27/06/2023
ЗУСЛАНГИЙН ГАЗАР ХУДАЛДАН АВАХДАА ЮУ АНХААРАХ ВЭ ??
1. Зуслан бол хойд чиглэлд зүгээр-
Манай орны хувьд жилийн турш салхи ихэвчлэн баруун хойноос салхилдаг учир хотын утаа хойшоо явах нь арай бага учир хойд чиглэл хамгийн зөв.
2. Бэлэн тог оччихсон газар авах хэрэгтэй- Тог татахад маш их мөнгө ордог шүү.
3. Мэдээж цэвэр цэнгэг агаартай, хотын утаа униар болон машины утаа замын тоос шорооноос хол байж л зуслан гэсэн утгаа хадгална.
4. Зусландаа очихын тулд их цаг алдахгүйн тулд хотоос хэт хол байх хэрэггүй.
5. Ой мод чухал - учир ойгоосоо хол биш бас яг модон дунд байх хэрэггүй.
6. Хүмүүс тэгш газар гээд нам доор газар их сонгодог. Эсрэгээрээ нам доор газар хэрэггүй. Намгархаг голдуу байдаг.
Ялимгүй хэвгийдүү ч гэсэн уулын энгэр дээр байрлалтай газар зүгээр. Намаг цэвдэг байхгүй, хавар шар усны үерт автахгүй, зун ус тогтохгүй үер усны аюулд өртөхгүй сайн талтай.
Мөн өвөлдөө чаргаар хүүхдүүдээ гулгуулж болох сайн талтай байдаг. Газрын хэвгий бол одоо асуудал биш болсон. Харин ч янз бүрийн байдлаар гадна тохижилт хийхэд хэвгий газрыг ашигтай байдлаар ашиглаж тохижуулдаг болсон.
7. Болж өгвөл тухайн зуслангийн бүсийнхээ дээд талд байвал илүү сайн. Дээд айлын чинь бохирын байгууламжнаас бохир ус хөрсөөр дамжин танайх руу ирэх магадлалтай. Түүнчлэн Мөн урд айл чинь танай харагдах орчинг халхлахгүй сайн талтай.
8. Мэдээж бичиг баримт нь хуулийн дагуу гарсан, албан ёсны хаягаа авсан байх хэрэгтэй.
9. Нарны тусгал маш чухал шүү. Аль ч улиралд нар сайн тусдаг, наранд ээвэр салхинд нөмөр байх.
10. Авах газар чинь кадастрын зургийнхаа дагуу хайс юм уу хашаатай байвал дараа нь элдэв хэл ам,маргаан гарахгүй амар байдаг.
11. Байшин дан модоор барьсан байх - учир нь мод маань үргэлж амьсгалж, амьдарч байдаг ба , гэр доторх чийгшилд ихэсвэл чийгийг шингээн авч, харин агаар хуурай үед чийг ялгаруулан хүний амьдрах таатай хэмжээнд байнга барин зохицуулж байдаг нь уг хийцийн онцлог давуу тал юм.
