عبقرى الإنجليزى للترجمة القانونية

31/05/2026

Avec الدكتور أمير سليمان إستشاري طب الأطفال – Je fais désormais partie de ses super fans ! 🎉

31/05/2026

بعد العيد الكبير بنستقبل في العيادة أطفال كتير بشكاوى متنوعة بسبب:
الأكل من مصادر غير مضمونة.
الإفراط في الحلويات.
المشروبات الغازية والعصائر.
السهر وتغيير مواعيد النوم.

والنتيجة؟
إسهال.
ترجيع.
مغص وآلام بالبطن.
ارتفاع حرارة.
فقدان شهية وخمول.

إمتى أقلق؟
إذا كان طفلك:
بيرجع بشكل مستمر.
لا يتبول بشكل طبيعي.
خمول شديد.
عمره أقل من سنة ويعاني من ترجيع أو إسهال متكرر.
ارتفاع حرارة مستمر.

المطلوب الآن:
سوائل كثيرة.
أكل خفيف وصحي.
نوم كافي.
إيقاف المشروبات الغازية مؤقتًا.
مراجعة طبيب الأطفال عند استمرار الأعراض.

إكتب في التعليقات أي مشكلة صحية قابلتها مع أطفالك بعد العيد

14/05/2026

مش كل طفل هادي نفرح بهدوؤه… ومش كل طفل شقي نقلق من شقاوته

فيه سلوكيات بسيطة ممكن تكون طبيعية جدًا حسب عمر الطفل،
وفيه علامات تستحق إننا ننتبه لها بدري

من العلامات اللي محتاجة استشارة سريعة:
- تأخر الكلام مقارنة بالعمر
- ضعف التواصل البصري
- عدم الاستجابة للنداء بالإسم
- فرط حركة شديد يؤثر على التركيز أو النوم
- فقدان مهارات كان الطفل اكتسبها قبل كدا

التدخل المبكر بيفرق بشكل كبير جدًا في تطور الطفل وجودة حياته

04/04/2026

مش أي سخونية أو عياط متكرر عند الرضيع يبقى حاجة بسيطة!

الإلتهاب السحائي من الأمراض الخطيرة اللي لازم ننتبه لأعراضها بدري.
لو لاحظتي على طفلك أي من العلامات دي، لازم تتحركي فورًا:
• حرارة عالية مستمرة
• بكاء أو صراخ بشكل غير طبيعي
• خمول أو نوم زيادة عن المعتاد
• رفض الرضاعة
• قيء متكرر
• انتفاخ في اليافوخ
• تيبّس في الرقبة
• حساسية من الضوء

لو ظهر أكتر من عرض مع بعض، ماتتأخريش في استشارة الطبيب

21/03/2026

كل سنة وانتو طيبين …..دور البرد المنتشر حاليًا بين الأطفال أغلب مسبباته هي من فيروسات الإنفلونزا وغالباً من سلالات زي H1N1 و H3N2
الدور فعلاً أشد شوية من المعتاد عند بعض الأطفال، خصوصًا الأطفال أقل من 5 سنين وبالأخص أقل من سنتين، أو اللي عندهم أمراض مزمنة زي أمراض الصدر أو القلب أو ضعف المناعة

نحمي أولادنا إزاي

غسل إيدين الطفل كويس باستمرار
منع لمس الأنف والفم والعين بإيدين غير نظيفة
تعليم الطفل الكحة أو العطس في منديل أو في الكوع
تجنب الزحمة قدر الإمكان
ممكن يلبس ماسك في الأماكن المزدحمة لو سنه يسمح

هل التطعيم مهم

تطعيم الإنفلونزا مهم جدًا للأطفال
بيقلل فرص الإصابة ولو الطفل تعب الأعراض بتكون أخف

إمتى نخليه في البيت

لو عنده حرارة أو كحة أو رشح شديد
يبقى لازم يرتاح في البيت وماينزلش حضانة أو مدرسة

أدوية لازم ناخد بالنا منها

ممنوع تمامًا استخدام ما يسمى مجموعة البرد أو الإنفلونزا من الصيدلية بدون دكتور
المضادات الحيوية مش لأي دور برد وبتتستخدم فقط لو في عدوى بكتيرية

ممكن ندي خافض حرارة زي باراسيتامول مع سوائل دافئة وراحة

إمتى أروح للدكتور فورًا

لو في حرارة عالية
كحة شديدة
صعوبة في التنفس
خمول أو رفض الأكل
أو لو الطفل من الفئات الأكثر عرضة للخطر

أحيانًا الطبيب يكتب مضاد فيروسي وبيكون أفضل لو اتاخد خلال أول 48 ساعة

الخلاصة

لو الأعراض خفيفة نكتفي بالراحة والسوائل وخافض الحرارة
لو في حرارة أو أعراض قوية لازم مراجعة الطبيب فورًا

18/04/2019