29/08/2025
🤗
RE/MAX HUB оффисын PLATINUM агент Б.Цэрэнсүрэн
"Агент хүний мэдлэг, ур чадвар маш хурдтай өсөн нэмэгддэг"
Миний хувьд үл хөдлөх хөрөнгийн агент гэдэг нь бусдын нөхцөл байдлыг ойлгож, үнэ цэнэтэй сонголт хийхэд нь зөвлөх чухал хүн гэж боддог. ҮХХ-ийн салбарт ажиллаад 3 жил гаруй хугацаа өнгөрч байна. Өмнө нь бүтэн цагийн ажил болон хувийн бизнес эрхэлж байсан. 2015 онд RE/MAX-ийн талаар Нано Интернэшнл ХХК, RE/MAX Mongolia-ийн Бүжинлхам захирлын нарийн бичгээр ажиллаж байх үедээ үл хөдлөхийн бизнесийн талаар анх мэдэж, сонирхож эхэлсэн.
Хожим Б.Сайнаа найзынхаа урилгаар агент болох шийдвэрээ удаан бодсоны эцэст 1 жилийн дараа сэтгэл шулуудан орсон. Тэр үед захирлууд нэг event зохион байгуулж байсан, тэр сургалтад нь суухад дотроос үнэхээр гал асч, шууд л ажлаа эхлүүлмээр санагдсан. Ирээдүйгээ маш тодхон харуулсан тэр мэдрэмж надад маш хүчтэй урам өгсөн. Тэгээд л шууд агентийн эрх олгох сургалтанд бүртгүүлж, сургалтаа төгсөөд Сертификатаа гардан авсан даруйдаа оффис дээр очиж хамтран ажиллах гэрээгээ хийж, анхны листээ ч гэрээлж авсан нь одоо бодоход хамгийн гоё дурсамжийн нэг.
Ингэж миний агентийн замнал эхэлсэн.
Эхний үедээ богино хугацаанд илүү их үр дүн гаргахыг зорьж, шаргуу хөдөлмөрлөсний хүчинд хамгийн боломжит хугацаанд шаргуу ажиллаж цолны болзлоо хангаж чадсан.
Өнөөдөр эргээд бодоход энэ салбарт ороогүй бол олон сайхан хүмүүстэй танилцахгүй, зөрөөд л явах байсан байх.
Агентийн бизнесийн хамгийн гоё тал:
Энэ ажилд өдөр бүр шинэ зүйл сурч, байнга хөгжиж байдаг. Янз бүрийн салбарын, өөр өөр зан араншинтай хүмүүстэй харилцаж, хэлцэл хийх явцдаа шийдэл гаргах, эрсдэл тооцох, хоёр талын сэтгэл хангалуун байлгах тал дээр анхаардаг болохоор тархийг бол тултал нь ачааллуулдаг. Заримдаа санхүүгийн хүндрэлтэй харилцагчийн асуудлыг агентууд бөөндөө шийдэж өгдөг нь бас урамтай. Үүгээрээ агент хүний мэдлэг, ур чадвар маш хурдтай өсөн нэмэгддэг. •
-Үр дүн нь бодитоор шууд харагддаг. Хөдөлмөрлөсөн хэрээрээ амжилт, орлого нь тодорхой үнэлэгдэнэ.
-Цагийн уян хатан боломжтой, хаанаас ч ажиллах нөхцөл бүрддэг.
-Хурдтай, тэмүүлэлтэй хамт олонтой байх нь хүч өгдөг.
-Ихэнх хувийн хэвшлийн цалингаас хэд дахин өндөр орлого олох боломжтой.
Харин сул тал гэвэл:
Ажлын ачаалал өндөр, өглөө орой, баярын өдөр ч дуудлага, уулзалт үргэлжилнэ.
Хариуцлага ихтэй, харилцагчийн хөрөнгө, цаг хугацаатай холбоотой чухал шийдвэрүүдийг зөв, хурдан гаргах шаардлагатай.
Мөн олон нийтийн дунд үл хөдлөх хөрөнгийн агентуудын тухай буруу ойлголт байдаг ч бидний гол үүрэг бол зах зээлийн бодит үнэд тулгуурлан зөв сонголт хийхэд нь харилцагчид туслах явдал юм. Агентгүйгээр олон хүн буруу шийдвэр гаргаж хохирох магадлал өндөр. Учир нь худалдагч тал хурдан, өндөр үнээр заръя гэдэг бол худалдан авагч тал хүссэн байраа хамгийн хямдаар авах хүсэлтэй байдаг. Түрээсийн харилцаан дээр ч түрээслүүлэгч үнэ нэмэхийг хүсдэг бол түрээслэгч тогтвортой нөхцөл хүсдэг. Энэ хоёрын дунд зөв шийдэл олж уулзуулахад маш их хөдөлмөр, ухаан шаарддаг.
Эцэст нь яг хүсэлд нь нийцсэн байраа сонгоод баяртай байгаа царайг харах, талархалын үг сонсох, олон нийтийн баяруудаар гэр бүлээс нь мэндчилгээ хүлээн авах л гоё байдаг даа.
Платинум агент Б.Цэрэнсүрэн
Холбоо барих: 9996-7555
fb: https://www.facebook.com/iLiTseegii
