23/09/2026
सहमतिको आधारमा कायम भएको यौन सम्बन्धलाई वैधानिक रूपमा स्वीकार्य हुनका लागि त्यस्तो सहमति सम्बन्धित व्यक्तिको स्वतन्त्र, स्वेच्छिक तथा वास्तविक इच्छाबाट अभिव्यक्त भएको हुनुपर्दछ। कुनै व्यक्तिले विवाह गर्ने आश्वासन, प्रतिबद्धता वा विश्वास दिलाई त्यस्तो आश्वासनको प्रभावमा परी यौन सम्बन्ध कायम गर्न दिएको सहमति छलकपट, भ्रम वा अनुचित प्रभावबाट प्रभावित सहमति भएको अवस्थामा त्यसलाई स्वतन्त्र तथा स्वेच्छिक सहमति मान्न मिल्दैन।
अतः विवाह गर्ने भनी झुटो आश्वासन वा प्रतिबद्धता दिई व्यक्तिको वास्तविक इच्छालाई प्रभावित गरी प्राप्त गरिएको सहमति स्वतन्त्र इच्छाबाट प्राप्त भएको सहमति नभई छलकपट वा अनुचित प्रभावबाट प्राप्त भएको सहमति मानिने हुँदा त्यस्तो सहमतिका आधारमा कायम भएको यौन सम्बन्धको कानूनी वैधता सम्बन्धमा प्रचलित कानूनबमोजिम परीक्षण गरिनु आवश्यक हुन्छ।
