02/09/2026
راولپنڈی میں 30 روزہ موسم گرما کی عدالتی تعطیلات کے بعد فیملی کورٹس کھلتے ہی ایک ہی روز 214 نئے مقدمات دائر کر دیے گئے۔ 27 فیملی عدالتوں میں دائر درخواستوں میں طلاق، خلع، حق مہر اور جہیز کے سامان سے متعلق کیسز شامل ہیں۔
عدالتی ریکارڈ کے مطابق متعدد خواتین نے ازدواجی اختلافات اور مبینہ بے ایمانی کو علیحدگی کی وجہ قرار دیا، جبکہ بعض مقدمات میں بتایا گیا کہ فریقین کی ملاقات سوشل میڈیا پلیٹ فارمز کے ذریعے ہوئی تھی۔ کئی شادیاں چند ماہ کے اندر ہی اختلافات کا شکار ہو گئیں۔
دوسری جانب 18 مردوں نے بھی عدالتوں سے رجوع کرتے ہوئے اپنی بیویوں کو دوبارہ ازدواجی زندگی میں واپس لانے کے لیے احکامات جاری کرنے کی درخواست کی۔ متعلقہ عدالتوں نے تمام مقدمات سماعت کے لیے مقرر کر دیے ہیں۔
Disclaimer:
This image was generated using AI and is for illustrative purposes only..
