Our Lady of Peace and Good Voyage Sto. Niño Organization

20/01/2026

Drums beating. Feet moving. Spirits rising.
Witness the passion, rhythm, and devotion in every step of the Sinulog Street Dance performances.

Sinulog Street Dance Contest Lubang Parish
Lubnagnon
Dance 2026 Grand Champion

🙏 Viva Señor Santo Niño!

20/01/2026

Experience the rhythm, power, and devotion of Sinulog By Tribu Lubangnon full performances—each one bringing energy, culture, and passion to the stage.
#2026 Sinulog Based Dance Contest Lubang Chapter
Lubangnon, Brgy. Lubang, Buenavista, Bohol
# 2026 GRAND CHAMPION

👉 Watch videos and feel the beat of the festival!

14/04/2024

06/03/2024

Maayong adlaw sa tanan!
Huwebes ( March 7, 2024 )
DAILY GOSPEL:
( Lukas 11:14-23 )

SI JESUS GIDUDAHAN NGA GIYAWAAN

14. Unya gipapahawa ni Jesus ang yawa nga amang, ug sa nakagula na ang yawa, nakasulti ang tawo. Ang mga tawo nahibulong,

15. Apan pipila sa mga katawhan miingon, “Si Beelsebul, ang pangulo sa mga yawa, maoy naghatag kaniyag gahom sa pagpahawa kanila.”

16. Dihay uban nga buot mobitik kaniya, mao nga sila mihangyo kaniya nga mohimo siyag usa ka milagro aron pagpaila nga siya pinadala sa Dios,

17. Apan nahibalo si Jesus sa ilang mga hunahuna ug miingon siya kanila, “Bisan unsang nasora nga magkabahinbahin ug mag-unay pag-away dili molungtad og dugay; ang banay nga mabahinbahin maungkag.

18. Busa kon diha sa gingharian ni Satanas may mga pundok nga nag-unayg away, unsaon man paglungtad sa maong gingharian? Nag-ingon kamo nga naghingilin ako sa mga yawa tungod kay naghatag si Beelsebul kanakog gahom sa paghimo niini.

19. Kon giingon niini nako paghingilin kanila, giunsa man diay sa inyong mga sumusunod pagpahawa kanila? Ang inyong kaugalingong mga sumusunod nagpaila nga sayop gayod kamo!

20. Ang tinuod mao nga tungod sa gahom sa Dios naghingilin ako sa mga yawa, ug kini maoy nagmatuod nga naghari na ang Dios kaninyo.”

21. “Kon ang usa ka tawo nga kusgan, nga sangkap sa tanan niyang inandam nga mga hinagiban, magbantay sa iyang balay, dili gayod kahilabtan ang iyang mga butang.

22. Apan kon may labi pang kusgan nga mosulong ug mobuntog kaniya, ang labing kusgan mosakmit sa tanang mga hinagiban nga gisaligan sa tag-iya ug bahinbahinon ang iyang tinulis.”

23. “Ang dili dapig kanako, batok gayod kanako; ang dili motabang kanako pagtigom, nagpatibulaag.”

ANG EBANGHELYO SA GINOO.

23/02/2024

Sr. Sto. Niño Organization Lubang Quasi-Parish "Atong Giyahan Ang Kabataan" (AGAK) activity which is feeding program to the young youths after teaching them a church catechism. Please support Our Lady of Peace and Good Voyage Sto. Niño Organization to give more activities to young youths.

23/02/2024

Sr. Sto. Niño Organization of Lubang Quasi-Parish Catechism to the Children during AGAK Activity. AGAK is an abbreviation for (Atong Giyahan Ang Kabtaan)

21/02/2024

Maayong adlaw sa tanan!
Huwebes ( Feb. 22, 2023 )
DAILY GOSPEL:
( Mateo 16:13-19 )
Feast of the Chair of Saint Peter, Apostle

ANG PAHAYAG NI PEDRO MAHITUNGOD KANG JESUS

13. Unya miadto si Jesus sa yuta duol sa lungsod sa Cesarea Filipo, ug didto nangutana siya sa iyang mga tinun-an, “Sumala sa mga tawo, kinsa man ang Anak sa Tawo?”

14. Sila mitubag, “May nag-ingon nga siya mao si Juan nga Magbubunyag, ang uban nag-ingon nga siya mao si Elias; samtang ang uban nag-ingon nga siya mao si Jeremias o laing propeta.”

15. Si Jesus nangutana kanila, “Apan kamo, unsa may inyong ikasulti? Kinsa man ako?”

16. Ug mitubag si Simon Pedro, “Ikaw mao ang Mesiyas, ang Anak sa Dios nga buhi.”

17. Giingnan siya ni Jesus, “Simon, anak ni Jonas, bulahan ka gayod kay kining maong kamatuoran wala moabot kanimo gikan sa bisan kinsang tawo, kondili gihatag kanimo sa akong Amahan nga atua sa langit.

18. Busa sultihan ko ikaw: ikaw si Pedro ug ibabaw niining bato tukoron ko ang akong Simbahan, ug bisan gani ang kamatayon dili gayod makabuntog niini.

19. Ihatag ko kanimo ang mga yawe sa Gingharian sa Langit: ang imong idili dinhi sa yuta, idili usab didto sa Iangit; ug ang imong itugot dinhi
sa yuta, itugot usab didto sa langit.”

ANG EBANGHELYO SA GINOO..

20/02/2024

DAILY GOSPEL - FEBRUARY 21, 2024 (WEDNESDAY)
ANG MILAGRO NGA BUOT NILANG TAN-AWON - LUCAS (Lk. 11: 29-32)

29.Samtang nagpunsisok ang mga tawo libot ni Jesus, mipadayon siya pagsulti, “Pagkadautan gayod sa katawhan niining panahona! Nangayo silag usa ka milagro nga ilhanan sa pag-uyon sa Dios, apan walay ihatag kanila gawas niadtong milagro nga nahitabo kang Jonas.

30. Ingon nga si Jonas maoy usa ka ilhanan alang sa mga tawo sa Ninibe, ang Anak sa Tawo usab maoy mahimong ilhanan alang sa mga tawo niining panahona.

31. Sa Adlaw sa Paghukom ang Rayna sa Habagatan mobangon ug mosudya sa mga tawo niining panahona, kay mipanaw siyag katunga sa kalibutan aron lang pagpamati sa makinaadmanong mga pagtulon-an ni Salomon; ug hibaloi nga dinhi aniay labaw pa kang Salomon.

32. Sa Adlaw sa Paghukom ang mga tawo sa Ninibe mamangon ug mosudya kaninyo, kay naghinulsol man sila sa ilang mga sala sa pagkabati nila sa wali ni Jonas; ug hibaloi nga dinhi aniay labaw pa kang Jonas!”

ANG EBANGHELYO SA GINOO

19/02/2024

Maayong adlaw sa tanan!
Martes ( Feb. 20, 2024 )
DAILY GOSPEL:
( Mateo 6:7-15 )

PAGTULON-AN MAHITUNGOD SA PAG-AMPO

7. Si Jesus miingon sa iyang mga tinun-an, “Sa inyong pag-ampo, ayaw daghana ang inyong mga pulong ingon sa gibuhat sa mga pagano nga naghunahuna nga dunggon sila tungod sa taas nilang pag-ampo.

8. Ayaw panig-ingon kanila kay ang inyong Amahan nahibalo nang daan sa inyong gikinahanglan bisan gani sa dili pa kamo mangayo kaniya.

9. Ingna niini pag-ampo: ‘Amahan namo nga naa sa langit: Simbahon unta ang ngalan mo

10. Maghari ka unta kanamo, Ug tumanon ang imong pagbuot dinhi sa yuta ingon nga gituman kini didto sa langit.

11. Ihatag kanamo ang kalan-on nga among gikinahanglan karong adlawa;

12. Ug pasayloa kami sa among mga sala, Ingon nga gipasaylo namo ang nakasala kanamo.

13. Ayaw kami itugyan sa malisod nga pagsulay; luwasa hinoon kami sa dautan. Kay imo ang gingharian, ang gahom ug himaya hangtod sa kahangturan.’

14. Kay kon pasayluon ninyo ang nakasala kaninyo, pasayluon usab kamo sa inyong Amahan nga atua sa langit.

15. Apan kon dili ninyo sila pasayluon, dili usab kamo pasayluon sa inyong Amahan nga atua sa langit.

ANG EBANGHELYO SA GINOO..

19/02/2024

Maayong adlaw sa tanan!
Lunes ( Feb. 19, 2024 )
DAILY GOSPEL:
( Mateo 25:31-46 )

ANG KATAPUSANG HUKOM

31. Si Jesus miingon sa iyang mga tinun-an, “Inig-anhi sa Anak sa Tawo ingon nga Hari, uban sa tanang mga anghel, molingkod siya sa iyang harianong trono,

32. ug ang tanang tawo sa kalibutan tigomon sa iyang atubangan. Unya bahinon niya sila sa duha ka pundok, sama sa usa ka magbalantay sa hayop nga maglain sa mga karnero gikan sa mga kanding:

33. ibutang niya ang mga karnero sa iyang tuo ug ang mga kanding sa iyang wala.

34. Unya ang Hari moingon sa mga tawo sa iyang tuo, ‘Umari kamo nga gipanalanginan sa akong Amahan ug dawata ninyo ang Gingharian nga giandam alang kaninyo sukad pa sa pagbuhat sa kalibutan.

35. Gigutom ako ug inyo akong gipakaon; giuhaw ako ug inyo akong gipainom; dumuduong ako ug inyo akong gidawat sa inyong mga balay;

36. hubo ako ug inyo akong gibistihan; nagmasakiton ako ug inyo akong gialimahan; nabilanggo ako ug inyo akong giduaw.’

37. Unya motubag kaniya ang mga matarong, ‘Ginoo, kanus-a man kami makakita kanimo nga gigutom ug gipakaon ka namo, o giuhaw ug gipainom?

38. Kanus-a man kami makakita kanimo nga dumuduong ug midawat kami kanimo sa among mga balay, o hubo ug gibistihan ka namo?

39. Kanus-a man kami makakita kanimo nga nagmasakiton o gibilanggo, ug giduaw ka namo?’

40. Unya ang Hari motubag kanila, ‘Sultihan ko kamo nga sa matag higayon nga maghimo kamo niini alang sa usa sa labing ubos niining akong mga igsuon, gihimo ninyo kini alang kanako!’

41. “Unya moingon siya ngadto sa mga tawo sa iyang wala, ‘Pahawa kamo kanako, kamong gipanghimaraot sa Dios! Ngadto kamo sa kalayo nga walay pagkapalong nga giandam alang sa Yawa ug sa iyang mga anghel!

42. Gigutom ako, apan wala ako ninyo pakan-a; giuhaw ako, apan wala ako ninyo paimna;

43. dumuduong ako, apan wala ako ninyo dawata sa inyong mga balay; hubo ako, apan wala ako ninyo bistihi; nagmasakiton ako ug nabilanggo, apan wala ako ninyo alimahi.’

44. Unya motubag sila kaniya, ‘Ginoo, kanus-a man kami makakita kanimo nga gigutom, o giuhaw, o usa ka dumuduong, o hubo, o nagmasakiton, o nabilanggo, ug wala kami motabang kanimo?’

45. Ang Hari motubag kanila, ‘Sultihan ko kamo nga sa matag higayon nga nagdumili kamo pagtabang sa usa niining labing ubos, nagdumili kamo sa pagtabang kanako.’

46. Busa kini sila ipadala ngadto sa walay katapusang silot; apan ang mga matarong moadto sa kinabuhing dayon.”

ANG EBANGHELYO SA GINOO..