21/08/2026
فائر بریگیڈ ملازمین کا یونائیٹڈ یونین کے ساتھ ہر قدم پر کھڑا ہونے کا حلف
کیپٹل میٹروپولیٹن گورنمنٹ پشاور: فائر بریگیڈ سیکشن میں یونائیٹڈ یونین کا پرجوش استقبال، مخالفین کا مکمل صفایا
پشاور (پریس ریلیز) کیپٹل میٹروپولیٹن گورنمنٹ پشاور کے فائر بریگیڈ سیکشن کے ملازمین نے ایک بار پھر یونائیٹڈ یونین پر اپنے مکمل اعتماد کا اظہار کرتے ہوئے مخالف یونین کا صفایا کر دیا ہے۔
3 ستمبر کو ہونے والے ریفرنڈم کی مہم کے سلسلے میں جب یونائیٹڈ یونین پشاور کی مرکزی قیادت فائر بریگیڈ سیکشن پہنچی، تو ملازمین کی کثیر تعداد کی شرکت کے باعث "ڈور ٹو ڈور" مہم ایک پرجوش عوامی جلسے میں تبدیل ہو گئی۔ شعبے کے ملازمین نے قیادت کا انتہائی شاندار اور پرجوش استقبال کیا اور یونین کے ساتھ مکمل اظہارِ یکجہتی کیا۔
اس موقع پر ملازمین نے عزم کا اظہار کیا کہ فائر بریگیڈ سیکشن نے ہمیشہ یونائیٹڈ یونین کا ساتھ دیا اور اسے عزت بخشی ہے، اور آنے والے ریفرنڈم میں بھی یونائیٹڈ یونین کو بھاری اکثریت سے کامیاب کرانے کے لیے صفِ اول کا کردار ادا کرے گا۔
