06/04/2025
پنجاب کے دارالحکومت لاہور سمیت صوبے بھر میں مرغی، مٹن اور بیف کی قیمتوں میں مسلسل اضافہ دیکھنے میں آ رہا ہے۔ دکاندار سرکاری نرخنامے پر عمل کرنے سے انکاری ہیں، جس سے شہری پریشان ہیں۔انتظامیہ کنٹرول کرنے میں ناکام
لاہور میں زندہ مرغی کا سرکاری ریٹ 383 روپے فی کلو ہے، لیکن دکاندار اسے 515 روپے فی کلو میں فروخت کر رہے ہیں۔ مرغی کے گوشت کا سرکاری ریٹ 595 روپے ہے، جبکہ دکاندار 760 روپے فی کلو وصول کر رہے ہیں۔
اسی طرح، مٹن کا سرکاری ریٹ 1600 روپے فی کلو ہے، لیکن یہ 2600 روپے فی کلو میں فروخت ہو رہا ہے۔
شہریوں کا کہنا ہے کہ دکاندار من مانی قیمتیں وصول کر رہے ہیں اور سرکاری ریٹ لسٹ پر عمل نہیں کر رہے۔ انہوں نے حکومت سے مطالبہ کیا ہے کہ وہ قیمتوں پر قابو پانے کے لیے فوری اقدامات کرے۔
