04/02/2026
အမျိုးသားကာကွယ်ရေးနှင့်လုံခြုံရေးကောင်စီက ထုတ်ပြန်သည့် “ပြည်ထောင်စုအတိုင်ပင်ခံကောင်စီဥပဒေ”နှင့်စပ်လျဥ်း၍
ထုတ်ပြန်ကြေညာချက်
ရက်စွဲ - ၂၀၂၆ ဖေဖော်ဝါရီလ (၄) ရက်
၁။ အမျိုးသားကာကွယ်ရေးနှင့်လုံခြုံရေးကောင်စီက “ပြည်ထောင်စုအတိုင်ပင်ခံကောင်စီ ဥပဒေ”ကို (၃.၂.၂၀၂၆) ရက်နေ့တွင် ထုတ်ပြန်ထားကြောင်းတွေ့ရှိရသည်။
၂။ ယင်းထုတ်ပြန်မှုတွင် အမျိုးသားကာကွယ်ရေးနှင့်လုံခြုံရေးကောင်စီက နိုင်ငံတော် သမ္မတကို “ပြည်ထောင်စုအတိုင်ပင်ခံကောင်စီ” ဖွဲ့စည်းရန် ခိုင်းစေထားသည်။
၃။ “ပြည်ထောင်စုအတိုင်ပင်ခံကောင်စီ”သည် ပြည်ထောင်စု၏ လုံခြုံရေးနှင့်တရားဥပဒေ စိုးမိုးရေးဆိုင်ရာ ကိစ္စရပ်များ၊ နိုင်ငံတကာဆက်ဆံရေးဆိုင်ရာကိစ္စရပ်များ၊ ငြိမ်းချမ်းရေးဆိုင် ရာကိစ္စရပ်များ၊ ဥပဒေပြဌာန်းရေးဆိုင်ရာကိစ္စရပ်များကို အကြံပေးခြင်း၊ ညှိနှိုင်းဆောင်ရွက် ခြင်းတို့ကို ပြုလုပ်နိုင်ကြောင်း ဖော်ပြထားသည်ကို တွေ့ရှိရသည်။
၄။ “ညှိနှိုင်းဆောင်ရွက်ခြင်း” ဆိုသော စကားရပ်သည် မြန်မာနိုင်ငံ၏ ဥပဒေပြုရေး၊ အုပ်ချုပ်ရေး၊ တရားစီရင်ရေးတို့၌ အတိုင်းအဆမရှိ ဝင်ရောက်စွက်ဖက်ခြင်းကို ခွင့်ပြုထား သည်ဟု မှတ်ယူရမည်ဖြစ်သဖြင့် ယင်းဥပဒေသည် မြန်မာနိုင်ငံသားအားလုံး၏ အချုပ်အခြာ အာဏာကို စစ်တပ်အပါအဝင် (တဦး၊တယောက်/ တသင်းတဖွဲ့) ထံသို့ အပြီးအပိုင် အပ်နှင်း လိုက်သည့် ရာသက်ပန် စစ်အာဏာရှင်စနစ် ကြီးစိုးရေးကို ဦးတည်သည့် လုပ်ရပ် ဖြစ်ကြောင်း မြန်မာနိုင်ငံရှေ့ နေများကောင်စီက သုံးသပ်သည်။
၅။ မြန်မာနိုင်ငံ၏ အနာဂတ်ကာလ ရွေးကောက်ပွဲများမှ ပေါ်ပေါက်လာမည့် လွှတ်တော် များ၊ အစိုးရများ၊ တရားစီရင်ရေးအဖွဲ့အစည်းများအားလုံးကို “ပြည်ထောင်စု အတိုင်ပင်ခံ ကောင်စီ” က ဝင်ရောက်စွက်ဖက်ခွင့်၊ လွှမ်းမိုးချုပ်ကိုင်ခွင့်၊ ထိန်းချုပ်ခွင့် ရယူလိုက်ခြင်းဖြစ် သည်။
၆။ မြန်မာနိုင်ငံ၌ မှီတင်းနေထိုင်ကြသည့် တိုင်းရင်းသားအားလုံး၏ အချုပ်အခြာအာဏာ သည် “စစ်အုပ်ချုပ်ရေးစနစ်၏စည်းမျဥ်းခံ” အဆင့်သို့ရောက်ရှိသွားပြီး မည်သည့်အခါတွင်မျှ ဖက်ဒရယ် ဒီမိုကရေစီ ရှင်သန်ကြီးထွားတော့မည်မဟုတ်ပါကြောင်းနှင့် နောင်ခေတ်အဆက် ဆက် အာဏာရှင်စနစ်သက်ဆိုးရှည်စေမည့် အစီအမံလုပ်ရပ်ဖြစ်ပါကြောင်း သုံးသပ်ထုတ်ပြန် အပ်ပါသည်။
ဦးမြင့်သိဏ်းအောင်
အထွေထွေအတွင်းရေးမှူး
ဆက်သွယ်ရန် -
- + 66 650797982
- [email protected]
