05/06/2026
“АЮУЛГҮЙ СУМ-ХАМТДАА БҮТЭЭЕ” НЭЭЛТТЭЙ
ӨДӨРЛӨГТ ЗУУНМОД СУМАНД ХААЛТАА ХИЙЖ БАЙНА
Аймгийн Гэмт хэргээс урьдчилан сэргийлэх ажлыг зохицуулах салбар зөвлөл, аймгийн Цагдаагийн газар хамтран "АЮУЛГҮЙ СУМ-ХАМТДАА БҮТЭЭЕ" нээлттэй өдөрлөгийг 26 сумын 4 бүсэд буюу Батсүмбэр, Заамар, Баян, Эрдэнэ сумдад амжилттай зохион байгуулж, өнөөдөр Зуунмод суманд хаалтын сургалт, өдөрлөгийг зохиож байна.
Нээлттэй өдөрлөгт Зуунмод сумын ИТХ, Засаг дарга, сумын ГХУСАЗСЗөвлөлийн гишүүд, 6 багийн хамтарсан багийн нийт 60 гаруй алба хаагчид оролцож байна.
Өдөрлөгийг нээж Аймгийн ИТХ-ын дарга, ГХУСАЗСЗ-ийн дарга Н.Энхболд үг хэлэн, Цагдаагийн газрын дарга, цагдаагийн хурандаа Б.Баянмөнх мэдээлэл хийлээ.
Чадавхижуулах сургалт мэдээллээр:
Гэмт хэргээс урьдчилан сэргийлэх ажлыг зохицуулах салбар зөвлөлөөс 2026 онд дэвшүүлсэн зорилт, анхаарах асуудал, хамтын ажиллагаа
Цагдаагийн байгууллагын гэмт хэрэг, зөрчлөөс урьдчилан сэргийлэх ажлын бодлого, чиглэл хамтын ажиллагаа
Гэр бүл хүчирхийлэл, хүүхэд, гэмт хэрэг, зөрчилд өртөж хохирох гэмт хэрэг, зөрчлийн нөхцөл байдал, анхаарах асуудал
Сумын ард иргэдтэй уулзах санал хүсэлтийг сонсох, гэмт хэрэг, зөрчлийн шинжтэй гомдол, мэдээлэл хүлээн авах ажлыг зохион байгуулах талаар мэдээлэл өглөө.
Мөн оролцогчдын дунд тодорхой төрлийн гэмт хэрэг, зөрчилтэй тэмцэх чиглэлээр кейс дээр ажиллан, ур чадвараа дээшлүүлэх сургалт зохион байгуулна.
ГЭМТ ХЭРЭГГҮЙ ГЭРЭЛТ ИРЭЭДҮЙГ ХАМТДАА БҮТЭЭЦГЭЭЕ.
