26/09/2024
ЭХХШТХ-ийн 39.8 дугаар зүйлд зааснаар анхан шатны шүүх хуралдааны тэмдэглэл, дуу-дүрсний бичлэг зөрүүтэй бол шүүх шийдвэр гаргахдаа Эрүүгийн хэрэг хянан шийдвэрлэх тухай хууль ноцтой зөрчсөн гэж үздэг.
Түүнчлэн, шүүх хуралдааны нарийн бичгийн дарга нь шүүх хуралдааныг дуу-дүрсний бичлэгээр баталгаажуулах, шүүх хуралдааны тэмдэглэл хөтлөх, нотлох баримт нь дуу-дүрсний бичлэг, шүүх хуралдааны тэмдэглэл зэрэг нотолгооны хэрэгслээр тогтоогдох бөгөөд Өмгөөлөгч нь хэрэг хянан шийдвэрлэх ажиллагаанд оролцохдоо захиргааны хэргийн нотлох баримт, хэргийн материалтай танилцах, танилцах боломжит хугацаагаар хангуулах, тэмдэглэл хийх, шаардлагатай материалыг өөрийн зардлаар хувилж, хуулбарлан авах талаар ЗХШХШТХ-ийн 30 дугаар зүйлийн 30.3, 30.3.1 дэх заалт, 31 дүгээр зүйлийн 31.2 дахь хэсэг, 78 дугаар зүйлийн 1 дэх хэсэгт тус тус заасан байна.
Гэтэл өмгөөлөгч А.Базар мэргэжлийн ажлаа хийж яваад шүүх хуралдааны бичлэг өгөхөөс татгалзсан тухай шийдвэрийг мэдээд: “Шүүхийн ерөнхий зөвлөл 2021 онд баталсан хуулийг хэрэгжүүлж, журам батлаагүйгээс болж өнөөдрийг хүртэл шүүх иргэдэд хаалттай хэвээр байна. Хуулиа хэрэгжүүлж ажиллана уу, ажлаа хийнэ үү” гэж зүй ёсны шаардлага тавьж, ажил хэрэгч байж шүүмжилснийхээ төлөө ХҮЭК-ийн гишүүнд “андуурсан хүүхэд, энэ муу пацаан” хэмээн элдвээр хэлүүлсэнд харамсаж байна.
