လူတ်းလူင်း/ ႁဝ်းၶၢႆလႆႈဢေႇလူင်း

ဢၼ်ၼႆႉ မၼ်းႁဵတ်းႁႂ်ႈႁဝ်းႁၼ်ၸႅင်ႈလႅင်းဝႃႈ ယွတ်ႈၶၢႆႁဝ်းလူတ်းလူင်း/ႁဝ်းၶၢႆဢမ်ႇလီမိူၼ်မိူဝ်ႈၵွၼ်ႇ
ၸွမ်းၼင်ႇငဝ်ႈႁၢၵ်ႈလွင်ႈတၢင်း မိူၼ်ၼင်ႇ
- တၢင်းယၢမ်ႈၽူႈသိုဝ်ႉပိူင်ႈ(Customer Behavior)
- လွင်ႈၶႂ်ႈလႆႈၶူဝ်းၶွင်ႁဝ်းလူတ်းယွမ်းလူင်း(Demand product)
- Brand ၶွမ်ႇပၼီႇ တႄႇသုမ်း သုၼ်ႇမႅင်ႇၵၢတ်ႇ (marketshare)
ဢၼ်မီးလွင်ႈၶေႉၶဵင်ႇၵၼ် ၼမ်လိူဝ်ႁႅင်းၶိုၼ်ႈၵူႈမိုဝ်ႉၵူႈဝၼ်း

သဵၼ်ႈတၢင်းဢွၵ်ႇ ဢၼ်ထုၵ်ႇမႅၼ်ႈသုတ်းၼၼ်ႉ ၵၢၼ်ၶၢႆၶူဝ်းၵႃႉၶၢႆႁဝ်းဢွၵ်ႇမူတ်းမူတ်း
ၸႂ်ႉလွၵ်းလၢႆး -လူတ်း - လႅၵ်ႈ - ၸႅၵ်ႇ - ထႅမ်
လူတ်းၵႃႈၶၼ် ၊ လႅၵ်ႈၵၼ်တင်းၶူဝ်းၶွင်တၢင်ႇဢၼ် ၊ ပေႃးသိုဝ်ႉတီႈႁဝ်း ႁဝ်းတေတွၼ်းပႃး ၶူဝ်းၶွင် ဢၼ်ၼၼ်ႉ ဢၼ်ၼႆႉ လႄႈ သိုဝ်ႉၼိုင်ႈထႅမ်ၼိုင်ႈ တႄႇၵႂႃႇၸိူဝ်းၼႆႉ
တႃႇႁႂ်ႈၶူဝ်းၵႃႉၶၢႆႁဝ်း ယူႇၼႂ်းၵၢတ်ႇလႆႈ ၶၢႆလႆႈၼႂ်းၵၢတ်ႇသေ ယူႇၵႂႃႇလႆႈ
သင်ဝႃႈ ႁဝ်းယင်း ၶူင်သၢင်ႈၶူဝ်းၵႃႉၶၢႆမႂ်ႇမႂ်ႇ ဢွၵ်ႇမႃးပႆႇလႆႈ/ သင်ဝႃႈႁဝ်းပႆႇမီးၶူဝ်းၶွင်သင် မႃႈတႅၼ်းတၢင်ၶူဝ်းၶွင်ၵဝ်ႇလႆႈ
ၵမ်းလိုၼ်းသုတ်း ၶူဝ်းၵႃႉၶၢႆ ႁဝ်းၼၼ်ႉ တေႁၢႆၵႂႃႇၼႂ်းၵၢတ်ႇႁင်းၵူၺ်းမၼ်း
လၢႆးဢၼ်ၼႆႉ လီလိူဝ်သေ ႁဝ်းလႆႈဢဝ်ၶူဝ်းၵႃႉၶၢႆ ႁဝ်းၵႂႃႇပႅတ်ႈလၢႆလၢႆ လႄႈ ၶၢႆဢမ်ႇဢွၵ်ႇ
ပွင်ႇဝႃႈ ဢမ်ႇႁဵတ်းဢွၵ်ႇၶူဝ်းၶွင် ဢၼ်မိူၼ်ၵဝ်ႇထႅင်ႈ ၵူၺ်းၵႃႈ ၶူင်သၢင်ႈႁဵတ်းဢွၵ်ႇၶူဝ်းၵႃႉၶၢႆမႂ်ႇဢွၵ်ႇမႃး

သင်ႁဝ်းၶႃႈ မႃႈႁုပ်ႈၵႅပ်ႈၵႅပ်ႈၵေႃႈ လွင်ႈဢၼ်ပွင်ႇၸႂ် "တူင်ႇဝူင်းလေႃႉၶူဝ်းၵႃႉၶၢႆ" ဢမ်ႇၼၼ် Product Life Cycle ၼၼ်ႉ
မၼ်းၸွႆႈႁဝ်းႁူႉဝႃႈ ႁဝ်းတေလႆႈၸႂ်ႉ လွၵ်းလၢႆးႁဵတ်းသၢင်ႈၵၢတ်ႇ/လွၵ်းလၢႆးၶၢႆ ၸိူင်ႉႁိုဝ် ႁႂ်ႈမႅၼ်ႈၵၼ်တင်းတွၼ်ႈၶၢဝ်း/ဢႃႇယု လႄႈ ၵိုင်ႇလႅပ်ႈ
ယဝ်ႉၵေႃႈ မၼ်းယင်းႁဵတ်းႁႂ်ႈ မုင်ႈႁၼ်သၢႆငၢႆငဝ်းလၢႆးၵၢတ်ႇ ဢၼ်တေၸၢင်ႈၵိူတ်ႇၶိုၼ်ႈ
တႃႇႁႂ်ႈႁဝ်း ၶိုၼ်းလႆႈ မေးသၢင်ႈၽႅၼ် (ၽႅၼ်၊ ၸတ်း၊ ထတ်း၊ မေး) ႁႂ်ႈၶိုတ်းၶၢဝ်းယၢမ်း

ဢၼ်လွင်ႈယႂ်ႇသုတ်းတႄႉ တူင်ႇလေႃႉၶူဝ်းၵႃႉၶၢႆ ၼႆႉၵေႃႈ မိူၼ်ၵၼ်တင်း ၸၢတ်ႈပၢၼ်ၵူၼ်းႁဝ်းယဝ်ႉ
မီးမိူဝ်ႈၵိူတ်ႇ မိူဝ်ႈယႂ်ႇ မႂ်ႇတဵမ်တူဝ် လႄႈ ထဝ်ႈ ၼၼ်ႉယဝ်ႉ
မႅၼ်ႈၵၼ်တင်း ၶေႃႈသင်ႇသွၼ်ပုတ်ႉထၸဝ်ႈႁဝ်းဝႃႈဝႆႉၼၼ်ႉႉႉႉ
ၵိူတ်ႇမႃးယဝ်ႉၵေႃႈ လုႁၢႆတၢႆၸၢၵ်ႇ ဢမ်ႇမီးသင်မၼ်ႈၵိုမ်းၵႂႃႇလႆႈ

ယွၼ်းႁႂ်ႈၽူႈလူဢၢၼ်ႇတင်းသဵင်ႈ ၸႂ်ႉတိုဝ်ႉၽဝၸဝ်ႈၵဝ်ႇ ႁႂ်ႈမီးၵႃႈၶၼ် ႁႂ်ႈမီးၽွၼ်းလီ တႃႇတူဝ်ၸဝ်ႈၵဝ်ႇ ပေႃႈမႄႈပီႈၼွင်ႉလႄႈ ၸိူဝ်ႉၶိူဝ်းၸဝ်ႈၵဝ်ႇၵႂႃႇလႆႈ ၵူႈၽႂ်မၼ်းသေၵမ်း။

ၼပ်ႉၼမ်ယႂ်ႇၼမ်သေ
ထူးၶမ်ႈ
(13/04/2021)

References:
*http://marketingforexp.blogspot.com/.../product-life...
*https://www.popticles.com/.../product-life-cycle-for.../
*http://www.elcls.ssru.ac.th/.../Chapter2%20Log2402%20R2..
*https://iok2u.com/index.php/article/marketing/323-product-life-cycle-plc

10/04/2021

Company ယႂ်ႇလူင်
တူၺ်းထိုင်လုမ်းလႃး/ပၼ်Welfare ၵူၼ်းႁဵတ်းၵၢၼ်ၸွမ်းၶဝ် ၸိူင်ႉႁိုဝ်? |

တႃႇႁႂ်ႈၵူၼ်းႁဵတ်းၵၢၼ်ၸွမ်းႁဝ်း/လုၵ်ႈၼွင်ႉႁဝ်း ပေႃးတေဢမ်ႇၶႂ်ႈဢွၵ်ႇၵၢၼ် ၽၢတ်ႇယၢၼ်ႁဝ်းၵႂႃႇၼၼ်ႉ
#ႁဝ်းထုၵ်ႇလီဢဝ်ၸႂ်ၶဝ် မႃးသႂ်ႇၸႂ်ႁဝ်းၽွင်ႈယူႇ
#ဝူၼ်ႉတႃႇပိူၼ်ႈတႃႇႁဝ်း
ၵွပ်ႈၼၼ် တႃႇႁႂ်ႈၼႃႈၵၢၼ်ၶိုၼ်ႈယႂ်ႇမႂ်ႇသုင် ထိုင်ယိူင်းမၢႆလႆႈၼၼ်ႉ ဢမ်ႇမီးၵူၼ်းဢမ်ႇပဵၼ်

ၼမ်ႉယမ်ယႂ်ႇၼမ်သေ
ထူးၶမ်း
10/04/2021

09/04/2021

Hoshin Kanri လၢႆးဝၢင်းၽႅၼ်ၼင်ႇလႅမ်ႈၶဵမ် တႃႇႁႂ်ႈမူႇၸုမ်းထိုင်ယိူင်းမၢႆ |

ၼႂ်းမုၵ်ႉၸုမ်း ၶွမ်ႇပၼီႇ ဢမ်ႇၼၼ် Organization မီးလွင်ႈဝၢင်းၽႅၼ်ဝႆႉ တႃႇႁႂ်ႈထိုင်ယိူင်းမၢႆဝႆႉ ၵူႈပီပီ
ၵူၺ်းၵႃႈ ႁဝ်းသမ်ႉတေႁဵတ်းႁိုဝ်သေ ႁူႉလႆႈဝႃႈ လွင်ႈဢၼ်ႁဝ်းႁဵတ်းသၢင်ႈယူႇၼၼ်ႉ မႃးထုၵ်ႇမႅၼ်ႈသဵၼ်ႈတၢင်းမၼ်း လႄႈ ၸွႆႈႁဵတ်းႁႂ်ႈမုၵ်ႉၸုမ်း ထိုင်မၢႆၼင်ႇဢၼ် တမ်းဝၢင်းဝႆႉ

သင်ဝႃႈတင်ႈမုၵ်ႉၸုမ်း ႁိုဝ် ၶွမ်ႇပၼီႇ မႃးယဝ်ႉ ဢၼ်လူဝ်ႇလႆႈႁဵတ်းသၢင်ႈၼၼ်ႉ "လွင်ႈဝၢင်းၽႅၼ်ဝႆႉလီလီ"
လွၵ်းလၢႆးဝၢင်းၽႅၼ် ဢၼ်ၽွမ်ႉၵၼ်ၸႂ်ႉမႃးၼႂ်းၶၢဝ်းတၢင်း 60 ပီလိူဝ်ယဝ်ႉၼၼ်ႉ ႁွင်ႉဝႃႈ Hoshin Kanri

Hoshin Kanri ၼႆႉ ပဵၼ်လွၵ်းလၢႆးဝၢင်းၽႅၼ်(Strategy) မိူင်းၵျႃႇပၢၼ်ႇ ၵူၺ်းၵႃႈ ၶွမ်ႇပၼီႇ မိူင်းဢမေႇရိၵၢၼ်ႇ ဢဝ်ပိုၼ်ၽေႈလႄႈ ၸႂ်ႉတိုဝ်းသေ ႁဵတ်းႁႂ်ႈၵူၼ်းႁူႉၼမ်မႃး

Hoshin ပွင်ႇဝႃႈ "ၵၢၼ်ဝၢင်းၽႅၼ်သဵၼ်ႈတၢင်း" လႄႈ Kanri ၼႆႉသမ်ႉ ပွင်ႇဝႃႈ "ၵၢၼ်ၸတ်းၼႃႈၵၢၼ်"
မိူဝ်ႈႁူမ်ႈၵၼ်ယဝ်ႉ မီးတီႈပွင်ႇဝႃႈ "ဝၢင်းၽႅၼ်သဵၼ်ႈတၢင်းတႃႇၸတ်းၵၢၼ်ၼႃႈၵၢၼ်"၊
ပဵၼ်ၵၢၼ်ဝၢင်းꧤႅၼ် ဢၼ်ယိူင်းထိုင်ပဝ်ႉမၢႆ တႃႇၶၢဝ်းလႂ်ၶၢဝ်းၼၼ်ႉ လိူၼ်လႂ်လိူၼ်ၼၼ်ႉ ပီလႂ်ပီၼၼ်ႉ ၼႆယဝ်ႉ။

လွၵ်းလၢႆး Hoshin Kanri ၼႆႉ မီးဝႆႉ 7 ၶၵ်ႉတွၼ်ႈ ႁဵတ်းသၢင်ႈၼႃႈၵၢၼ် ၼင်ႇၽၢႆႇတႂ်ႈၼႆႉႉႉႉႉႉႉႉႉႉႉႉႉႉႉႉႉႉႉႉႉ

🎯🎯🎯🎯🎯🎯🎯
1️⃣ တမ်းဝၢင်းသဵၼ်ႈတၢင်း/ယိူင်းဢၢၼ်း (Vision) လႄႈ လၢမ်းၶၢတ်ႈသၢႆငၢႆငဝ်းလၢႆးမိူဝ်ႈလဵဝ် (Assess current situation)

ၼႂ်းၶၵ်ႉတွၼ်ႈဢၼ်ၼႆႉ ဢၼ်လွင်ႈယႂ်ႇသုတ်းတႄႉ တေလႆႈၵူတ်ႇထတ်း/ထတ်းသၢင်ႈဝႃႈ ပဝ်ႉမၢႆ လႄႈ လွင်ႈႁဵတ်းသၢင်ႈႁဝ်းၼၼ်ႉ ၸွင်ႇတူၵ်းမႅၼ်ႈႁွႆးၵၼ်/ၸွင်ႇၵႂႃႇတၢင်းလဵဝ်ၵၼ်
လိူဝ်ၼၼ်ႉ တေလႆႈၶုၵ်းၶူၼ်ႉၶိုၼ်းဝႃႈ ၶၵ်ႉတွၼ်ႈဢၼ်တိုၵ်ႉႁဵတ်းသၢင်ႈယူႇၼၼ်ႉ ၸွင်ႇႁဵတ်းႁႂ်ႈ/ဢွၼ်ပႃး မုၵ်ႉၸုမ်း ၶွမ်ႇပၼီႇ ၸုမ်းႁဝ်း ဢွင်ႇမင်ႇလႆႈ (Objectives) ဢၼ်ႁဝ်းတမ်းဝၢင်းဝႆႉတႃႇမိူဝ်းၼႃႈယူႇႁိုဝ်
ဢိၵ်ႇသမ်ႉ မီးၶၵ်ႉတွၼ်ႈလႂ် ဢၼ်ႁဝ်းႁဵတ်းသၢင်ႈလႆႈလီ၊ ယဝ်ႉသမ်ႉမီးၶၵ်ႉတွၼ်ႈလႂ် ဢၼ်ႁဝ်းလူဝ်ႇပူၼ်ႉမေးလႄႈၽိူမ်ႉထႅမ်

2️⃣ တင်ႈပဝ်ႉမၢႆ တႃႇၶၢဝ်းယၢဝ်း

ၵၢၼ်တင်ႈပဝ်ႉမၢႆၶၢဝ်းယၢဝ်း ပွင်ႇဝႃႈ ၵၢၼ်ဝၢင်းယိူင်းမၢႆဝႆႉ ႁႂ်လီလိူဝ်ၵဝ်ႇ လႄႈ မီးလွင်ႈၶဵင်ႇတႃႉ (Challenge) လိူဝ်ၵဝ်ႇ
ၵမ်ႈပႃႈၼမ် ႁဝ်းတေလႆႈႁၼ်ဝႃႈ ယိူင်းမၢႆၸိူဝ်းၼႆႉ ဝၢင်းဝႆႉ တႃႇၶၢဝ်းတၢင်း 3 ထိုင် 5 ပီ တေႃႇႁႂ်ႈဢွင်ႇမင်ႇ/ထိုင်ယိူင်းမၢႆ
မိူၼ်ၼင်ႇ ၵၢၼ်ၶဝ်ႈၸူးၵၢတ်ႇမႂ်, (entering marketing)၊ ၵၢၼ်ၵပ်းသိုပ်ႇၶူဝ်းၵႃႉၶၢႆ (New product)မႂ်ႇမႂ်ႇ လႄႈ ၵၢၼ်လႅၵ်ႈလၢႆႈလွင်ႈၸွႆႈလိူဝ် (Services) လၢႆလၢႆမဵဝ်းဢွၵ်ႇ

3️⃣ ၵၢၼ်တမ်းဝၢင်း ယိူင်းမုင်ႈ (Objective) ဢၼ်ႁဝ်းလူဝ်ႇ

တႃႇတေထိုင်ယိူင်းမၢႆၶၢဝ်းယၢဝ်းမိူဝ်းၼႃႈလႆႈၼၼ်ႉ ႁဝ်းလူဝ်ႇလႆႈတမ်းဝၢင်း ယိူင်းမုင်ႈ (Objectives) ပီလႂ်ပီၼၼ်ႉ
တႃႇႁႂ်ႈမုၵ်ႉၸုမ်း ၶွမ်ႇပၼီႇ ႁိုဝ် Organization ႁူႉဝႃႈ ၼႂ်းပီလႂ်ပီၼၼ်ႉ တေလႆႈႁဵတ်းသၢင်ႈသင် တႃႇႁႂ်ႈယိူင်းမၢႆၶၢဝ်းယၢဝ်းႁဝ်းထိုင်တီႈ
မိူၼ်ၼင်ႇ သင်ဝႃႈယိူင်းမၢႆႁဝ်း ပဵၼ် လွင်ႈၵၢၼ်ၵပ်းသိုပ်ႇၶူဝ်းၵႃႉၶၢႆမႂ်ႇမႂ်ႇ ၶၢႆ ၼႂ်းၶၢဝ်းတၢင်း 3 ပီၼႆ၊ ၶွမ်ႇပၼီႇ လူဝ်ႇလႆႈလဵပ်ႈႁဵၼ်းၶူၼ်ႉၶႂႃႉ လွင်ႈၵၢတ်ႇ တီႈတေၶၢႆ ၽၢႆႇၼႂ်းပီၼႆႉ ၵမ်းလဵဝ်။

4️⃣ ပွင်ႇၶၢဝ်ႇလွင်ႈႁူဝ်ယွႆႈ ၵူႈၽၢႆႇဢၼ်ၵပ်းၵၢႆႇ လႆႈႁူႉၵၼ်

ဝႆၢးသေႁဝ်း တမ်းဝၢင်းယိူင်းမုင်ႈ (Objective) တႃႇႁႂ်ႈထိုင်ယိူင်းမၢႆ ပီလႂ်ပီၼၼ်ႉယဝ်ႉ
ၸုမ်းၽၢႆႇၸတ်းၵၢၼ်လူဝ်ႇလႆႈ ပွင်ႇၶၢဝ်ႇ/ၸႅင်ႈလႅင်း လွင်ႈႁူဝ်ယွႆႈ ၵူႈၽၢႆႇလႆႈႁူႉၸွမ်း တႃႇႁႂ်ႈၸုမ်းၵူႈၽၢႆႇ တင်ႈလႆႈမဝ်ႉမၢႆ (Objective) ႁႂ်ႈမႃးၵွင်ႉၵၢႆႇၵၼ်တင်း ပဝ်ႉမၢႆ/ယိူင်းဢၢၼ်း (Objective) ၶွမ်ႇပၼီႇ/မုၵ်ႉၸုမ်းယႂ်ႇ

5️⃣ လူင်းမိုဝ်းႁဵတ်းသၢင်ႈၸွမ်း ယိူင်းမုင်ႈ (Objective) ပီလႂ်ပီၼၼ်ႉ

တွၼ်ႈၶၵ်ႉတွၼ်ႈဢၼ်ၼႆႉ ပဵၼ်ၵၢၼ်လူင်းမိုဝ်းႁဵတ်းသၢင်ႈၼႃႈၵၢၼ် တႃႇႁႂ်ႈထိုင်ယိူင်းမၢႆဢၼ်ႁဝ်းတင်ႈဝႆႉ
ၸႂ်ႉလၢႆး PDCA မႃးၸွႆႈႉႉႉႉႉႉႉႉႉႉႉႉႉႉႉႉႉႉႉႉႉႉႉ
- ဝၢင်းၽႅၼ် တေလႆႈႁဵတ်းသင်ၽွင်ႈ (Plan)
- လူင်းမိုဝ်းႁဵတ်းသၢင်ႈၸွမ်း ၽႅၼ်ၵၢၼ်ဢၼ်ႁဝ်းဝၢင်းဝႆႉ(Do)
- ၵူတ်ႉထတ်းၸွမ်း လွင်ႈဢၼ်ႁဵတ်းသၢင်ႈ(Check)
- သင်ဝႃႈထူပ်းလွင်ႈၽိတ်းပိူင်ႈၵေႃႈ ႁႂ်ႈၵႄႈလိတ်ႈ(Action)

6️⃣ ၵၢၼ်ၶူၼ်ႉၶႆႈ/ၶုၵ်းထူပ်း ၽႄၵၢၼ်ၼႂ်းၵူႈလိူၼ်လိူၼ်

တွၼ်ႈၼႆႉ ပဵၼ်တွၼ်ႈၵူတ်ႇထတ်း လွင်ႈၼႃႈၵၢၼ်ၶိုပ်ႈၼႃႈ ၵူႈၽၢႆႇၽႆၢႇ လႄႈ ၸွႆႈႁႂ်ႈမုၵ်ႉၸုမ်း ၶွမ်ႇပၼီႇ Organization ႁူႉဝႃႈ
ၸုမ်းၵူႈၽၢႆႇၽၢႆႇ ႁဵတ်းသၢင်ႈၼႃႈၵၢၼ် ၸွမ်းသဵၼ်ႈတၢင်း ဢၼ်တမ်းဝၢင်းဝႆႉယူႇႁိုဝ်

7️⃣ ၵၢၼ်ၵူတ်ႇထတ်း/ထတ်းသၢင် ၵူႈပီပီ

ဝၢႆးၼိုင်ႈပီပူၼ်ႉၵႂႃႇယဝ်ႉ ပဵၼ်ၶၢဝ်းတေလႆႈႁဵတ်းလၢႆးငၢၼ်း/လိၵ်ႈပွင်ႇလႅင်း/ Annually Report လွင်ႈၶိုပ်ႈၼႃႈ မုၵ်ႉၸုမ်း/Organization ႁႂ်ႈႁူမ်ႇငမ်းၵူႈၽၢႆႇၽၢႆႇ
တေၸၢင်ႈမီးလွင်ႈလႅၵ်ႈလၢႆႈ ၽိူမ်ႉထႅမ် ပဝ်ႉမၢႆ ၽႅၼ်ၵၢၼ်လၢႆလၢႆလွင်ႈ တႃႇႁႂ်ႈငၢမ်ႇမႅၼ်ႈပဝ်ႉမၢႆယႂ်ႇ လႄႈ ႁႂ်ႈပီၼႃႈလီသေဢွၼ် တွၼ်းသေပီၵဝ်ႇ

လိုၼ်းသုတ်း တေႁူႉၵၼ်လႆႈဝႃႈ ၵၢၼ်ဝၢင်းၽႅၼ် Hoshin Kanri ၼႆႉ ဢမ်ႇၸႂ်ႈဝႃႈ ပဵၼ်ၵၢၼ်သင်ႇၼႃႈၵၢၼ်ၽၢႆႇၼိူဝ်လူင်းၸူးၽၢႆႇတႂ်ႈမဵဝ်းလဵဝ်
ၵူၺ်းၵႃႈ ပဵၼ်တူင်ႇဝူင်း/သမ်ႇသႃႇရႃႇ ဢၼ်ၵွပ်းသိုပ်ႇၵွင်ႉၵၢႆႇၵၼ်ယူႇတႃႇသေႇ ဢၼ်ပဵၼ်ၶိူင်ႈဢၼ်လူဝ်ႇလႆႈႁူမ်ႈၵၼ်သေ ႁဵတ်းႁႂ်ႈ Hoshin Kanri ပဵၼ်တီႈယွမ်းႁပ်ႉ လႄႈ ဢွင်ႇမင်ႇ
ႁဵတ်းႁႂ်ႈမူႇၸုမ်းလႄႈၶွမ်ႇပၼီႇ လႅၵ်ႈလၢႆႈ ၽိူမ်ႉထႅမ် ႁႂ်ႈတူၵ်းထုၵ်ႇသေ ထုၵ်ႇမႅၼ်ႈၸွမ်းငဝ်းလၢႆးဢၼ်လႅၵ်ႈလၢႆႈ။

ယုမ်ႇယမ်ဝႃႈ တေပဵၼ်တၢင်းၸွႆႈထႅမ် တႃႇႁႂ်ႈၽူႈဝၢင်းၽႅၼ် လႄႈ ၽူႈဢွၼ်ႁူဝ် ဢဝ်ၵႂႃႇၸႂ်ႉတိုဝ်း ႁႂ်ႈမုၵ်ႉၸုမ်းၶိုပ်ႈၼႃႈ ၶိုၼ်ႈယႂ်ႇယူႇၶႃႈ

ၶွပ်ႈၸႂ်ယႂ်ႇၼမ်သေ
Tookham
09\04\2021

References
-https://www.clearpointstrategy.com/hoshin-planning.../....
-https://kanbanize.com/.../hoshin-kanri/what-is-hoshin-kanri
-https://blog.kainexus.com/.../the-7-steps-of-hoshin-kanri...

08/04/2021

Bill Gate ဢၢၼ်ႇပပ်ႉလိၵ်ႈၸိူင်ႉႁိုဝ် ႁဵတ်းႁႂ်ႈလႆႈလဵပ်ႈႁဵၼ်းလွင်ႈမႂ်ႇမႂ်ႇ လႄႈ တွင်းလႆႈၶေႃႈမုၼ်းတင်းၼမ် |

သင်ဝႃႈ ၶႂ်ႈပဵၼ်ၵူၼ်းၵတ်ႉၶႅၼ်ႇ ၵေႃႉဢၼ်ႁူႉလႆႈလၢႆလၢႆလွင်ႈၸိုင်
လွၵ်းလၢႆးဢၼ်လီသေ ပိူၼ်ႈသုတ်းၼၼ်ႉတႄႉ ဢၢၼ်ႇလိၵ်ႈသေ လဵပ်ႈႁဵၼ်းႁူႉဢဝ် ၼႂ်းပပ်ႉလိၵ်ႈ

ၵူၺ်းၵႃႈ ပၼ်ႁႃ ဢၼ်ၵူၼ်းႁဝ်းၵမ်ႈပႃႈၼမ် ႁူပ်းထူပ်းၺႃးၼၼ်ႉတႄႉ ဢၢၼ်ႇယဝ်ႉဢမ်ႇတွင်း လႄႈ ဢၢၼ်ႇယဝ်ႉၵေႃႈလိုမ်းၶိုၼ်းငၢႆႈငၢႆႈ ၵမ်းလိုၼ်းၵေႃႈ မိူၼ်ႁၢင်ႈဢၢၼ်ႇယဝ်ႉ ဢမ်ႇလႆႈသင်ၵူၺ်း

ၽူႈလႂ်ၽႂ်ဢမ်ႇဝႃႈ သင်ဝႃႈထူပ်းၺႃးပၼ်ႁႃၸိူဝ်းၼႆႉ ယူႇၸိုင် ၽၢႆႇႁဝ်းၶႃႈ Billionares Vision မီးလွၵ်းလၢႆးလီလီ လုင်း Bill Gate ၽူႈၵေႃႇတင်ႈ လႄႈ ပဵၼ် CEO ၵဝ်ႇ ၶွမ်ႇပၼီႇ Microsoft မႃးၽၢၵ်ႇတွၼ်ႈၶႃႈ

လုင်းပဵဝ်းလ်ၵဵၵ်ႉၼႆႉ ပဵၼ်ၵူၼ်းၵေႃဢၼ် ပဵၼ်ၽူႈမၢၵ်ႈမီးလူင် 1 ၼႂ်း 10 ၼႂ်းလူၵ်ႈၼႆႉၵေႃႉၼိုင်ႈ ပဵၼ်ၵေႃႉဢၼ်ဢၢၼ်ႇပပ်ႉလိၵ်ႈၼမ်လၢႆ လႄႈ လႆႈၸႂ်ဢၢၼ်ႇပပ်ႉလိၵ်ႈတႄႉတႄႉ၊ ဢွၵ်ႇတၢင်းမိူဝ်ႈလႂ်ၵေႃႈ ပႃးပပ်ႉလိၵ်ႈၵႂႃႇၸွမ်းတႃႇသေႇ

လုင်းပိဝ်းလ်ၵဵၵ်ႉ မီးထူင်ဢၼ်ၼိုင်ႈ တႃႇသႂ်ႇပပ်ႉလိၵ်ႈ တႃႇ 10 ပပ်ႉ ၼႂ်းမၼ်း၊ လုင်းႁဝ်းႁဵတ်းသဵၼ်ႈမၢႆၶၢဝ်းယၢမ်းဢၢၼ်ႇပပ်ႉလိၵ်ႈဝႆႉ ၼႂ်းၼိုင်ႈဢႃးတိတ်ႉၼၼ်ႉ တေဢၢၼ်ႇလွင်ႈသင်ၼႆၵေႃႈ ဢဝ်သႂ်ႇဝႆႉ ၼႂ်း10
ပပ်ႉၼၼ်ႉ ၸွမ်းၼင်ႇလိူၵ်ႈဝႆႉ လႄႈ ဢဝ်ပႃးၸပ်းတူဝ်ၶႂ်ႈပဵၼ်ၵူႈတီႈ

လွင်ႈတၢင်းဢၼ်လုင်းႁဵတ်းၸိူင်ႉၼင်ႉၼႆၼႆႉ လုင်းယုမ်ႇယမ်ဝႃႈ
👉တၢင်းႁူႉထုၵ်ႇလီယူႇႁွပ်ႈၶၢင်ႈႁဝ်းဝႆႉတႃႇသေႇ လႄႈ လွင်ႈဢၢၼ်ႇပပ်ႉလီလီၼမ်ၼမ်ၼႆႉၵေႃႈ ႁဵတ်းႁႂ်ႈႁဝ်းပၢႆးဝူၼ်ႉတၢင်းႁၼ်လၢႆလၢႆၽၢႆႇၵႂၢင်ႈၶႂၢင် လႄႈ ႁဵတ်းႁႂ်ႈႁဝ်းပွင်ႇတၢင်းႁူႉတၢင်းႁၼ်လၢႆလၢႆၽၢႆႇလႆႈလီၶိုၼ်ႈထႅင်ႈၵွၼ်ႇ

လွၵ်းလၢႆးဢၢၼ်ႇလိၵ်ႈ Bill Gate ဢၢၼ်ႇၸိူင်ႉႁိုဝ်သေ လဵပ်ႈႁဵၼ်းႁူႉလွင်ႈမႂ်ႇမႂ်ႇ လႄႈ ၵဵပ်းတွင်းလႆႈၶေႃႈမုၼ်းလီ

1️⃣ မိူဝ်ႈၽွင်းဢၢၼ်လိၵ်ႈၼၼ်ႉ ႁဝ်းလူဝ်ႇမၼ်ႈၸႂ်ဝႃႈ ႁဝ်းဢဝ်ၸႂ်ၸပ်း(Focus)လႆႈ လႄႈ မီးသမႃႇထိ ၼႂ်းလွင်ႈလႂ်လွင်ႈၼိုင်ႈ ဢမ်ႇၼၼ် ပပ်ႉလႂ်ပပ်ႉၼိုင်ႈ၊ သင်ဝႃႈ ၼိူဝ်ႉၵႂၢမ်း/ၶေႃႈမုၼ်း ဢၼ်ႁဝ်းဢၢၼ်ႇၼၼ်ႉ ယၢပ်ႇၼႃႇၼႆ ထုၵ်ႇလီဢၢၼ်ႇသွင်ၵမ်း

သင်ဝႃႈႁဝ်းတင်ႈၸႂ်ဢၢၼ်ႇလိၵ်ႈၼႆ ႁဝ်းထုၵ်ႇလီႁႃတီႈ ဢမ်ႇၼၼ် ၶၢဝ်းယၢမ်း ဢၼ်တေဢမ်ႇၸၢင်ႈမီးၽႂ်မႃးသုၵ်ႉသၵ်ႉ ယႃႉၵဝ်းသမႃႇထိ
ႁဝ်းလု လႄႈ ႁဵတ်းႁႂ်ႈႁဝ်းဢဝ်ၸႂ်ၸပ်းလွင်ႈဢၼ်ႁဝ်းဢၢၼ်ႇလႆႈ

ပဵဝ်းလ်ၵဵၵ်ႉ ပၼ်တၢင်းႁၼ်ထိုင်ဝႃႈ 👉 သင်ဝႃႈပပ်ႉလိၵ်ႈဢၼ်ပဵၼ်လွင်ႈမႂ်ႇမႂ်ႇတႃႇႁဝ်း ဢမ်ႇၼၼ် ယၢပ်ႇတႃႇႁဝ်းၸိုင် ႁႂ်ႈဢၢၼ်ႇ 2 ၵမ်း 3 ၵမ်းၵေႃႈယိုင်ႈလီ တႃႇႁဵတ်းႁႂ်ႈႁဝ်းပွင်ႇၸႂ်ၼိူဝ်ႉၵႂၢမ်းဢၼ်ၼၼ်ႉၸႅင်ႈလႅင်းလီ

2️⃣ ႁုပ်ႈၵႅပ်ႈ ဢၼ်ပဵၼ်ႁူၸႂ်မူႇလိၵ်ႈ/ပပ်ႉလိၵ်ႈဢၼ်လွင်ႈယႂ်ႇ လႄႈ ၶေႃႈမုၼ်းလွင်ႈယႂ်ႇ ႁႂ်ႈလႆႈ 20% ပုၼ်ႈ ၼႂ်းၼိူဝ်ႉၵႂၢမ်းတင်းသဵင်ႈ

လုင်းပဵဝ်းလ်ၵဵၵ်ႉ လၢတ်ႈဝႃႈ 👉 ၶႃႈတေယွမ်းသုမ်းၶၢဝ်းယၢမ်း ႁုပ်ႈၵႅပ်ႈၼိူဝ်ႉၵႂၢမ်း မူႇလိၵ်ႈ/ပပ်ႉလိၵ်ႈဢၼ်ၶႃႈဢၢၼ်ႇယဝ်ႉ သင်ၶႃႈထူပ်းၺႃးဝႃႈ ၶေႃႈမုၼ်းၸိူဝ်းၼၼ်ႉ ပဵၼ်ၶေႃႈမုၼ်းမႂ်ႇမႂ်ႇတႃႇၶႃႈ ဢၼ်တေမီးၽွၼ်းလီ လႄႈ ဢဝ်ၵႂႃႇၸႂ်ႉတိုဝ်းသေ သိုပ်ႇႁဵၼ်းႁူႉလႆႈထႅင်ႈ

လွၵ်းလၢႆးၼၼ်ႉတႄႉ ႁုပ်ႈႁႂ်ႈၵႅပ်ႈၵႅပ်ႈ ဢမ်ႇပႅတ်ႈၶေႃႈလွင်ႈယႂ်ႇ ဢမ်ႇၵဵပ်းသႂ်ႇႁႂ်ႈပွတ်းပူၼ်ႉ လႄႈ ယၢဝ်းပူၼ်ႉတီႈ မွၵ်ႈႁူဝ်ပၢၵ်ႇ 20% ၶွင်ၼိူဝ်ႉၵႂၢမ်းတင်းမူတ်း လႄႈ ႁူမ်ႈငမ်းထိုင်ၵူႈႁူဝ်ၵူႈၶေႃႈ ဢၼ်လီသူၼ်ၸႂ်

ၶေႃႈၶိုၵ်ႉလပ်ႉ (Key secret) ဢၼ်လွင်ႈယႂ်ႇထႅင်ႈဢၼ်ၼိုင်ႈတႄႉ ႁႂ်ႈႁုပ်ႈၵႅပ်ႈ "ၵဵပ်းမၢႆတွင်းလူၺ်ႈလၢႆးမိုဝ်း" ၸုမ်းၽၢႆႇၶူၼ်ႉၶႂႃႉ ဢၼ်ႁွင်ႉဝႃႈ The Association for Psychological Science ယွမ်းႁပ်ႉလႄႈ ႁပ်ႉႁွင်းဝႃႈ 👉"ဢဝ်မိုဝ်းသေမၢႆတွင်းဝႆႉၼၼ်ႉ ႁဵတ်းႁႂ်ႈဢွၵ်းဢေႃ ၵူၼ်းႁဝ်းၵဵပ်းတွင်းလႆႈ ၶေႃႈမုၼ်း လီလိူဝ်သေ ၸႂ်ႉၶွမ်းတႅမ်ႈမၢႆ"
ၼႆယဝ်ႉ

3️⃣ ၶတ်းၸႂ်ဝူၼ်ႉၸွမ်း လႄႈ ဢဝ်တူဝ်ၸႂ်ႁူမ်ႈၸွမ်း လွင်ႈဢၼ်ႁဝ်းဢၢၼ်ႇ

ၶေႃႈၼႆႉ ႁဵတ်းႁႂ်ႈႁၼ် လွင်ႈလုင်းပိဝ်းလ်ၵဵၵ်ႇ ဢွၵ်ႇမႃးၸႅင်ႈလႅင်းလီ ယွၼ်ႉပိူဝ်ႈဝႃႈ သင်လုင်းယုမ်ႇယမ်ဝႃႈ ပၢႆးဝူၼ်ႉဢၼ်ၼၼ်ႉ ဢမ်ႇထုၵ်ႇမႅၼ်ႈ ဢမ်ႇၼၼ် လုင်းၶုၺ်ႉႁၼ်ဢိၵ်ႇတၢင်းၼိုင်ႈ/ၸဵင်ႇၼိုင်ႈၸိုင် လုင်းတေတႅမ်ႈဢွၵ်ႇလွင်ႈၶုၺ်ႉႁၼ်လုင်းၵမ်းသိုဝ်ႈ

လုင်းပၼ်တၢင်းႁၼ်ထိုင်ဝႃႈ 👉 မိူဝ်ႈၽွင်းဢၢၼ်ႇပပ်ႉလိၵ်ႈၼၼ်ႉ ႁႂ်ႈၶတ်းၸႂ်ပွင်ႇၸႂ် လႄႈ ဝူၼ်ႉၸွမ်းလွင်ႈဢၼ်ၽူႈတႅမ်ႈၶႂ်ႈလၢတ်ႈထိုင်တႃႇသေႇ လႄႈ သင်ဝႃႈ မီးတွၼ်ႈလႂ်/လွင်ႈဢၼ်လႂ် ဢၼ်ႁဝ်းဢၢၼ်ႇယဝ်ႉ ဢမ်ႇမႅၼ်ႈၵၼ်တင်းလွင်ႈပွင်ႇၸႂ်ႁဝ်းၼႆ ႁႂ်ႈတႅမ်ႈမၢႆ လွင်ႈၶုၺ်ႉႁၼ်/ပၢႆးဝူၼ်ႉပၢႆးႁၼ်ႁဝ်းၼၼ်ႉ တႅမ်ႈဝႆႉတီႈပဝ်ႇႁိမ်းၶၢင်ႈလိၵ်ႈဢၼ်ၼၼ်ႉ

လုင်းလၢတ်ႈ လွင်ႈဢၼ်ႁဵတ်းၸိူင်ႉၼႆၼႆႉ ႁဵတ်းႁႂ်ႈလုင်းငိၼ်းပူၺ်ႈ (Feel) ဝႃႈ တူဝ်လုင်းဢဝ်ၸႂ်သႂ်ႇလွင်ႈဢၼ်ဢၢၼ်ႇ လႄႈ ၶတ်းၸႂ် ႁႃလွင်ႈပွင်ႇၸႂ်ၼႂ်းပၢႆးဝူၼ်ႉ/ၶုၺ်ႉႁၼ်/လွင်ႈႁၼ် လၢႆလၢႆမဵဝ်း ဢမ်ႇၼၼ် လၢႆလၢႆတၢင်း ၵွပ်ႈမၼ်းတေၸၢင်ႈႁဵတ်းႁႂ်ႈလုင်းပွင်ႇၸႂ်လႄႈယွမ်းႁပ်ႉပၢႆးဝူၼ်ႉမႂ်ႇမႂ်ႇလႆႈ

လုင်းပိဝ်းလ်ၵဵၵ်ႇ ယၢမ်ႈလၢတ်ႈဝႆႉ လွၵ်းလၢႆး "ဢၢၼ်ႇယဝ်ႉတွင်း" ဢၼ် ၸုမ်း Quartz မႃး တွင်ႈထၢမ် မိူဝ်ႈပီ 2019 ၼၼ်ႉဝႆႉဝႃႈႉႉႉႉႉ
🤲"သင်ဝႃႈ သူဢၢၼ်ႇၼမ်မႃးယဝ်ႉၸိုင် သူၵေႃႈတေပွင်ႇၸႂ် လွင်ႈတၢင်းလၢႆလၢႆလွင်ႈငၢႆႈၶိုၼ်ႈ ယွၼ်ႉဝႃႈ လွင်ႈမႂ်ႇမႂ်ႇဢၼ်ႁဝ်းဢၢၼ်ႇ မၼ်းၶိုၼ်းၵႆႉမိူၼ်လွင်ႈဢၼ်ႁဝ်းယၢမ်ႈဢၢၼ်ႇမႃး ဢမ်ႇၼၼ် ယၢမ်ႈႁဵၼ်းႁူႉမႃး"🤲

ၼၼ်ႉပွင်ႇဝႃႈ 👉ယိုင်ႈဢၢၼ်ႇၼမ် ယိုင်ႈႁူႉၼမ် လႄႈ ယိုင်ႈပွင်ႇၸႂ် လွင်ႈတၢင်ႇၸိူဝ်ႉတၢင်ႇပိူင်လႆႈငၢႆႈလိူဝ်ၵဝ်ႇ

ဢၼ်လွင်ႈယႂ်ႇလိူဝ်ပိူၼ်ႈသုတ်းၼၼ်ႉတႄႉ 👉 သင်ဝႃႈႁဝ်းၸပ်းၸႂ် လွင်ႈလႂ်လွင်ႈၼိုင်ႈႁႅင်းႁႅင်း ၸွမ်းလူၺ်ႈလွင်ႈပွင်ႇၸႂ်ၸိုင်
တေႁဵတ်းႁႂ်ႈႁဝ်းတွင်းလႆႈ ၶေႃႈမုၼ်းၸိူဝ်းၼၼ်ႉ ဢမ်ႇတၢပ်ႈလူၺ်ႇတဵၵ်းတူဝ်ၸႂ်ႁဝ်း ႁႂ်ႈၶတ်းၸႂ်တွင်း ၼႆယဝ်ႉ။

ယုမ်ႇယမ်ဝႃႈ တေပဵၼ်သဵၼ်ႈတၢင်း
တႃႇၸိူဝ်းၽူႈထူပ်းတၢင်းယၢပ်ႇၽိုတ်ႇ
ဢၢၼ်ႇယဝ်ႉဢမ်ႇတွင်း ဢၢၼ်ႇယဝ်ႉလိုမ်းယူႇ

ၼပ်ႉယမ်ယႂ်ႇၼမ်သေ
ထူးၶမ်း
(08/04/2021)

References
-https://www.cnbc.com/.../bill-gates-reddit-ama-reading...
-https://www.youtube.com/watch?v=8xwh88cI_d8
-https://www.sciencedaily.com/rel.../2014/04/140424102837.htm
-https://www.psychologicalscience.org/
-https://www.gatesfoundation.org/about/leadership...
-Inside Bill's Brain: Decoding Bill Gates. Netflix original.

06/04/2021

လွၵ်းလၢႆးဢၢၼ်ႇလိၵ်ႈ Billionaires !

06/04/2021

ပုၼ်ႈၽူႈဢွၼ်ႁူဝ် ပဵၼ်သင်?
ၼႂ်းတၢင်းႁၼ်ထိုင် CEO ၶွင် GOOGLE

လွင်ႈဢၼ်လႆႈလိူၵ်ႈမႃးပဵၼ် CEO ၶွမ်ႇပၼ်ႇၼီႇ ထႅၵ်ႉၼူဝ်ႇလူဝ်ႇၸီႇလူင် မိူၼ် Alphabet (Google) ၼၼ်ႉ လႆႈဝႃႈ
ပဵၼ်လွင်ႈယၢပ်ႇၽိုတ်ႇလူင်ဢၼ်ၼိုင်ႈယဝ်ႉ
ၵူၺ်းၵႃႈ ဢၼ်ယၢပ်ႇယဵၼ်းလိူဝ်ၼၼ်ႉသမ်ႉ ပဵၼ် "ပၼ်ႁႃ ၼႂ်းမူႇၸုမ်း ဢၼ်လူဝ်ႇလႆႈမႃးၵႄႈလိတ်ႈ" ၼၼ်ႉယဝ်ႉ။

ယိုင်ႈပဵၼ်ၵူၼ်းၵေႃႉ ဢၼ်ပဵၼ်ၸၢဝ်းဢိၼ်းတီးယႃး ဢၼ်ႁွင်ႉၸိုဝ်ႈဝႃႈ Sundar Pichai ဢၼ်တေမႃးႁပ်ႉဢဝ်ပုၼ်ႈၽွၼ်း ပဵၼ် CEO (Chef Executive Official)Aphabet ဢၼ်မီးဝႆႉပၼ်ႁႃၽၢႆႇၼႂ်း ၶွမ်ႇပၼ်ႇၼီႇ တင်းၼမ်တင်းလၢႆယူႇ
CEO ပွင်ႇဝႃႈ ၽူႈဢွၼ်ႁူဝ်ႁဵတ်းသၢင်ႈၼႃႈၵၢၼ်

မႅၼ်ႈၽွင်းမိူဝ်ႈ Google ၺႃးၸုမ်းၽၢႆႇႁႄႉၵၢင်ႈ ၵၢဝ်ႇႁႃတၢင်းၽိတ်းဝႃႈ Google ပဵၼ် Search Engine ဢၼ်ဢၢမ်းၼၢတ်ႈၼိူဝ်ၵၢတ်ႇ(Monopoly)
ဢိၵ်ႇတင်း ပၼ်ႁႃ ၽၢႆႇၼႂ်းၶွမ်ႇပၼီႇ ဢၼ်ၵူၼ်းႁဵတ်းၵၢၼ် 20ႇ000 ၵေႃႉ ႁူမ်ႈတူဝ်ၵၼ် သၢၼ်ၶတ်းလွင်ႈၸၼ်ႉထၢၼ်ႈၸၢႆးလႄႈယိင်း ဢမ်ႇၽဵင်ႇပဵင်းၵၼ် ၼႂ်း Google
လွင်ႈၸိူဝ်းၼႆႉ ပဵၼ်ပၼ်ႁႃယႂ်ႇလူင် ဢၼ်ၽူႈဢွၼ်ႁူဝ် လူဝ်ႇလႆႈၸတ်းၵၢၼ်ၵႄႈလိတ်ႈ လႄႈ ၸၢႆး Sundar Pichai ဝူၼ်ႉႁူႉႁၼ်ဝႃႈ ၼႃႈတီႈပုၼ်ႈၽွၼ်းမၼ်းၸၢႆး ပဵၼ်ဢီႈသင်?

1. ၽူႈဢွၼ်ႁူဝ် လူဝ်ႇလႆႈတႅပ်းတတ်းၸႂ်ႁတ်းႁတ်း
မၢင်ပွၵ်ႈမၢင်လႂ်ၼႆႉ လွင်ႈတႅပ်းတတ်းသဵၼ်ႈၸႂ်ၼၼ်ႉ တေလႆးၸုၼ်ႉ (Risk)ယႂ်ႇလူင်မိူၼ်ၵၼ်၊ ဢၼ်တႅပ်းတတ်းသဵꧣ်ႈၸႂ်ၽိတ်းပိူင်ႈၼၼ်ႉ တေၸၢင်ႈဢဝ်လွင်ႈႁႆၢႉႁၢႆႉလၢႆလၢႆ ၸွမ်းမႃးၽၢႆႇလင် လႄႈ ယိုင်ႈပဵၼ် ၶွမ်ႇပၼ်ႇၼီႇယႂ်ႇၵေႃႈ ယိုင်ႈပၼ်ႁႃၸၢင်ႈၵိူတ်ႇၶိုၼ်ႈလႆႈငၢႆႈငၢႆႈ
လိူဝ်သေၼၼ်ႉ ဢၼ်တွပ်ႇထဵင်ၵၼ် လွင်ႈပၼ်ႁႃလၢႆလၢႆလွင်ႈၸိူဝ်းၼၼ်ႉၵေႃႈ ႁႃၶေႃႈတူၵ်းလူင်း ယွမ်းႁပ်ႉၵၼ်ဢမ်ႇလႆႈသေ
ႁဵတ်းႁႂ်ႈၶွမ်ႇပၼီႇ ဢမ်ႇၸၢင်ႈထိုင်ယိူင်းမၢႆလႆႈ
လွင်ႈၸိူဝ်းၼႆႉ ပဵၼ်ပုၼ်ႈၽွၼ်းၽူႈဢွၼ်ႁူဝ် တေလႆႈႁႃသဵၼ်ႈတၢင်းၵႅတ်ႇၶႄႇႁႄႉၵင်ႈ ယဝ်ႉ။
ၼႃႈတီႈၽူႈဢွၼ်ႁူဝ် ဢၼ်လူဝ်ႇလႆႈႁဵတ်းမိူဝ်ႈၽွင်ႈၸိူင်ႉ ၼၼ်ၼၼ်ႉၵေႃႈ "လွင်ႈတႅပ်းတတ်းသဵၼ်ႈၸႂ်ႁတ်းႁတ်း"
ယိုင်ႈပဵၼ် လွင်ႈတႅပ်းတတ်းသဵၼ်ႈၸႂ် မိူဝ်ႈၽွင်ႈၶွမ်ႇပၼီႇ/မူႇၸုမ်း
ထူပ်းလွင်ႈယၢပ်ႇၽိုတ်ႇ ဢၼ်ဢမ်ႇမီးၽႂ်ၽူႈလႂ် ႁတ်းတႅပ်းတတ်းသဵၼ်ႈၸႂ်လႆႈ ၼၼ်ႉယဝ်ႉ။
2. ထူၵ်းဢွၵ်ႇၼမ်ႉၵတ်ႉၵူၼ်းၼႂ်းမူႇၸုမ်းဢွၵ်ႇမႃး
ၵၢၼ်ထူၵ်းဢွၵ်ႇၵူၼ်းၼႂ်းမူႇၸုမ်းဢွၵ်ႇမႃးၼၼ်ႉ ပွင်ႇဝႃႈ လူဝ်ႇပိုတ်ႇပၼ်သဵၼ်ႈတၢင်းၵူၼ်းၼႂ်းမူႇၸုမ်းမီးသုၼ်ႇၶဝ်ႈႁူမ်ႈၸွမ်း
မိူၼ်ၼင်ႇ ႁဵတ်းပၢင်ၵုမ်ပွၵ်ႈလႂ်ဢမ်ႇဝႃႈ ၼႃႈၵၢၼ်ယႂ်ႇၵေႃႉပဵၼ်ၽူႈဢွၼ်ႁူဝ် လူဝ်ႇလႆႈႁဵတ်းၼၼ်ႉ တေလႆႈႁပ်ႉထွမ်ႇၵူႈၵေႃႉ ယွၼ်ႉပိူဝ်ႈဝႃႈ လွင်ႈဝူၼ်ႉႁၼ်ပိူင်ႈၵၼ်ၼၼ်ႉ ၸၢင်ႈႁဵတ်းႁႂ်ႈႁဝ်းလႆႈပၢႆးဝူၼ်ႉမႂ်ႇမႂ်ႇ ဢမ်ႇၼၼ် ၸၢင်ႈလႅၵ်ႈလၢႆႈသဵၼ်ႈတၢင်းလွင်ႈတႅပ်းတတ်းသဵꧣ်ႈၸႂ်ႁဝ်း
ၵူၺ်းၵႃႈ ဢမ်ႇၸႂ်ႈၵူၼ်းႁဵတ်းၵၢၼ်ၵူႈၵေႃႉ/ၽူႈၸွမ်းလင်ၵူႈၵေႃႉ ႁတ်း လၢတ်ႈဢွၵ်ႇမႃး လႄႈ တၢင်ႇတၢင်းႁၼ်ထိုင်ၼႄ
ဢၼ်ၸၢႆး Sundar Pichai ႁဵတ်းၼၼ်ႉသမ်ႉ မၼ်းၸၢႆးပႆလဵပ်ႈဝူင်းပၢင်ၵုမ်သေ ထၢမ်ပၢႆးဝူၼ်ႉ လႄႈ တၢင်းႁၼ် ၵူၼ်းၸိူဝ်းၶိုၼ်ႈႁွတ်ႈပၢင်ၵုမ်ၵမ်းၵေႃႉၵေႃႉ
ႁဵတ်းႁႂ်ႈၵူၼ်းႁဵတ်းၵၢၼ် မီးလွင်ႈငိၼ်းပူၺ်ႈဝႃႈ ပႃးၶဝ်ၵေႃႉၼိုင်ႈ ၼႂ်းၼႃႈၵၢၼ်ဢၼ်လုဢၼ်လီ သေဢၼ်ဢၼ်ၸိူဝ်းၼၼ်ႉ
ယွၼ်ႉပိူဝ်ႈဝႃႈ ၼႃႈတီႈၽူႈဢွၼ်ႁူဝ်ၵေႃႈ ပဵၼ်လွင်ႈငၵ်းဢွၵ်ႇၼမ်ႉ
ၵတ်ႉပိူၼ်ႈဢွၵ်ႇမႃးၸႂ်ႉ ၊ လွင်ႈပၼ်ႁႅင်းႁႂ်ႈပိူၼ်ႈဢွင်ႇမင်ႇ လႄႈ ပဵၼ်ၽူႈဢွၼ်ႁူဝ်မူႇၸုမ်းႁႂ်ႈပႆၸွမ်းသဵၼ်ႈတၢင်းမၢၼ်ႇမႅၼ်ႈ
လူဝ်ႇလႆႈပွင်ႇၸႂ်ၵူၼ်းဢၼ်ႁဝ်းႁဵတ်းၵၢၼ်ၸွမ်း လႄႈ သၢင်ႈလွင်ႈၸမ် ၸႂ် ၵူၼ်းၼႂ်းမူႇၸုမ်း ႁႂ်ႈမၼ်ႈၵႅၼ်ႇ
ယွၼ်ႉပိူဝ်ႈဝႃႈ လွင်ႈပဵၼ်ၽူႈဢွၼ်ႁူဝ် ၼႂ်းမူႇၸုမ်းၼၼ်ႉ ဢမ်ႇၸႂ်ႈၸၼ်ႉထၢၼ်ႈ ၵူၺ်းၵႃႈ ပဵၼ်လွင်ႈႁဵတ်းသၢင်ႈ
လႄႈ ဢၼ်လွင်ႈယႂ်ႇသုတ်းသမ်ႉ ႁူႉတူဝ်ဝႃႈပဵၼ်ၽူႈဢွၼ်ႁူဝ်ၼႆႉ ထုၵ်ႇလီလႆႈႁဵတ်းၸိူင်ႉႁိုဝ်
မိူၼ်ၼင်ႇ Sundar Pichai ႁူႉတူဝ်ဝႃႈ ၶဝ်ထုၵ်ႇလီႁဵတ်းၸိူင်ႉႁိုဝ် တႃႇလႅၵ်ႈလၢႆႈလွင်ႈႁဵတ်းသၢင်ႈၵၢၼ်ငၢၼ်း ၼႂ်း Google သေ
ပဵၼ်ၶွမ်ႇပၼီႇ ဢၼ်ႁဵတ်းႁႂ်ႈ ၽႂ်ၽႂ်ၵေႃႈ ၶႂ်ႈၶဝ်ႈၵႂႃႇႁဵတ်းၵၢၼ်ၸွမ်း။

References:
> https://www.cnbc.com/.../google-ceo-sundar-pichai-had-a...
>https://www.newindianexpress.com/.../tough-times-ahead...
>https://www.inc.com/.../the-emotional-intelligence-of...
>https://www.facebook.com/TheBriefcaseTH