11/06/2026
JusticeForAfzalKhanGujjar
اس وقت سوات میں پیش آنے والا سانحہ صرف ایک واقعہ نہیں، بلکہ پوری گجر قوم اور پورے پاکستان کے لیے ایک بہت بڑا سانحہ ہے۔ یہ ہم سب کا مشترکہ زخم ہے جس پر خاموش رہنا ظلم کا ساتھ دینے کے مترادف ہے۔
میری رائے بلکہ میرا ایمان ہے کہ اس وقت ہر پاکستانی، خصوصاً گجر قوم کے ہر فرد پر فرض ہے کہ وہ اپنی بساط کے مطابق آواز اٹھائے تاکہ مظلوم کو انصاف ملے اور ظالم قانون کی گرفت میں آئے۔ اگر آج ہم خاموش رہے تو یہ ظالم مزید طاقت پکڑ لیں گے۔ جب تک انصاف نہیں مل جاتا، پوری قوم کو اس موضوع پر متحد رہنا ہوگا۔ جہاں جس سے جو ہو سکتا ہے، وہ اپنا حصہ ڈالے:
📢 1۔ میڈیا اور سوشل میڈیا کا استعمال:
اخبارات، نیوز چینلز، یوٹیوب، فیس بک اور واٹس ایپ پر اس مظلومیت کو اس حد تک ہائی لائٹ کیا جائے تاکہ دنیا جان سکے کہ سوات میں کیا ظلم ہوا۔
⚖️ 2۔ گجر وکلا حضرات کا کردار:
ملک بھر میں جہاں بھی گجر وکلا اپنی ڈیوٹی سر انجام دے رہے ہیں، وہ عدالتوں میں مظلوم کا مقدمہ مضبوطی سے لڑیں اور قانون کا دروازہ کھٹکھٹائیں۔
👮♂️ 3۔ گجر ججز اور پولیس افسران:
جو حضرات عدلیہ میں ہیں، یا پولیس میں DSP، SP اور دیگر اعلیٰ عہدوں پر فائز ہیں، وہ قانون کے دائرے میں رہتے ہوئے حق و انصاف کا علم بلند کریں اور سوات گجر قوم پر ہونے والے اس ظلم کے خلاف اپنا آئینی کردار ادا کریں۔
🏛️ 4۔ گجر سیاسی نمائندگان:
جو نمائندے سینیٹ، قومی و صوبائی اسمبلیوں میں قوم کی نمائندگی کر رہے ہیں، وہ پارلیمنٹ کے فلور پر پورے جذبے، دلیری اور دلیل کے ساتھ اس ظلم کے خلاف آواز اٹھائیں اور مظلوم کی سچی آواز بنیں۔
ہمارا عزم:
جب تک قاتل قانون کے شکنجے میں نہیں آتے، ہماری سوچ، ہماری تحریر اور ہماری آواز صرف ایک ہی موضوع پر رہے گی: انصاف، انصاف، اور صرف انصاف! افضل خان گجر کو ہر حال میں انصاف دیا جائے۔
اللہ تعالیٰ سے دعا ہے کہ وہ مظلوموں کی غیبی مدد فرمائے، ظالموں کو ان کے عبرتناک انجام تک پہنچائے، اور ہمارے پیارے پاکستان میں قانون کی حقیقی حکمرانی قائم کرے۔ آمین۔
منجانب:
سردار عبدالحمید گجر
