Peshawar Bar Association

16/04/2026

Courts Timing

08/04/2026

07/04/2026

انتقلال پر ملال
سبحان اللہ مرحوم ایڈوکیٹ کی بیوہ، حسن ناصر ایڈوکیٹ کی والدہ اور کاشف جان ایڈوکیٹ کی پھوپی بقضائے الہی وفات پاچکی ہے، نماز جنازہ آج مورخہ ۷اپریل ۲۰۲۶ بوقت 5:30بجے عصر بمقام میونسپل پارک چارسدہ میں ادا کی جائے گی۔

01/04/2026

اس نوجوان کا نام سجاد ہے اور والد کا نام رمضان ہے۔

سجاد کی عمر چار یا پانچ سال تھی اپنے گھر سے بچھڑ گیا تھا اور آج تک اپنوں سے دور ہے۔
سجاد کو اپنے اور والد کے نام کے علاوہ کسی کا نام یاد نہیں ہے۔
سجاد کہتا ہے میرے والد موچی کا کام کرتے تھے۔
اپنے علاقے کا نام یاد نہیں ہے،نقشہ یاد ہے۔
سجاد کا کہنا ہے کہ ہمارے گھر کے قریب گول گراؤنڈ تھا،گراؤنڈ کے ساتھ دو اسکول تھے اور سامنے مسجد بنی ہوئی تھی۔
قریب میں سبزی منڈی تھی،منڈی کے ساتھ ریلوے اسٹیشن کا راستہ تھا۔ ریلوے اسٹیشن نزدیک تھا۔بائی پاس اور قبرستان بھی قریب میں موجود تھا۔
والد کے ساتھ کسی رشتےدار کے ہاں شادی پر گئے تھے وہاں والد نے رکنے کا کہا اور وہ دوسرے بھائی کو لینے نکلے۔ والد نے دیر کردی تو میں نکل گیا اور راستہ بھول کر بھٹک گیا۔
کچھ دنوں تک لوگوں نے رکھا پھر ملتان کے ایدھی سینٹر میں جمع کرادیا۔
مجھے کچھ عرصے بعد ملتان سے کراچی شفٹ کردیا گیا اور یہاں کے شیلٹر میں ماں باپ کے سائے سے دور رہ کر بڑا ہوا۔
سجاد اس وقت کراچی کے ایک شادی ہال میں کام کرتا ہے اور وہیں سوتا ہے۔ ہال کے گارڈ نے مجھے الگ کرکے بتایا کہ “رات کو تقاریب کے بعد جب سب اپنے اپنے گھر جاتے ہیں،سجاد رات کو ہال میں اکیلا رہ کر بہت روتا ہے،خدا کے لئے اس کے گھر والوں کو ڈھونڈیں”۔
سجاد کو اپنا نام یاد ہے والد کا نام یاد ہے۔اور اتنا یاد ہے کہ والد موچی تھے۔ اور سب سے بڑی نشانی چہرے کے داغ ہیں۔
یہ کیس بہت آسان ہے،اگر آپ اللہ کا نام لیکر شئیر کریں گے تو ان شاءاللہ راتوں کو رونے والا یہ انسان راتوں تو اٹھ کر دعاؤں میں روکر آپکو یاد کرےگا۔
قوی امکان ہے کہ انکا تعلق پنجاب سے ہو۔
اگر کسی کا بچہ سالوں قبل گم ہوا ہو اسکے چہرے پر یہ نشان ہوں،نام سجاد ولد رمضان نا بھی ہو وہ بھی رابطہ کریں،ڈی این اے میچ کرکے دیکھ تصدیق کرسکیں گے۔
کسی بھی اطلاع کے لئے نیچے درج نمبر پر وٹس ایپ کریں۔
+923162529829

17 Mar 2026

31/03/2026

انتقال پُر ملال
انتہائی رنج و غم کے ساتھ اطلاع دی جاتی ہے کہ "محمد اقبال" ٹریفک پولیس ڈسٹرکٹ اینڈ سیشن کورٹس پشاور بقضائے الہی وفات پاچکے ہیں، مرحوم کی نماز جنازہ آج مورخہ 31مارچ 2026 بوقت 2بجے "قلندر باچا موسی زئی" میں ادا کی جائیگی۔

26/03/2026

الحمدللہ
آج پشاور بار ایسوسی ایشن کے لیے ایک اہم پیش رفت ، Mobilink Jazz کی جانب سے نیو بار روم، پشاور بار ایسوسی ایشن کی چھت پر موبائل ٹاور کی تنصیب کے سلسلے میں سالانہ کرایہ کی مد میں 18,15,000 روپے کے چار چیکس وصول کیے گئے۔

یہ اقدام نہ صرف پشاور بار کے لیے ایک مستقل اور پائیدار آمدن کا ذریعہ ثابت ہوگا بلکہ بار کے احاطے میں درپیش موبائل فون سگنلز کے دیرینہ مسئلے کو بھی مؤثر انداز میں حل کرے گا، جس سے وکلاء برادری کو اپنی پیشہ ورانہ ذمہ داریوں کی ادائیگی میں مزید سہولت حاصل ہوگی۔

یہ پیش رفت بار کی مالی خودمختاری، سہولیات کی بہتری اور جدید تقاضوں سے ہم آہنگی کی جانب ایک اہم قدم ہے۔ پشاور بار ایسوسی ایشن مستقبل میں بھی ایسے اقدامات جاری رکھے گی جو وکلاء برادری کی فلاح و بہبود اور ادارے کی مضبوطی کا باعث بنیں۔

زاہد اللہ زاہد،
جنرل سیکرٹری، پشاور بار ایسوسی ایشن

24/03/2026

جملہ معزز ممبران سے شرکت کی استدعا ہے۔
کابینہ: پشاور بار ایسوسی ایشن

24/03/2026

انتقال پرُملال
ایڈوکیٹ صیّاد حسین کی والدہ ماجدہ وفات پاچکی ہے، نماز جنازہ آج بمورخہ 24مارچ شام 7بجے انکے آبائی گاؤں ترکئ صوابی میں ادا کی جائیگی۔
03009590434

23/03/2026

23 مارچ کا دن ہماری قومی تاریخ میں غیر معمولی اہمیت کا حامل ہے۔ اسی دن 1940 میں قرارداد لاہور پیش کی گئی جس نے برصغیر کے مسلمانوں کے لئے ایک علیحدہ وطن کے قیام کی بنیاد رکھ دی۔ یہ دن ہمیں ہمارے اسلاف کی جدوجہد، قربانیوں اور عزم کی یاد دلاتا ہے، جن کی بدولت ہمیں ایک آزاد اور خودمختار ریاست نصیب ہوئی۔
پشاور بار ایسوسی ایشن اس عہد کی تجدید کرتی ہے کہ ہم قانون کی بالادستی، آئین کی پاسداری اور انصاف کی فراہمی کے لئے اپنی ذمہ داریاں پوری دیانتداری کے ساتھ ادا کرتے رہیں گے۔ وکلاء برادری ہمیشہ ملک میں جمہوریت، انصاف اور انسانی حقوق کے فروغ میں کلیدی کردار ادا کرتی رہی ہے اور آئندہ بھی کرتی رہے گی۔
صدر پشاور بار قیصر زمان ایڈوکیٹ نے اپنے پیغام میں کہا کہ 23 مارچ ہمیں اتحاد، ایمان اور نظم کے سنہری اصولوں پر عمل پیرا ہونے کی تلقین کرتا ہے۔ آج کے دن ہمیں یہ عہد کرنا چاہئے کہ ہم ذاتی مفادات سے بالاتر ہو کر ملک و قوم کی ترقی اور استحکام کے لئے اپنا کردار ادا کریں گے۔
آخر میں پشاور بار ایسوسی ایشن تمام شہریوں سے اپیل کرتی ہے کہ وہ اس دن کی روح کو سمجھتے ہوئے قومی یکجہتی، بھائی چارے اور قانون کی حکمرانی کو فروغ دینے میں اپنا حصہ ڈالیں۔
پاکستان زندہ باد

کابینہ: پشاور بار ایسوسی ایشن