28/08/2026
ناموس رسالت ہماری ریڈ لائن ہے اس پر کسی قسم کا سمجھوتہ نہیں ہو سکتا، ناموس رسالت لائرز فورم
قانون ناموس رسالت پر ہرزا سرائی کرنے والوں اور ان کے سہولت کاروں کے خلاف سخت اور فوری قانونی کاروائی کی جائے۔ ناموس رسالت لائرز فورم
عدالتی فیصلوں کے مطابق فوری طور پر خودمختار انسداد توہین رسالت ونگ قائم، زیر التوا 5 ہزار سے زائد درخواستوں پر مقدمات درج کیے جائیں۔ ناموس رسالت لائرز فورم
ملزمان سے برآمد شدہ قران پاک سے انسانی مادہ کو پاک کرنے کے لیے فوری قانون سازی کی جائے، وکلاء کی پریس کلب میں پریس کانفرنس
اسلام آباد(پ ر)توہین رسالت قانون کے خلاف ہرزہ سرائی کرنے والے ناعاقبت اندیش افراد اور ان کی سہولت کاروں کے خلاف سخت قانونی کاروائی کی جائے ناموس رسالت اور ختم نبوت ہماری ریڈ لائن ہے اس پر کسی قسم کا سمجھوتہ نہیں ہو سکتا۔ناموس رسالت قوانین کے خلاف سازشیں درحقیقت ملک کے امن و امان کے خلاف سازشیں ہیں ان خیالات کا اظہار ناموس رسالت لائرز فورم پاکستان کے چیئرمین حافظ لیاقت کمبوہ سابقہ سیکرٹری اسلام اباد بار ایسوسی ایشن نے جمعرات کی شام نیشنل پریس کلب میں پر ہجوم پریس کانفرنس سے خطاب کرتے ہوئے کیا اس موقع پر اسلام آباد بار ایسوسی ایشن کے سیکرٹری خاور دھنیال، جوائنٹ سیکرٹری اسلام آباد بار ایسوسی ایشن عمران کاکڑ، سابقہ ممبر پنجاب بار کونسل سجاد اکبر عباسی، سابقہ صدر اسلام آباد ڈسٹرکٹ ہائی کورٹ بار راجہ زاہد محمود، سابقہ صدر اسلام آباد بار چوہدری خانزادہ، سابقہ سیکرٹری یاسر شکیل, سابقہ سیکرٹری عبدالحلیم بوتو، سابقہ سیکرٹری بلال مغل، شہزاد رضا، راجہ عمران خلیل، ضیاء رحمان گوندل، خرم محمود قریشی، ملک قمر عباس، شہزاد احمد علوی، شاہد حسین جسرا، چوہدری شرجیل، مفید خان، پیر فدا ہاشمی، حافظ شعیب اختر لک، ماہر بیگ، حافظ احتشام اسلم، رانا عمران فاروق، امداد اللہ خان، ارسلان عباسی، کامران عباسی، بلال عباسی سمیت وکلاء کی بڑی تعداد موجود تھی جبکہ علماء کی ایک بڑی تعداد سید شبیر شاہ صاحب مرکزی رہنما جماعت اہل سنت پاکستان، عثمان غنی ڈویژنل صدر جماعت اہل سنت پاکستان سید ساجد شاہ جماعت اہل سنت اسلام اباد، مولانا ساجد ضیائی جماعت اہل سنت پاکستان علامہ نزاکت تبسم ضیائی صدر علماء مشائخ ہوئیں علامہ شہباز حسین قادری رہنما انجمن محبوب محبان ال نبی علامہ عامر محمود ضیائی، پیر راشد حنیف چشتی، مولانا عبدالرحمن معاویہ مولانا وقار مولانا یاسر کاظمی مولانا جمیل اختر انقلابی رہنما سنی کونسل پاکستان کے ہمراہ اور نوجوان طلباء قیادت، مرکزی صدر انجمن طلبہ اسلام فیصل قیوم ماگرے، مرکزی رہنما ایم ایس ایف قاضی ادریس ایڈووکیٹ، تابش حیدری مرکزی رہنما کشمیر کونسل، ابوبکر ادریس مرکزی رہنما تحریک المحمدیہ، شعیب مرکزی رہنما مسلم سٹوڈنٹ آرگنائزیشن، مرکزی صدر مسلم طلبہ محاذ محمد بلال ربانی سمیت مختلف تنظیموں کے نمائندے اور مقامی رہنماؤں کی کثیر تعداد نے شرکت کی اور انہوں نے مطالبہ کیا کہ:-
این سی سی ائی اے میں زیر التوا 5 ہزار سے زائد درخواستوں پر مقدمات درج کیے جائیں۔
پہلے سے درج مقدمات میں نامزد ملزموں کو فی الفور گرفتار کیا جائے.
سی ٹی ڈی کی طرح اینٹی بلاسفیمی ڈیپارٹمنٹ الگ بنایا جائے سی سی ڈی بننے کے بعد جس طرح پنجاب میں دہشت گردی پر قابو پا لیا گیا اگر اینٹی بلاسفیمی ڈیپارٹمنٹ بنا دیا جاتا ہے تو امید ہے توہین آمیز واقعات پر بھی قابو پا لیا جائے گا.
لیگل کمیشن آن بلاسفیمی کے چیئرمین راو عبدالرحیم نے بتایا کہ پی ٹی اے کی 2022 کی رپورٹ کے مطابق 4 لاکھ مختلف اکاؤنٹس سے گستاخانہ مواد شیئر کیا جا رہا تھا. جبکہ حالیہ ایک رپورٹ میں بتایا گیا ہے کہ پی ٹی اے 10 لاکھ سے زیادہ اکاؤنٹس بلاک کر چکا ہے جبکہ لاکھوں اکاؤنٹس اب بھی چل رہے ہیں وزارت مذہبی امور 80 ہزار سے زائد اکاؤنٹس رپورٹ کر چکی ہے این سی سی ائی اے میں 5 ہزار سے زائد درخواستیں ردی کی ٹوکری میں پڑی ہیں دو سال سے زائد عرصہ گزرنے کے باوجود ان کے خلاف مقدمات درج نہیں کیے گئے وہ کون سی نادیدہ قوتیں ہیں جن کے دباؤ پر یہ کاروائیاں رکی ہوئی ہیں اور ناعاقبت اندیش لوگ سرعام اس قانون کے خلاف ہرزہ سرائی کر رہے ہیں انسانی حقوق کے علمبردار نبی کریم صلی اللہ علیہ وسلم کے گستاخوں کی حمایت میں تو کھڑے ہو جاتے ہیں مگر منشیات قتل اور فراڈ کے ملزموں کے حق کے لیے کھڑے نہیں ہوتے۔انسانی حقوق کے علمبردار صرف اسلامی ایشوز پر ہی کیوں بولتے ہیں وہ کون سا ایسا انسانی حق ہے جو نبی کریم صلی اللہ علیہ وسلم کی گستاخی سے شروع ہوتا ہے انہوں نے مملکت اسلامیہ سے حدود سزائیں ختم کروائیں آج پاکستان میں زنا کے خلاف ایف ائی آر درج نہیں ہوتی اب یہ چاہتے ہیں کہ توہین رسالت قانون بھی ختم ہو جائے تاکہ اس پر بھی ایف ائی آر درج نہ ہو مگر یہاں یہ بات واضح ہے کہ لوگ زنا پر تو خاموش ہو سکتے ہیں مگر نبی کریم صلی اللہ علیہ وسلم کی توہین پر خاموش نہیں رہ سکتے اگر ایسا ہو گیا تو ملک کاامن و امان تباہ ہو جائے گا۔راؤ عبدالرحیم نے کہا کہ نور فاطمہ کیس میں بھی یہ لوگ جھوٹ بولتے ہیں۔ حقائق عوام کے سامنے آنے چاہئیں یہ لوگ ان دو جھوٹی رپورٹس جن کو ایف آئی اے اور ہماری خفیہ ایجنسیاں جھوٹ کا پلندہ قرار دے کر مسترد کر چکی ہیں ان کی بنیاد پر دنیا بھر میں پاکستان کو بدنام کرتے ہیں اور پھر اسی جھوٹ پر پروپگینڈا کرتے ہیں یہ لوگ میڈیا میں بھی جھوٹ بولتے ہیں اور عدالتوں میں بھی جھوٹ بولتے ہیں۔ راؤ عبدالرحیم نے کہا کہ اسلام اباد راولپنڈی کے تمام مقدمات کی فائلیں اپ کے سامنے موجود ہیں جس شخص کو اپ بے گناہ سمجھتے ہیں اس کا نام لیں ہم اپ کو ان کی فائل دکھاتے ہیں۔ وکلاء نے مطالبہ کیا کہ:-
قانون ناموس رسالت پر ہرزہ سرائی کرنے والوں اور ان کے سہولت کاروں کے خلاف سخت اور فوری قانونی کاروائی کی جائے۔
گستاخانہ مواد کی تشہیری مہم کے مکمل سدباب کے لئے عدالتی فیصلوں کے مطابق فوری طور پر خودمختار انسداد توہین رسالت ونگ قائم کیا جائے۔
گستاخانہ مواد کی تشہیری مہم کے خلاف 5300 زیر التوا درخواستوں پر فوری مقدمات درج کئے جائیں۔
کسی ایک بھی کیس میں کوئی ایک ملزم بھی بیگناہ نہیں۔ انہیں قانون نافذ کرنے والے اداروں نے مکمل تحقیقات کے بعد گرفتار کیا ہے اگر کسی ایک ملزم کا یہ دعویٰ ہے کہ اس کو جھوٹے کیس میں پھنسایا گیا ہے تو وہ اپنی تفتیش فرانز ک رپورٹ کو چیلنج کرے جس ادارے سے چاہے تفتیش کروائے ہم اس ملزم کے اس عمل کی حمایت کریں گے۔
اعلیٰ عدالتوں سے جاری شدہ احکامات کی روشنی میں گرفتار شدہ ملزمان کے خلاف مقدمات کی سماعت روانہ کی بنیاد پر کرکے ٹرائل کورٹس جلد فیصلے کریں۔
گستاخانہ مواد کی تشہیر میں ملوث ملزمان کے بیرون ملک فرار کو روکا جائے۔
توہین رسالت کے مقدمات میں گواہان کو تحفظ دیا جائے
جن عدالتوں میں یہ کیسز چل رہے ہیں وہاں فوری طور پر سرکاری وکیل تعینات کیے جائیں۔
ملزمان سے برآمد شدہ قران پاک جن پر انسانی مادہ گرایا گیا ہے ان کو پاک کرنے کے لیے فوری قانون سازی کی جائے۔
سوشل میڈیا پر حزب الشیطان گروہ اور ان کے سہولت کاروں کے حلاف فوری کاروائی کی جائے۔
لیگل کمیشن آن بلاسفیمی پاکستان
