16/09/2026
πππππ π.π ππππππππ πππ πππππ ππ πππππ ππππππππ ππ ππππ - π ππ πππππππππ πππ πππππππππ
Di moubos sa 1.4 milyones ka pesos ang balor sa shabu nga nasakmit sa mga sakop sa Philippine Drug Enforcement Agency - 7 sa managlahi nga operasyon didto sa Bohol, Tisa Cebu City ug Labangon, Cebu City.
Pasado alas 3:20 sa hapon, Septiyembre 15, 2026 tulo ka mga indibidwal ang nadakpan lakip na ang tag-iya sa drug den sa gipahigayong operasyon sa PDEA Bohol, Tagbilaran Police Station, Bohol Maritime Police didto sa Purok 6, Barangay. Poblacion lll, Tagbilaran City, Bohol.
Si PDEA -7 Regional Director Joel B. Plaza, niila sa tag-iya sa drug den nga si Alyas Mark, 39 anyos, usa ka security guard, residente sa naasoyng lugar, samtang duha ka mga manuyopay ang lakip nga nasikop nga giila nga sila si Alyas Ong, 33 anyos, walay trabaho, residente sa Barangay. Poblacion lll, ikatulo mao si Alyas Francis, 39 anyos, residente sa Barangay. Camaya-an, Loboc, Bohol.
Nasakmit atol sa operasyon ang kapin sa unom ka mga pakete sa gitouhang shabu nga motimbang sa 16.61 gramos nga adunay market value nga β± 112,948.00.
Samtang pasado alas 7:18 sa gabii susamang adlaw, ang mga ahente sa PDEA -7 ug Cebu City Police Office Station 10 nadakpan ang 19 anyos, nga lalaking sa gipahigayong buy-bust operation sa may Tres De Abril, St., Barangay. Labangon, Cebu City.
Ang suspek giila nga si Alyas Nicky, 19 anyos, walay trabaho, residente sa Barangay. Calamba, Cebu City. Atol sa operasyon nasakmit sa dinakpan ang kapin sa pito ka mga dagkong pakete sa gitouhang shabu nga motimbang sa 175 gramos nga adunay market value nga β± 1,190,000 ingon man buy-bust money, cellphone ug motorsiklo.
Alas 8:15 sa gabii, susamang adlaw, laing operasyon ang gipahigayon sa PDEA -7 ug Cebu City Police Office Station 10 nga niresulta sa pagkasikop sa tulo ka mga indibidwal sud sa usa ka drug den sa may Katipunan St., Barangay. Tisa, Cebu City.
Ang mga dinakpan giila nga sila si Alyas Junjun, 44 anyos, walay trabaho, ikaduha mao si Alyas Ceno, 46 anyos, walay trabaho, ikatulo mao si Alyas Darwin, 50 anyos, usa ka parking boy, ang tulo parehong mga residente sa Barangay. Tisa, Cebu City.
Atol sa operasyon naskmit ang kapin sa walo ka mga pinakete sa gitouhang shabu, nga motimbang sa 16 gramos, nga adunay market value nga β± 108,800,00 ingon man buy-bust money ug drug paraphernalia.
Ang tulo ka mga dinakpan sa Bohol kasamtangang gipaslak sa detention facility sa Tagbilaran City Police Station samtang ang upat nga mga dinakpan sa Cebu City gipangpaslak sa detention facility sa PDEA -7 sa Lahug, Cebu City.
Ang mga dinakpan mag-atubang ug kasong kalapasan sa Article ll sa Republic Act 9165 kon Comprehensive Dangerous Drugs Act of 2002.
via | Justin Loi Yongco
