United Municipal Workers Union CBA CMGP & Tehsils Peshawar

22/09/2026

پریس ریلیز تاریخ: 22 ستمبر 2026
خیبرپختونخواہ کے بلدیاتی ملازمین کی تنخواہوں اور پنشن کا طریقہ کار فرسودہ پی ایل اے کی خاتمہ اور نئے سی ایف ایم ایس (CFMS) پر شدید تحفظات کا اظہار
آل پاکستان لوکل گورنمنٹ ورکرز فیڈریشن (رجسٹرڈ) خیبر پختونخوا نے بلدیاتی ملازمین کے لیے پرسنل لیجر اکاؤنٹ (PLA) جیسے فرسودہ اور ناکام نظام کے خاتمے کے فیصلے کو خوش آئند قرار دیا ہے، تاہم کمپیوٹرائزڈ فنانشل مینجمنٹ سسٹم (CFMS) جیسے لوکل اکاؤنٹنگ نظام کو یکسر مسترد کرتے ہوئے اسے مسائل کا حل تسلیم کرنے سے انکار کر دیا ہے۔ صوبائی صدر سوار خان ، چئیرمین سید وقار شاہ
فیڈریشن کے صوبائی صدر سوار خان مہمند ، چئیرمین وقار شاہ، جنرل سیکرٹری ظہیر شیخ ، سرپرست اعلی رازق خان، جمیل خان، مسعود باچا ، ہارون خان، رستم شاہ، مرجان علی، بلال احمد، سرفراز خان، محمد اسماعیل، رضوان خلیل ،اشتیاق خان، دیگرنے مشترکہ بیان میں واضح کیا ہے کہ سی ایف ایم ایس (CFMS) کا مجوزہ نظام خامیوں اور کرپشن کے چور راستوں سے بھرا پڑا ہے، جس سے بلدیاتی ملازمین کی تنخواہوں اور پنشن کا دیرینہ اور حساس مسئلہ ہرگز حل نہیں ہوگا۔ یہ محض ایک کاغذی یا لوکل سطح کی تبدیلی ہے جو ملازمین کی مشکلات کو کم کرنے کے بجائے مزید بڑھانے کا باعث بنے گی۔
انہوں نے صوبائی حکومت اور متعلقہ محکموں سے واضح مطالبات کرتے ہوئے کہا کہ اگر محکمہ بلدیات اور محکمہ فنانس بلدیاتی ملازمین کی تنخواہوں اور پنشن کی بروقت اور باقاعدہ ادائیگی میں واقعی سنجیدہ ہیں، تو تمام بلدیاتی ملازمین کی تنخواہیں اور پنشن براہِ راست صوبائی خزانے (Provincial Treasury) کے ذریعے جاری کی جائیں۔ بدیگر صورت صوبائی حکومت اور محکمہ بلدیات و فنانس بلدیاتی ملازمین کا مزید امتحان لینا بند کرے اور دیگر تمام سرکاری ملازمین کی طرح بلدیاتی عملے کو بھی یکساں اور محفوظ مالیاتی نظام کے دائرے میں لائے۔انہوں نے واضح کرتے ہوئے کہا کہ بلدیاتی ملازمین اپنے جائز و قانونی حقوق کے حصول کے لیے مزید خاموش نہیں رہیں گے۔ تمام نمائندہ تنظیمیں اب بلدیاتی ملازمین کی گرینڈ الائنس کی سرپرستی میں متحد ہو کر اپنے حقوق چھیننے کے لیے میدانِ عمل میں اتریں گی۔ کیونکہ سی ایف ایم ایس کسی صورت قبول نہیں کیا جائے گا اور جب تک براہِ راست صوبائی خزانے سے تنخواہوں کا اجراء یقینی نہیں بنایا جاتا، احتجاجی تحریک جاری رہے گی۔
جاری کنندہ:
ترجمان / شعبہ نشر و اشاعت
آل پاکستان لوکل گورنمنٹ ورکرز فیڈریشن (رجسٹرڈ)، خیبر پختونخوا

20/09/2026

پریس ریلیز 20-09-2026
سیکرٹری بلدیات ظفر الاسلام خٹک کا تاریخی اقدام,
یونائیٹڈ میونسپل ورکرز یونین رجسٹرڈ CBA کی جانب سے کیپٹل میٹروپولیٹن گورنمنٹ پشاور کی خواتین اساتذہ کو اپگریڈیشن پر مبارکباد، و سیکرٹری بلدیات کو شاندار خراجِ تحسین پیش کرتے ہیں چئیرمین محمد سرفراز، جنرل سیکرٹری وقار شاہ
پشاور: یونائیٹڈ میونسپل ورکرز یونین (رجسٹرڈ) پشاور کی جانب سے کیپٹل میٹروپولیٹن گورنمنٹ کی تمام مستحق خواتین اساتذہ کرام کو ان کے دیرینہ، جائز اور قانونی حق "اپگریڈیشن" کی منظوری پر دلی مبارکباد پیش کی جاتی ہے۔ طویل عرصے سے التوا کا شکار اس اہم مسئلے کے حل ہونے پر تمام اساتذہ برادری میں مسرت اور اطمینان کی لہر دوڑ گئی ہے۔یونائیٹڈ میونسپل ورکرز یونین پشاور کیپٹل میٹروپولیٹن & آل ٹی ایم ایز CBA کے چئیرمین محمد سرفراز ، جنرل سیکرٹری سید وقار شاہ ، صدر اسماعیل خان، فنانس سیکرٹری حواجہ آفتا ب الہی،سنیئروائس چیئرمین محمد فاروق، رشید خان، امداد خان،، ثاقب خلیل، سمیع، عظمت طوفان، زاہد اللہ، نعمان خان، ارباب میر عالم، جمشید، جمیل خان، طاہر حنیف، میاں فضل ، نوید ، ابرار و دیگرنے اس موقع پر سیکرٹری لوکل گورنمنٹ جناب ظفر الاسلام خٹک کی بے لوث خدمات، اعلیٰ انتظامی بصیرت اور ذاتی دلچسپی کو زبردست الفاظ میں خراجِ تحسین پیش کیا ہے۔ سیکرٹری بلدیات نے اساتذہ کے اس دیرینہ مسئلے میں کلیدی کردار ادا کرتے ہوئے سچے مسیحا کا روپ دھارا اور ان کی بدولت 12 خواتین اساتذہ کرام کی بالترتیب گریڈ 17 اور 18 میں اپگریڈیشن کا باقاعدہ نوٹیفکیشن ممکن ہو یونین قیادت نے کہا کہ یونائیٹڈ میونسپل ورکرز یونین نے ریفرنڈم کے دوران اساتذہ کرام سے کیا گیا اپنا پہلا وعدہ پورا کر دکھایا ہے۔اور اسی طرح 12 خواتین اساتذہ کو ان کی سروس اور قواعد و ضوابط کے مطابق بالترتیب سکیل 17 اور 18 میں ترقی دی گئی ہے۔ یونائیٹڈ یونین رجسٹرڈ پشاور نے امید ظاہر کی ہے کہ سیکرٹری بلدیات ظفر الاسلام خٹک اسی جذبے کے تحت بلدیاتی ملازمین کی تنخواہوں اور پنشنز کے درپیش مسائل کا بھی مستقل اور پائیدار حل نکالیں گے۔یونائیٹڈ میونسپل ورکرز یونین (رجسٹرڈ) پشاور اپنے تمام کارکنان اور اساتذہ کو یقین دلاتی ہے کہ ملازمین کے حقوق کے تحفظ اور ان کی فلاح و بہبود کے لیے جدوجہد کا یہ سفر آئندہ بھی اسی جذبے کے ساتھ جاری رہے گا۔ یونین قیادت نے اس موقعے پر لوکل کونسل بورڈ کے سیکرٹری اور دیگر حکام کے ساتھ ساتھ ڈائریکٹر جنرل میٹروپولیٹن پشاور کا بھی حصوصی شکریہ ادا کرتے ہوئے کہا کہ جس طرح انہوں نے میرٹ پر ملازمین کی خوشیاں دوبالا کئیے اسی محنت اور لگن سے ملازمین بھی اپنے ادارے کے لیے دن رات ایک کر کے کامیابیوں سے ہمکنار کرینگے۔

جاری کردہ:
یونائیٹڈ میونسپل ورکرز یونین رجسٹرڈ CBA کیپٹل میٹروپولیٹن گورنمنٹ & آل ٹی ایم ایز پشاور

17/09/2026

یونائیٹڈ میونسپل ورکرز یونین CBA کی کاوشوں سے میونسپل 12 اساتذہ کرام کی اپگریڈیشن کی آرڈر جاری ہوکر ڈائریکٹر جنرل نے یونین قیادت کو آرڈرز حوالہ کئے
یونائیٹڈ یونین شاہین پینل کی جانب سے تمام خواتین اساتذہ کرام کو انکی جائز حق پر مبارکباد دیتی ہے انشاءاللہ اسی طرح تمام ملازمین کی جائز حقوق کے لیے ہر فورم پر آواز اٹھائی جائیگی
اپگریڈیشن میں گریڈ 16 سے17 کو پانچ جبکہ گریڈ 17 سے 18 کو سات خواتین اساتذہ کرام کی آرڈر جاری ہوئے

17/09/2026

یونائیٹڈ میونسپل ورکرز یونین (CBA) کے اعلیٰ سطح کے وفد نے ڈائریکٹر ایڈمنسٹریشن CMG جناب برکت دورانی سے ایک اہم ملاقات کی۔ ملاقات کا بنیادی مقصد ڈائریکٹر ایڈمن کو ان کی نئی ذمہ داریاں سنبھالنے پر مبارکباد پیش کرنا اور ادارے کے ملازمین کو درپیش دیرینہ مسائل پر تفصیلی تبادلہ خیال کرنا تھا۔
یونین کی قیادت نے ڈائریکٹر ایڈمن کو ان کے نئے عہدے کا چارج سنبھالنے پر پھول پیش کیے اور مبارکباد دی۔ یونین عہدیداروں نے امید ظاہر کی کہ ان کی قیادت میں ادارے اور ملازمین کے معاملات میں بہتری آئے گی۔
یونین قیادت نے ملازمین کی بروقت اور حق بحقدار رسد کی بنیاد پر ترقیوں کا معاملہ اٹھایا۔ اس بات پر زور دیا گیا کہ جو ملازمین طویل عرصے سے ترقی کے منتظر ہیں، ان کے کیسز کو جلد از جلد حل کیا جائے۔
یونین نے ڈائریکٹر ایڈمن سے دورانِ ملازمت انتقال کر جانے والے ملازمین کے لواحقین کی فلاح و بہبود اور ان کے بچوں کو ڈیسیزڈ کوٹہ کے تحت فوری ملازمت کی فراہمی کا معاملہ بھی تفصیلی بحث میں لایا گیا۔ یونین نے مطالبہ کیا کہ ان بھرتیوں کے عمل کو تیز کیا جائے تاکہ متاثرہ خاندانوں کی مالی مشکلات کا خاتمہ ہو سکے۔
ڈائریکٹر ایڈمنسٹریشن نے یونین قیادت کی آمد اور مبارکباد پر ان کا شکریہ ادا کیا۔ ملازمین کے مسائل پر گفتگو کرتے ہوئے انہوں نے یونین کو یقین دہانی کرائی کہ ملازمین کے تمام زیر التواء کاموں، بالخصوص پروموشن اور ڈیسیزڈ کوٹہ پر بھرتیوں کے معاملے کو قوانین اور ضوابط کے مطابق پہلی فرصت میں حل کیا جائے گا۔ ملازمین کے جائز حقوق کی فراہمی میں کسی قسم کی تاخیر برداشت نہیں کی جائے گی۔"
ملاقات کا اختتام خوشگوار ماحول میں ہوا، جہاں دونوں فریقین نے ادارے کی اور ملازمین کے مفادات کے تحفظ کے لیے مل کر کام کرنے کے عزم کا اعادہ کیا۔

15/09/2026

( پریس ریلیز پشاور 15-09-2026 )
ڈائریکٹر جنرل کیپٹل میٹروپولیٹن گورنمنٹ پشاور ہوش کے ناخن لیں۔ ملازمین کے تبادلوں (ٹرانسفر) پر دل نہ بھرا تو اب ذاتیات پر اتر آئے ہیں اور بغیر کسی بنیادی تحقیق و تفتیش کے ملازمین کی معطلی (سسپنشن) کا سلسلہ شروع کر دیا گیا ہے۔چیئرمین محمد سرفراز
کیپٹل میٹروپولیٹن گورنمنٹ کے ملازمین کا استحصال کسی صورت برداشت نہیں کیا جائے گا۔ اگر ملازمین پر یہ نام نہاد اور غیر قانونی کارروائیاں فوری طور پر بند نہ کی گئیں تو میٹروپولیٹن پشاور کے ملازمین شدید احتجاج اور "دمہ دم مست قلندر" کرنے پر مجبور ہوں گے، جس کی تمام تر ذمہ داری انتظامیہ پر عائد ہوگی۔ جنرل سیکرٹری سید وقار علی شاہ
پریس ریلیز (پشاور) کیپٹل میٹروپولیٹن گورنمنٹ پشاور میں ملازمین کا انتظامی استحصال عروج پر، ڈائریکٹر جنرل کے بلاجواز اقدامات کے خلاف شدید احتجاج کا اعلان،کیپٹل میٹروپولیٹن گورنمنٹ پشاور میں انتظامی بدنظمی اور ملازمین کے خلاف انتقامی کارروائیوں نے سنگین صورتحال اختیار کر لی ہے۔ ڈائریکٹر جنرل کیپٹل میٹروپولیٹن گورنمنٹ پشاور ہوش کے ناخن لیں۔ ادارے کو قانون اور قواعد و ضوابط کے مطابق چلانے کے بجائے ملازمین کو بلاجواز تبادلوں (ٹرانسفر) کے ذریعے نشانہ بنایا گیا، اور جب اس سے بھی دل نہ بھرا تو اب ذاتیات پر اتر آئے ہیں۔ بغیر کسی ابتدائی تفتیش، انکوائری یا شوکاز نوٹس کے ملازمین کی معطلی (سسپنشن) کا غیر قانونی سلسلہ شروع کر دیا گیا ہے۔ یونائیٹڈ میونسپل ورکرز یونین کپیٹل میٹروپولیٹن گورنمنٹ اینڈ آل ٹی ایم ایز پشاور CBAکے چیئرمین محمد سرفراز خان، جنرل سیکرٹری سید وقار علی شاہ، صدر اسماعیل خان، فنانس سیکرٹری حواجہ آفتا ب الہی،سنیئروائس چیئرمین محمد فاروق، رشید خان، امداد خان،، ثاقب خلیل، سمیع، عظمت طوفان، زاہد اللہ، نعمان خان، ارباب میر عالم، جمشید، جمیل خان، طاہر حنیف، میاں فضل و دیگر نے میٹروپولیٹن پشاور ملازمین کی استحصال پر برہمی کا اظہار کرتے ہوئے اپنے اخباری بیان میں کہا کہ کیپٹل میٹروپولیٹن گورنمنٹ انتظامیہ اپنے ملازمین کو ان کے جائز قانونی حقوق، ویدر الاؤنس اور اساتذہ کرام کی بروقت تنخواہوں کی ادائیگی میں مکمل طور پر ناکام ہو چکے ہیں۔ ادارے کے اساتذہ اور دیگر شعبوں کے ملازمین مہینوں سے اپنے بنیادی معاشی حقوق سے محروم ہیں، لیکن انتظامیہ ان کی داد رسی کرنے کے بجائے سسپنشن کے ذریعے ان کی تنخواہیں بند کر کے چولہے ٹھنڈے کرنے پر تلی ہوئی ہے۔یونین قیادت نے کہا کہ کیپٹل میٹروپولیٹن گورنمنٹ پشاور کے ملازمین کا معاشی و انتظامی استحصال کسی صورت برداشت نہیں کیا جائے گا۔ اگر ملازمین کے خلاف یہ نام نہاد، بلافاطق اور غیر قانونی اقدامات فوری طور پر بند نہ کیے گئے تو میٹروپولیٹن پشاور کا تمام عملہ کام چھوڑ ہڑتال، شدید احتجاج اور دمہ دم مست قلندرکرنے پر مجبور ہوگا، جس کے بعد تمام تر حالات اور عوامی خدمات میں تعطل کی ذمہ داری ڈائریکٹر جنرل اور انتظامیہ پر عائد ہوگی۔ انہوں نے مطالبہ کیا کہ غیر قانونی معطلی کا خاتمہ کیا جائے اور بغیر کسی تحقیق و تفتیش کے معطل کیے گئے تمام ملازمین کی سسپنشن آرڈرز فوری طور پر منسوخ کیے جائیں۔ جبکہ انتقامی کارروائیوں سے پریزکرکے ذاتی پسند و ناپسند پر مبنی ٹرانسفر پالیسی اور انتظامی ہراسانی کو فی الفور روکا جائے۔اور اساتذہ کرام کی روک دی گئی تنخواہیں، ملازمین کے بقایا جات اور ویدر الاؤنس (Weather Allowance) فوری طور پر جاری کیے جائیں۔
جاری کردہ:
یونائیٹڈ میونسپل ورکرز یونین رجسٹرڈ (CBA)
کپیٹل میٹروپولیٹن اینڈ آل ٹی ایم ایز پشاور

09/09/2026

09/09/2026

08/09/2026