Noble Myanmar Legal Counseling

27/08/2026

အများသိစေရန်။

01/08/2026

🔍လူသားတိုင်း နေ့တဓူဝ ဆောင်ရွက်နေသော စီးပွားရေးလုပ်ငန်းများသာမက လူမှု ကိစ္စများ တွင်ပါ ပဋိညာဉ် ပြုနေကြရသည်။
🕓 ညနေ ၄ နာရီ မင်းနဲ့ ( - ) ဆိုင်မှာ တွေ့မယ် 😃 ဟူသော စကားပြောဆိုမှုသည် ပင် ပဋိညာဉ် ဖြစ်သည်။
👉သမီးရည်းစား ချစ်သူများ ပဋိညာဉ် ပျက်လျင် ရာဇသတ်ကြီး ပုဒ်မ ၄၁၇ ၊ အိမ်ထောင်ရှင်များ ပဋိညာဉ် ပျက်လျင် တစ်လင်တစ်မယားစနစ် ကျင့်သုံးခြင်းဆိုင်ရာ ဥပဒေ တို့ဖြင့် ထောင်ကျနိုင်သည်။ ဆိုလိုတာက ပဋိညာဉ် ပျက်လျင် အလျော် အစား ရှိသည်။ ပုဒ်မ ၂၃၈ ခုရှိသော ပဋိညာဉ် ဥပဒေ ကို ရှေ့နေ များပင်လျင် တစ်ခု ချင်းစီတိုင်း သိနိုင်ရန် မလွယ်ကူသဖြင့် သာမာန် အရပ်သားတိုင်း သိရန်မှာ ပိုခက်ခဲပါသည်။ သို့သော် ဘယ်လို ကိစ္စတွေ ဆိုလျင်ဖြင့် ပဋိညာဉ် ပျက်သည် ကို သိရှိထားဖို့လိုပါမည်။
📄ပဋိညာဉ် ဟူသော စကားလုံးကို မြန်မာ နိုင်ငံမှ ကျင့်သုံးနေသော ပဋိညာဉ်အက်ဥပဒေ (Contract Act, 1872) တွင် သီးခြားဖွင့်ဆိုချက်မရှိပါ။ သို့သော် အောက်ပါ စကားလုံးများနှင့် တွဲဆက် ပေါင်းစပ်ထားပါသည်။
- Proposal (ကမ်းလှမ်းချက်)
- Promise (ကတိ)
- Promisor / Promisee
- Agreement (သဘောတူညီချက်)
- Contract (ဥပဒေအရ အတည်ပြုနိုင်သော သဘောတူညီချက် တို့ပါဝင်ကြသည်။
ပဋိညာဉ်အက်ဥပဒေအရ အောက်ပါ အချက်များသည် ပဋိညာဉ် ပျက်ယွင်း ခြင်း(Void Agreement) ဖြစ်သည်။
(၁) ပဋိညာဉ် ပြုလုပ်ပိုင်ခွင့် မရှိသော သူတို့ပြုလုပ်သည့် အချက်များ ( ပုဒ်မ-၁၁)
(၂) သဘောတူညီချက်၏ အဓိက အကြောင်း ခြင်းအရာ မှားယွင်းမှု (ပုဒ်မ -၂၀/၂၁/၂၂)
(၃) တရားဥပဒေနှင့် မညီသော အဖိုးစားနား ဖြင့် သဘောတူညီချက်(ပုဒ်မ-၂၃)
(၄) တရားဥပဒေနှင့် မညီသော အဖိုးစားနား အစိတ်အပိုင်း၊ ရည်ရွယ်ချက် အစိတ်အပိုင်း( ပုဒ်မ-၂၄)
(၅) အဖိုးစားနားမပါသော သဘောတူညီချက်( ပုဒ်မ -၂၅)
(၆) လက်ထပ်ထိမ်းမြားခြင်းကို တားမြစ်သော သဘောတူညီချက်များ( ပုဒ်မ- ၂၆)
(၇) ကူးသန်းရောင်းဝယ်မှုကို တားမြစ်သော သဘောတူညီချက်များ( ပုဒ်မ -၂၇)
(၈) တရားစွဲဆိုမှုကို တားမြစ်သော သဘောတူညီချက်များ( ပုဒ်မ -၂၈)
(၉) အဓိပ္ပါယ်မပြတ်သား(သို့) တိကျစွာ မသိနိုင်သော သဘောတူညီချက်များ(ပုဒ်မ-၂၉)
(၁၀) လောင်းကစားခြင်းနည်းဖြင့်ပြုသော သဘောတူညီချက် ( ပုဒ်မ- ၃၀)
(၁၁) မသေချာသော အနာဂတ်တွင် ပေါ်ပေါက်မည့် ဖြစ်ရပ် ကို သဘောတူညီချက်တွင် အဆိုပါ ဖြစ်ရပ် အဖြစ်နိုင်သော အခြေအနေဖြစ်ခြင်း (ပုဒ်မ- ၃၂)
တို့ဖြစ်ကြပါသည်။
🌀ဆက်လက်၍ အကျယ်ဖော်ပြပါမည်။
🔔လွပ်လပ်စွာ မျှဝေနိုင်ပါသည်။
🚫ကူးယူခြင်းမပြုရပါ။
ဦးသန်းဇော်အောင် (တရားလွတ်တော်ရှေ့နေ)
Noble Myanmar Legal Counseling Ltd,
#စာချုပ်ဖျက်သိမ်း
#ပဋိညာဉ်ပျက်
#စာချုပ်
#စီးပွားရေးဥပဒေ

Send a message to learn more

30/07/2026

🔍စာချုပ်စာတမ်းတွေ ချုပ်ဆိုတဲ့ အခါမှာ စာတွေထည့်ရေးရုံနဲ့ စာချုပ်တစ်စောင်ဖြစ်ပြီလား?
👉ယေဘုယျ ပြောရလျင်တော့ တံဆိပ်ခေါင်း၊လက်မှတ်စုံလျင် စာချုပ်ဖြစ်သွားမှာပါ။ သို့သော် ပဋိညာဉ်ဥပဒေ နဲ့တော့ ညီဖို့လိုပါမည်။
👉ဖြစ်စဉ် (၁) သုဝဏ္ဏ ၊ဗိုလ်ချုပ်ရွာ က မြေနဲ့နေအိမ်ကို ဝရမ်းခွာမှုလိုက်ပေးတုန်းက ဖြစ်သည်။ မြေရှင်က ငွေလိုသဖြင့် တရားရုံးမှာ အမှု တန်းလန်းနဲ့ မြေကိုရောင်းသည်။ တစ်ဘက်ကလည်း ‌ဈေးတန်တယ်ဆိုပြီးဝယ်သည်။ဝယ်သူက (မြေကိစ္စ နာမည်ကြီး ) အမျိုးသမီးရှေ့နေ ခေါ်လာသည်။ စရန်ပေးစာချုပ်ချုပ်သည်။ စရန်ငွေ မြေရှင်က လက်ခံပြီး နောက် မြေဈေးက တက်လာတော့ ရောင်းသူ စိတ်ပြောင်းပြီ။ ဘယ်လိုလုပ်ရမလဲဆရာ တဲ့။ အိုကေ၊ စရန်စာချုပ်ယူလာခိုင်းပြီး ကြည့်လိုက်တော့ စာချုပ်က ပျက်နေပြီ။ ဆိုတော့ တစ်ဘက်ကို နို့တစ်စာပေးသည်။ နည်းလမ်းက စာချုပ်ဖျက် ခံမလား။ စရန် (၂) ဆပြန်ယူမလား။ ပညာသားပါပါလေး ရေးပေးလိုက်တော့ သဘောပေါက်သွားသည်။ နောက် တစ်ပတ်အကြာ ဘဏ်မှာ စရန် (၂) ဆ လွှဲပေးလိုက်သည်။ ပြီးပြီ။ ကိုယ့်အမှုသည် မြေရှင်က မကြာခင် အမှုလည်းပြီး တက်ဈေးလည်းရ။ တစ်ဘက်စရန် ပေးစာချုပ်မှာပါတဲ့ စာပိုဒ် တစ်ပိုဒ်က ++++++++ထည့်ရေး တဲ့ အတွက် ပဋိညာဉ် ပျက်တာကို ပညာရှိရှေ့နေ က မရိပ်စားမိဘဲ လိုချင်တာဇွတ်လုပ်တော့ အမှုသည်ငွေကြေးအရ နစ်နာသွားသည်။
👉ဖြစ်စဉ် (၂) အွန်လိုင်း ရှော့ပင်နဲ့ အရောင်းအဝယ် ဖြစ်တဲ့ လုပ်ငန်းရှင် လင်မယားရောက်လာသည်။ သူတို့ရဲ့နာမည်ကြီး တာကို အခွင့်ကောင်းယူပြီး တံဆိပ်ကို အတုလုပ် နာမည်တူ လုပ်ပြီး အခြားတစ်ယောက်က ပေ့ဂျ် ထောင် ရောင်းတော့ သူတို့အရောင်းအဝယ်ကျသည်။ တရားစွဲချင်သည်။ ကဲ တံဆိပ်မှတ်ပုံတင် ပြပါဆိုတော့ စာချုပ်စာတမ်းရုံး ကုန်တံဆိပ်ကြေညာစာချုပ် ပြသည်။ တံဆိပ်မှန်သည်။ လုပ်ငန်းမှန်သည်။ ဘယ်မလဲ ခင်ဗျားနာမည်။ မျက်လုံးတွေ ပြူးကုန်သည်။ စာချုပ်ကို သေချာပြန်ဖတ်၊ ထပ်ကြည့်ကြသည်။ မပါဘူးဆရာတဲ့။ ဘယ်သူနဲ့ကြေညာလဲ မေးတော့ ကုန်တံဆိပ် ကြေညာလုပ်ပေးတယ်ဆိုပြီး facebook မှာတွေ့လို့ အလုပ်အပ်လိုက်တယ်။ ရုံးလိုက်စရာမလိုဘူး။ လက်မှတ်လေးထိုးပေးပါဆိုလို့ သူတို့ Letter Head နဲ့စာမှာလက်မှတ်ထိုးပေးလိုက်တယ်တဲ့။ ပြီးသွားပြီ။ လုပ်ငန်းအပ် လက်မှတ်ထိုးပေး လိုက်တဲ့ သူရဲ့ အမည်က လုပ်ငန်းတံဆိပ် ကြေညာထဲမှာ အခန့်သင့်။ လုပ်ငန်းပိုင်ရှင် ကဘယ်နေရာမှာမှ အမည်မပါ။ မိအေး (၂) ခါနာသွားသည်။
📢ဒီလို ဖြစ်စဉ်တွေ မကြာခဏ မြင်တွေ့ ၊ မသိနားမလည်တဲ့အမှုသည်တွေ များလာတော့ စိတ်မကောင်း ဖြစ်ရသည်။
🔔🔔အချိန်ရလျင် ပဋိညာဉ် ပျက်သည့်အကြောင်းအရာများ ဆက်လက်ဖော်ပြပါမည်။
#စာချုပ်
#ပဍိညာဉ်

Send a message to learn more

16/07/2026

မော်တော်ယဉ်အမည်ပြောင်း

13/03/2026

ကန့်ကွက်နိုင်စေကြောင်း

09/03/2026

ကျေးဇူး မှတ်တမ်း

05/03/2026

ရောင်းမှား/ဝယ်မှားသတိထား

25/02/2026

Sanctions ရှိနေလျက်နဲ့ အမေရိကန်နဲ့ ကုန်သွယ်လို့ရလားဆိုရလို့ပေါ့။ OFAC ကထုတ်ပြန်ထားတဲ့ Sanctions သည် targeted ဖြစ်တယ်။ SDN list နဲ့ ထုတ်ပြန်ပါတယ်။ မြောက်ကိုရီးယား၊ကျူးဘား ၊အီရန်တို့လိုမဟုတ်ဘဲ စစ်သုံးဆိုင်ရာ မဟုတ်တဲ့ အထွေထွေကုန်ပစ္စည်း နဲ့လူသုံးကုန် တွေကို ကုန်သွယ်လို့ရတယ်။ တစ်လောက အီရန် ကုမ္ပဏီ တွေနဲ့ စီးပွားလုပ်မဲ့အဖွဲ့တွေမေးလို့ သေချာ ရှင်းပြပေးဖြစ်တယ်။ Sanctions ထိထားတဲ့ လူ၊ ကုမ္ပဏီ ၊ အဖွဲ့နဲ့ မသိဘဲ စီးပွားလုပ်ဖြစ်လျင် အကျိုးဆက်ကမသေးလှ။ စိတ်ဝင်စားသူရှိလျင် ဆွေးနွေးပေးပါတယ်။

21/02/2026

လူ့အခွင့်အရေးဖောက်ဖျက်မှုတိုင်ကြားရန်။

06/02/2026

နိုင်လွတ်လုံဥပ‌ဒေပြင်ဆင်