NPJ ABAD LAW FIRM

21/08/2026

12/08/2026

ANO ANG DAPAT GAWIN KAPAG PILIT NA PUMASOK ANG MGA AWTORIDAD SA INYONG BAHAY NANG WALANG SEARCH WARRANT?
Kung ang mga awtoridad ay pumasok sa inyong tahanan nang walang search warrant at walang umiiral na legal na batayan para sa warrantless entry, maaaring maging usapin ito ng unreasonable search and seizure at paglabag sa inyong mga karapatan sa ilalim ng Konstitusyon.

Mga Hakbang na Maaaring Gawin:
Manatiling kalmado at iwasang makipagtalo o gumamit ng pisikal na puwersa.
Huwag hadlangan ang mga awtoridad sa paraang maaaring magdulot ng karagdagang problema o kaso.

Alamin ang dahilan ng kanilang pagpasok.
Magalang na itanong kung bakit sila pumapasok at, kung maaari, hingin ang kanilang pangalan, ranggo, tanggapan, at iba pang pagkakakilanlan.

Idokumento ang insidente kung ligtas at posible itong gawin.
Maaaring mag-record ng video, kumuha ng litrato, o gumawa ng detalyadong tala tungkol sa oras, mga taong naroon, at mga ginawa ng mga awtoridad.

Maghanap at mag-ingat ng mga testigo at iba pang ebidensya.
Itala ang mga pangalan at contact information ng mga taong nakakita sa insidente at panatilihin ang anumang dokumento, recording, larawan, o iba pang maaaring makatulong sa paglilinaw ng nangyari.

Kumonsulta agad sa isang abogado.
Maaaring suriin ng abogado kung legal ang ginawang pagpasok, kung may nalabag na karapatan, at kung may mga nararapat na remedyo, kabilang ang paghahain ng kaukulang reklamo o pagkuwestiyon sa paggamit ng ebidensyang nakuha.

Legal na Batayan
1987 Philippine Constitution, Article III, Section 2 – Pinoprotektahan ang mga tao laban sa unreasonable searches and seizures. Bilang pangkalahatang tuntunin, kinakailangan ang isang search warrant na inisyu ng hukom, maliban sa mga pagkakataong kinikilala ng batas at jurisprudence bilang valid exceptions sa warrant requirement.

Article III, Section 3(2) – Ang anumang ebidensyang nakuha bilang resulta ng paglabag sa karapatang protektado laban sa unreasonable searches and seizures ay hindi dapat tanggapin bilang ebidensya sa anumang proceeding.

06/08/2026

𝗔𝗨𝗚𝗨𝗦𝗧 𝟬𝟲, 𝟮𝟬𝟮𝟲 | 𝗧𝗛𝗨𝗥𝗦𝗗𝗔𝗬

— 𝗖𝗜𝗧𝗬 𝗚𝗢𝗩𝗘𝗥𝗡𝗠𝗘𝗡𝗧 𝗔𝗗𝗩𝗜𝗦𝗢𝗥𝗬 —

Alinsunod sa Memorandum Circular No. 122, suspendido ang trabaho sa mga tanggapan ng pamahalaan at klase sa lahat ng antas sa Nueva Ecija.

Mananatiling 𝙗𝙪𝙠𝙖𝙨 ang City Mayor’s Office. Samantang ang mga tanggapan sa 𝘾𝙖𝙗𝙖𝙣𝙖𝙩𝙪𝙖𝙣 𝘾𝙞𝙩𝙮 𝙃𝙖𝙡𝙡 ay magpapatupad ng 𝙎𝙠𝙚𝙡𝙚𝙩𝙖𝙡 𝙒𝙤𝙧𝙠𝙛𝙤𝙧𝙘𝙚 upang magpatuloy sa pagbibigay ng serbisyo sa publiko.

Ang mga opisinang nagbibigay ng mga pangunahing
serbisyo sa pangkalusugan, gayundin sa mga paghahanda at pagtugon sa sakuna, ay inaatasan na magpatuloy sa operasyon at magbigay ng kinakailangang serbisyo para sa publiko.