https://www.facebook.com/213397698519431/

Lawyer Pyae Pyae, ဘုရားလမ်း, Yangon (2026)

28/01/2026

ပုဒ်မ ၂၉၄
ညစ်ညမ်းစွာဆဲဆိုရင် (၃)လအထိထောင်ဒဏ် တစ်မျိုးမျိုးဖြစ်စေ/ ငွေဒဏ်ဖြစ်စေ/ ဒဏ်(၂)ရပ်လုံးဖြစ်စေ ချမှတ်နိုင်တယ်။

ပုဒ်မ ၃၂၃
နာကျင်အောင်ရိုက်ရင် (၁)နှစ်ထိထောင်ဒဏ်တစ်မျိုးမျိုးဖြစ်စေ/ ငွေဒဏ်ဖြစ်စေ/ ဒဏ်(၂)ရပ်လုံးဖြစ်စေ ချမှတ်နိုင်တယ်။ အပြင်းအထန် ဒဏ်ရာရရင် ပြစ်ဒဏ်ပိုကြီးပါတယ်။

ပုဒ်မ ၃၅၄
လမ်းမှာ ဆွဲလားရမ်းလားလုပ်လို့ အတွင်းသားပေါ်လို့ အရှက်ရရင် ကာအိန္ဒြေပျက်စေမှုနဲ့စွဲရင် (၂)နှစ်ထိထောင်ဒဏ်ဖြစ်စေ/ ငွေဒဏ်ဖြစ်စေ/ ဒဏ်(၂)ရပ်လုံးဖြစ်စေ ချမှတ်နိုင်တယ်။

ပုဒ်မ ၃၆၆
အသက်မပြည့်သေးပဲ ခိုးယူပေါင်းသင်းရင် (၁၀)နှစ်ထိ ထောင်ဒဏ်တစ်မျိုးမျိုးချမှတ်နိုင်သည့်အပြင် ငွေဒဏ်လည်းချမှတ်နိုင်တယ်။

ပုဒ်မ ၃၆၃
အမျိုးသမီးသဘောမတူပဲ ခိုးရင် (၇)နှစ်အထိထောင်ဒဏ်တစ်မျိုးမျိုးအပြင် ငွေဒဏ်လည်း ချမှတ်နိုင်တယ်။

ပုဒ်မ ၃၇၆
သဘောမတူပဲ မုဒိမ်းမှုပြုကျင့်ရင် ထောင်ဒဏ်အနှစ် (၂၀)ဖြစ်စေ/ (၁၀)နှစ်ထိ ထောင်ဒဏ်တစ်မျိုးမျိုး ဖြစ်စေ ချမှတ်နိုင်သည့်အပြင် ငွေဒဏ်လည်း ချမှတ်နိုင်ပါတယ်။

ပုဒ်မ ၄၉၄
အိမ်ထောင်ရှိလျက် ထပ်မံထိမ်းမြားရင် (၇)နှစ်ထိ ထောင်ဒဏ်တစ်မျိုးမျိုး ချမှတ်နိုင်သည့်အပြင် ငွေဒဏ်လည်း ချမှတ်နိုင်တယ်။

ပုဒ်မ ၅၀၀
အသရေပျက်အောင်ပြုရင် (၂)လအထိ အလုပ်မဲ့ထောင်ဒဏ်ဖြစ်စေ / ငွေဒဏ်ဖြစ်စေ / ဒဏ်(၂)ရပ်လုံး ဖြစ်စေ ချမှတ်နိုင်ပါတယ်။

တစ်လင်တစ်မယားဥပဒေပုဒ်မ၁၃
အိမ်ထောင်ရှိလျက်ဖောက်ပြန်ရင် (၇)နှစ်ထက် မပိုသောထောင်ဒဏ်အပြင် ငွေဒဏ်ပါဆောင်ရမယ်။

တစ်လင်တစ်မယားဥပဒေပုဒ်မ ၁၇
အိမ်ထောင်ရှိတာကို ထိန်ချန်ပြီးယူရင် (၁၀)နှစ်ထက်မပိုသော ထောင်ဒဏ်အပြင် ငွေဒဏ် ဆောင်ရပါမယ်။

ဆက်သွယ်ရေးဥပဒေပုဒ်မ ၆၆(ဃ)
အဆက်အသွယ်ဖြတ်လို့ဆိုပြီး အတူနေတဲ့ပုံတွေတင်တာ ၊ လိုင်းပေါ်မှာ သပုတ်လေလွင့် ရေးတာ ၊ အသရေပျက်အောင် ရေးတာတွေ ငြိစွန်းရင် (၂)နှစ်ထက်မပိုသော ထောင်ဒဏ်ဖြစ်စေ / ငွေဒဏ်ဖြစ်စေ / ဒဏ် ၂ ရပ်လုံးဖြစ်စေ ချမှတ်နိုင်တယ်။

ဥပဒေ ဗဟုသုတအဖြစ်
မူရင်းရေးသားသူထံမှ လေးစားစွာ ကူးယူဖော်ပြပေးခြင်းဖြစ်ပါသည်။

#မင်္ဂလာလက်ထပ်စာချုပ်နှင့်အထွေထွေဥပဒေဝန်ဆောင်မှု
#မင်္ဂလာအခမ်းအနားတွင်တက်‌ရောက် ၍
#မင်္ဂလာမော်ကွန်းတင်လက်မှတ်ရေးထိုးဝန်ဆောင်မှု
#အဝေးရောက်လက်ထပ် /ကွာရှင်း
#ဘာသာတူဘာသာခြားနှင့်နိုင်ငံခြားသားလက်ထပ်စာချုပ်အပြီးအစီးဝန်ဆောင်မှု
#အိမ်ခြံမြေတိုက်ခန်းကွန်ဒိုရောင်းဝယ်ရာတွင်စာရွက်စာတမ်းစစ်ဆေးပေးခြင်း
#အရောင်းအဝယ်စရံပေးနှင့်အပြီးသတ်စာချုပ်ချုပ်ဆိုပေးခြင်း
#သတင်းစာကြော်ငြာထည့်သွင်းခြင်း
#ကိတ္တိမအမွေစားအမွေခံစာချုပ်
#မိသားစုစီမံမှု
#စာချုပ်စာတမ်းမျိုးစုံချုပ်ဆိုပေးခြင်း
#စာချုပ်စာတမ်းမှတ်ပုံတင်ရုံးတွင်စာချုပ်မှတ်ပုံတင်ပေးခြင်း
#နို့တစ်စာပို့ပေးခြင်း
#ရာဇဝတ်မှုတရားမမှုများလိုက်ပါဆောင်ရွက်ပေးခြင်း
ဒေါ်ပြည့် တရားလွှတ်တော်ရှေ့နေ

☎️09450697978

11/01/2026

"အကြင်လင်မယားအဖြစ်မှ တရားဝင်ကွာရှင်းပြတ်စဲပြီးကြောင်း အများသိစေရန်ကြေညာခြင်း"
၁၁.၁.၂၀၂၆ (တနင်္ဂနွေနေ့) ထုတ်
ကြေးမုံသတင်းစာ
စာမျက်နှာ_၂၀

#မင်္ဂလာလက်ထပ်စာချုပ်နှင့်အထွေထွေဥပဒေဝန်ဆောင်မှု
#မင်္ဂလာအခမ်းအနားတွင်တက်‌ရောက် ၍
#မင်္ဂလာမော်ကွန်းတင်လက်မှတ်ရေးထိုးဝန်ဆောင်မှု
#အဝေးရောက်လက်ထပ် /ကွာရှင်း
#ဘာသာတူဘာသာခြားနှင့်နိုင်ငံခြားသားလက်ထပ်စာချုပ်အပြီးအစီးဝန်ဆောင်မှု
#အိမ်ခြံမြေတိုက်ခန်းကွန်ဒိုရောင်းဝယ်ရာတွင်စာရွက်စာတမ်းစစ်ဆေးပေးခြင်း
#အရောင်းအဝယ်စရံပေးနှင့်အပြီးသတ်စာချုပ်ချုပ်ဆိုပေးခြင်း
#သတင်းစာကြော်ငြာထည့်သွင်းခြင်း
#ကိတ္တိမအမွေစားအမွေခံစာချုပ်
#မိသားစုစီမံမှု
#စာချုပ်စာတမ်းမျိုးစုံချုပ်ဆိုပေးခြင်း
#စာချုပ်စာတမ်းမှတ်ပုံတင်ရုံးတွင်စာချုပ်မှတ်ပုံတင်ပေးခြင်း
#နို့တစ်စာပို့ပေးခြင်း
#ရာဇဝတ်မှုတရားမမှုများလိုက်ပါဆောင်ရွက်ပေးခြင်း
ဒေါ်ပြည့်ဖြိုး‌အောင် တရားလွှတ်တော်ရှေ့နေ
☎️09450697978 (Viber)

24/12/2025

အိမ်၊ခြံ၊မြေ အပြီးအပိုင် ဝယ်ယူခြင်း၊ ငှားရမ်းခြင်း၊ ရောင်းချရာတွင် လွှဲပြောင်းရောင်းချပေးသူ၏ တာဝန်ဝတ္တရားများနှင့် လိုက်နာဆောင်ရွက်ရမည့် ကိစ္စရပ်များ
=================================

၁။ လွှဲပြောင်းရောင်းချပေးမည့် အိမ်နှင့်မြေသို့မဟုတ် မြေကွက်ဖြစ်ပါက ပိုင်ဆိုင်မှု အထောက်အထားများ ဖြစ်သည့် ပိုင်ဆိုင်ကြောင်း မှတ်ပုံတင်စာချုပ်စာတမ်းများ၊ မြေဂရန်နှင့် မြေပုံ မြေရာဇဝင်စသည်များကို ရောင်းချ သူ၏လက်ဝယ်၌ အသင့်ရှိနေပြီး ဝယ်သူကျေနပ် ရှင်းရှင်းလင်းလင်း ရှိစေရန် တင်ပြနိုင်ရပါမည်။

၂။ မိမိရောင်းချသည့် အိမ်နှင့်မြေ သို့မဟုတ် မြေကွက်နှင့် ပက်သက်သော ပိုင်ဆိုင်မှုအဆင့်ဆင့် မှတ်ပုံတင် စာ ချုပ်စာတမ်းများ ကွင်းဆက်မပြတ် ရှိနေရပါမည်။ ဆိုလိုသည်မှာ မိမိအထက် ကာလက တစ်ဦးနှင့်တစ်ဦး လွှဲပြောင်းရောင်းချခဲ့သော မှတ်ပုံတင်စာချုပ်စာတမ်းများ ပြည့်ပြည့်စုံစုံကို ဝယ်သူကျေနပ် လက်ခံနိုင်အောင် တင်ပြနိုင်ရပါမည်။

၃။ မိမိအမည်ပေါက် မကြာမတင် ( ၆-လ ကာလအတွင်း ) က ရန်ကုန်မြို့တော်စည်ပင်သာယာရေး ကော်မတီ၊ မြေပုံမြေရာဇဝင်ဌာနမှ တရားဝင်ကူးယူရရှိထားသော မြေပုံမြေရာဇဝင် မူရင်းကိုလည်း ဝယ်သူအား တင်ပြနိုင် ရပါမည်။

၄။ ပိုင်ဆိုင်မှုအထောက်အထားဖြစ်သော မှတ်ပုံတင်စာချုပ်စာတမ်းများ၊ မြေဂရန်နှင့် မြေပုံမြေရာဇဝင် ရောင်းချသူ၏ လက်ဝယ်၌ အသင့်ရှိပြီးဖြစ်ပါက ယင်းအိမ်နှင့်မြေ သို့မဟုတ် မြေကွက်ကို လွယ်လင့်တကူ ရောင်းချနိုင်သောအဆင့်သို့ ရောက်ရှိပြီးဖြစ်ပါသည်။

၅။ အိမ်နှင့်မြေ သို့မဟုတ် မြေကွက်ကို ရောင်းချရာတွင် ရောင်းသူနှင့် ဝယ်သူတို့များသောအားဖြင့် ကနေဦး စရန်ပေးကတိစာချုပ်တစ်ရပ် ချုပ်ဆိုကြပါသည်။

ယင်းစရန်ပေးကတိစာချုပ်တွင် -

( က က ) ရောင်းချသည့် အိမ်၊ ခြံမြေ၏ တန်ဖိုးငွေ။

( ခ ခ ) စရန်ပေးငွေ မည်ရွေ့ မည်မျှ။

( ဂ ဂ ) ငွေပေးချေမည့် နည်းလမ်းများ ( ဘယ်နှစ်ကြိမ်ခွဲပေးမည် ) ။

( ဃ ဃ ) အိမ်၊ မြေ သို့မဟုတ် မြေကွက်ကို လက်ရောက်ပေးအပ်မည့် နောက်ဆုံးနေ့ရက် သတ်မှတ်ချက်။

( င င ) ရောင်းသူနှင့်ဝယ်သူတို့၏ တာဝန်သတ်မှတ်ချက်များ ( ဥပမာ- ဝယ်သူသည် မှတ်ပုံတင် စာချုပ်စာတမ်း အတွက် ကျသင့်သော တံဆိပ်ခေါင်းခွန်ပေးဆာင်ရန် တာဝန်။ တန်ဖိုးအပေါ် ကျပ် ၁၀၀ ရလျှင် ၇ ကျပ်နှုန်းဖြင့် ပေးဆောင်ရပါသည် )

( စ စ ) ရောင်းသူသည် ရောင်းချသည့်တန်ဖိုးငွေအပေါ် နိုင်ငံတော်သို့ ကျသင့်သော အခွန်ပေးဆောင်ရန် တာဝန်ရှိပါသည်။ သာမန်အားဖြင့် တန်ဖိုးအပေါ်ကျပ် ၁၀၀လျှင် ၁၀ ရာခိုင်းနှုန်းပေးဆောင်ရပါသည်။ အခွန် စည်းကြပ်သည့်ဌာန၏ သတ်မှတ်ချက်နှင့်အညီ ကျသင့်သော ရောင်းခွန်ကို ပေးဆောင်ရပါမည်။

( ဆ ဆ ) ရောင်းချသည့် တန်ဖိုးလျော့၍မပြဘဲ မှန်မှန်ကန်ကန်တင်ပြရန် ရောင်းသူတွင် တာဝန်ရှိသကဲ့သို့ ဝယ် သူတွင်လည်း တာဝန်ရှိပါသည်။

( ဇ ဇ ) ရောင်းသူနှင့်ဝယ်သူတို့ ချုပ်ဆိုထားသည့် ကတိစာချုပ်ပါ စည်းကမ်းချက်များ၊ သတ်မှတ်ချက်များကို ရောင်းသူဘက်မှ ချိုးဖောက်မှုမပြုလုပ်မိစေရန် အထူးသတိ ပြုသင့်ပါသည်။

( ဈ ဈ ) ရောင်းသူသည် မိမိကျေနပ်၍ ဝယ်သူအား ရောင်းချရန် ကတိစာချုပ်ချုပ်ဆိုပြီးနောက် အခြားလူတစ်ဦး တစ်ယောက်က ဈေးပိုပေးလာသဖြင့် ထပ်မံရောင်းချခြင်းမျိုး မပြုလုပ်မိရန် အထူးရှောင်ကြဉ်သင့်ပါသည်။ အိမ်၊ မြေ သို့မဟုတ် မြေကွက်ကို တစ်ဦးကို ရောင်းချပါက အရှုပ်အရှင်းပေါ်ပေါက်လာမည်ဖြစ်ပြီး ရုံးပြင်ကန္နားသို့ သွားရောက်ဖြေရှင်းရတတ်ပါသည်။ ရောင်းသူသည် လူကြီးလူကောင်းပီသစွာ ပြုမူဆောင်ရွက်သင့်ပါသည်။
( Gentleman Play )

( ည ည ) အချို့သောရောင်းသူများသည် ရောင်းချမည့် အိမ်၊ မြေ သို့မဟုတ် မြေကွက်ကို လူပုဂ္ဂိုလ် သို့မဟုတ် ဘဏ်တွင် ပေါင်နှံထားသည်လည်း တွေ့ရှိရပါသည်။ ထိုသို့ပေါင်နှံထားပါက ရိုးသားမှန်ကန်စွာ ဝယ်သူအား တင်ပြ၍ ပေါင်နှံထားသော ဂရန်ကို ဝယ်သူက ငွေစိုက်ထုတ်၍ ရွေးပေးပါက ဂရန်ကို ဝယ်သူ၏လက်ဝယ်သို့ ပေးအပ်၍ ကျန်ငွေပေးချေမည့် ကိစ္စရပ်များကို ညှိနှိုင်းဆောင်ရွက်သွားပါက အရောင်းအဝယ် ပြီးမြောက်သွားနိုင် ပါသည်။ စာရေးသူ ကြုံတွေ့ခဲ့ရသည့် သာဓကများမှာ ဘဏ်တွင်ပေါင်နှံထားသော မြေဂရန်ကို ဝယ်သူက ကျ သင့်သော အရင်းအတိုးဖြစ်သော သိန်းရာချီပြီး ရွေးပေးမည်။ ရွေးယူရရှိသော မြေဂရန်ကို ဝယ်သူ၏ လက်ဝယ် သို့ ပေးမထားနိုင်ဟု ရောင်းသူက ငြင်းဆိုလာသဖြင့် အရောင်းအဝယ် စကားဆက်လက်၍ ပြောဆိုနိုင်မည် မဟုတ်တော့ပါ။

( ဋဋ ) ရောင်းသူအနေဖြင့် စာချုပ်စာတမ်းမှတ်ပုံတင်ရုံး၌ အရောင်းအဝယ်စာချုပ်ကို မှတ်ပုံတင် အရာရှိရှေ့ မှောက်တွင် လက်မှတ်ရေးထိုးသည့်အချိန်တွင် ငွေအပြေ အကျေရရှိပြီး ဖြစ်ရပါမည်။ ရောင်းချသည့် အိမ် မြေ သို့မဟုတ် မြေကွက်ကို ဝယ်ယူသူသို့လည်း လက်ရောက်ပေးအပ်ပြီး ဖြစ်စေရပါမည်။

( ဌဌ ) ရောင်းချသည့် အိမ်၊ မြေ သို့မဟုတ် မြေကွက်နှင့် စပ်လျဉ်း၍ အရှုပ်အရှင်း ပေါ်ပေါက်လာပါက အရောင်း အဝယ်ကျင့်စဉ် ( practice ) အရ ရောင်းသူက တာဝန်ယူဖြေရှင်းပေးရန်လည်း တာဝန်ရှိပါသည်။

( ဍ ဍ ) စရန်ပေးကတိစာချုပ်ပါ ရောင်းသူက လိုက်နာဆောင်ရွက်ရမည့် တာဝန်တစ်ရပ်ရပ်ကို ဖောက်ဖျက်ပါက ဝယ်သူထံမှ ရယူခဲ့သော စရန်ငွေ၏ ( ၂ ) ဆကို ရောင်းသူက ဝယ်သူအား ပေးလျော်ရန် တာဝန်ရှိသည်ကို လည်း ရောင်းသူက သတိပြုသင့်ပါသည်။ အရောင်းအဝယ်လောကတွင် လိုက်နာကျင့်သော ကျင့်စဉ် ( Commercial practice ) လည်း ဖြစ်ပါသည်။

( ဦးဗကြိုင်(ဘီအေ၊ ဘီအယ်လ်)၊ မရွှေမပြောင်းနိုင်သည့် အိမ်၊ ခြံ၊ မြေ၊ တိုက်ခန်း စသည်များ ရောင်းချခြင်း၊ ဝယ်ယူ၊ ငှားရမ်းခြင်းဆိုင်ရာ ဥပဒေသိမှတ်ဖွယ်ရာ၊ စာ- ၁ )

09/09/2025

နိုင်ငံခြားသားနှင့် မြန်မာအမျိုးသမီး ၊လိင်တူများအား ရှေ့နေများ လက်ထပ်ပေးခွင့်လုံး၀မရှိပါ

နိုင်ငံခြားသားများနှင့် မြန်မာအမျိုးသမီးများ ထိမ်းမြားလက်ထပ်ခြင်းကိစ္စကို ပြည်ထောင်စုတရားလွှတ်တော်ချုပ် ၉-၅-၂၀၁၂ ရက်စွဲပါ ညွှန်ကြားချက် အမှတ် ၁/၂၀၁၂ဖြင့် အပိုဒ်၆တွင် ဗုဒ္ဓဘာသာဝင် မြန်မာအမျိုးသမီးနှင့် ဗုဒ္ဓဘာသာဝင် နိုင်ငံခြားသားတို့ ပြုလုပ်သည့် ထိမ်းမြားမင်္ဂလာ ကျမ်းကျိန်လွှာကို ခရိုင်တရားသူကြီးမင်းကသာ ပြုလုပ်ပေးရမည်။

အပိုဒ်(၇)တွင် ဗုဒ္ဓဘာသာဝင် မြန်မာအမျိုးသမီး တစ်ဦးသည် ဗုဒ္ဓဘာသာဝင်မဟုတ်သည့် မြန်မာနိုင်ငံသား(သို့) နိုင်ငံခြားသားဖြစ်သူ အမျိုးသားနှင့်ထိမ်းမြားလက်ထပ်မည်ဆိုပါက ၁၉၅၄ခုနှစ် ဗုဒ္ဓဘာသာဝင် အမျိုးသမီးများ အထူးထိမ်းမြားမှုနှင့် အမွေဆက်ခံမှု အက်ဥပဒေနှင့်အညီသာ တရားဝင်လက်ထပ် နိုင်သည်။

ပြဌာန်းချက်များနှင့် အညီထိမ်းမြားလက်ထပ်ပေးပိုင်ခွင့်ရှိသူကသာ ထိမ်းမြားလက်ထပ်ခြင်းကိုဆောင်ရွက်နိုင်ခွင့်ရှိသည်။

မြန်မာနိုင်ငံတွင် Same s*x marriage ကိုတရားဝင်ခွင့်မပြုသလို လိင်တူဆက်ဆံခြင်းကလည်း ရာဇသတ်ကြီးပုဒ်မ ၃၇၇ အရ ပြစ်မှုမြောက်နေပါသေးသည်။

ရာဇသတ်ကြီးဥပဒေပုဒ်မ ၃၇၇တွင် ယောင်္ကျားနှင့်ဖြစ်စေ၊မိန်းမနှင့်ဖြစ်စေ၊တိရိစ္ဆာန်နှင့်ဖြစ်စေ၊မည်သူမဆို မိမိအလိုအလျောက် ဓမ္မတာနှင့်ဆန့်ကျင်သောကာမစပ်ယှက်မှုကိုပြုလျှင်ထိုသူကိုတစ်သက်တစ်ကျွန်းဖြစ်စေ၊ဆယ်နှစ်ထိ ထောင်ဒဏ်အမျိုးမျိုးဖြစ်စေချမှတ်ရမည့်ပြင် ငွေဒဏ်လည်းချမှတ်နိုင် သည်လို့ ပြဌာန်းထားတဲ့ အတွက် နိုင်ငံခြားသားနဲ့ မြန်မာအမျိုးသမီးဖြစ်စေ၊လိင်တူအချင်းချင်းဖြစ်စေ လက်ထပ်ခွင့်မရှိသလို ရှေ့နေများအနေနဲ့လည်း ဥပဒေပြဌာန်းချက်များကိုဆန့်ကျင်ကျော်လွန်၍ လက်ထပ်ပေးပိုင်ခွင့်မရှိပါ။ # #
Crd

04/09/2025

အသရေဖျက်မှု(ပုဒ်မ ၅၀၀)
ဆက်သွယ်ရေးဥပဒေ( ပုဒ်မ ၆၆ ဃ ) အကြောင်းသိကောင်းစရာ.

ပါးစပ်နဲ့ပြောတဲ့ အသရေဖျက်မှု(Defamation) ဟာ ရာဇသတ်ကြီး ပုဒ်မ ၅၀၀ ဖြစ်ပါတယ်။

ဆိုရှယ်မီဒီယာ Facebook အစသဖြင့် အွန်လိုင်းပေါ်မှာပါ ရောက်သွားမယ်ဆိုရင် ဆက်သွယ်ရေးဥပဒေ ပုဒ်မ ၆၆ ဃမြောက်ပါတယ်။

အွန်လိုင်းနဲ့ပဲပြောပြော စာနဲ့ပဲပြောပြော အွန်လိုင်းပေါ်ရောက်တဲ့ အဆင့်ရောက်ရင်တော့ အသရေဖျက်မှု သတ်မှတ် ဖွင့်ဆိုချက် ရာဇသတ်ကြီးဥပဒေပုဒ်မ ၅၀၀ မြောက်ပါတယ်။

အွန်လိုင်းပေါ်တွင် ရိုင်းစိုင်းသည့် ကောမန့်များပေးခြင်း
Chat box တွင် ရိုင်းစိုင်းသည့်စကားများပြောဆိုခြင်း
အုပ်စုဖွဲ့၍ ရိုင်းစိုင်းသည့် စကားများပြောဆိုခြင်းများသည် ဆက်သွယ်ရေးဥပဒေ ပုဒ်မ ၆၆ ဃနှင့်တိုက်ရိုက် အကြုံးဝင်သလို..

လူတစ်ယောက်က လူတစ်ယောက်ကို ဆက်သွယ်ရေး ဥပေဒပုဒ်မ ၆၆ ဃ နဲ့ဆွဲတဲ့အမှုကို ဒါလဲ အသရေဖျက်မှုပဲဆိုပြီး ပုဒ်မ ၅၀၀ နဲ့ ပြစ်ဒဏ်သတ်မှတ်လို့ မရသလို ၆၆ ဃ ကို ပုဒ်မ ၅၀၀ အသရေဖျက်မှုနဲ့ပဲ တရားလိုက ဆွဲချင်ဆွဲလို့ရပါတယ်။

မတူတာတွေကတော့. .

၁။ ၆၆ ဃ ဟာ (ရဲအရေးပိုင်) ရဲကအရေးယူပိုင်ခွင့်ရှိပြီး အသရေဖျက်မှုဥပဒေပုဒ်မ ၅၀၀ ကေတာ့ (ရဲအရေးမပိုင်) ရဲကအရေးယူပိုင်ခွင့် မရှိပါဘူး။

၂။ ပြစ်ဒဏ်မတူကြပါဘူး ။ပြစ်မှုထင်ရှားရင်
၆၆ ဃ = ထောင်ဒဏ်သုံးနှစ်အထိ (သို့မဟုတ်) ငွေဒဏ် (သို့မဟုတ်) ပြစ်ဒဏ်နှစ်ရပ်စလုံးကျခံရပါတယ်.
ပုဒ်မ ၅၀၀ = ထောင်ဒဏ် နှစ်နှစ်အထိ (သို့မဟုတ်) ငွေဒဏ် (သို့မဟုတ်) ပြစ်ဒဏ်နှစ်ရပ်စလုံး ခံရမှာ ဖြစ်ပါတယ်။

၃။ ၆၆ ဃ ဟာ ရဲအရေးပိုင်အဖြစ် သတ်မှတ်ထားတာကြောင့် ပြစ်မှုကျူးလွန်ကြောင်း သိရှိသူ မည်သူမဆို တိုင်ကြားနိုင်ခွင့်ရှိပြီး ပုဒ်မ ၅၀၀ မှာတော့ နစ်နာသူ ကာယကံရှင် ကိုယ်တိုင်သာလျှင် တိုင်ကြားစွဲဆိုရမှာဖြစ်ပါတယ်။

ရာဇသတ်ကြီးပုဒ်မ ၅၀၀(အသရေဖျက်ခြင်း) ကို အကျယ်တဝင့်ပြောရမယ်ဆို.

"အသရေဖျက်မှုမြောက်စေသည့်အင်္ဂါရပ်များ"

၁။ ပြောဆို၊ ရေးသား ၊ အမှတ်အသား၊ အမူအရာ၊ တို့သည် လူတစ်ဦးတစ်ယောက်၏ ဂုဏ်သရေ ကိုပျက်ပြားစေသည်ပြုလုပ်မှုဖြစ်ရမည်။

၂။ နစ်နာသူ (တရားလို) ကိုရည်ညွှန်းသည့်ပြုလုပ်မှုဖြစ်ရမည်။

၃။ သတင်းစာ ၊ ဂျာနယ် များ သို့မဟုတ် နှုတ်ဖြင့်ပြောဆိုခြင်း ၊ ကြေညာခြင်းတို့ဖြင့်ပြုလုပ်ခြင်းဖြစ်ရမည်။

၄။ နစ်နာသူ(တရားလို)နှင့် ပတ်သက်၍မမှန်မကန်သည့် အကြောင်းပြချက်များဖြင့်ပြုလုပ်ခြင်းဖြစ်ရမည်။

အထက်ပါ အင်္ဂါရပ်(၄)ရပ်နှင့်ပြည့်စုံပါကပြုလုပ်သူ မည်သူ့ကိုမဆို ပြစ်မှုကြောင်းဖြစ်သည့် ရာဇသတ်ကြီး ဥပဒေပုဒ်မ-၅၀၀ အရ တရားရုံး၌ ဦးတိုက်လျှောက်ထားခြင်းဖြင့် လည်းကောင်း၊ တရားမနစ်နာမှုဥပဒေ အရ နစ်နာကြေး ၊လျော်ကြေးငွေကို တရားမကြောင်းဖြင့်တရားစွဲဆို၍လည်းကောင်း သက်သာခွင့်များတောင်းဆိုနိုင်ပါသည်။

"အသရေဖျက်မှု ( Defamation) မမြောက်ကြောင်း ထုချေနိင်သည့် ကင်းလွတ်ချက်များအကြောင်း ဥပေဒ ဗဟုသုတ"

လူတစ်ဦးတစ်ယောက် လူပုဂ္ဂိုလ်သိက္ခာ၊ လုပ်ငန်းသိက္ခာ၊ တို့ကိုကျဆင်းအောင်၊ ထိခိုက်အောင်၊ပြောဆိုခြင်း၊ရေးသားခြင်း၊
အမှတ်အသား၊ အမူအရာတို့ဖြင့်ပြုလုပ်ဆောင်ရွက်လျှင် ဂုဏ်သရေ ထိခိုက် စွပ်စွဲခံရသူက တရားလိုပြုလုပ်၍ အသရေထိခိုက် ပျက်ပြားအောင်ပြုလုပ်ဆောင်ရွက်သူ အပေါ်ပြစ်မှုကြောင်းဖြင့် လည်းကောင်း၊ တရားမကြောင်းဖြင့်လျော်ကြေးငွေတောင်းဆိုခြင်းဖြင့်လည်းကောင်း၊ တရားရုံးများတွင်တရားစွဲကြပါသည်။
အသရေဖျက်မှုဖြင့်စွပ်စွဲခံရသူ အနေဖြင့်မိမိ၏ ပြုလုပ်ဆောင်ရွက်မှုသည် အသရေဖျက်မှုမမြောက်ကြောင်း အောက်ဖေါ်ပြပါကင်းလွတ်ချက်(၁၀)ချက်ဖြင့် ထုချေဖြေရှင်း နိင်ပါသည်။

(၁) မှန်ကန်သည့်အပြင် အများပြည်သူတို့၏ အကျိုးအတွက် ပြောကြားကြေညာခြင်းဖြစ်ကြောင်း ထုချေနိင်ပါသည်။

(၂)ပြည်သူ့ဝန်ထမ်း၏ တာဝန်ဝတ္တရားကိုဆောင်ရွက်ကြောင်း ထုချေနိင်ပါသည်။

(၃) အများပြည်သူတို့၏ပြဿနာတွင် တစ်ဦးတစ်ယောက်၏ အကျင့်စာရိတ္တနှင့်စပ်လျဉ်း၍ ထင်မြင်ချက်ပေးခြင်း ဖြစ်ကြောင်း ထုချေနိင်ပါသည်။

(၄)တရားရုံး မှုခင်းဆောင်ရွက်ချက်များနှင့် အမိန့်စီရင်ချက်များကို မှန်ကန်စွာကြေညာခြင်းဖြစ်ကြောင်း ထုချေနိင်ပါသည်။

(၅)တရားရုံးမှုခင်းများတွင် ပါဝင်သောအမှုသည်၊ ကိုယ်စားလှယ်နှင့်သက်သေတို့၏ အပြုအမူ၊ အကျင့်စာရိတ္တနှင့် စပ်လျဉ်း၍ သဘောရိုးနှင့် ထင်မြင်ချက်ပေးခြင်း ဖြစ်ကြောင်း ထုချေနိင်ပါသည်။

(၆)စာရေးဆရာ တစ်ဦးအား သဘောရိုးဖြင့်ဝေဖန်ခြင်း ဖြစ်ကြောင်း ထုချေနိင်ပါသည်။

(၇)အခွင့်အာဏာရှိသူ တစ်ဦးက ဥပဒေနှင့် အညီအပြစ် ပေးခြင်းဖြစ်ကြောင်း ထုချေနိင်ပါသည်။

(၈)အခွင့်အာဏာရှိသူထံ ဥပဒေနှင့် အညီအခြားသူတစ်ဦးအကြောင်းကို စွပ်စွဲပြောဆိုခြင်းဖြစ်ကြောင်း ထုချေနိင်ပါသည်။

(၉)မိမိ၏အကျိုး၊ သူတစ်ပါး၏အကျိုး၊ သို့မဟုတ်အများပြည်သူ၏ အကျိုးအတွက် ကာကွယ်စွပ်စွဲခြင်းဖြစ်ကြောင်း ထုချေနိင်ပါသည်။

(၁၀)သူတစ်ပါး သို့မဟုတ် အများပြည်သူ၏ အကျိုးအတွက် သတိပေးခြင်းဖြစ်ကြောင်း ထုချေနိင်ပါသည်။

ဆက်သွယ်ရေး ဥပေဒ ပုဒ်မ ၆၆

ယနေ့လို Facebook အသုံးပြုပြီး ကိုယ့်စကားကိုယ် တာဝန္မယူ၊ သူတစ်ပါးကိုပြစ်တင်ဝေဖန်၊ ဆဲဆိုစော်ကား၊ အသရေဖျက်နေတဲ့ ကာလမွာ လူတိုင်းသိထားသင့်ပါတယ်။

၆၆..မည်သူမဆို အောက်ပါပြုလုပ်မှုတစ်ရပ်ရပ်ကိုကျူးလွန်ကြောင်းပြစ်မှုထင်ရှားစီရင်ခြင်းခံရလျှင် ထိုသူအား ၃နှစ်ထက်မပိုသောထောင်ဒဏ်ဖြစ်စေ၊ ငွေဒဏ်ဖြစ်စေ၊ ဒဏ်၂ရပ်လုံးဖြစ်စေချမှတ်ရမည်။

(က) ဆက်သွယ်ရေးကွန်ယက်အတွင်းသို့ ယင်း၏ပိုင်ရှင် သို့မဟုတ် စီမံခန့်ခွဲခွင့်ရှိသူ၏ခွင့်ပြုချက်မရှိပဲဝင်ရောက်နှောင့်ယှက်ခြင်း၊ စံချိန်စံညွှန်းသတ်မှတ်ချက်ကိုဖြစ်စေ၊ မူလအနေအထားကိုဖြစ်စေ ပြောင်းလဲခြင်း သို့မဟုတ် ဖျက်ဆီးခြင်း။

(ခ)ဆက်သွယ်ရေးကွန်ယက်ကိုထိခိုက်စေရန်ဗိုင်းရပ်စ်သို့မဟုတ် အခြားနည်းနဲ့ဝင်ရောက်စေခြင်း။

(ဂ)ဆက်သွယ်ရေးကွန်ယက်ကိုသုံး၍ငွေကြေးနဲ့ပစ္စည်းကိုခိုးယူခြင်း၊ လိမ်လည်ခြင်း၊ အလွဲသုံးစားလုပ်ခြင်း သို့မဟုတ် အကျိုးပျက်စေခြင်း။

(ဃ)ဆက်သွယ်ရေးကွန်ယက်ကိုသုံးပြီးလူတစ်ယောက်ကိုခြောက်လှန့်ခြင်း၊ အနိုင်အထက်ပြုခြင်း၊ မတရားတားဆီးကန့်ကွတ်ခြင်း၊ အသရေဖျက်ခြင်း၊ နှောက်ယှက်ခြင်း၊ မလျှော်သြဇာသုံးခြင်း ခြိမ်းခြောက်ခြင်း၊

အလွယ်ပြောရရင်

(က) Facebook/ Gmail ကို ခိုးယူခြင်းပါ။ Password ပြောင်းခြင်း၊ Gmail ပြောင်းခြင်းပါ။

(ခ) Link အတုတွေကတဆင့် အချက်အလက် Password ခိုးယူခြင်းပါ။

(ဂ) Online Shop ကတဆင့် ငွေလိမ်ယူခြင်းမျိုးပါ။

(ဃ) Facebook ကတဆင့်လူတစ်ယောက်ကို ဆဲဆို ခြိမ်းခြောက်ခြင်း၊ Mention ခေါ်ဆဲခြင်း၊ ပုံတွေသုံး မဟုတ်သတင်းရေးခြင်း၊ ပျက်ဆီးစေမှုနဲ့ Tag တွဲခြင်း၊ Post ကို Share အပြစ်တင်ခြင်း စတဲ့ အပြုအမူတွေ ကျူးလွန်ရင် ကိုယ်တိုင်တရားဆွဲသည့်အပြင် ကြားလူတစ်ယောက်ကအမှု့ဖွင့်တိုင်ကြားနိုင်ပါသည်ဟု ရေးသားတင်ဆက်အပ်ပါသည်။
Credit to ဦးရဲဇော်သိန်း

လေးစားစွာဖြင့်။
#မင်္ဂလာလက်ထပ်စာချုပ်နှင့်အထွေထွေဥပဒေဝန်ဆောင်မှု
#အိမ်ခြံမြေတိုက်ခန်းကွန်ဒိုစာရွက်စာတမ်းစိစစ်ပေးခြင်းအရောင်းအဝယ်စရံပေးနှင့်
#အပြီးသတ်စာချုပ်ချုပ်ဆိုပေးခြင်း
#မင်္ဂလာအခမ်းအနားတွင်တက်‌ရောက် #လက်ထပ်‌စာချုပ်ပြုလုပ်ဆောင်ရွက်ပေးခြင်း
#ကိတ္တိမအမွေစားအမွေခံစာချုပ်ချုပ်ပေးခြင်း
#စာချုပ်စာတမ်းမှတ်ပုံတင်ရုံးတွင်မှတ်ပုံတင်ပေးခြင်း

☎️09450697978(Viber/Telegram)

02/09/2025

#ရွာမြေR4နှင့်Nအမျိူးအစားမြေအကြောင်း
နှစ်၃၀အထက် ရှိသောရွာမြေ၊ရွာမြေအဖြစ်အသိပြုခြင်းတွင်သင်္ကေတအနေဖြင့်
(သ/အ) G
(သ/အ) RH
(သ/အ) R4
(သ/အ) R1 to R3 ( စ၁ မှ စ၃)

အခြားသုံးစွဲခွင့်တင်ထားခြင်းဖြင့်လူနေရပ်ကွက်ကျေးရွာအတွင်းကျေးရွာဆက်စပ်နယ်မြေ လူနေထိုင်
ခွင့်လျောက်ထားသောရွာမြေများသင်္ကေတအနေဖြင့်
(သခြ) G
(သခြ) R1 to R4
R ဘေးမှာ သ/အ သ/ခြ ပါလျှင် ဝယ်လို့ရပါသည်။

မြေအမျိုးစားအတန်းစားအပြင်ကွင်းအမှတ် Nထွက်ထားလျှင် မမြဲဦးပိုင်ဖြစ်၍ #အမြဲဦးပိုင်အဖြစ် Nပျောက်စေရန် ၇ နှစ် စိုက်ပျိုးပြရသည်ဟု စာပေထဲဖတ်ဖူးပါသည်။

#ပြေစာ_စလစ်များအကြောင်း

ပြေစာစလစ်ဖြင့် ပြသနိုင်သောမြေ များသည်အများအားဖြင့် ပိုင်ဆိုင်မှုခိုင်မာပါသည်။ ုုုုငငု စည်ပင်ဧရိယာအပြင်ဘက်မှ မြေမျိုးများဖြစ်ပြီး မြို့မြေဧရိယာအတွင်းဖြစ်နေပါက ဂရံအထိလျှောက်နိုင်ပါသည်။
▪️Gပြေစာ(စလစ်) R/G ▪️ပြေစာ(စလစ်) L
▪️ပြေစာ (စလစ်) စ
▪️ပြေစာ (စလစ်)
▪️ပုံစံ(5) ပြေစာ (စလစ်)
▪️ရွာမြေ ပြေစာ(စလစ်)
▪️ R3 R4 ပြေစာ(စလစ်)တို့ဖြစ်သည်။

ြေစာ (စလစ်)

အရောင်းဝယ် အတွက် စိတ်ချရပြီး( ခြံမြေ) ဟုခေါ်ဝေါ် ကြသည်။ အရှုပ်ရှင်း အနည်းငယ်သာရှိမည် (အမွေဆိုင်) အိမ်ဆောက်လုပ်လူနေထိုင်နိုင်သည် ။သို့သော် ဥပဒေအရ ပိုမိုတရားဝင်လိုလျှင်(သ/အ) လျှောက်လွှာတင်ပြီး အိမ်ဆောက်လုပ် လူနေထိုင်နိုင်ပါသည်။

/G ပြေစာ(စလစ်)
လယ်မှ ပုံစံပြောင်းထားသော မြေဖြစ်ပြီး စိုက်ပျိုးခွင့် မိသားစုနေအိမ်အတွက်(လယ်အိမ်)ပြောင်းလျှောက်ပြီး G ပြေစာ(စလစ်) သို့မဟုတ် (က.၃၀) အဖြစ်ပြောင်းလျှောက်နိုင်သော မြေဖြစ်သည်။

#ရွာမြေပြေစာ (စလစ်)
မြေ အမျိုးစားတွင် ခိုင်မာမှုရှိပြီး Google Map တွင်လည်း Singnal ပြသမည် Singnal မပြသသော်လည်း R4(သို့မဟုတ်)G မြေ ဖြစ်နေပါက ရွာမြေ ခြံမြေအမျိုးစားတွင် ထည့်သွင်းနိုင်ပါသည်။
အစိုးရစီမံကိန်းရှိသော် လည်း မပယ်ဖျက်နိုင်၊စက်မှုဇုံလည်းဝင်လာ၍မရနိုင်၊ ပြန်သိမ်းယူမည့် စိုးရိမ်မှုမျိုး အလျှဥ်းမရှိပါ။

ြေစာ(စလစ်)
ထိုမြေမျိုးသည်လည်း လယ်ပျက် ဖြစ်ပြီး ရွာဧရိယာအတွင်းပါနေပါက ရွာမြေ ဟု ခေါ်ဝေါ် နိုင်ပါသည်။
အစိုးရမဖျက်သိမ်းပါ ။လူနေခွင့်ရှိပါသည်။ အမည်ပေါက်ဖြင့် ပြောင်းလျှောက်၍ အခြား မြေအမျိုးစားသို့ပြောင်းလျှောက်ရန် လွယ်ကူပါသည်။ လယ်ဧရိယာ အတွင်းတွင် မပါဝင်ရန်သာလိုသည်လယ်မြေပေမယ့် အရောင်းဝယ်ပြုလုပ်ရာတွင် လွယ်ကူပါသည် R1,R2 လယ်များသာ အရောင်းဝယ်မပြုလုပ်ရန်သတိထားရပါမည်။ လမ်းမဘေးမျိုး ဆိုပါက R3 မြေမျိုး ဖြစ်နေလည်း R4(သို့) ပုံစံ(5)သို့ ပြောင်းလျှောက်နိုင်သည်။ တစ်ခုသိထားရမည်မှာ မြန်မာနိုင်ငံတွင် လယ်မြေသည်အများဆုံး ဖြစ်ပြီး မြို့နယ်(ရပ်ကွက်) တိုးချဲ့ခြင်းလုပ်ငန်းမှာ လယ်မြေကိုသာ အသုံးအများဆုံးဖြစ်သည်

#မြေခွန်ပြေစာအကြောင်း....

ပြေစာအရွယ်အစား ဟာ ၄" ၅" ထက်မပိုကြပါဘူး။မြန်မာနိူင်ငံနယ်ပယ်ဒေသအချိူ့မှာ ပြေစာ စာတွင်တွင်ကျယ်ကျယ် အသုံးဝင် နေကြပါ
သေးတယ်...
အချို့သောသူတွေက ပြေစာဆိုတာနဲ့လယ်ယာမြေ လို့တစ်ထစ်ချ ပြောဆိုတတ်ကြပါတယ်
ရွာမြေ ၊ဘိုးဘွားပိုင်မြေ၊ဥယျာဉ်ခြံမြေ တွေဟာလဲ
ပြေစာ နဲ့ဘဲ အသုံးပြု ထားကြပါတယ်။
မြေလုပ်ကိုင်သူ အမည်နဲ့ ဧရိယာ အကျယ်အဝန်း
ပါပါမယ်။
ပြေစာနဲ့မြေကိုအချို့ကသုံးမရဘူး။ရောင်းမရဘူး။ဘာမှအသုံးမဝင်ဘူးလို့ယူဆ
ထားကြသူတွေရှိပါတယ်။
အမှန်တကယ်တော့ပြေစာဟာ ရောင်းဝယ်ခွင့်ရှိပြီးနေထိုင်ခွင့်ရှိတဲ့ မြေအမျိုးအစားတစ်ခုပါဘဲ။
ပြေစာ ကို သက်ဆိုင်ရာ မြေစာရင်း ဌာနတွေမှာ
အမည်ပြောင်းတာ အခွန်ဆောင်တာတွေဆောင်ရွက်လို့ရပါတယ်။
မြေခွန်ပြေစာအကြောင်းရသိရှိနားလည်သူများက
ကောင်းစွာ အသုံးချတတ်ကြပြီး အချို့သောနားမလည်သူများက တရားမဝင်မြေ ဟု
ယူဆ ထားကြသည်ကိုတွေ့ရှိရပါတယ်။
အချူပ်အားဖြင့်ဆိုသော် မြေခွန်ပြေစာ ပါရှိသော
မြေသည် တရားဝင်မြေ ဖြစ်ပြီး ၊ပါမစ်မြေ ဂရန်မြေထက် အဆင့်နိမ့်သောမြေ အမျိူးအစားတစ်ခုဖြစ် သော်လည်းမြေခိုင်မာပါတယ်ဆိုတာ မသိသေးသောသူများအတွက်ဝေဌပေးလိုက်ပါတယ်။

Original Uploder

09450697978

29/08/2025

#မင်္ဂလာလက်ထပ်စာချုပ်နှင့်အထွေထွေဥပဒေဝန်ဆောင်မှု
#မင်္ဂလာအခမ်းအနားတွင်တက်‌ရောက် ၍
#လက်ထပ်‌စာချုပ်ဝန်ဆောင်မှုဆောင်ရွက်ပေးခြင်း
#ဘာသာတူဘာသာခြားနှင့်နိုင်ငံခြားသားလက်ထပ်ဝန်ဆောင်မှုဆောင်ရွက်ပေးခြင်း
#အိမ်ခြံမြေတိုက်ခန်းကွန်ဒိုစာရွက်စာတမ်းစိစစ်ပေးခြင်းအရောင်းအဝယ်စရံပေးနှင့်
#အပြီးသတ်စာချုပ်ချုပ်ဆိုပေးခြင်း
#သတင်းစာကြော်ငြာထည့်ပေးခြင်း
#အကြောင်းကြားနို့တစ်စာပို့ပေးခြင်း
#ကိတ္တိမအမွေစားအမွေခံစာချုပ်ချုပ်ပေးခြင်း
#မိသားစုစီမံမှုပြုလုပ်ဆောင်ရွက်ပေးခြင်း
#အခြားစာချုပ်စာတမ်းမျိုးစုံချုပ်ဆိုပေးခြင်း
#စာချုပ်စာတမ်းမှတ်ပုံတင်ရုံးတွင်မှတ်ပုံတင်ပေးခြင်း
#ရာဇဝတ်မှုတရားမမှုများလိုက်ပါဆောင်ရွက်ပေးခြင်း
(တရားလွတ်တော်ရှေ့နေ)
☎️09 450697978

23/08/2025

အဆိုလွှာ၌ မြေပုံပူးတွဲတင်ပြခြင်း
••••••••••••••••••••••••••••••••••••••••
#တရားမကျင့်ထုံးဥပဒေအမိန့်၇ နည်း ၃တွင်
" အချင်းဖြစ်ပစ္စည်းသည် မရွေ့ပြောင်းနိုင်သည့်ပစ္စည်းဖြစ်သည့်အခါ ထိုပစ္စည်းကို ခွဲခြားသိ
နိုင်ရန် လုံလောက်မည့် အကြောင်းအရာ
ဖော်ပြချက်တစ်ရပ်ကို ဆိုလွှာတွင် ပါရှိစေ
ရမည်။ ကြေးတိုင်နှင့် မြေစာရင်းမှတ်တမ်းဝင်
နယ်နိမိတ်များ သို့မဟုတ် အမှတ်များဖြင့်
ယင်းပစ္စည်းကို ခွဲခြားသိသာနိုင်မည် ဆိုပါက
ဆိုလွှာတွင် ယင်းနယ်နိမိတ်များ သို့မဟုတ်
အမှတ်များကို သီးခြားဖော်ပြရမည် " ဟု•••
ဖော်ပြထားသည်။
တရားမကျင့်ထုံးဥပဒေ အမိန့်၂၀ နည်း
၉ တွင်•••••
" အမှု၏ အချင်းဖြစ်ပစ္စည်းသည် မရွေ့မပြောင်း
နိုင်သော ပစ္စည်းဖြစ်သောအခါ ဒီကရီတွင်
ယင်းပစ္စည်းကို ခွဲခြားသိသာနိုင်ရန် လုံလောက်
သော သရုပ်ဖော်ပြချက်ပါရှိရမည်။ ထို့ပြင်
ယင်းပစ္စည်း နယ်နိမိတ်အရဖြစ်စေ၊ ကြေးတိုင်
သို့မဟုတ် မြေစာရင်းမှတ်တမ်းရှိ ဂဏန်း
အမှတ်များအရဖြစ်စေ ခွဲခြားသိသာနိုင်လျှင်
ဒီကရီတွင် ယင်းနယ်နိမိတ် သို့မဟုတ် ဂဏန်း
အမှတ်များကို ဖော်ပြရမည်" ဟု ပြဌာန်း
ထားသည်။
တရားမကျင့်ထုံးဥပဒေ အမိန့်၂၁ နည်း၁၃
တွင်လည်း••••••
" ကြေးတိုင်စိုက်ပြီးဖြစ်သော နယ်မြေ သို့မဟုတ်
မြို့မြေတိုင်း နယ်မြေအတွင်း ပါဝင်သည့်
မရွှေ့မပြောင်းနိုင်သောပစ္စည်း နှင့် သက်ဆိုင်
သည့် ဒီကရီကို အတည်ပြုရန် လျှောက်ထား
ရာ၌ ဒီကရီတွင် ယင်းပစ္စည်း၏ မြေပုံမပါရှိ
လျှင်ဖြစ်စေ၊ ယင်းကဲ့သို့ ပစ္စည်းကို ဝရမ်းကပ်
ရောင်းချခြင်းဖြင့် ဒီကရီကို အတည်ပြုပေးရန်
လျှောက်ထားလျှင်ဖြစ်စေ၊လျှောက်လွှာ နှင့်
အတူ ယင်းမြေ အလားအလာကို ထင်ရှား
သိသာစေသော ဆေးရောင်ဖြင့် မှတ်သားထား
သည့် နောက်ဆုံးကွင်းမြေပုံ၊ သို့မဟုတ်
မြို့မြေပုံ မှ တာဝန်ခံကောက်နှုတ်ချက် ပါရှိ
စေရမည် " ဟုဖော်ပြထားသည်။
တရားရုံးများလက်စွဲအပိုဒ် ၁၂၄ တွင်
" မရွေ့မပြောင်းနိုင်သော ပစ္စည်းသည်
အမှု၏ အချင်းဖြစ်အကြောင်းအရာ ဖြစ်သည့်
အတိုင်း၊ အချင်းဖြစ်ပွားသော ပစ္စည်းကို
ကောင်းမွန်စွာ သိရှိနိုင်စေခြင်းငှာ အဆိုလွှာ၌
လုံလောက်သော အကြောင်းအရာ ဖော်ပြ
ပါရှိရန် လိုအပ်သည့် အချက်ကို သတိပြုကြ
ရန် အားလုံးသော တရားရုံးများအား
နှိုးဆော်လိုက်သည် " ဟုဖော်ပြထားသည်။
တရားရုံးများလက်စွဲ အပိုဒ် ၁၂၅ တွင်••••
" အဆိုလွှာနှင့် သက်ဆိုင်သည့် မြေကို ပိုင်းခြား
ဖော်ပြရန် အလို့ငှာလောက်သာ ထိုစွဲချက်နှင့်
တွဲတင်သည့် မြေပုံများကို အောက်ပါ ဝါကျ
တွင် ပြဌာန်းဖော်ပြထားသည့် အတိုင်း မှတပါး
စာသက်သေခံအဖြစ် မပြုလုပ်ရ။ ထိုမြေပုံ
များသည် အဆိုလွှာတွင် အပါအဝင်ဖြစ်၍
ထိုမြေပုံများ မပါလျှင် မစုံမလင် ချွတ်ယွင်း
ခြင်း ရှိမည် ဖြစ်သဖြင့် အဆိုလွှာနှင့် အတူ
ပူးတွဲလျက် ရှိနေစေရမည် "ဟု ဖော်ပြထား
ပါသည်။
ဦးကျော်စိန် ပါ ၂ နှင့် ဦးတင်သန်း ပါ၅
၁၉၉၉ ခုနှစ်၊ တရားမအထွေထွေလျှောက်လွှာ
(အထူး) အမှတ်-၁၃(နှစ်ပါးထိုင်)(၂၉.၉.၉၉)
အမှုတွင်•••••
" တရားမကျင့်ထုံးဥပဒေ အမိန့်၇ နည်း ၃တွင်
အချင်းဖြစ် ပစ္စည်းသည် မရွှေ့မပြောင်းနိုင်
သော ပစ္စည်းဖြစ်လျှင် ထိုပစ္စည်းကို ခွဲခြား
သိသာနိုင်ရန် လုံလောက်မည့် အကြောင်းအရာ
ဖော်ပြချက် တစ်ရပ်ကို အဆိုလွှာတွင်
ပါရှိစေရမည်။ ကြေးတိုင် နှင့် မြေစာရင်း
မှတ်တမ်းဝင် နယ်နိမိတ်များ သို့မဟုတ်
အမှတ်များဖြင့် ခွဲခြား သိသာနိုင်မည်ဖြစ်ပါက
အဆိုလွှာတွင် ယင်းနယ်နိမိတ် သို့မဟုတ်
အမှတ်များကို သီးခြားဖော်ပြရမည် ဟု
ပြဌာန်းထားသည်ကို တွေ့ရသည်။
တရားမကျင့်ထုံးဥပဒေ အမိန့် ၇ နည်း ၃
၏ လိုအပ်ချက်နှင့် အညီ မူလရုံးတရားလို
တို့က အဆိုလွှာတွင် အချင်းဖြစ်ပစ္စည်းနှင့်
စပ်လျဥ်း၍ သိသာထင်ရှားစွာ ဖော်ပြထား
သည်ကို တွေ့ရသည်။
အဆိုလွှာနှင့် အတူ မြေပုံပါရှိရမည်ဟု
တရားမကျင့်ထုံးဥပဒေ အမိန့်၇ နည်း ၃တွင်
ပြဌာန်းထားခြင်း မရှိပေ။ အဆိုလွှာနှင့်
အတူ မြေပုံမပါလျှင် အဆိုလွှာကို ပယ်ရမည်
ဟု တရားမကျင့်ထုံးဥပဒေ အမိန့် ၇ နည်း ၃
နှင့် အမိန့် ၇ နည်း ၁၁ တို့တွင်လည်းကောင်း၊
တရားရုံးများလက်စွဲအပိုဒ် ၁၂၄ နှင့် ၁၂၅
တို့တွင် လည်းကောင်း ပြဌာန်းထားခြင်း
မရှိပေ။
တရားမကျင့်ထုံးဥပဒေ အမိန့် ၇ နည်း ၃
၏ လိုအပ်ချက်နှင့် အညီ တရားလိုက
အဆိုလွှာတွင် အချင်းဖြစ်ပစ္စည်းနှင့်
စပ်လျဥ်း၍ သိသာထင်ရှားစွာ ဖော်ပြထား
လျှင် လုံလောက်သည်" ဟု ••••
ဆုံးဖြတ်ထားသည်။
ဒေါ်ကြည်ကြည်စိန် နှင့် ဦးစောလွင် ပါ၇
၁၉၉၉ခုနစ် ၊တရားမပြင်ဆင်မှုအမှတ် ၂၅၇
(၁၈.၁.၂၀၀၀)အမှုတွင်•••••
" မရွှေ့မပြောင်းနိုင်သော ပစ္စည်းနှင့်
ပတ်သက်သည့် တရားစွဲဆိုမှုများတွင်
တရားရုံးများက မြေပုံပူးတွဲတင်သွင်းရန်
တောင်းဆိုလေ့ရှိကြသည်။ တရားရုံးမှ
တောင်းဆိုလျှင် တရားစွဲဆိုသူသည် တင်ပြ
ရန် တာဝန်ရှိသည်။ ထိုတာဝန်ပျက်ကွက်
ပါက တရားမကျင့်ထုံးဥပဒေ အမိန့်၇
နည်း ၁၀ အရ ဆိုလွှာကို ပြန်ပေးနိုင်ကြောင်း
ပြဌာန်းချက်ရှိသည်။
ယခု အမှုတွင် အဆိုလွှာကို လက်ခံပြီး
မှ တရားပြိုင်၏ ကန့်ကွက်လွှာကြောင့်
ပြန်ပေးသည်ကိုတွေ့ရသည်။ တရားရုံးသည်
အဆိုလွှာကို လက်ခံ၍ အမှုကို ဆက်လက်
စစ်ဆေးသွားရန်အပြင် မူလရုံးတရားလိုမှ
မြေပုံရေးဆွဲရေးအတွက် လျှောက်လာပါက
သက်ဆိုင်ရာဌာနသို့ ရေးဆွဲပေးရန်
အကြောင်းကြားစာ ထုတ်ပေးဆောင်ရွက်
သင့်ကြောင်း သုံးသပ်တွေ့ရှိရသည် " ဟု
ဆုံးဖြတ်ထားသည်။
အဆိုလွှာတွင် မြေပုံနှင့် ပတ်သက်၍
ပြည့်ပြည့်စုံစုံ ဖော်ပြခြင်း မပြုရုံမျှဖြင့်
အမှုကို ပလပ်ရန်မဟုတ် ဟု•••
အေအိုင်အာ ၁၉၂၀ ပတ္တနာ ၀၂ အမှု
တွင်လည်းကောင်း၊
ထိုအချက်အလက်များ ဖော်ပြနိုင်ရန်
အဆိုလွှာကို ပြင်ဆင်ခွင့် ပြုနိုင်သည် ဟု
အောက်မြန်မာပြည် အတွဲ ၅ စာ ၁၆၂တွင်
ထုံးပြုလမ်းညွှန်ထားသည်။
မြေပုံနှင့်ပတ်သက်၍ သက်သေခံဥပဒေ
ပုဒ်မ ၃၆ ၊ ၈၃ နှင့် ၈၇ တို့တွင်လည်း ပြဌာန်း
ထားသည်ကိုလည်း လေ့လာနိုင်မည်
ဖြစ်ပါသည်။
Crd.

Lawyer Phyo
အထက်တန်းရှေ့နေ
📞09450697978

20/08/2025

🤔🤔 လက်ထပ်စာချုပ်ကို အုပ်ချုပ်ရေးမှူးနဲ့ လုပ်လို့ရပါသလား?

👉👉 မိမိတို့အသုံးပြုသည့် စာချုပ်အမျိုးအစား (ခေါင်းစဉ်)ကို ကြည့်ရပါမယ်။

🤔🤔 နှစ်ဦးသဘောတူ လက်ထပ်ထိမ်းမြားခြင်းကတိစာချုပ်လား?

🤔🤔 ထိမ်းမြားမင်္ဂလာကတိသစ္စာပြုလွှာလား?

👉👉 နှစ်ဦးသဘောတူ လက်ထပ်ထိမ်းမြားခြင်းကတိစာချုပ်ဆိုလျှင်တော့ အုပ်ချုပ်ရေးမှူးမှဆောင်ရွက်ပေးလို့ရပါတယ်။

✅✅ ထိမ်းမြားမင်္ဂလာကတိသစ္စာပြုလွှာ ဖြစ်နေပါက အုပ်ချုပ်ရေးမှူးနဲ့ ပြုလုပ်ဆောင်ရွက်၍ မရပါ။ (စာချုပ်က တရားမဝင်ပါ)တရားရုံး၌သာ ပြုလုပ်ဆောင်ရွက်ခွင့် ရှိသည်။

✅✅ ဆိုင်အများစု ရောင်းကြသည့် လက်ထပ်စာချုပ်တွေက ထိမ်းမြားမင်္ဂလာကတိသစ္စာပြုလွှာ ခေါင်းစဉ်နဲ့ ရောင်းချတာဖြစ်လို့ အထူးသတိပြုရမှာဖြစ်ပါတယ်။

‼️‼️ ထို့ကြောင့် မိမိတို့ မင်္ဂလာလက်မှတ်ထိုးကြတော့မယ်ဆိုလျှင် လက်ထပ်စာချုပ်တွင် ပါဝင်ရမည့်အချက်များ တံဆိပ်ခေါင်းခွန်များ ဥပဒေနှင့် ညီညွတ်မှုရှိမရှိ အမှားအယွင်းမရှိစေရန် သိတတ်နားလည်သူနှင့် သေချာစိစစ်ရန် လိုအပ်ပါမည်။

Legal services
📱 09 450697978

Lawyer Pyae Pyae

28/01/2026

11/01/2026

24/12/2025

09/09/2025

04/09/2025

02/09/2025

29/08/2025

23/08/2025

20/08/2025

Address

Website

Alerts

Shortcuts

Share

Category