Говь-Алтай аймаг дахь шүүхийн Тамгын газар

27/04/2026

Эрүү, иргэний хэргийн давж заалдах шатны шүүхийн 2026.05.05-ны өдрийн шүүх хуралдааны тов

27/04/2026

ХӨХМОРЬТ СУМД АЖИЛЛАВ

Говь-Алтай аймаг дахь Сум дундын анхан шатны шүүхийн шүүгч С.Ууганбаяр, Зохион байгуулалтын хэлтсийн дарга Ц.Баярцэцэг, шүүгчийн туслах Б.Хишигжаргал нарын бүрэлдэхүүнтэй ажлын хэсэг өнөөдөр /2026.04.27/ Говь-Алтай аймгийн Хөхморьт сумд ажиллалаа.

Хөхморьт сумын иргэдтэй уулзаж, шүүхийн бүтэц, бүрэлдэхүүн, Шүүх байгуулах тухай хууль /шинэчилсэн найруулга/-иар шүүх хэрхэн өөрчлөгдсөн талаар болон эрүү, иргэн, захиргаа, зөрчлийн хэргийн шийдвэрлэлт, өсвөр насны хүн холбогдсон болон хохирсон талаар болон гэмт хэрэг, зөрчлөөс урьдчилан сэргийлэхэд анхаарах асуудлаар мэдээлэл хүргэлээ.

Мөн тус сумаас 2026-2027 онд шүүх хуралдаанд оролцохоор батлагдсан иргэдэд шүүхийн иргэдийн төлөөлөгчийн тухай ойлголт, түүний эрх, үүрэг зэрэг сэдвийн хүрээнд сургалт оров.
Иргэдийн зүгээс ажилласан жил тогтоох, худалдах худалдан авах гэрээний маргаан, төрийн хяналт шалгалт, аудитын акттай холбоотой зэрэг асуудлаар асуулт асууж хариулт авсан бөгөөд уулзалтад хүрэлцэн ирсэн иргэдэд гарын авлага, брошур тарааж ажиллалаа.

ГОВЬ-АЛТАЙ АЙМАГ ДАХЬ ШҮҮХИЙН ТАМГЫН ГАЗАР

https://court.go.gov.mn/site/single/750

27/04/2026

📣📣“НЭЭЛТТЭЙ ХААЛГАНЫ ӨДӨРЛӨГ”-т хүрэлцэн ирж үйлчлүүлнэ үү

⚖️Хууль сурталчлах, гэмт хэрэг зөрчлөөс урьдчилан сэргийлэх ажлын үр дүн, иргэд олон нийтэд мэдээлэл хүргэх, үйл ажиллагаагаа сурталчлан таниулах зорилгоор "Нээлттэй хаалганы өдөрлөг" өнөөдөр /2026.04.27/ Спорт цогцолборын А зааланд зохион байгуулагдаж байна.

✅Тус арга хэмжээний хүрээнд️ Эвлэрүүлэн зуучлалд өргөдөл гаргах, анхан шатны шүүхэд нэхэмжлэл, хүсэлт гаргах болон бусад сонирхсон асуудлаар мэдээлэл авах боломжтой ба шүүхийн архиваас хуулбар лавлагааг үнэ төлбөргүй олгож байна.

ГОВЬ-АЛТАЙ АЙМАГ ДАХЬ ШҮҮХИЙН ТАМГЫН ГАЗАР

25/04/2026

⚖️ИРГЭДЭД ХУУЛЬ, ЭРХ ЗҮЙН ЗӨВЛӨГӨӨ МЭДЭЭЛЭЛ ӨГӨХ “НЭЭЛТТЭЙ ХААЛГАНЫ ӨДӨРЛӨГ” БОЛНО
⚖️Хууль сурталчлах иргэдэд хууль зүйн зөвлөгөө өгөх, хүний эрхийг хангах, гэмт хэрэг зөрчлөөс урьдчилан сэргийлэх ажлын үр дүн, иргэд олон нийтэд мэдээлэл хүргэх, үйл ажиллагаагаа сурталчлан таниулах зорилгоор "Нээлттэй хаалганы өдөрлөг"-ийг 2026 оны 04 дүгээр сарын 27-ны өдөр Биеийн тамир спортын газрын А зааланд 10:00-17:00 цагийн хооронд зохион байгуулах гэж байна.
👏🏼Иргэд, олон нийт та бүхнийг "Нээлттэй хаалганы өдөрлөг"-т хүрэлцэн ирэхийг урьж байна.
⚖️Оролцогч байгууллагууд:
Аймгийн иргэдийн Төлөөлөгчдийн Хурал
Аймгийн Засаг даргын Тамгын газар
Хүний эрхийн үндэсний комисс
Аймгийн гэмт хэргээс урьдчилан сэргийлэх ажлыг зохицуулах салбар зөвлөл
Хууль зүй, дотоод хэргийн яамны харьяа агентлаг, хэлтэс, байгууллагын алба хаагчид,
Монголын хуульчдын холбооны Говь-Алтай аймгийн салбарын хуульчид,
Монголын Өмгөөлөгчдийн холбооны Говь-Алтай аймаг дахь салбар зөвлөл

24/04/2026

Говь-Алтай аймаг дахь сум дундын анхан шатны шүүхийн 2026.04.27-2026.05.01-ний өдрийн хоорондох шүүх хуралдааны тов.

24/04/2026

“ШҮҮХИЙН ИРГЭДИЙН ТӨЛӨӨЛӨГЧ” НАРТ ЗОРИУЛСАН СУРГАЛТ ЗОХИОН БАЙГУУЛАВ

Шүүхийн иргэдийн төлөөлөгч нарт сургалт зохион байгуулах ажлын хүрээнд энэ удаагийн сургалтад Говь-Алтай аймгийн сумдад оршин суух бүртгэлтэй боловч аймгийн төвд амьдардаг иргэдийг хамрууллаа.

Сургалтыг Шүүхийн Тамгын газрын дарга Д.Отгонбаяр удирдан явуулж, шүүгчийн туслах П.Эрдэнэцэцэг иргэдийн төлөөлөгчдөд сургалт орсон ба Говь-Алтай аймаг дахь Захиргааны хэргийн анхан шатны шүүхийн Ерөнхий шүүгч Э.Золбадрах, Сум дундын анхан шатны шүүхийн шүүгч С.Ууганбаяр нар шүүхийн иргэдийн төлөөлөгчдөд хандан үг хэлж, шүүх тус бүрийн хэргийн харьяалал, хэрэг хянан шийдвэрлэх ажиллагааны онцлог, шүүх хуралдааны явц, шүүхийн иргэдийн төлөөлөгчөөр шүүх хуралдаанд оролцож, санал, дүгнэлт гаргахын ач холбогдол зэргийн талаар нэмэлт мэдээлэл өглөө.

ГОВЬ-АЛТАЙ АЙМАГ ДАХЬ ШҮҮХИЙН ТАМГЫН ГАЗАР

24/04/2026

Говь-Алтай аймаг дахь Захиргааны хэргийн анхан шатны шүүхийн 2026.04.27-28-ны өдрүүдийн шүүх хуралдааны тов

22/04/2026

ЭВЛЭРҮҮЛЭН ЗУУЧЛАЛЫН ҮЙЛ АЖИЛЛАГААНД ХИЙСЭН ДОТООД ХЯНАЛТ-ШИНЖИЛГЭЭ, ҮНЭЛГЭЭНИЙ ДҮНГ ТАНИЛЦУУЛАВ

Говь-Алтай аймаг дахь Сум дундын анхан шатны шүүх дэх эвлэрүүлэн зуучлагч, түүний туслах ажилтны ажлыг шалгаж, илэрсэн алдаа зөрчлийг арилгах, цаашид үйл ажиллагаандаа анхаарах асуудлуудыг тодорхойлох, ажил сайжруулах зорилгоор дотоод хяналт-шинжилгээ, үнэлгээг Шүүхийн Тамгын газрын даргын тушаалаар томилогдсон ажлын хэсэг хийж гүйцэтгэлээ.
Ажлын хэсгийн ахлагчаар шүүгчийн туслах Ө.Халиунаа, гишүүнд шүүгчийн туслах Д.Бүрэнтогтох, шүүх хуралдааны нарийн бичгийн дарга Г.Мөнхшүр нар ажилласан бөгөөд эвлэрүүлэн зуучлагчийн 2026 оны 1 дүгээр улиралд гүйцэтгэсэн ажлыг удирдамжийн дагуу шалгаж, үр дүнг өнөөдөр /2026.04.22/ танилцууллаа.
Тус арга хэмжээнд Говь-Алтай аймаг дахь Сум дундын анхан шатны шүүхийн Ерөнхий шүүгч Н.Оюунбилэг, Шүүгч Ч.Мөнхтуяа, Шүүгч С.Ууганбаяр, Шүүхийн Тамгын газрын дарга Д.Отгонбаяр болон бусад холбогдох ажилтнууд оролцож, эвлэрүүлэн зуучлалын үйл ажиллагаанд анхаарах, хэрэгжүүлэх, тулгамдаж буй асуудлуудын талаар саналаа илэрхийллээ.
Танилцуулгын төгсгөлд цаашид үйл ажиллагаандаа хэвшүүлэх, анхаарах арга хэмжээг тодорхойлсон бөгөөд эвлэрүүлэн зуучлах ажиллагаанд сэтгэл зүйч оролцуулах зайлшгүй шаардлага үүсдэг тул энэ чиглэлээр холбогдох арга хэмжээг хэрэгжүүлэхээр тогтож, илэрсэн алдаа зөрчлийг арилгах хугацаатай үүрэг даалгавар өгсөн байна.

ГОВЬ-АЛТАЙ АЙМАГ ДАХЬ ШҮҮХИЙН ТАМГЫН ГАЗАР

20/04/2026

Шүүгдэгч Т.Болд, П.Баасан, Г.Болор-Эрдэнэ нарт холбогдох
/ЭХТА-ийн 22.1-2/ эрүүгийн анхан шатны
шүүхийн нээлттэй шүүх хуралдаан

17/04/2026

Говь-Алтай аймаг дахь сум дундын анхан шатны шүүхийн 2026.04.20-2026.04.24-ны өдрийн хоорондох шүүх хуралдааны тов.

17/04/2026

“ШҮҮХИЙН ИРГЭДИЙН ТӨЛӨӨЛӨГЧ” НАРТ ЗОРИУЛСАН СУРГАЛТ ЗОХИОН БАЙГУУЛАВ

Шүүхийн иргэдийн төлөөлөгч нарт сургалт зохион байгуулах ажлын хүрээнд энэ удаагийн сургалтад Есөнбулаг сумын Оргил, Харзат, Жинст багт оршин суух иргэдийг хамрууллаа.

Сургалтыг Шүүхийн Тамгын газрын дарга Д.Отгонбаяр удирдан явуулж, шүүгчийн туслах Ч.Энхтуяа иргэдийн төлөөлөгчдөд сургалт орсон ба Говь-Алтай аймаг дахь Сум дундын анхан шатны шүүхийн Ерөнхий шүүгч Н.Оюунбилэг шүүхийн иргэдийн төлөөлөгчдөд хандан үг хэлж, шүүх тус бүрийн хэргийн харьяалал, хэрэг хянан шийдвэрлэх ажиллагааны онцлог, шүүх хуралдааны явц, шүүхийн иргэдийн төлөөлөгчөөр шүүх хуралдаанд оролцож, санал, дүгнэлт гаргахын ач холбогдол зэргийн талаар нэмэлт мэдээлэл өгсөн байна.

Мөн “Шүүх хуралдаанд иргэдийн төлөөлөгчөөр оролцож, таны дуу хоолой шүүхэд хүрснээр таны эрх зүйн мэдлэгээ дээшлэхээс гадна шүүн таслах ажиллагаанд иргэдийн оролцоо, хяналтыг бий болгох, шүүхийн үйл ажиллагаа олон нийтэд ил тод, нээлттэй болох, улмаар иргэдийн итгэлийг хүлээсэн хариуцлагатай шүүхийн тогтолцоо бүрдэхийн зэрэгцээ шударга ёсыг тогтооход ихээхэн ач холбогдолтой тул сонгогдсон шүүх хуралдаанд идэвхтэй, хариуцлагатай оролцох нь чухал” хэмээн онцлон хэллээ.

Шүүхийн Тамгын газрын дарга Д.Отгонбаяр сургалтад хүрэлцэн ирсэн шүүхийн иргэдийн төлөөлөгч нарт талархал илэрхийлсэнээр арга хэмжээ амжилттай болж өндөрлөлөө.

ГОВЬ-АЛТАЙ АЙМАГ ДАХЬ ШҮҮХИЙН ТАМГЫН ГАЗАР

17/04/2026