08/10/2025
💬 เสียงจากพื้นที่ : ขับรถขนน้ำแข็ง เดือนละ 3,500 บาท
มื้อนี้แอดมีโอกาสไปพ้อพี่น้องแรงงานเฮ็ดงานขับรถขนน้ำแข็งอยู่จังหวัดร้อยเอ็ด
ได้เงินเดือนประจำ 3,500 บาท บวกกับ ค่าคอมมิชชั่นตามยอดขายน้ำแข็ง
ทำงานตั้งแต่ตีสี่ ส่งน้ำแข็งให้ร้านค้าแต่เช้า ฝ่าฝน ฝ่าแดดทุกมื้อ
ตอนแอดได้ยินตัวเลข กะอดถามบ่ได้ว่า
“ได้เงินเท่านี้พออยู่พอกินบ่พี่?”
พี่เขายิ้ม แล้วตอบเบา ๆ ว่า
“กะอยู่ได้แหละ ถ้าขายได้หลายกะได้เพิ่มหน่อย”
คำตอบสั้น ๆ แต่สะท้อนใจหลาย — ทั้งความอดทน ความย่านตกงาน และการบ่ฮู้สิทธิ์ของโตเอง
💡 ข้อคิดจากเรื่องนี้
มีคนถามว่า “ได้เงินเดือน 3,500 บาท + ค่าคอมมิชชั่นตามยอดขาย แบบนี้ถูกกฎหมายบ่?”
คำตอบคือ 👉
ถ้ารวมกันแล้วมากกว่าค่าจ้างขั้นต่ำ ถือว่าถูกกฎหมาย
แต่ถ้า รวมกันแล้วยังบ่ถึงค่าจ้างขั้นต่ำ นายจ้างต้องจ่ายเพิ่มให้เท่าค่าจ้างขั้นต่ำในพื้นที่นั้น
📍 ตัวอย่าง
ค่าจ้างขั้นต่ำจังหวัด ร้อยเอ็ด อยู่ที่ วันละ 349 บาท
ถ้าทำงานเดือนละ 26 วัน ต้องได้อย่างน้อย 9,074 บาท/เดือน
แรงงานบ้านเฮาเฮ็ดงานหนักทุกมื้อ
แต่อย่าลืมว่า “ขยันอย่างเดียวบ่พอ ต้องฮู้สิทธิ์ของโตเองนำ”
อย่าให้ใครเอาเปรียบง่าย ๆ เด้อ ✊
#เสียงแรงงานอีสาน #ฮู้สิทธิ์บ่เสียเปรียบ #ชีวิตแรงงานไทย #แรงงานขนส่งน้ำแข็ง #ร้อยเอ็ด
