21/06/2026
आजभोलि लागु औषध तस्करहरूले कानुनको आँखा छल्न सोझा र निर्दोष मानिसहरूलाई हतियार बनाइरहेका छन्। सार्वजनिक स्थानमा कुनै अपरिचित व्यक्तिले "यो झोला एकछिन समातिदिनुस्" भन्दा मानवीय सदाशयता देखाउनु अघि पूरै होस पुर्याउनुहोस्, किनकि यस्तो लापर्बाहीले तपाईंलाई गम्भीर कानुनी संकटमा पार्न सक्छ। नेपालको लागू औषध (नियन्त्रण) ऐन, २०३३ को दफा ४ बमोजिम प्रतिबन्धित पदार्थको ओसारपसार र सञ्चय पूर्ण रूपमा दण्डनीय अपराध हो। यदि त्यो अपरिचितको झोलामा लागु औषध भेटियो भने कानुनको नजरमा पहिलो अभियुक्त तपाईं नै ठहरिनुहुनेछ, किनकि कानुनमा अज्ञानता क्षम्य हुँदैन र सामान आफ्नो भौतिक नियन्त्रणमा फेला परेपछि आफू निर्दोष रहेको प्रमाण दिने भार स्वयम् तपाईंमाथि नै आउँछ। यस ऐनको दफा १४ बमोजिम अवैध पदार्थको प्रकृति हेरी दुई वर्षदेखि १० वर्ष कैद वा ठुलो परिमाणको हकमा १५ वर्षदेखि जन्मकैद र २५ लाख रुपैयाँसम्मको भारी जरिवाना हुन सक्छ। त्यसैले अपरिचितको झोला समात्दा वा कुनै पनि सामान बुझ्दा पूरै होस पुर्याउनुहोस्, शङ्का लागेमा तुरुन्तै अस्वीकार गर्नुहोस् र आफ्नो स्वतन्त्रतालाई दाउमा नराखी सजग र सुरक्षित रहनुहोस्। 🙏🙏
