02/02/2020
🏔Now & Ever ကြည့်ပြီး ရောက်ဖြစ်ခဲ့တဲ့ ပူတာအို Trip ပူပူနွေးနွေး review 🏔❄️
ကချင်ပြည်နယ်ကို တစ်ခါမှ အလည်မရောက်ဖူးသေးတော့ ခုတန်ဆောင်တိုင်ပိတ်ရက်နဲ့ကြုံတုန်း, Now & Ever ကြည့်ပြီး ပိုးလည်းထနေတုန်းဆိုတော့ သူငယ်ချင်းတွေနဲ့ စုပြီး ဆိုင်းမဆင့် ဗုံမဆင့် ရောက်သွားကြတဲ့ ခရီးပါ.....😁 Travel Blogger လည်း မဟုတ်တော့ ဆောင်ရန်ရှောင်ရန် လေးတွေကို ထိထိမိမိ, တိုတိုတုတ်တုတ်ပဲ ပြောပြပါမယ်.....
✅Johanna တို့ မန္တလေးကနေ လေယာဉ်နဲ့ သွားတာပါ...မန္တလေး- မြစ်ကြီးနား transit - ပူတာအိုပါ..
✅တည်းတာက Malikha Lodge မှာပါ...လေယာဉ်ကွင်းနဲ့ 25 မိနစ်လောက်ပဲဝေးတယ်..ဟိုတယ်က ကားနဲ့လာကြိုပေးတယ်....ခုဆို Promotion ရှိနေပါတယ်... Johanna တို့တည်းတဲ့ Lodge 2 က တစ်ခန်းကို တစ်ည ၂သိန်းခွဲတဲ့.....ဘန်ဂလိုလေးတွေကမူလာချောင်းဘေးမှာကပ်ရပ်မို့ View အရမ်းလှတယ်....Video လေးထည့်ပေးထားတယ်ကြည့်ကြည့်... ညဘက်ဆို ရေစီးသံလေးတွေ နားထောင်, သူငယ်ချင်းတွေနဲ့ ဝိုင်လေးသောက်,စကားတွေပြောရင်း အိပ်ရတာ အရမ်းကိုမိုက်ပါတယ်....
‼️အရမ်းအရေးကြီးတာက သူငယ်ချင်းတွေနဲ့ စားကြသောက်ကြ, chill လုပ်မယ်ဆို cheese တွေ မုန့်ထုပ်တွေ ကြိုဝယ်ပြီး များများသာသယ်သွား, ဝိုင်တွေဘာတွေကို လေဆိပ်duty free ကနေဝယ်သွားပါ...ဟိုမှာ အရမ်းခေါင်တယ်... ဘာမှ မရှိပါဘူး..အစားအသောက်တွေ,ကားခတွေလည်း ဈေးကြီးပါတယ်‼️
Lodge 1 ကတော့ ရုပ်ရှင်ထဲမှာပါတဲ့ ခုံတန်းအနီနဲ့ view point ရှိတဲ့နေရာ....သူကတော့ ပိုဈေးများတယ်... တစ်ခန်းကို တစ်ည 5 သိန်းတဲ့.....Promotion မရှိရင် 6 သိန်းတဲ့...Lodge 1 နဲ့ 2 ကတော့သိပ်မဝေးပါဘူး....မဟုတ်လည်း Lodge 2 ကနေ အဲ့view point မှာ ဓာတ်ပုံသွားရိုက်လို့ရပါတယ်....
✅ပူတာအိုမြို့ထဲမှာ တည်းမယ်ဆိုရင်တော့ ပိုပြီး Budget friendly ဖြစ်တဲ့ Hotel Putao ရှိသေးတယ်..
✅ရာသီ ဥတုက?
၂ ညအိပ် ၃ ရက်နေခဲ့တာ..ပထမနဲ့ ဒုတိယရက်က မိုးအုံ့တယ်, အေးပါတယ်....တအားတော့ မအေးသေးပါဘူး.... 16*C ,20*C ဝန်းကျင်ပါ.... တတိယနေ့ နေထွက်လာတော့ ပူပါတယ်.... ‼️အဲ့တော့ အဝတ်အစားကို အထူရော အပါးရောထည့်သွားဖို့လိုတယ်‼️... ကိုယ်တော့ အေးတယ်ဆိုပြီး အနွေးထည်တွေချည်းထည့်သွားတာ... တတိယနေ့ ငါးပါးကိုမှောက်ရော...😅☀️
✅စားသောက်ဆိုင်က ဟိုတယ်ကနေ ကားနဲ့ မိနစ် ၂၀ လောက်ဝေးတဲ့ "Moon " မဆိုးဘူး ,ပူတာအို မြို့ထဲက "ထရမ်ရာဇီ" မဆိုးဘူး...အရသာနဲ့ယှဉ်ရင် ဈေးကတော့ ကြီးပါတယ်...သွားစားဖို့ကိုလည်း ကားခတင် ၂ သောင်း ၃ သောင်းက ကုန်သေးတာ...အရမ်းခေါင်တော့ ဒီလောက်စားစရာရှိတာပဲ ကျေးဇူးတင်ရပါတယ်..
✅ ၂ညအိပ်လောက်ပဲနေတာက လုံးဝကွက်တိပါပဲ...များများစားစားလည်စရာမရှိပါဘူး...ရှိတဲ့နေရာလေးတွေတော့ အရမ်းကို လှပါတယ်...
ဘယ်တွေရောက်ခဲ့လဲဆိုတော့ -
✅နတ်ကျွန်း - ဒီခရီးအတွက် အတန်ဆုံးပါပဲ...ရုပ်ရှင်ထဲမှာ မပါပါဘူး...စက်လှေစီးပြီးသွားရတယ်..(စက်လှေငှားခ - ၄၀၀၀၀ တဲ့).. .မြစ်ကြောင်းတစ်လျှောက် ဘေးပတ်ဝန်းကျင်ရှုခင်းတွေက လုံးဝကို ကိုယ့်အတွက် အသစ်ပါ.... တစ်ကယ့် Jurassic Park တို့Jumanji တို့လို movie တွေထဲကအတိုင်းပဲ...တောအုပ်တွေ ထူထပ်စိမ်းစိုနေတာများ ဘယ်နေရာနဲ့မှ မတူပါဘူး...နတ်ကျွန်းကလည်း တစ်ကယ့်ကို နာမည်နဲ့လိုက်အောင်လှပါတယ်.... ပုံတွေရော video တွေရော ရိုက်လာတယ်, ကြည့်ကြည့်ပါနော်...ပူတာအိုရောက်ရင် ဒီတော့မသွားမဖြစ်ပါ....နတ်ကျွန်းက အပြန် နေ့လယ်စာကို မြစ်ဆိပ်က ကိုစိုင်းဆိုတဲ့ဆိုင်မှာ စားခဲ့တယ်... စားမကောင်းပါဘူး..😖ဝက်သားသုပ်မှာတာ ဝါးလို့တောင်မရ...အဲ့မှာစားမယ်ဆို ရှမ်းခေါက်ဆွဲပဲမှာပါ...သိပ်မဆိုးသေးဘူး
✅၇ ထပ်ရေတံခွန် - မတက်နိုင်လို့ ၁ ထပ်ပဲကြည့်ပြီး ပြန်လာကြတယ်😂... ရေတံခွန်သွားတဲ့ လမ်းလည်း အရမ်းလှပါတယ်... လုံးဝ Fairytale ထဲက တောအုပ်ကလေးလို အုံးဆိုင်းပြီးလှတာ... သွားသင့်ပါတယ်... အဲ့မှာရောင်းတဲ့ အစားအသောက်ကတော့ ကောင်းတယ်...
✅ကောင်းမှုလုံဘုရား.... ရှုခင်းတွေလှတယ်... Sunset ကြည့်ရင်လှတယ်ပြောတယ်...
✅သဘောအကျဆုံးက မြို့လေးက အရမ်းစိမ်းစိုပြီး ဘေးပတ်လည် တောင်ကြီးတွေဝန်းရံနေတာ... Switzerland ကရှုခင်းတွေကြည့်ရသလိုပဲ....လမ်းတစ်လျှောက်ကို ဘယ်နားဓာတ်ပုံရိုက်ရိုက်လှနေတာပါ... ပုံမှန်ဆို ရေခဲတောင်တွေ ဘေးပတ်လည် မြင်ရတယ်ပြောတယ်... Johanna တို့သွားတုန်းက မိုးအုံ့လို့ မမြင်ရပါဘူး... သူက နေသာပြီး တိမ်ရှင်းမှ ပဲ မြင်ရမယ်ပြောတယ်....မြင်ရတဲ့ချိန် နောက်တစ်ခေါက် အေးဆေး ထပ်လာလည်ဦးမယ် စိတ်ကူးတယ်...
ကျန်တာတော့ ပုံလေးတွေကြည့်ပြီး စာဖတ်ကြည့်ကြည့်ပါနော်....
Credit Johanna Rose
