12/03/2026
Naisip mo na ba kung bakit parang mas mabigat ang bawat biyahe ngayon?
Tumaas na naman ang presyo ng gasolina.
Isa na namang epekto ng giyerang nangyayari libo-libong milya ang layo sa atin. Nakapagtataka kung paanong ang gulo sa ibang bahagi ng mundo ay tahimik na nagpapamahal sa simpleng pagmamaneho dito sa atin.
Kapag mahal ang gasolina, napapaisip ka sa bawat biyahe. Sulit ba ang pupuntahan mo? Dahil bawat kilometro ay may kapalit.
Sa buhay, hindi lang gasolina ang “fuel.” Minsan ito ay oras, lakas, at resources na ginagastos natin araw-araw.
Ganito rin sa propesyon ng batas. May mga araw na malinaw ang daan, pero may mga araw na parang trapik,mabagal ang usad at halos walang progreso.
Pero tandaan: bawat sasakyan sa kalsada ay may dalang kwento. May tahimik. May nagra-rant. May mukhang kalmado pero may pinagdadaanan pala.
Kung nasa congested traffic phase ka ngayon, huwag kang mapanghinaan ng loob. Luluwag din ang trapiko.
Dahil kapag naubos ang gasolina, hindi ang daan ang gagalaw para sa pag-usad mo,kundi ikaw.
