What are the opening hours?

Monday 08:00 - 18:00 Tuesday 08:00 - 18:00 Wednesday 08:00 - 18:00 Thursday 08:00 - 18:00 Friday 08:00 - 18:00

https://www.facebook.com/417330258128736/

Altargana Law Firm / Алтаргана Хууль Зүйн Товчоо, Энх Тайваны Өргөн Чөлөө 3, SBD-1 khoroo, Ulaanbaatar UBH center 10 давхар 1017 тоот, Ulaanbaatar (2026)

Q: What is the address?

Энх Тайваны Өргөн Чөлөө 3, SBD-1 Khoroo, Ulaanbaatar UBH Center 10 давхар 1017 тоот

16/04/2026

АМЬД ҮЛДЭХИЙН ТУЛД БУСДЫН АМИЙГ ЗОЛИОСЛОХ НЬ ГЭМТ ХЭРЭГ МӨН ҮҮ? 🌊⛵

1884 онд Английн "Mignonette" хөлөг онгоц далайд шуурганд өртөж сүйрчээ. Амьд үлдсэн 4 далайчин жижиг аврах завинд сууж, далайн дунд төөрсөн байна. Хоол хүнсгүй, уух усгүй олон хоносны эцэст тэдний нэг болох 17 настай Ричард Паркер хүү далайн ус уусны улмаас хүнд өвдөж, ухаангүй болжээ.

Завин дээр байсан ахмад Дадли болон Стивенс нар 19 дэх хоног дээрээ нэгэн аймшигтай шийдвэрт хүрсэн байна. Тэд угаас үхэх нь тодорхой болсон хүүг хөнөөж, түүний цусыг ууж, махаар нь хооллон аврал иртэл тэсэхээр шийджээ.

Энэхүү үйл явдлаас хойш 5 хоногийн дараа тэднийг хажуугаар өнгөрч байсан өөр нэгэн усан онгоц аварсан байна. Гэвч тэднийг эх газарт хөл тавимагц шууд л "ХҮН АМИНЫ ХЭРЭГ"-ээр шүүхэд татжээ.

Дэлхийн хууль зүйн түүхэн дэх хамгийн алдартай энэхүү шүүх хурлын үеэр шүүгч: "Өөрийнхөө амийг аврах гэсэн шалтгаан нь бусдын амийг хороох зөвтгөл хэзээ ч болж чадахгүй" хэмээн үзэж, тэдэнд ЦААЗААР АВАХ ял оноож байжээ. (Гэхдээ хожим нь олон нийтийн шахалтаар хааны өршөөлд хамруулж 6 сар хорих болгож хөнгөрүүлсэн байдаг).

🤔 ХАРИН ТА ЭНЭ ҮЕД ШҮҮГЧ БАЙСАН БОЛ ЯМАР ШИЙДВЭР ГАРГАХ БАЙСАН БЭ?

А. Шүүхийн зөв! Ямар ч онцгой нөхцөл байдал байсан гэсэн хүн алах нь гэмт хэрэг. Хууль бол хууль, тэднийг хатуу шийтгэх ёстой байсан.
Б. Далайчдын зөв! 4 хүн бүгд өлсөж үхсэнээс 1 нь золиослогдож 3 нь амьд үлдсэн нь илүү дээр. Тэд амь гарахын тулд өөр яах ч аргагүй байдалд орсон!

Та коммент хэсэгт өөрийнхөө бодлыг хуваалцаарай!

13/04/2026

Нэгэн удаа замын хөдөлгөөний торгох хуудас авсан нэгэн аав 5 настай хүүтэйгээ шүүх танхимд иржээ. Аав нь торгуулиа төлөх боломжгүй, санхүүгийн хүнд байдалд байгаагаа тайлбарлаж байлаа.

Шүүгч Каприо аавыг нь шийтгэхийн оронд хүүг нь өөр дээрээ дуудаж, өвөр дээрээ суулгав. Тэгээд хүүгээс:
— "Миний хүү, одоо аавынхаа хэргийг чи шийд. Аавд чинь гурван сонголт байна. 1. 90$ торгууль төлөх, 2. 30$ төлөх, 3. Огт торгууль төлөхгүй байх. Чи алийг нь сонгох вэ?" гэж асуужээ.

5 настай хүү жаахан бодож байснаа:
— "30 доллар" гэж хариулав.

Шүүх танхимд байсан хүмүүс инээлдэхэд шүүгч гайхаж:
— "Өө, чи нэлээд шударга шүүгч болох нь ээ? Огт төлөхгүй байж болох байтал дундахыг нь сонголоо" гэв.

Шүүгч Каприо аавд нь хандан:
— "Чиний хүү чинь чамаас илүү шударга юм байна. Одоо би чамд нэг нөхцөл тавья. Хэрэв чи одоо гараад хүүдээ сайхан өглөөний цай авч өгч чадна гэж амлавал би энэ торгуулийг чинь бүрэн хүчингүй болгоё" гэжээ.

Аав нь баярлан амлалт өгснөөр хэрэг хаагдсан юм. Энэ түүх нь шүүх засаглал гэдэг зөвхөн шийтгэх биш, харин тухайн хүний амьдралд боломж олгох, хүнлэг байхын утга учрыг харуулсан юм.

10/04/2026

2015 оны 12-р сарын 23-ны өдөр Конни Дабате (Connie Dabate) гэх эмэгтэй өөрийн гэртээ буудуулж амь насаа алджээ. Түүний нөхөр Ричард цагдаа нарт мэдүүлэхдээ: "Масктай дээрэмчин гэрт дайрч орж ирээд, эхнэрийг минь хөнөөгөөд намайг сандалтай хүлээд зугтсан" гэж ярьсан байна.

Гэвч төгс мэт санагдсан түүний зохиосон худал түүхийг талийгаач эхнэрийнх нь бугуйнд байсан Fitbit (хүний алхалт хэмжигч цаг) илчилжээ.

Цагдаа нар ухаалаг цагны өгөгдлийг шалгахад Конни нөхрийнхөө "дээрэмчин дайрч орж ирсэн" гэж мэдүүлсэн цагаас хойш дахин 1 цаг гаруй хугацаанд амьд байж, гэртээ нааш цааш 1000 гаруй алхам хийсэн болохыг хөдөлгөөний дата нь гэрчилсэн юм. Үүгээр ч зогсохгүй гэрийн дохиоллын систем, Ричардын гар утасны байршил, компьютерынх нь хэрэглээ зэрэг ухаалаг төхөөрөмжүүдийн ул мөр түүнийг алуурчин болохыг хөдөлшгүйгээр нотолжээ.

Энэхүү нотлох баримтуудын ачаар Ричард Дабате эхнэрээ хөнөөсөн хэргээрээ 2022 онд 65 жилийн хорих ял сонссон байна. ⚖️

Таны бодлоор бидний өдөр тутам ашигладаг ухаалаг төхөөрөмжүүд бидний аюулгүй байдлыг хангагч "чимээгүй гэрч" үү, эсвэл хувийн нууцад хэт халдаж байгаа мэт санагдаж байна уу? Сэтгэгдлээ хуваалцаарай!

08/04/2026

"Заяц"-ыг мөшгөөд байгаа "Волк"-уудын анхааралд: 📣

Монгол Улсын Эрүүгийн хуулийн 13.5 дугаар зүйл: Бусдыг ална, бие махбодид нь гэмтэл учруулна гэж айлган сүрдүүлж, мөрдөж мөшгөсөн бол эрүүгийн хариуцлага хүлээнэ.

"Ну, погоди!" гэдэг үг чинь шүүхийн танхимд нотлох баримт болоод хувирчих вий. Сэтгэл хөдлөлөө барьж, хувийн орон зайг хүндэтгэцгээе.

Өмгөөллийн "Алтаргана" хуулийн товчоо.

07/04/2026

Хилс хэрэг ба аймшигт андуурал (1984 он)

1984 онд Хойд Каролина мужид Женнифер Томпсон хэмээх коллежийн оюутан бүсгүй гэртээ халдлагад өртөж, хүчирхийлүүлжээ. Тэрээр гэмт хэрэгтний нүүр царайг маш анхааралтай ажиглаж, цагдаа нарт дүрсэлж өгсөн байна.

Цагдаа нар сэжигтнүүдийн зургийг харуулахад Женнифер "Рональд Коттон" гэх залууг шууд заажээ. Дараа нь амьд жагсаалаас таниулахад ч түүнийг "энэ мөн байна" гэж итгэлтэйгээр баталсан юм.

Коттоны өмгөөлөгч нар түүнийг тухайн үед өөр газар байсныг (алиби) нотлохыг хичээсэн боловч:

Хохирогчийн итгэлтэй мэдүүлэг: Хохирогч өөрөө маш итгэлтэй байсан нь шүүгч, шүүх бүрэлдэхүүнд хамгийн хүчтэй баримт болсон.

Шүүхийн шийдвэр: Рональд Коттонд бүх насаар нь хорих + 50 жилийн ял оноожээ.

Коттон шоронд байхдаа Бобби Пүүл гэх хоригдол өөрийнх нь үйлдсэн хэргийн талаар ярьж байхыг сонсоод, өөрийгөө хилс хэрэгт орсноо албан ёсоор мэдэгдсэн ч шүүх түүнийг нь хүлээж аваагүй юм.

Цагаатгал (1995 он)
Коттон шоронд 11 жил суусны дараа түүнийг "Гэм буруугүй" хэмээн цагаатгажээ. Тэр үед ДНХ-ийн шинжилгээ шинжлэх ухаанд шинээр нэвтэрч эхэлж байв.

ДНХ-ийн шинжилгээ: Хэргийн газраас олдсон биологийн сорьцыг Коттоны ДНХ-тэй тулгахад огт таараагүй бөгөөд харин нөгөө хоригдол Бобби Пүүлийнхтэй яв цав таарчээ.

1995 онд Рональд Коттон цагаатгагдаж, шоронгоос суллагдсан байна.

06/04/2026

"ХҮНД ТУСЛАХ ГЭЖ ОЧООД ШҮҮХИЙН ХААЛГА ТАТАВ: АРГАГҮЙ ХАМГААЛАЛТ УУ, ГЭМТ ХЭРЭГ ҮҮ?" 🏛️
Агсам тавьж, хайчаар зэвсэглэн бусдын амь насанд заналхийлсэн этгээдийг аюулгүй болгох явцдаа санамсаргүйгээр амь насыг нь хохироосон иргэнийг шүүхээс ЦАГААТГАВ.
Гол баримтууд:
- Шүүгдэгч өөрийн санаачилгаар бус, тусламж хүссэн дуудлагаар очсон.
- Очихоосоо өмнө болон очоод Цагдаад 2 удаа мэдэгдсэн.
- Халдагч этгээд өөрөө түрүүлж хайч барин биед нь халдсан.

Шинжээчийн дүгнэлтээр "Санаатай үйлдэл байхгүй" нь тогтоогдсон.

Хэрэг гарсан өдөр юу болов ? :

Амь хохирогч Н.Ж нь согтуурсан үедээ эхнэрийнхээ ажил дээр ирж, хаалга цонх хагалан, дотор байсан эхнэр Б.Б-г "ална" гэж заналхийлэн агсам тавьж байсан. Шүүгдэгч Л.М нь өөрийн санаачилгаар бус, харин хохирогчийн эхнэр Б.Б-гээс ирсэн удаа дараагийн тусламж хүссэн дуудлага, мессежний дагуу очиход амь хохирогч түүний өөдөөс хайч барин дайрч, биед нь халдсан ба Л.М энэ халдлагыг зогсоохын тулд амь хохирогчийг газарт дарж унагасны дараа хохирогчийн амь нас эндсэн харамсалтай үйл явдал болсон бөгөөд шүүх үүнийг нь САНААТАЙ АЛЛАГА биш Л.М хохирогчийг зодож, цохиж, амь насыг нь хохироохыг хүсээгүй. Халдагч этгээдийн идэвхтэй эсэргүүцлийг дарах, өөрийгөө хамгаалах явцад шүүгдэгчийн биеийн жингийн даралтаас болж ийм харамсалтай үр дагавар гарсан гэж дүгнэжээ.Тэрээр очих замдаа болон очсон даруйдаа хоёр удаа цагдаагийн 102 утсанд дуудлага өгсөн нь түүнийг гэмт хэрэг үйлдэх бус, харин хууль бус үйлдлийг таслан зогсоох, бусдад туслах зорилготой байсныг нотолсон.

03/04/2026

1990-ээд оны дундуур Ливерпүүл хотын шүүх дээр болсон хэрэг юм.
Их Британийн шүүхийн сонин хачин, хөгжилтэй хэргүүдийг 1990-ээд оны сүүл, 2000-аад оны эхээр Daily Mirror болон The Sun сонинууд "Court Circular" эсвэл "Strange but True" буландаа тогтмол нийтэлдэг байв.

Хэргийн нөхцөл: Залуу дэлгүүрийн арын хаалгыг хөшиж ороод, цүнх дүүрэн видео тоглуулагч (VCR) аваад гарч байхдаа баригджээ.

Өмгөөлөгчийн тактик: Өмгөөлөгч түүнийг "Түр зуурын сэтгэцийн өөрчлөлтөд орсон, юу хийж байгаагаа мэдээгүй" гэж хамгаалж байв.

Шүүгч түүнээс яагаад багаж хэрэгсэл (ломбо) авч явсан бэ гэж асуухад,
Шүүгдэгч: "Би зүгээр л хаалга хэр бат бөх байгааг шалгаж үзсэн юм. Нээгдчихээр нь ороод хартал гоё гоё юмнууд байхаар нь аваад гарчихсан" гэж мэдүүлсэн нь шүүх танхимыг инээлгэж, өмгөөлөгч нь гараараа нүүрээ таглахад хүргэсэн гэдэг.

02/04/2026

Шүүх дээр болсон нэгэн бодит инээдтэй явдал.
Эх сурвалж: Disorderly Conduct (Judicial Records).
Америкийн шүүх дээр нэгэн залуу хөлөө хүнд гэмтсэн гэж жүжиглэн их хэмжээний мөнгө даатгалын компаниас нэхэмжилсэн ч өмгөөлөгч ердөө 2 асуултаар түүнийг барьж чаджээ.

— Өмгөөлөгч: "Ослын өмнө та хөлөө яаж өргөдөг байсан бэ?"
— Залуу: (Хөлөө толгой дээгүүрээ гаргаж) "Ингэж..."
— Өмгөөлөгч: "Тэгвэл одоо?"
— Залуу: (Арай гэж 10 см өргөөд) "Одоо ердөө л ингэж..."

Та бүхэнд иймэрхүү инээдтэй хэрнээ бодууштай түүх тохиолдож байв уу?

02/04/2026

"Үнэн үргэлж алга ташуулж ирдэггүй" - Нийгмийн дайсан МУСК

1770 онд Америкчууд Британийн колони байх үед Бостон хотод мөргөлдөөн гарч, Британийн цэргүүд энгийн иргэд рүү гал нээснээр 5 хүн амиа алджээ. Үүнийг " Бостоны аллага" (Boston Massacre) гэж нэрлэдэг.

- Нийгмийн уур амьсгал: Хотын иргэд Британийн цэргүүдийг үзэн ядаж, тэднийг шууд цаазлахыг шаардаж байв.

- Эрсдэлтэй алхам: Хэн ч тэдгээр "алуурчин" цэргүүдийг өмгөөлөх зориг зүрх гаргасангүй. Гэтэл залуу хуульч Жон Адамс " Хүн бүр шударга шүүхээр шүүлгэх эрхтэй " гэсэн зарчмыг барьж, цэргүүдийг өмгөөлөхөөр болжээ.
Шүүх хурал дээр Адамс сэтгэл хөдлөлөөр бус, зөвхөн баримтаар ярьсан юм. Тэрээр:
"Баримт бол зөрүүд зүйл. Бидний хүсэл сонирхол, хүсэл тэмүүлэл, магадгүй бидний сэтгэл хөдлөл ямар байхаас үл хамааран баримт өөрчлөгдөхгүй" гэж хэлсэн байдаг. Тэрээр цэргүүд өөрийгөө хамгаалах зорилгоор гал нээснийг нотолж, ихэнхийг нь цагаатгаж чаджээ.

- Үр дагавар: Түүнийг хүмүүс "Урвагч", "Эх оронч бус", " Нийгмийн дайсан" гэж дуудаж, гэр бүл рүү нь дайрч, нэр хүнд нь газрын гаваар орж байлаа.

Хэсэг хугацааны дараа хүмүүс Адамсын хийсэн үйлдэл нь Британийг дэмжсэн хэрэг биш, харин Хууль ёсыг ямар ч үнээр хамаагүй хамгаалж чаддаг "жинхэнэ шударга ёсны билэг тэмдэг" болохыг ойлгосон юм. Нэгэнтээ "урвагч" гэгдэж байсан тэрээр АНУ-ын анхны Дэд ерөнхийлөгч, дараа нь 2 дахь Ерөнхийлөгчөөр сонгогдсон юм.
Энэ түүх нь өмгөөлөгч хүний үүрэг бол нийгмийн олонход таалагдах биш, харин хууль болон үнэнийг хамгаалах гэдгийг харуулдаг.

Ижил төстэй сэдэв бүхий "2019 онд дэлхий дахиныг байлдан дагуулж байсан 'Just Mercy' кинотой ижил утга санаа, агуулгыг хөндсөн 'Нийгмийн дайсан' уран сайхны кино ийнхүү 2026 онд Монголын үзэгчдийн хүртээл болж байна."

01/04/2026

Чезаре Маккари "Цицерон Катилиныг буруутгаж буй нь" (1889)

Чезаре Маккаригийн 1889 онд зурсан энэхүү бүтээл дээр Катилины эргэн тойронд хэн ч байхгүй байгааг анзаарч байна уу?

Энэ бол Ромын агуу хуульч Цицерон эх орноосоо урвагчийг илчилж буй мөч юм.

Хуульч, прокурор, шүүх засаглалынхны ур чадвар, мэтгэлцээний хүчийг илэрхийлсэн дэлхийн хамгийн алдартай зураг. МЭӨ 63 он. Ромын Сенат.

Зургийн агшин:
Агуу илтгэгч Цицерон эх орноосоо урвахыг санаархсан Катилиныг яллаж буй түүхэн мөч. Цицероны итгэл төгс төрх "Шударга ёсыг" бэлгэдэж байгаа бол, түүний эсрэг талд ганцаардан суух Катилин "Гэм бурууг" илтгэнэ.

Хамгийн хүчтэй дүрслэл: Бусад сенатчид Катилинаас сэжиглэн холдож, түүнийг нийгмээс хэрхэн тусгаарлагдаж буйг харуулсан нь энэ зургийн сэтгэл зүйн хамгийн гүн мессеж юм.

31/03/2026

Mock Trial - 2026: Mini Vlog
Өмгөөллийн "Алтаргана" хуулийн товчооноос оюутан залуусын ур чадварыг сорих, практик туршлага олгох зорилгоор зохион байгуулсан Эрүүгийн хэргийн шүүхийн мэтгэлцээний тэмцээн амжилттай болж өндөрлөлөө.

31/03/2026

Хууль зүйн дээд сургуулийн оюутнуудын дунд зохион байгуулагдсан "Mock Trial - 2026" Эрүүгийн хэргийн шүүхийн мэтгэлцээний тэмцээн нь ирээдүйн хуульчдыг бэлтгэхэд хамгийн чухал үүрэг гүйцэтгэдэг практик сургалт юм.

🏛️ Mock Trial гэж юу вэ?
Энэ нь хуулийн ангийн оюутнууд бодит хэргийн материал дээр ажиллаж, шүүх танхимд яллагч, өмгөөлөгч болон "тоглодог" мэргэжлийн тэмцээн юм. Оюутнууд зөвхөн ном унших биш, хуулийг амьдрал дээр яаж хэрэглэх вэ гэдэгт суралцдаг.

Тэмцээн хэрхэн явагддаг вэ?
1. Кейс судлах: Зохиомол боловч амьдралд ойрхон хэргийн материал (гэрчийн мэдүүлэг, шинжээчийн дүгнэлт, баримтууд) өгөгдөнө.

2. Стратеги боловсруулах: Оюутнууд өөрийн талын байр суурийг хамгаалахын тулд ямар асуулт асуух, ямар нотлох баримтыг чухалчлахыг тооцоолно.

3. Шүүх хуралдаан: Шүүгчийн өмнө нээлтийн үг хэлж, дүгнэлтээ танилцуулна.

Иргэд яагаад үүнийг анхаарах ёстой вэ?
Хэдийгээр оюутнууд оролцож байгаа ч энэ тэмцээн нийгэмд дараах ач холбогдолтой:

Шударга шүүхийн дүр зураг: Иргэд шүүх хуралдаан гэдэг нь хэн нэгнийг шууд шийтгэх биш, харин хоёр тал тэгш эрхтэйгээр мэтгэлцэж, үнэнийг тогтоох үйл явц гэдгийг ойлгоно.

Ирээдүйн хуульчдын чанар: Өнөөдөр энэ тэмцээнд өөрийгөө сорьж буй оюутан маргааш таны эрх ашгийг хамгаалах өмгөөлөгч, эсвэл хэргийг дэнслэх шүүгч болно. Тэд хэдий чинээ сайн бэлтгэгдэнэ, нийгэмд төдий чинээ шударга ёс тогтоно.

Altargana Law Firm / Алтаргана Хууль Зүйн Товчоо

16/04/2026

13/04/2026

10/04/2026

08/04/2026

07/04/2026

06/04/2026

03/04/2026

02/04/2026

02/04/2026

01/04/2026

31/03/2026

31/03/2026

Address

Opening Hours

Telephone

Website

Alerts

Contact The Business

Shortcuts

Share

Category

Monday	08:00 - 18:00
Tuesday	08:00 - 18:00
Wednesday	08:00 - 18:00
Thursday	08:00 - 18:00
Friday	08:00 - 18:00