Atty. Tony Roman

Directions Website Contact the business

Atty. Tony Roman Congressman (1st District of Bataan) | Lawyer (PH & NY) | Dad (to 3 daughters)

𝗦𝗘𝗥𝗕𝗜𝗦𝗬𝗢𝗡𝗚 𝗠𝗔𝗬 𝗣𝗨𝗦𝗢, 𝗔𝗕𝗢𝗧-𝗞𝗔𝗠𝗔𝗬 𝗡𝗔 🧡Hindi dapat maging dagdag na pasanin ang paghingi ng tulong. Mahalaga ang inyong ora...
26/09/2026

𝗦𝗘𝗥𝗕𝗜𝗦𝗬𝗢𝗡𝗚 𝗠𝗔𝗬 𝗣𝗨𝗦𝗢, 𝗔𝗕𝗢𝗧-𝗞𝗔𝗠𝗔𝗬 𝗡𝗔 🧡

Hindi dapat maging dagdag na pasanin ang paghingi ng tulong. Mahalaga ang inyong oras, pamasahe, at bawat araw na dapat sana’y para sa trabaho at pamilya.

Kaya inilalapit natin ang serbisyo sa inyo sa pamamagitan ng 𝗦𝗲𝗿𝗯𝗶𝘀𝘆𝗼𝗻𝗴 𝗠𝗮𝘆 𝗣𝘂𝘀𝗼 𝗔𝗽𝗽!

Gamit ang inyong cellphone, mas madali nang humingi ng tulong para sa medikal, edukasyon, libing, kabuhayan, at legal na pangangailangan. Maaari rin ninyong makita ang status ng inyong request—para mabawasan ang pabalik-balik sa opisina at mas mabilis kayong makatanggap ng update.

Para sa mga pamilya sa Hermosa, Orani, Samal, at Abucay, ito ang Serbisyong May Puso: mas madaling lapitan, mas malapit sa inyo.

📲 Hanapin at i-download ang Serbisyong May Puso App sa Google Play.

𝗗𝗮𝗵𝗶𝗹 𝘀𝗮 𝗨𝗻𝗮𝗻𝗴 𝗗𝗶𝘀𝘁𝗿𝗶𝘁𝗼, 𝗨𝗡𝗔 𝗞𝗔.

𝗠𝗔𝗦 𝗔𝗕𝗢𝗧-𝗞𝗔𝗬𝗔𝗡𝗚 𝗣𝗥𝗢𝗧𝗘𝗞𝗦𝗬𝗢𝗡 𝗣𝗔𝗥𝗔 𝗦𝗔 𝗠𝗔𝗦 𝗠𝗔𝗥𝗔𝗠𝗜𝗡𝗚 𝗣𝗜𝗟𝗜𝗣𝗜𝗡𝗢 💙Nakipagpulong tayo sa mga kinatawan ng Mutual Benefit Associat...
26/09/2026

𝗠𝗔𝗦 𝗔𝗕𝗢𝗧-𝗞𝗔𝗬𝗔𝗡𝗚 𝗣𝗥𝗢𝗧𝗘𝗞𝗦𝗬𝗢𝗡 𝗣𝗔𝗥𝗔 𝗦𝗔 𝗠𝗔𝗦 𝗠𝗔𝗥𝗔𝗠𝗜𝗡𝗚 𝗣𝗜𝗟𝗜𝗣𝗜𝗡𝗢 💙

Nakipagpulong tayo sa mga kinatawan ng Mutual Benefit Associations, CARD MRI, MiMAP, at Bangko Sentral ng Pilipinas para sa Legislative and Policy Alignment Meeting kaugnay ng ating House Bill No. 10842 o Microinsurance Mutual Benefit Association Strengthening Act.

Layunin ng panukala na palakasin ang microinsurance bilang instrumento ng social protection at financial inclusion, lalo na para sa mga pamilyang mababa ang kita at mga sektor na kadalasang hirap makakuha ng tradisyunal na insurance. Kabilang dito ang pagpapalakas sa mga microinsurance MBA at pagpapalawak ng kanilang kakayahang magbigay ng angkop na proteksyong pinansyal.

Mahalaga ang pakikinig sa mga mismong nagpapatupad at nangangasiwa sa microinsurance para makabuo tayo ng batas na praktikal, ligtas para sa mga miyembro, at tunay na tumutugon sa kanilang pangangailangan.

Maraming salamat sa ating mga katuwang mula sa CARD MRI, MiMAP, Mutual Benefit Associations, at BSP sa pagbabahagi ng kanilang kaalaman at rekomendasyon.

𝗣𝗔𝗚𝗞𝗜𝗟𝗔𝗟𝗔 𝗦𝗔 𝗠𝗔𝗛𝗨𝗦𝗔𝗬 𝗡𝗔 𝗦𝗘𝗥𝗕𝗜𝗦𝗬𝗢𝗡𝗚 𝗕𝗔𝗥𝗔𝗡𝗚𝗔𝗬 💙Nakiisa tayo sa CY 2026 Building Excellence in Service and Transparency (B....
24/09/2026

𝗣𝗔𝗚𝗞𝗜𝗟𝗔𝗟𝗔 𝗦𝗔 𝗠𝗔𝗛𝗨𝗦𝗔𝗬 𝗡𝗔 𝗦𝗘𝗥𝗕𝗜𝗦𝗬𝗢𝗡𝗚 𝗕𝗔𝗥𝗔𝗡𝗚𝗔𝗬 💙

Nakiisa tayo sa CY 2026 Building Excellence in Service and Transparency (B.E.S.T.) for Barangay Awarding Ceremony ng DILG Bataan, kung saan kinilala ang mga barangay na nagpapakita ng mahusay na pamamahala, transparency, accountability, at dekalidad na serbisyo sa kanilang mga komunidad.

Barangay ang pinakamalapit na antas ng pamahalaan sa ating mga kababayan. Kaya mahalagang kilalanin ang kanilang pagsisikap at hikayatin ang patuloy na pagpapahusay ng mga sistema at serbisyong direktang nararamdaman ng bawat pamilya.

Congratulations sa lahat ng pinarangalan, at maraming salamat sa DILG Bataan at DILG Region III sa patuloy na pagsusulong ng mabuting pamamahala sa ating mga barangay.

24/09/2026

𝐋𝐮𝐦𝐚𝐦𝐩𝐚𝐬 𝐚𝐧𝐠 𝐁𝐮𝐛𝐨𝐧𝐠, 𝐁𝐮𝐦𝐚𝐡𝐚 𝐚𝐧𝐠 𝐆𝐚𝐫𝐚𝐡𝐞

Attorney, ang bubong ng second floor ng kapitbahay ko lumalampas sa may garahe namin. Kaya kapag umuulan nagbabaha sa garahe namin. Ano pong karapatan ko?




𝗣𝗔𝗥𝗔 𝗦𝗔 𝗠𝗔𝗦 𝗠𝗔𝗧𝗔𝗧𝗔𝗚 𝗔𝗧 𝗦𝗨𝗦𝗧𝗔𝗜𝗡𝗔𝗕𝗟𝗘 𝗡𝗔 𝗕𝗟𝗨𝗘 𝗘𝗖𝗢𝗡𝗢𝗠𝗬 🌊💙Nakiisa tayo sa Public Forum ng The Asia Foundation’s Philippine Ma...
23/09/2026

𝗣𝗔𝗥𝗔 𝗦𝗔 𝗠𝗔𝗦 𝗠𝗔𝗧𝗔𝗧𝗔𝗚 𝗔𝗧 𝗦𝗨𝗦𝗧𝗔𝗜𝗡𝗔𝗕𝗟𝗘 𝗡𝗔 𝗕𝗟𝗨𝗘 𝗘𝗖𝗢𝗡𝗢𝗠𝗬 🌊💙

Nakiisa tayo sa Public Forum ng The Asia Foundation’s Philippine Marine Economy: A Platform for the Future, kasama ang iba’t ibang sektor para talakayin kung paano mapapalakas ang marine economy at blue carbon initiatives sa bansa.

Bilang isang peninsula, mahalaga sa Bataan ang mga usaping kagaya nito. Kailangan nating pagsabayin ang pangangalaga sa ating marine resources, paglikha ng kabuhayan, at pagbibigay sa mga LGU ng sapat na suporta para maisakatuparan ang mga programang angkop sa kanilang mga komunidad.

Maraming salamat sa The Asia Foundation at sa lahat ng stakeholders sa patuloy na pagbabahagi ng kaalaman at mga konkretong solusyon para sa mas matatag na kinabukasan ng ating mga baybaying komunidad.

𝐌𝐀𝐋𝐈𝐆𝐀𝐘𝐀𝐍𝐆 𝐊𝐀𝐀𝐑𝐀𝐖𝐀𝐍, 𝐇𝐎𝐍. 𝐆𝐎𝐃𝐎𝐅𝐑𝐄𝐃𝐎 𝐆𝐀𝐋𝐈𝐂𝐈𝐀 𝐉𝐑.! 🎉💙Taos-pusong pagbati sa ating Board Member, Hon. Godofredo Galicia Jr....
23/09/2026

𝐌𝐀𝐋𝐈𝐆𝐀𝐘𝐀𝐍𝐆 𝐊𝐀𝐀𝐑𝐀𝐖𝐀𝐍, 𝐇𝐎𝐍. 𝐆𝐎𝐃𝐎𝐅𝐑𝐄𝐃𝐎 𝐆𝐀𝐋𝐈𝐂𝐈𝐀 𝐉𝐑.! 🎉💙

Taos-pusong pagbati sa ating Board Member, Hon. Godofredo Galicia Jr., sa kanyang kaarawan.

Hangad natin ang inyong mabuting kalusugan, lakas, at patuloy na pagpapala sa inyong paglilingkod sa ating mga kababayan at sa Lalawigan ng Bataan.

Nawa’y maging masaya at makabuluhan ang inyong espesyal na araw. Maligayang kaarawan, Doc B**g Galicia!

22/09/2026

𝗣𝗔𝗡𝗨𝗞𝗔𝗟𝗔𝗡𝗚 𝗔𝗚𝗥𝗜𝗖𝗨𝗟𝗧𝗨𝗥𝗘 𝗔𝗡𝗗 𝗙𝗜𝗦𝗛𝗘𝗥𝗜𝗘𝗦 𝗘𝗫𝗧𝗘𝗡𝗦𝗜𝗢𝗡 𝗔𝗖𝗧, 𝗔𝗣𝗥𝗨𝗕𝗔𝗗𝗢 𝗦𝗔 𝗞𝗢𝗠𝗜𝗧𝗘 🌾🐟

Aprubado na sa komite ang substitute bill na pinagsama ang walong panukala, kabilang ang ating House Bill 5294, para palakasin ang National Agriculture and Fisheries Extension System.

Layunin nitong mas mailapit sa mga magsasaka at mangingisda ang pagsasanay, bagong teknolohiya, at praktikal na gabay sa pagsasaka at pangingisda. Palalakasin nito ang kakayahan ng mga lokal na pamahalaan at mga kawani nilang naghahatid ng mga serbisyong ito.

Pinamunuan natin ang Technical Working Group na bumuo ng panukala. Salamat sa mga kapwa may-akda, ahensya, lokal na pamahalaan, at kinatawan ng sektor na nag-ambag sa pagbuo nito.

Susunod nating isusulong ang panukala sa plenaryo.

𝗠𝗔𝗬 𝗕𝗔𝗥𝗜𝗟? 𝗦𝗜𝗚𝗨𝗥𝗔𝗗𝗨𝗛𝗜𝗡𝗚 𝗟𝗜𝗚𝗧𝗔𝗦 𝗜𝗧𝗢. 🔒Sa mga insidente ng pamamaril, isang mahalagang tanong: paano natin maiiwasang mapu...
22/09/2026

𝗠𝗔𝗬 𝗕𝗔𝗥𝗜𝗟? 𝗦𝗜𝗚𝗨𝗥𝗔𝗗𝗨𝗛𝗜𝗡𝗚 𝗟𝗜𝗚𝗧𝗔𝗦 𝗜𝗧𝗢. 🔒

Sa mga insidente ng pamamaril, isang mahalagang tanong: paano natin maiiwasang mapunta ang baril sa maling kamay?

Isang sagot ang ligtas at responsableng pagtatago. Kaya inakda natin ang Safe Fi***rm Storage and Anti-Fi***rm Negligence Act.

Sa ilalim ng panukala, dapat ligtas na nakatago ang baril, walang bala kapag hindi ginagamit, at hindi maaabot ng mga bata o sinumang walang pahintulot. Kailangan din ang pagsasanay sa tamang pagtatago at agarang pag-report kapag nawala, nanakaw, o nagamit ng iba ang baril.

Kung may baril tayo, may kaakibat itong responsibilidad. Ingatan ang baril para hindi ito makapinsala o makapatay.

20/09/2026

𝗦𝗔 𝗕𝗔𝗪𝗔𝗧 𝗔𝗥𝗔𝗪, 𝗠𝗔𝗬 𝗚𝗔𝗡𝗔𝗣 ⏪

Sa Kongreso, tuloy ang plenary sessions, budget deliberations, at committee hearings para sa mga usaping may kinalaman sa pondo, agrikultura, pagkain, at batas.

Sa Bataan, nakasama natin ang mga kabataang mag-aaral sa Cool Iskool, nakipagpulong para sa mga partnership sa edukasyon, at nakiisa sa pagkilala sa mga huwarang bata at pamilyang Pilipino.

Naging bahagi rin tayo ng Hermosa Medical Caravan, presentation ng Palafox para sa vision plan at creative development, blessing ng Barangay Hall sa Talimundoc, at courtesy call ng Philippine Coast Guard.

Maraming ganap, pero bawat araw may pagkakataong makinig, makipag-ugnayan, at makatulong.

Tuloy ang trabaho para sa Unang Distrito ng Bataan! 🫰

𝐂𝐎𝐍𝐆𝐑𝐀𝐓𝐔𝐋𝐀𝐓𝐈𝐎𝐍𝐒, 𝐁𝐏𝐒𝐔! 🎓💙Panibagong tagumpay para sa Bataan Peninsula State University at sa ating future professionals!...
20/09/2026

𝐂𝐎𝐍𝐆𝐑𝐀𝐓𝐔𝐋𝐀𝐓𝐈𝐎𝐍𝐒, 𝐁𝐏𝐒𝐔! 🎓💙

Panibagong tagumpay para sa Bataan Peninsula State University at sa ating future professionals!

Sa Nurse Licensure Exam, nagtala ang BPSU ng 93.86% passing rate sa first-time takers at 90.04% overall passing rate, kapwa higit sa 76.69% national passing rate. Congratulations din kina Marc Adriel Pedregosa Danan, Top 5, at Kim Cherie Remorin Garcia, Top 9, sa kanilang mahusay na performance!

Sa Master Electrician Licensure Exam, nakamit naman ng BPSU ang 100% passing rate, kumpara sa 74.40% national passing rate. Sa Electrical Engineering Licensure Exam, nagtala rin ang BPSU ng 72.92% sa first-time takers at 62.86% overall, higit sa 49.34% national passing rate.

Higit sa magandang board exam results ang tagumpay na ito. Ibig sabihin nito, mas marami tayong mahuhusay na nurses, electricians, at engineers na handang maglingkod, magtayo, at tumulong sa pag-unlad ng Bataan at ng bansa. Kapag mahusay ang ating mga paaralan at graduates, buong lipunan ang nakikinabang.

Congratulations sa lahat ng passers, kanilang mga pamilya, faculty, at buong BPSU community! To God be the highest glory! 🙏💙

Address

Orani
2112

Website

Alerts

Be the first to know and let us send you an email when Atty. Tony Roman posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Atty. Tony Roman:

Shortcuts

Share