17/02/2026
ကုမ္ပဏီနှစ်ချုပ်စာရင်း ဝင်ငွေလွှာတင်သွင်းခြင်းဆိုတာ.....
(က) လူကိုယ်တိုင်ပေးပို့တင်သွင်းခြင်း။ လူကိုယ်တိုင်ပေးပို့ခြင်းဖြစ်ပါက လက်ခံဖြတ်ပိုင်းတွင် ဦးစီးဌာနက တံဆိပ်ရိုက်နှိပ်ဖော်ပြသည့်နေ့တွင် တင်သွင်းသည်ဟု မှတ်ယူမည် ဖြစ်ပါသည်။
(ခ) စာတိုက်မှ ပေးပို့တင်သွင်းခြင်း။ စာတိုက်မှပေးပို့ခြင်းဖြစ်ပါက ပေးပို့သည့် စာတိုက်တံဆိပ်ပါရက်စွဲတွင် တင်သွင်းသည်ဟု မှတ်ယူမည် ဖြစ်ပါသည်။
(ဂ) အီလက်ထရောနစ်နည်းဖြင့် ပေးပို့တင်သွင်းခြင်း။ အီလက်ထရောနစ်နည်းဖြင့် ပေးပို့ခြင်းဖြစ်ပါက ဦးစီးဌာနက အီလက်ထရောနစ်နည်းဖြင့် လက်ခံရရှိသည့်နေ့တွင် တင်သွင်းသည်ဟု မှတ်ယူမည်ဖြစ်ပါသည်။ ယင်းနေ့သည် အများပြည်သူရုံးပိတ်ရက်တွင် ကျရောက်လျှင် ယင်းနေ့နှင့်နောက်တစ်ဆက်တည်းဖြစ်သော အများပြည်သူရုံးဖွင့်ရက်တွင် လက်ခံရရှိသည်ဟု မှတ်ယူမည်ဖြစ်ပါသည်။ အီလက်ထရောနစ်နည်းဖြင့် တင်သွင်းခြင်းဆိုသည်မှာ အီလက်ထရောနစ်နည်းဖြင့် အခွန်ကြေညာလွှာတင်သွင်းမှုစနစ် (e-Filing Management System) ကိုအသုံးပြု၍ ကြေညာလွှာတင်သွင်းခြင်းကို ဆိုလိုခြင်းဖြစ်ပါသည်။ အခွန်ကြေညာလွှာများကို စနစ်အသုံးပြု၍တင်သွင်းရာတွင် ဖြည့်သွင်းသော အချက်အလက်များ၏ မှန်ကန်တိကျမှုနှင့် ပြည့်စုံမှုအတွက် အခွန်ထမ်း၏လက်မှတ် မှတ်တမ်း (မူရင်း)ကို သက်ဆိုင်ရာအခွန်ရုံးများသို့ စာတိုက်မှတစ်ဆင့် (သို့မဟုတ်) သင့်လျော်ရာနည်းဖြင့် ကြိုတင်ပေးပို့ထားရမည် ဖြစ်ပါသည်။ အီလက်ထရောနစ်နည်းဖြင့် အခွန်ကြေညာလွှာတင်သွင်းမှုစနစ်အသုံးပြုနိုင်ရန်အတွက် Account Registration ပြုလုပ်ပုံနှင့် စနစ်အသုံးပြု၍ ကြေညာလွှာတင်သွင်းပုံအဆင့်ဆင့် ဗွီဒီယိုဖိုင် (User Guide Video Files) များကို ပြည်တွင်းအခွန်များဦးစီးဌာန၏ ဝက်ဘ်ဆိုဒ်ဖြစ်သည့် www.ird.gov.mm >> Media Menu >> https://www.ird.gov.mm/my/content/video တွင်လေ့လာနိုင် ပါသည်။
(မှတ်ချက်။ အခွန်ထမ်းကြီးများဆိုင်ရာအခွန်ရုံးနှင့် ရန်ကုန်မြို့ရှိ အလယ်အလတ်အခွန်ထမ်းများဆိုင်ရာ အခွန်ရုံးများ၏ အခွန်ထမ်းများအနေဖြင့် အီလက်ထရောနစ်နည်းဖြင့်သာ ကြေညာလွှာတင်သွင်းကြရန် ဖြစ်ပါသည်။)
အခွန်ကြေညာလွှာများကို အချိန်မီတင်သွင်းရန် ပျက်ကွက်ပါက အောက်ပါ ဒဏ်ကြေးငွေနှစ်ရပ်အနက်မှ များရာဒဏ်ကြေးငွေကို ပေးဆောင်ရမည် ဖြစ်ပါသည် -
(က) ပေး ဆောင်ရမည့် အခွန်ပမာဏ၏ ၅ ရာခိုင်နှုန်းအပြင် တင်သွင်းရန်သတ်မှတ်ထားသည့်နေ့မှ ညွှန်ကြားရေးမှူးချုပ်က စည်းကြပ်မှုပြုလုပ်သည့်အချိန်ကာလအထိ ကြေညာလွှာတင်သွင်းရန် ဆက်လက်ပျက်ကွက်နေသည့် တစ်လချင်းစီအတွက် သို့မဟုတ် တစ်လ၏ အစိတ်အပိုင်းအတွက် ပေးဆောင်ရမည့် အခွန်ပမာဏ၏ ၁ ရာခိုင်နှုန်း၊
(ခ) ငွေကျပ်တစ်သိန်း။
~~~~~~~~~~~~~~~~~~~~~~~~~~~~~~~~~~~~~~
🤗Company နှင့်ပတ်သက်၍ဆောင်ရွက်လိုသည်များ၊ နှစ်ချုပ်စာရင်းကိစ္စနှင့်ပတ်သက်၍တိုင်ပင်ဆွေးနွေးလိုသည်များအတွက် …..
LRE Law Firm မှ လူကြီးမင်းတို့အတွက် လက်ခံဆောင်ရွက်ပေးလျက်ရှိပါသည်။
ဥပဒေရေးရာ ကိစ္စရပ်များ ဆွေးနွေးရန် လိုအပ်လာပြီဆိုပါက LRE Law Firm ကို ဆက်သွယ်ဖို့ သတိရလိုက်ပါနော်🤗
📍ဆက်သွယ်ရမယ့် လိပ်စာနဲ့ ဖုန်းနံပါတ်လေးတွေက
🏛️No.156, Room - (2/B), Yae Sat Street , Infront of Kabaraye Pagoda, 9 Quarter, MaYanGone Township, Yangon, Myanmar.
☎️ 09 767 733390 တို့ကို ဆက်သွယ်နိုင်ပါတယ်နော်
* ဒါပြင်👉 www.lrelawfirm.com
မှာလည်း အသေးစိတ်အချက်အလက်များကို ၀င်ရောက်လေ့လာလို့ရနေပါပြီနော်
