ADR LAW Office

27/08/2026

Sa sesyon nito noong Agosto 26, 2026, pinal na tinanggihan ng En Banc ng ang 𝘮𝘰𝘵𝘪𝘰𝘯 𝘧𝘰𝘳 𝘳𝘦𝘤𝘰𝘯𝘴𝘪𝘥𝘦𝘳𝘢𝘵𝘪𝘰𝘯 na inihain ni Datu Pax Ali S. Mangudadatu. Sa pag-aksyon nito sa G.R. Nos. 260219 at 260231, 𝘋𝘢𝘵𝘶 𝘗𝘢𝘹 𝘈𝘭𝘪 𝘚. 𝘔𝘢𝘯𝘨𝘶𝘥𝘢𝘥𝘢𝘵𝘶 𝘷. 𝘛𝘩𝘦 𝘊𝘰𝘮𝘮𝘪𝘴𝘴𝘪𝘰𝘯 𝘰𝘯 𝘌𝘭𝘦𝘤𝘵𝘪𝘰𝘯𝘴, 𝘚𝘩𝘢𝘳𝘪𝘧𝘢 𝘈𝘬𝘦𝘦𝘭 𝘔𝘢𝘯𝘨𝘶𝘥𝘢𝘥𝘢𝘵𝘶, 𝘈𝘻𝘦𝘭 𝘝. 𝘔𝘢𝘯𝘨𝘶𝘥𝘢𝘥𝘢𝘵𝘶, 𝘢𝘯𝘥 𝘉𝘢𝘪 𝘈𝘭𝘪 𝘈. 𝘜𝘯𝘵𝘰𝘯𝘨, pinagtibay ng Korte ang nauna nitong desisyon na nagpanatili sa pagkansela ng 𝘤𝘦𝘳𝘵𝘪𝘧𝘪𝘤𝘢𝘵𝘦 𝘰𝘧 𝘤𝘢𝘯𝘥𝘪𝘥𝘢𝘤𝘺 ni Mangudadatu para sa pagka-Gobernador ng Sultan Kudarat at inabandona ang “second placer rule.”

Ayon sa Korte, dapat punan ng Bise Gobernador ang nabakanteng posisyon.

Tumutukoy ang “second placer rule” sa nakasanayang gawain na ideklarang panalo ang kandidatong nakakuha ng ikalawang pinakamataas na bilang ng boto kapag kalaunan ay napatunayang diskwalipikado o hindi kwalipikado ang kandidatong nakakuha ng pinakamataas na bilang ng boto.

Muling iginiit ng Korte Suprema na walang batas na nagpapahintulot sa paggamit ng second placer rule. Binigyang-diin nito na kinikilala ng Konstitusyon bilang nahalal ang kandidatong nakakuha ng pinakamataas na bilang ng boto.

Paliwanag nito, nagkakaroon ng permanenteng bakante kalaunan kapag napatunayang hindi kwalipikadong manungkulan ang nanalong kandidato. Para sa mga lokal na halal na posisyong saklaw ng 𝘓𝘰𝘤𝘢𝘭 𝘎𝘰𝘷𝘦𝘳𝘯𝘮𝘦𝘯𝘵 𝘊𝘰𝘥𝘦 (𝘓𝘎𝘊), pinupunan ang naturang bakante alinsunod sa mga tuntunin sa succession o pagpapalit sa puwesto at hindi sa pamamagitan ng pagdedeklara sa second placer bilang nanalo. Alinsunod dito, ang Bise Gobenador ang hahalili sa posisyon ng Gobernador para sa natitirang bahagi ng termino.

Nilinaw ng Korte Suprema na limitado ang desisyon nito sa mga lokal na halal na posisyong saklaw ng LGC. Hindi nito tinalakay kung naaangkop o hindi ang 𝘴𝘦𝘤𝘰𝘯𝘥 𝘱𝘭𝘢𝘤𝘦𝘳 𝘳𝘶𝘭𝘦 o mga tuntunin sa 𝘴𝘶𝘤𝘤𝘦𝘴𝘴𝘪𝘰𝘯 sa mga pambansang halal na posisyon dahil hindi inilatag sa Korte ang mga usaping ito.

Ia-upload sa 𝘸𝘦𝘣𝘴𝘪𝘵𝘦 ng Korte Suprema ang buong teksto ng Resolusyon na may petsang Agosto 26, 2026 sa G.R. Nos. 260219 at 260231 kapag 𝘢𝘷𝘢𝘪𝘭𝘢𝘣𝘭𝘦 na.

Basahin ang 𝘱𝘳𝘦𝘴𝘴 𝘣𝘳𝘪𝘦𝘧𝘦𝘳 sa https://sc.judiciary.gov.ph/?p=171947.

Basahin ang buong teksto ng Desisyon ng Korte Suprema na may petsang Abril 25, 2025 sa G.R. Nos. 260219 at 260231 sa http://sc.judiciary.gov.ph/?p=146486.

Sumunod sa 𝘊𝘳𝘦𝘥𝘪𝘵 𝘈𝘵𝘵𝘳𝘪𝘣𝘶𝘵𝘪𝘰𝘯 𝘗𝘰𝘭𝘪𝘤𝘺 ng SC PIO: https://sc.judiciary.gov.ph/credit-attribution-policy/.

19/08/2026

12/08/2026

Early bird

04/07/2026

𝗠𝗔𝗛𝗜𝗚𝗣𝗜𝗧 𝗡𝗔 𝗣𝗔𝗔𝗟𝗔𝗟𝗔 𝗦𝗔 𝗠𝗚𝗔 𝗔𝗡𝗚𝗘𝗟𝗘Ñ𝗢 𝗔𝗧 𝗦𝗔 𝗣𝗨𝗕𝗟𝗜𝗞𝗢

𝗕𝗔𝗪𝗔𝗟 𝗔𝗡𝗚 𝗣𝗔𝗚𝗕𝗘𝗕𝗘𝗡𝗧𝗔 𝗔𝗧 𝗣𝗔𝗚𝗕𝗜𝗟𝗜 𝗡𝗚 𝗟𝗨𝗣𝗔 𝗦𝗔 𝗟𝗢𝗢𝗕 𝗡𝗚 𝗦𝗔𝗣𝗔𝗡𝗚𝗕𝗔𝗧𝗢 𝗪𝗔𝗧𝗘𝗥𝗦𝗛𝗘𝗗.

Ang Sapangbato Watershed ay isang protected area na pinangangalagaan ng Pamahalaang Lungsod ng Angeles at ng Bases Conversion and Development Authority (BCDA) sa ilalim ng Sapangbato Watershed Protection Initiative.

Mag-ingat sa mga indibidwal o grupong nagbebenta, nag-aalok, o nangangakong makapagpapabili ng lupa sa loob ng nasabing protected area. Ang mga ganitong transaksyon ay maaaring labag sa umiiral na mga batas at regulasyon.

𝗣𝗔𝗔𝗟𝗔𝗟𝗔:
Huwag basta-bastang makipagtransaksyon o maglabas ng anumang bayad kaugnay ng lupa sa loob ng Sapangbato Watershed nang hindi muna kinukumpirma ang legal na katayuan nito sa mga kinauukulang ahensya.

Ang sinumang papasok sa anumang transaksyon ng pagbili o pagbebenta ng lupa sa loob ng Sapangbato Watershed ay maaaring maharap sa kaukulang imbestigasyon at legal na aksyon ng mga kinauukulang ahensya.

Ang pangangalaga sa Sapangbato Watershed ay mahalaga sa pagpapanatili ng ating likas na yaman, suplay ng tubig, at kaligtasan ng mga susunod na henerasyon.

Maging mapanuri. Maging responsable. Sama-sama nating pangalagaan ang Sapangbato Watershed.

10/06/2026