11/06/2025
Эх болсон зургаан зүйлийн хамаг амьтны тусын тулд 🙏🙏🙏
Аръяабал Ум Ма Ни Бад Мэ Хум 🙏
Зуны Тэргүүн сарын шинийн 15-ны билигт сайн өдөр буюу Бурхан багшийн Их дүйчэн өдрийн мэндийг хүргэе ❤️
Энэ өдөр:
1. Эцэг эхийн ачийг санах, амьд сэрүүн байгаа бол эрүүл энх, урт удаан наслахын тухайд залбирал ерөөл үйлдэх, уулзах, хүсэлт байвал биелүүлж өгөх, гомдоосон бол өршөөл уучлал гуйх,
2. Хэрвээ эцэг эх нас нөхөцсөн аваас хойдын мөрд нь хурал ном айлтгах, бурхан шүтээн босгох, ядарсан доройд туслах, зул тахил өргөх, маань тарни тоолох
3. Ядуу хоосон, өвчтэй зовлонтой хүмүүст эд зүйлсийн өглөг өгөх, эм, эмчээр туслах, эрдэм мэдлэгийг түгээх,
4. Бусдын сайн сайхан талыг олж харах, бусдад урмын үг хэлэх,
5. Хэн нэгнийг гомдоосон аваас уучлал хүсэх, харилцан ойлголцох,
6. Мал амьтны амь аварч сэтэрлэх,
7. Лам багш, бурхан шүтээний өмнөөс нэг өдрийн сахил авч ёсчлон сахих,
8. Бурхан шүтээнд тахил зул өргөх, эргэл мөргөл хийх, хурал ном цахимаар айлтгуулах, гэмшил наманчлагаа үйлдэх, хийд оронд өргөл хандив өргөх,
9. Мод тарьж, байгаль орчноо хамгаалах
10. Бясалгал үйлдэж дотоод сэтгэлээ ариусгах,
11. Архи согтууруулах ундаа болон тамхи тэргүүтэн бусад төрлийн хорт бодис хэрэглэхгүй байх, хаях болих ам авах,
12. Гэр бүл, үр хүүхдүүдтэй харилцан ойлголцож ярилцах, хамтдаа цагийг өнгөрүүлэх, тоглох, санаа бодлыг нь хүндэтгэн сонсох,
13. Хулгай хийх, худлаа хэлэх, ёс суртахуунгүй үйлдэл, чалчаа үг тэргүүтэн дэмий яриаг хорих,
14. Хилэнцэт хүнс махыг тэвчиж, цагаан хоол идэх,
15. Гал ус, дээрэм тонуул, араатан дайсны аюул нүүрлэсэн хүмүүсийг айдас хүйдсийн сэтгэлээс нь ангижруулах, тусалж дэмжих,
16. Бурхан Багшийн намтар, үлгэрийн далай, бурханы шашны сургаал номлолыг унших, ухаарах, бясалгал бүтээл хийх, маань мэгзэм тэргүүтэн тарни, уншлагыг бусдын тусын тулд олноор тоолох,
17. Бусдын хийсэн сайн сайхан зүйлд чин сэтгэлээсээ даган баясах, бусад хүнийг сайн сайханд уриалан дуудах, буян үйлдүүлэх, үйлдэхэд туслах,
18. Асрал, энэрэл, бодь сэтгэлийг үүсгэх, бясалгах,
Эдгээр буянт үйлсийг товчлон хураавал арван хар нүглийг тэвчиж, арван цагаан буяныг хураах болой.