26/05/2025
"لاہور ہائی کورٹ کا حالیہ فیصلہ PLD 2025 Lahore 332 ہمارے خاندانی نظام اور بچوں کے حقوق کے تحفظ کی ایک مضبوط مثال ہے۔
عدالت نے واضح کیا کہ اگر کوئی بچہ نکاح کے دوران یا طلاق کے دو سال کے اندر پیدا ہو، تو قانونِ شہادت 1984 کے آرٹیکل 128 کے مطابق، وہ بچہ قانونی طور پر شوہر کا سمجھا جائے گا – اور یہ ایک حتمی ثبوت ہے، جسے چیلنج نہیں کیا جا سکتا۔
مزید برآں، عدالت نے اس بات پر زور دیا کہ والد کو اگر ولدیت پر اعتراض ہے تو شریعت کے مطابق مخصوص مدت (فوراً یا چالیس دن کے اندر) میں اعتراض کرنا ہوگا – ورنہ یہ اعتراض قابلِ قبول نہیں ہوگا۔
یہ فیصلہ ان باپوں کے لیے ایک وارننگ ہے جو نان و نفقہ کے کیسز میں ڈی این اے کا سہارا لے کر ماں اور بچے کی عزت کو پامال کرنے کی کوشش کرتے ہیں۔
قانون بچوں کے وقار اور ماؤں کے حق کے ساتھ کھڑا ہے!
ماں اور بچے کے حقوق کا تحفظ صرف اخلاقی نہیں، قانونی ذمہ داری بھی ہے۔
