Advocate Vinod Karky

08/10/2026

ए बाबा सलाम.........
यि हुन लक्ष्मण बाबा । विश्वविद्यालयमा कानून शिक्षक, वरिष्ठ अधिवक्ता, नेपाल बारको २०४२-४५ को अध्यक्ष, महान लोकतान्त्रिक समाजवादी, कानूनको लेखक, २०४७ सालको संविधान निर्माता मध्ये एक , सर्वोच्च अदालतको न्यायाधीश र सेकेन्ड म्यानको हैसियतले न्याय परिषदको वरिष्ठ सदस्य। यिनलाई वकील न्यायाधीश सबैले सम्मानका साथ लक्ष्मण बाबा भन्थे। यिनले लगभग ११ वर्ष सर्वोच्चको न्यायाधीश खांदा पनि त्यो खैरो खैरो देखिने चेक वाला पुरानो टुईटको कोट बाहेक अर्को कोट लगाएको देखिएन। नयाँ घर जग्गा पनि कहि कतै जोडेको देखिएन। वकील हुंदै बनाएको वानेश्वर एभरेष्ट होटल पछाडिको त्यही चाइनिज इटाको घरमा बसेर अवकाश भए र त्यही सम्पत्ति भोग गरेर व्रम्हलीन भए। २०६२/६३ को पुन लोकतन्त्र फिर्तीको आन्दोलनमा म उनको अन्तर्वार्ता लिन जांदा सामान्य कोठाको सामान्य सोफामा बसेर उनको अन्तर्वार्ता लिई "लिगल पोष्ट"मा छापेको अहिले जस्तो लाग्छ। सामान्य योग ध्यान मात्र गर्ने यिनको आचार विचार भने "बाबा" वा सन्तकै थियो।
यिनले चोलेन्दरको दमन गरेर न्याय परिषदमा नाम सम्म उच्चारण गर्न दिएका थिएनन। त्यसैले चोलेन्दर पुनरावेदन अदालतमा अस्थायी न्यायाधीशमा झुन्डिरहेका थिए। जसै यि अवकाशमा गए त्यसको केही समय पछि शाही शासन शुरु भयो। चोलेन्दर एकाएक दरबारीया शक्तिको नजिक र प्रभावशालि भए। त्यस माथी प्रधान न्यायाधीश हरिप्रसाद शर्मा शाही शासन ठीक हो भन्दै हिड्न थाले पछि त यिनी झन प्रभावशालि भए र स्थायी न्यायाधीश भए।
पछि सर्वोच्च आउन अनुप, मीनबहादुर र खिलराजले रोकेकोमा एकाएक खिलराज मंत्री परिषदको अध्यक्ष खान गए पछि दामोदर शर्माले विविध कारणवश कडा अडान लिन सकेनन। वरिष्ठ सदस्य रामकुमार शाहलाई यिनले आफ्नो पक्षमा पारेको कारण कडा स्वभाव र अडान भाको रामकुमार शाहको जोडको अगाडि दामोदर शर्मा निरिह भए र यिनी प्रधान न्यायाधीशको रोलमा परेर सर्वोच्च आए । प्रधान न्यायधिश भएसि रामकुमार शाहको गुन तिर्न सिटिभिटिमा प्रशासन समुहको उपसचिव स्तरको कर्मचारी रामकुमारकी छोरी रेणुका शाहलाई उच्च अदालतको न्यायाधीश बनाए। अरु उलफट्याङ पनि धेरै गरे। हाल चोलेन्दर भ्रष्टाचार गरेर अकूत सम्पत्ति जोडेको आरोपमा सम्पति शुद्धिकरण लगायतका कानून कार्यान्वयन निकायको पंजामा परेका छन। न्यायाधीश पनि कस्तो कस्तो व्योहर्न पर्ने! कहाँ चोलेन्दर जस्तो द्रव्य पिपासुको आरोप लागेको न्यायाधिश कहाँ न्यायमूर्ती लक्ष्मन अर्याल। श्रद्धाले बोल्दा लक्ष्मन बाबा। सलाम छ लक्ष्मन बाबा।
शुभ रात्रि!परमात्मा परमेश्वरलाई प्रणाम!🙏

25/09/2026

Indeed Nepal is the land of Almighty Pashupati Nath and Lord Buddha. 🙏

19/09/2026

संविधान दिवसको शुभकामना 🙏

16/09/2026

भद्रकाली ज्यु, पहिले यस्तो भाको थियो.....
रास्ट्रिय न्यायिक प्रतिष्ठान खडा भए पछि त्यसको पहिलो कार्यकारी निर्देशक पुनरावेदन अदालत जुम्लाको मुख्य न्यायाधिश कल्याण श्रेष्ठ नियुक्त हुनु भएको थियो। तर न्यायधिशलाई अध्ययन अनुसन्धान बाहेक अन्य प्रशासकिय काममा लगाउनु संविधानको अक्षर र भावना विरुद्ध हुने भएकोले अधिवक्ता राजीव बास्तोला र मैले यस विरुद्ध सर्वोच्च अदालतमा रिट हाल्ने सल्लाहा गरी राजीवजीको नामबाट कल्याण श्रीमानको नियुक्ति गैरकानूनी हो भन्दै रिट दर्ता गरेम। रिट दर्ता भाको खबर FM मा बोर्डकास्ट हुने बित्तिकै कल्याण श्रीमानले राजिनामा दिने खबर जुम्लाबाटै सर्वोच्च पठाउनु भयो। रिटको पेशी बलराम केसी श्रीमानको इजलासमा पर्यो। उहाले राजिनामा आउन सक्छ। आएन भने last resort को रुपमा फेरि रिट हाल्न पाइन्छ भनेर एक निष्ठावान न्यायाधिशलाइ self correction को मौका दिइ कारण देखाऊ आदेश जारी गर्नु भएन। यता कल्याण श्रीमानको राजिनामा आयो। तत् पश्चात उक्त पदमा सर्वोच्चको अवकास प्राप्त न्यायाधिश टोपबहादुर सिंह नियुक्त हुनु भयो। पात्र सबै जीवित छन। यस्तो थियो अबकाश प्राप्त न्यायाधिश नियुक्ति गरिनुको कारण। विज्ञसु किमधिकम। 🙏

12/09/2026

ग्यास सिलिन्डरको हाहाकार!
लौ भनेको मान सरकार!
हाल भरिएको ग्यास सिलिन्डरको हाहाकार मच्चिएको छ। आपूर्ति रोकिएकोले होइन कि आपूर्ति व्यवस्था प्रति जनताको भरोसा नभएर र उपलब्ध ग्यास सिलिन्डरको वितरण प्रणाली वैज्ञानिक र व्यवहारिक नभएर यसो भएको हो।
अब के गर्ने त ?
वितरण प्रणालीलाई वैज्ञानिक र व्यवहारिक बनाउने। सिलिन्डरलाई रातो र निलो दुई रंगमा विभाजन गर्ने। रातो रंगलाई व्यापारीक मुल्य कायम गरेर कम्तिमा २५ सय कायम गर्ने। दुनियाँमा कहि नभएको समाजवाद उन्मुख संविधान भाको तर सरकारी जागिरेको तलबले समेत घर परिवार चलाउन धौ धौ भाको ( झन अन्य निमुखा किसान, मजदुर, सुकुम्बासी आदिको के हाल होला ?) देशको जनतालाई राहत दिनको लागि सात जना सम्मको एकापरिवार भाको परिवारलाई महिनामा दुईवटा निलो सिलिन्डर सहुलियत मुल्य बढिमा १५ सयमा स्थानीय सरकारले जारी गरेको ग्यास कुपनको लगतको आधारमा स्थानीय डिलरबाट प्रदान गर्ने। सात जना भन्दा बढिको एकासगोलको जम्बो परिवार भए थप एक निलो सिलिन्डर प्रदान गर्ने। उधोग, होटल, रेष्टुरेण्ट, क्याटरिंग सर्भिस लगायतका व्यवसायीहरुले रातो सिलिन्डर मात्र प्रयोग गर्नु पर्ने कडा निति नियम लागु गर्ने । घरायसी प्रयोजनका लागि कुपनमा तोकिएको कोटा भन्दा बढि सिलिन्डर कुनै समय आवश्यक परे सहुलियतको निलो सिलिन्डर होइन कि रातो सिलिन्डर किन्नु पर्ने व्यवस्था गर्ने। निलो सिलिन्डरमा सहुलियत प्रदान गर्दा ग्यास रिफिल गर्ने उधोगलाई कुनै घाटा हुने भएमा त्यसको शोधभर्ना बापत समाजवाद उन्मुख संविधान भाको सरकारले अनुदान दिने।
लौ यसो गर सरकार। भरिएको ग्यास सिलिन्डर लिनेको लाइन आफै सकिन्छ। विज्ञसु किमधिकम। 🙏

07/09/2026

गैर आख्यान तर्फको यो पुस्तकले यस वर्षको मदन पुरस्कार पाउने भयो।
मदन पुरस्कारको लागि छनौट भएको यो पुस्तकको मुल्य नेपाली भाषामा नेपाल भित्रबाट प्रकाशित पुस्तक मध्य अहिले सम्मकै महंगो छ जस्तो लाग्यो । यसको मुल्य कति राखेको होला? अनुमान लगाउन सक्नुहुन्छ?
यो पुस्तकलाई मदन पुरस्कारको लागि छनौट गरेर अनुसन्धानकर्ता वीणा जोशी राजभण्डारीको दसकौ लामो मेहनतको उचित कदर भएको छ। लेखक /अनुसन्धानकर्तालाई हार्दिक वधाई छ।

07/09/2026

यदि यो समाचार सत्य हो भने विदेशी शक्तिले बेन बालेनलाई भन्दा रवीलाई स्थिर र भरपर्दो व्यक्ति मानेको देखिन्छ।🙏

राष्ट्रिय स्वतन्त्र पार्टी (रास्वपा) सभापति रवि लामिछाने र अमेरिकी विदेशमन्त्री मार्को रूबिओबीच टेलिफोन कुराकानी भएको छ।

05/09/2026

सुरुङमा फसेको मान्छे कति लामो समय सम्म बांच्न सक्छ?
ख्यातिप्राप्त सुरुङ विशेषज्ञ प्राध्यापक डिक्स ( Arnold Dix) को अनुसार जमिनको सतहमा भन्दा भुमिगत तहमा मान्छे धेरै दिन बांच्न सक्छ। किनभने सुरुङ भनेको वातावरण मिल्ने हिसाबले इन्जिनियरड गरिएको हुन्छ। सुरुङमा बाहिरी वातावरणले असर नपार्ने स्थिर तापक्रम हुन्छ र स्वास लिन योग्य हावा संरक्षण गर्न सक्षम हुन्छ। त्यसैले सुरुङमा फसेको मान्छेको जीवितै उद्धार गर्ने आशा धेरै पछि सम्म पनि राखिरहनु पर्ने डिक्सको धारणा छ। यिनै डिक्सले दूर दूरीबाट अहिलेको नेपालको सुरूङ उद्धारलाई सघाइ रहेका छन।
यस सम्वन्धमा सुरुङ उद्धारको प्रमुख घटनाहरू हेरौ :
सन १०१० मा चिलीको सन जोसेको खानीमा पुरिएका ३३ मजदुरहरूको ६९ दिनपछि जिवितै उद्धार गरिएको थियो।
त्यस्तै सन २०१८ मा थाइल्याण्डको थाम लुवाङ गुफाबाट १२ जना केटाहरू र उनको शिक्षकलाई ९ दिन पछि जिवित फेला पारिएको थियो।
पछिल्लो पटक सन २०२३ मा भारतको सिल्क्याराको सुरुङ भत्किएर फसेका ४१ जना मान्छेहरूलाई १७ दिन पछि जिवितै उद्धार गरिएको थियो। यो मिसनमा प्रोफेसर डिक्स स्वयम त्यो ठाउँमा प्रत्यक्ष उपस्थित थिए।
यस प्रकार प्राध्यापक डिक्सको धारणा र माथिका दृष्टान्तहरुले ढिलो भए पनि प्रयास जारी राख्नुपर्छ। आशा मार्नुहुन्न भन्ने बलियो आधार प्रस्तुत गर्दछ। परमात्मा परमेश्‍वरको कृपाले सुरुङमा फसेका सबैको सकुशल उद्धार हुन सकोस। ।🙏

04/09/2026

श्री कृष्ण हिन्दुहरुमा सबै भन्दा बढी चर्चा पाएको पात्र हुन। परम्परागत मान्यता अनुसार श्री विष्णुको अवतारहरुमा श्री कृष्ण पूर्ण अवतार हुन। उनमा सबै १६ कला विधमान रहेको मानिन्छ। पछि उनको प्रेमरसको महत्वलाई प्राधान्य प्रदान गरी सिद्ध सन्तहरले राधाकृष्ण भक्तिधारा विकास गरे। गौरांग स्वामी देखि जगतगुरु कृपालु महाराज सम्म यस भक्ति धारामा पर्दछन। यिनीहरुले श्री कृष्णलाई श्री विष्णुको अवतार भन्दा अझै बढि हो भनि व्याख्या गरे। श्री कृष्णलाई वैकुण्ठवासी विष्णुको अवतार नभई गोलोक धामको स्वामी र श्री राधालाई गोलोकधामको स्वामिनी राधा रानी मानेर श्री कृष्णलाई परव्रम्ह सच्चिदानन्द स्वरुपमा मान्न थाले।
पछि देवचन्द्र र प्राणनाथ जस्ता सिद्ध सन्तहरुले त्रिधा लीलाको दर्शन प्रतिपादन गरी श्री कृष्णमा तीन शक्तिको अवतरण भएको व्याख्या गरे। पहिलो श्री विष्णु अवतार, दोस्रोमा १२ वर्षको उमेर सम्म गोलोक स्वामी सच्चिदानन्द श्री कृष्ण र तेस्रोमा १२ वर्षको उमेर सम्म पूर्ण व्रम्ह अक्षर पुरुष परमात्मा परमेश्‍वर समेतको शक्ति युक्त श्री कृष्ण हुन । यो बेलाको अर्थात १२ वर्ष सम्मको श्री कृष्णमा त्रिधा लीला अर्थात तीन शक्ति विधमान थियो। यो समय पछिको श्रीकृष्ण त्रिशक्ति युक्त नभई केवल श्री विष्णुको अवतार मात्र हुन भन्ने उनीहरूको मत भएकोले यो मतावलम्वीहरू अर्थात कृष्ण प्रणामीहरू १२ वर्ष सम्मको श्रीकृष्णलाई मात्र पूर्ण व्रम्हा अक्षर पुरूष परमात्मा मानेर पूजा सेवा गर्छन।
यस प्रकार विभिन्न रुपमा र विभिन्न रसमा व्याख्या गरिएको पात्र श्री कृष्ण प्रभु भक्ति रसको प्रधान देवता हुन। आज पनि धेरै साधुसन्त र भक्तहरू उहाँको गहिरो भक्तिमा राधाको जस्तै प्रेममा डुबेका छन। यस्ता श्री कृष्ण यस धर्तीमा अवतरण भएको पुन्य तिथि भाद्र कृष्ण अष्टमीको पावन अवसरमा समस्त प्राणी जगतको कल्याणको लागि पूर्ण व्रम्हा परमात्मा परमेश्‍वर श्री कृष्ण समक्ष प्राथना गर्दछु।
श्री कृष्ण प्रणाम 🙏