18/04/2026
ထိုင်းမှာ ဘတ်ရိုက်ထားသူတွေ တခြားနိုင်ငံ (တတိယနိုင်ငံ) ကို အလည်ထွက်လို့ရလား? ဘာတွေလိုမလဲ? 🛂✈️
ထိုင်းမှာ Work Permit နဲ့ အလုပ်လုပ်နေတဲ့ မိတ်ဆွေတွေအနေနဲ့ စင်ကာပူ၊ ဗီယက်နမ် စတဲ့ တခြားနိုင်ငံတွေကို ခရီးထွက်ချင်တယ်ဆိုရင် သွားလို့ရပါတယ်။ ဒါပေမယ့် ဒီ (၄) ချက်ကိုတော့ မဖြစ်မနေ သိထားမှ အဆင်ပြေပါမယ်။
✅ (၁) Passport (နိုင်ငံကူးလက်မှတ်)
ဘတ်ကဒ် (ပန်းရောင်ကဒ်) တစ်ခုတည်းနဲ့တော့ ထွက်လို့မရပါဘူး။ သက်တမ်း (၆) လ အနည်းဆုံးကျန်ရှိတဲ့ Passport (PJ/PV) စာအုပ်အနီ ရှိရပါမယ်။
CI ကိုင်ဆောင်ထားသူများ: CI စာအုပ်သည် နိုင်ငံတကာအသိအမှတ်ပြု Passport အပြည့်အဝမဟုတ်တဲ့အတွက် မြန်မာ-ထိုင်း ပြန်ဖို့လောက်ပဲ သုံးလို့ရပါတယ်။ တခြားနိုင်ငံသွားချင်ရင် CI ကနေ PJ စာအုပ် ပြောင်းကိုင်ဖို့ လိုပါမယ်။
✅ (၂) Re-entry Visa (အဝင်ဗီဇာ)
အလည်သွားပြီး ပြန်လာမယ့်သူများ: လေဆိပ်ကနေ မထွက်ခွာမီ Immigration မှာ Re-entry Permit မဖြစ်မနေ တောင်းခံရပါမယ်။ ဒါမှ ကိုယ့်ရဲ့ Non-LA Visa နဲ့ Work Permit မပျက်စီးဘဲ ပြန်ဝင်လာလို့ရမှာပါ။ Re-entry မလုပ်ဘဲ ထွက်လိုက်ရင် လက်ရှိဗီဇာ ပျက်သွားပါလိမ့်မယ်)။
ဈေးနှုန်း: လေဆိပ်မှာလုပ်ရင် ၁,၂၀၀ ဘတ် (ဓာတ်ပုံဖိုး/ဝန်ဆောင်ခ ပိုပေးရနိုင်)။ လေယာဉ်ချိန်ထက် စောစောသွားလုပ်ပါ။
အပြီးပြန်မယ့်သူများ: အလုပ်ထွက်ပြီး တခြားနိုင်ငံသွားမယ်၊ ထိုင်းကို ပြန်အလုပ်မဆင်းတော့ဘူးဆိုရင်တော့ Re-entry လုပ်စရာမလိုပါဘူး။
✅ (၃) Visa လိုအပ်ချက်များ
Visa Free နိုင်ငံများ: ဗီယက်နမ်၊ ကမ္ဘောဒီးယား၊ လာအို၊ စင်ကာပူ စတဲ့ နိုင်ငံတွေကို ဗီဇာမလိုဘဲ Passport ကိုင်ပြီး သွားလည်လို့ရပါတယ်။
Visa လိုသောနိုင်ငံများ: ဂျပန်၊ ကိုရီးယား လို နိုင်ငံမျိုးသွားချင်ရင်တော့ သက်ဆိုင်ရာ ဗီဇာလျှောက်ရပါမယ်။
အားသာချက်: ထိုင်းမှာ Work Permit (Long Term Visa) ရှိထားတဲ့အတွက် ထိုင်းမှာရှိတဲ့ ဂျပန်/ဥရောပ သံရုံးတွေမှာ ဗီဇာလျှောက်ခွင့် ရှိပါတယ်။ (မြန်မာပြည်ပြန်လျှောက်စရာမလိုပါ)။
✅ (၄) စာရွက်စာတမ်းများ
အသွားအပြန် လေယာဉ်လက်မှတ် (Return Ticket)
ဟိုတယ် Booking, Show Money (ငွေသား) လုံလောက်စွာ ပါရပါမယ်။ Work Permit ရှိထားသူတွေက တခြားနိုင်ငံသွားလည်ဖို့ ပိုပြီး အခွင့်အလမ်းများပါတယ်။ စာရွက်စာတမ်းသာ စုံအောင်ပြင်သွားကြနော်။
