25/05/2020
Сайн байцгаана уу. Сүүлийн үед 14 настай хүүхэдийг хүчиндвэл насанд хүрсэн гэж тооцож үзнэ. Өөрийнх нь зөвшөөрснөөр бэлгийн харьцаанд орвол ял шийтгэлгүй гэх мэт худал мэдээлэл тараад байна. Манай одоогийн дагаж мөрдөгдөж байгаа эрүүгийн хуулийн 12.1 зүйлийн 2.1. хэсэгт арван дөрвөөс дээш арван найман насанд хүрээгүй хүнийг хүчиндсэн бол 5 жилээс 12 жил хорих ял шийтгэхээр хуульчилсан.
Харин тус зүйлийн 4 хэсэгт. Энэ гэмт хэргийг бага насны хүүхдийн эсрэг үйлдсэн; энэ гэмт хэргийн улмаас хохирогч нас барсан бол арван хоёр жилээс хорин жил хүртэл хугацаагаар, эсхүл бүх насаар хорих ял шийтгэнэ гэж заасан. Бага насны хүүхэд гэдэг 14 нас хүрээгүй хүүхдийг ойлгоно. 14 нас хүрээгүй хүүхэдтэй бэлгийн харьцаанд орвол зөвшөөрсөн эсэхээс үл хамааран хүчиндсэн гэж үзэх учир дээд санкц нь бүх насаараа хорих ялтай гэсэн үг юм.
Дээрх заалтаас үүдэн 14 хүрсэн хүнтэй өөрийнх нь зөвшөөрлөөр бэлгийн харилцаанд орвол яах вэ гэдэг асуудал гарч ирэх боловч уг үйлдэлийг Эрүүгийн хуулийн 12.5 зүйлд 16 насанд хүрээгүй хүнтэй бэлгийн харьцаанд орсон гэдэг зүйл ангиар мөн л ял шийтгэхээр хуульчилсан. Тэгэхээр тэгэхээр 16 насанд хүрээгүй хүнтэй зөвшөөрсөн байсан ч бэлгийн харьцаанд орвол ял шийтгэнэ гэсэн үг юм.
Үүнийг сүүлийн үед сонгуулийн шоу болгон ашиглаж 14 настай хүүхэд хүчиндвэл ял шийтгэлгүй хууль батлагдсан мэтээр худал мэдээлэл тарааж байгаа нь маш их хор уршиг дагуулж мэднэ.
Зарим нэг эрх зүйн мэдлэг дутмаг архичид, гаж донтонууд 14 настай хүүхэд хүчиндвэл ялгүй юм байна гэдэг худал мэдээлэл аваад хүүхэд хүчиндвэл яах вэ. энэ маш өндөр эрсдэл шүү. Тэгэхээр ийм худал мэдээлэл таарахгүй байхыг хүсэе.
