13/04/2026
🚗🛣️Зам тээврийн ослоор гуравхан сарын дотор 78 эрдэнэт хүн амь насаа алдсан маш харамсалтай үйл явдал болсон байна.🥲
Авто машины тоо, замын хөдөлгөөнд оролцогчид хурдацтай нэмэгдэж байгаатай холбоотой зам тээврийн гэмт хэрэг, ослын улмаас хүний амь нас, хүний эрүүл мэндэд учрах хохирол жил ирэх тусам нэмэгдсээр байна.
Жил бүр нас барж байгаа хүний тоо нь дэлхийд чимээгүй тахал мэт ноцтой асуудал болж Дэлхийд гэхэд 1.3 сая хүн зам тээврийн ослоос болж нас бардаг талаар хэдхэн жилийн өмнө Дэлхийн Эрүүл Мэндийн Байгууллагаас онцолж байсан.
Монгол Улсад зам тээрийн ослоос болж нас барсан хүний 77-80% нь хөдөө орон нутгийн зам дээр гарсан ослоос болж амь насаа алддаг байна.
📍Зам тээврийн гэмт хэрэг нь ихэвчлэн жолоочийн болгоомжгүй(хөнгөмсгөөр найдах, болгоомжгүй хандах) үйлдлээр үйлдэгддэг.
Зам тээврийн гэмт хэрэгт жолоочийн буруутай үйлдлийг тогтоохдоо тухайн нөхцөл байдалд Замын хөдөлгөөний дүрмийн ямар дүрэм зөрчсөн, осол гарахаас урьдчилан сэргийлэх боломжтой байсан эсэх, осол гарсны дараа ямар арга хэмжээ авсан зэргийг шинжээчийн дүгнэлтээр тогтоодог.
Хэрэв таны болон хэн нэгний санамсар болгоомжгүй үйлдлээс болж зам тээврийн осол гарсан бол яралтай анхан шатны тусламж үзүүлж, яаралтай түргэн тусламж дуудаж хохирогчийн эрүүл мэндэд анхаараарай.
Иймд жолооч та бүхэн хөдөө орон нутгийн замд хурдаа тааруулж,өөрийн болон бусдын амь насанд аюул учруулалгүй замын хөдөлгөөний дүрмээрээ замын хөдөлгөөндөө ухамсартай, зөв боловсон оролцож байгаарай.
2026 оны эхний гурван сарын байдлаар зам тээврийн ослын улмаас 78 хүн амь насаа алдсан байна.
