19/11/2025
2-Day Codification Program
Ang isa ka SB Member nga pinaka-ulubrahon kag may mataas nga pag-intindi sa iya mandato amo guid ang maghimo sang mga layi, mga layi nga hindi lang basta pulong sa papel, kundi mga pamaagi nga nagatandog sang kabuhi kag nagahatag direksiyon sa aton pinalangga nga banwa. Ini nga mga polisiya ang nagaserbe nga suga kag kompas sang aton LGU sa pagdumala sang lokal nga gobyerno, agud mangin mas epektibo, mas maalam, kag mas matinlawan ang serbisyo nga aton ginahatag sa katawhan.
Ang GAD Code, o Gender and Development Code, amo ang lokal nga layi nga nagatudlo kag nagapasiguro sang pagpahanumdom kag pagpatuman sang gender equality kag women’s empowerment sa tanan nga programa, proyekto, kag serbisyo sang aton LGU. Indi lang ini dokumento, kundi konkreto nga giya para sa tanan nga opisina sang banwa sa pagpatuman sang mga polisiya nga inclusive, patas, kag nagaproteher sang katungdanan kag oportunidad sang kababaihan kag iban pa nga vulnerable nga sektor.
Subong nga ako ang Chairman sa pag-draft sang aton GAD Code, nalab-ot naton ang paghuman sang mga salient features kag probisyon nga matuod-tuod nga nagapabaskug sang proteksiyon, nagahatag sang oportunidad, kag nagapalapnag sang kaangay para sa tanan. Ini nga Code indi lang dokumento, ini ang aton panugyan, ang aton saad, kag ang aton konkreto nga tikang padulong sa mas inklusibo nga banwa.
Ginpili ninyo kami para himuon ang trabaho sang tunay nga lehislatura, maghimo sang layi nga may pulos, may direksyon, kag may epekto sa kabuhi sang tagsa ka Tigbauanon.
