မုစ္လင္မ္ ေရွ႕ေနမ်ားေကာင္စီ

27/01/2024

မြန်မာနိုင်ငံလုံးဆိုင်ရာ မုဖ်သီချုပ်၊
ရန်ကုန်မြို့ ဆူဖီယာကျောင်းတော်ကြီး၏ ကျောင်းအုပ်ဆရာကြီး
အလ်ဟာဂျ် မော်လာနာ ရှမ်စုဒ်ဒုဟာ(မဇွာဟိရီ) အလ္လာဟ်အရှင်မြတ်၏
အမိန့်တော်ခံယူသွားခဲ့ကြောင်း ဝမ်းနည်းကြေကွဲစွာသိရှိရပါသည်။

အလ္လာဟ်အရှင် ဆရာသခင်ကြီးကို မဂ်ဖိရသ်ပေးသနားတော်မူပါစေ၊ ဂျန္နသုလ်ဖိရ်ဒေါက်စ် ချီးမြှင့်တော်မူပါစေ။

ကျန်ရှိမိသားစုဝင်များကိုလည်း ဆွဗ်ရေဂျမီးလ်ချီးမြှင့်ပေးသနားတော်မူပါစေ။

အာမီးန်...ယာရဗ္ဗလ်အာလမီးန်

15/02/2022

ဖေဖော်ဝါရီ၂၀ရက်နေ့ထွက်ပါပြီး။
စိတ်၀င်စားရင် Pre Order တင်နိုင်ပါတယ်။

ခေတ်ပြိုင် စပိန် အစ္စလာမ်နိုင်ငံတော်သမိုင်း
(၇၁၁-၁၄၉၂)

ယနေ့ အိုက်ဘာရီယန်ကျွန်းဆွယ်လို့သိထားတဲ့ကျွန်း
ဆွယ်ကြီးကို အာရဗ်နဲ့အာဖရိကဘာဘရ်လူမျိုးတွေ
က နှစ်ပေါင်း၇၉၁နှစ်သိမ်းပိုက်အုပ်ချုပ်ခဲ့တဲ့သမိုင်း
ဖြစ်တယ်။ဥရောပတိုက်ဆိုတာကျွန်းဆွယ်တွေနဲ့ဖွဲ့
စည်းထားတဲ့တိုက်ဖြစ်လို့ ဥရောပမှာ ဘော်လကန်
ကျွန်းဆွယ် အိုက်ဘာရီယန်ကျွန်းဆွယ် စစ္စလီကျွန်း
ဆွယ်နဲ့စကင်ဒီနေဗီးယန်းကျွန်းဆွယ်ဆိုပြီးကျွန်းဆွယ်
ကြီး၄ခုရှိပါတယ်။ဒီကျွန်းဆွယ်၄ခုထဲက အိုက်ဘာရီ
ယန်ကျွန်းဆွယ်ပေါ်မှာရှိနေတဲ့ ပြင်သစ်တောင်ပိုင်း၊
အင်ဒိုရာ၊ပေါ်တူဂီနဲ့စပိန်တို့ရဲ့၇၁၁-၁၄၉၂ခုနှစ်သမိုင်း
ကိုဒီစာအုပ်မှာမှတ်တမ်းတင်ရေးသားထားတာဖြစ်ပါ
တယ်။စစ်ရေး နိုင်ငံရေး လူမှုရေးအပြင် သူတို့ချန်ထား
ရစ်တဲ့အဆောက်အဦးဗိသုကာနဲ့သူတို့ခေတ်ထွန်းကား
ခဲ့တဲ့အနုပညာ(Art)တွေကိုပါအသေးစိပ်ရေးသားထား
တဲ့စာအုပ်လေးဖြစ်ပါတယ်။

ဒီသမိုင်းဟာအလယ်ခေတ်လို့ခေါ်တဲ့ Medival Era
ကိုသိနားလည်ဖို့ကူညီပေးလိမ့်မယ်။သမိုင်းအလယ်
ခေတ်ကိုမသိဘဲ မော်ဒန်ခေတ်ကိုမြင်ကြည့်နိုင်မှာမဟုတ်
ဘူး။ဒီလိုပဲ ကမ္ဘာကြီးကိုမြေပုံထဲမှာကြည့်နေကြသလိုပဲ
စာအုပ်ကိုလည်း သက်ဆိုင်ရာ၇၁၁-၁၄၉၂အတွင်းခေတ်
ပြိုင်ဆက်စပ်သမိုင်းတွေနဲ့ယှဥ်တွဲရေးသားထားလို့ဒီစာ
အုပ်လေးဟာ ငါနဲ့ငါသာနှိုင်းပြီးရေးထားတဲ့မျိုးချစ်စာ
အုပ်မျိုးမဟုတ်ပါ။မျိုးချစ်မျက်မှန်တပ်မထားဘဲသမိုင်း
အရှိတရားကိုအခြေခံပြီး ရေးသားထားလို့ ဒီစာအုပ်လေး
ဟာ စာဖတ်သူတွေကို အသစ်မြင်ရှုထောင့်ကနေ သမိုင်း
ရသတစ်မျိုးပေးနိုင်ပါလိမ့်မယ်လို့ယုံကြည်ပါတယ်။

အလယ်ခေတ်သမိုင်းကိုနားလည်ဖို့ဆိုရင်
အစ္စလာမ်စပိန်သမိုင်းကို မသိလို့မရပါ။
အလားတူ မော်ဒန်သမိုင်းကိုအကဲဖြတ်ဖို့
ဆိုရင်လည်း အလယ်ခေတ်သမိုင်းကိုသိထား
ဖို့အရေးကြီးပါတယ်။
စာရေးသူ
နေဇင်
11.2.2022

ဖေဖော်ဝါရီလ ၂၀ရက်နေ့မှာ
တစ်နိုင်ငံလုံးကိုဖြန့်ချီတော့မှာဖြစ်ပါတယ်။
ကိုလတ်စာပေ၊ခေတ်သစ်စာပေတို့မှာ၀ယ်ယူရရှိ
နိုင်ပါတယ်။

12/05/2021

12/05/2021

19/09/2020

ကာမလိမ်လည်ရယူမှုဆိုင်ရာဥပဒေများအကြောင်း
◼️ပြစ်မှုဆိုင်ရာဥပဒေပုဒ်မ- ၄၁၇
◼️ပြစ်မှုဆိုင်ရာဥပဒေပုဒ်မ-၄၉၃
------------------
📌 ပြစ်မှုဆိုင်ရာဥပဒေပုဒ်မ ၄၁၇
*မည်သူမဆို လိမ်လည်မှုကျူးလွန်လျှင်ထိုသူကို ၃နှစ်ထိထောင်ဒဏ်တစ်မျိုးမျိုးဖြစ်စေ၊ငွေဒဏ်ဖြစ်စေ၊ဒဏ်၂ရပ်လုံးဖြစ်စေချမှတ်ရမည်။
🔺🔺ဤပုဒ်မသည် သာမာန်လိမ်လည်မှုများအတွက်ပြစ်ဒဏ်သတ်မှတ်ထားသောပုဒ်မဖြစ်သည်။ဤပုဒ်မ ၄၁၇အရ သာမာန်လိမ်လည်မှုတွင် အတည်တကျလက်ထပ်ပါမည်ဆိုကာ ပေါင်းသင်းစက်ယှက်ပြီး လက်မထပ်သည့်အမှုများကို ယခုအခါအများဆုံး အရေးယူလျက်ရှိသည်။
🚨ဤပုဒ်မအရပြစ်ဒဏ်စီရင်နိုင်ရန် အောက်ပါအထောက်အထားများပြည့်စုံရန်လိုအပ်သည်။
🔴တရားခံက တစ်ဦးတစ်ယောက်အား လှည့်ဖြားခြင်း။
🔴လှည့်ဖြားကာထိုသူအားသွေးဆောင်ခြင်း။
🔴ထိုကဲ့သို့ ပြုစေခြင်း၊ပျက်ကွက်စေခြင်းကြောင့် ထိုသူ၏ကိုယ်၊စိတ်၊ဂုဏ်သရေ၊သို့မဟုတ် ပစ္စည်းကိုနစ်နာစေခြင်း၊အန္တရာယ်ဖြစ်စေခြင်း။
🔴သွေးဆောင်ခြင်းခံရသူအား ပြုစေခြင်း၊ပျက်ကွက်စေခြင်း။
🔴တမင်သွေးဆောင်ခြင်း။
အထက်ပါဖော်ပြချက်အတိုင်းပင် လိမ်လည်မှုမြောက်စေရန်အရေးကြီးသောအချက်မှာ သွေးဆောင်စဉ်က တရားခံတွင် လိမ်လည်လှည့်ဖြားလိုသောစိတ်၊မရိုးမဖြောင့်သောစိတ်ရှိရန်လိုအပ်ပေသည်။လိမ်လည်လှည့်ဖြားလိုသောစိတ်ရှိသည်၊မရှိသည်ကိုမူ အမှုစစ်ဆေးရာတွင်တရားခံ၏ပြုမူချက်၊ပတ်ဝန်းကျင်အထောက်အထား စသည့်ကိစ္စရပ်များအပေါ်မူတည်ဆုံးဖြတ်ရမည်ဖြစ်သည်။
📖 ကျင့်ထုံး။ ။ပုဒ်မ၄၁၇သည် ရဲအရေးမပိုင်သောအမှုဖြစ်သည်၊ကနဉီးကပင် ဝရမ်းထုတ်ဆင့်ဖမ်းဆီးနိုင်သည်၊အာမခံပေးရမည်၊တရားရုံးတော်၏ခွင့်ပြုချက်အရကြေအေးခွင့်ရှိသည်၊မည်သည့်တရားသူကြီးမဆို စစ်ဆေးစီရင်ပိုင်ခွင့်ရှိသည်။
⚖️ အတည်တကျ လက်ထပ်ယူမည်ဆိုကာ လိမ်လည်၍ကာမရယူသည်ဟုတ်မဟုတ် ကိစ္စနှင့်စပ်လျဉ်း၍ မတင်အိနှင့်ဦးဝီမလ၊၁၉၇၅ မတစ ၄၄ အမှုတွင်
- `` မတင်အိနှင့်ဦးဝီမလတို့ ချိန်းတွေ့စဉ် လူမိ၍ထွက်ပြေးခဲ့သည့်သာဓကလည်းရှိသည်။၎င်းတို့ဆက်ဆံပေါင်းသင်းကြခြင်းသည် လူထွက်၍လက်ထပ်ပါမည်ဟူသောကတိမရှိပဲ သဘောတူချစ်ကြိုက် ပျော်ပါးသည့်အခြေနေမျိုးဖြစ်လျှင် ပုဒ်မ ၄၁၇အရပြစ်မှုမမြောက်ချေ။ယင်းပုဒ်မအရပြစ်မှုမမြောက်သော်လည်း နှစ်ဉီးကာမစက်ယှက်၍ရလာသောကလေးအတွက် ရာဇဝတ်ကျင့်ထုံးဥပဒေပုဒ်မ ၄၈၈(၁)အရ ကလေးစရိတ်ပေးရမည်။´´
ဟုစီရင်ဆုံးဖြတ်ထားပါသည်။
⚖️မောင်ကျော်ဝင်းနှင့်ပြည်ထောင်စုဆိုရှယ်လစ်သမ္မတ မြန်မာနိုင်ငံတော်၊ ၁၉၇၆ မတစ ၉ အမှုတွင်
- `` တစ်ရွာတည်းနေ ချစ်ကြိုက်သူတရားခဲက အတည်တကျလက်ထပ်ပါမည်ဟု ပြောသည်ကို မသေးသေးကယုံကြည်သဖြင့် ကာမစက်ယှက်မိရာမှကိုယ်ဝန်ရှိလာသောအခါ လက်ထပ်ခြင်းမပြုပဲရှောင်တိမ်းနေခြင်းမှာ ပုဒ်မ ၄၉၃မမြောက်ပဲ ပုဒ်မ ၄၁၇မြောက်သည်။တရားဝင်လက်မထပ်ရသေးသောမိန်းမကို တရားဝင်လက်ထပ်ကြောင်းလှည့်ဖြားယုံကြည်စေ၍ ကာမစက်ယှက်မှသာ ပုဒ်မ ၄၉၃မြောက်မည်။´´ ဟုစီရင်ဆုံးဖြတ်ထားပါသည်။
# ပုဒ်မ ၄၉၃အကြောင်းဆက်လက်တင်ပြပါမည်။
-----------------
📌ပြစ်မှုဆိုင်ရာဥပဒေပုဒ်မ ၄၉၃
* မည်သည့်ယောက်ျားမဆို မိမိနှင့်တရားဝင်ထိမ်းမြားခြင်းမပြုသောမိန်းမကို မိမိနှင့်တရားသဖြင့်ထိမ်းမြားကြောင်း လှည့်ဖြားယုံကြည်စေ၍ ထိုသို့ယုံကြည်စေသဖြင့် မိမိနှင့်ကာမစက်ယှက်စေလျှင် ထိုသူကို ၁၀နှစ်အထိထောင်ဒဏ်တစ်မျိုးမျိုးချမှတ်ရမည့်အပြင်ငွေဒဏ်လည်းချမှတ်နိုင်သည်။
🔺🔺ဤပုဒ်မအရပြစ်မှုမြောက်ရန် အဓိကလိုအပ်သော အင်္ဂါရပ်များအနက် မိမိနှင့်တရားဝင်လက်ခြင်းမပြုသောအမျိုးသမီးကို တရားဝင်လက်ထပ်သည်ဟု လှည့်ဖြားယုံကြည်စေခြင်းဟူသော အချက်ပင်ဖြစ်သည်။
🚨ဤပုဒ်မအရ ပြစ်ဒဏ်စီရင်နိုင်ရန် အောက်ပါအင်္ဂါရပ်များရှိရန်လိုအပ်သည်။
🔴တရားခံသည် အမျိုးသမီးနှင့် တရားဝင်ထိမ်းမြားမှုမရှိခြင်း။
🔴တရားခံကအမျိုးသမီးအားတရားဝင်လက်ထပ်ခဲ့သည်ဟု လှည့်ဖြားယုံကြည်စေခြင်း။
🔴ယင်းသို့ယုံကြည်စေသဖြင့် အမျိုးသမီးက ကာမစက်ယှက်ခွင့်ပြုခြင်း။
🔴တရားခံကအမျိုးသမီးအား ကာမစက်ယှက်ခဲ့ခြင်း။
📖ကျင့်ထုံး။ ။ဤပုဒ်မ ၄၉၃သည် ရဲအရေးမပိုင်၊ကနဦးကပင်ဝရမ်းထုတ်ဆင့်ဖမ်းဆီးနိုင်သည်၊အာမခံမပေးနိုင်၊ကျေအေးခွင့်မရှိ၊ခရိုင်တရားရုံးကစစ်ဆေးစီရင်နိုင်သည်။
ပုဒ်မ ၄၉၃နှင့်စပ်လျဥ်း၍ နစ်နာသူ၏တိုင်တန်းချက်မဟုတ်လျှင် မည်သည့်တရားရုံးကမျှအရေးမယူရ၊၊နစ်နာသူကငယ်ရွယ်သူ၊စိတ်ပေါ့သွပ်သူ၊ဖျားနာသူ၊မသန်စွမ်းသူဖြစ်၍ကိုယ်တိုင်မတိုင်ကြားနိုင်ပါက အခြားသူတစ်ဦးဦးကတရားရုံး၏ခွင့်ပြုချက်ဖြင့် တိုင်တန်းနိုင်သည်။(ရာဇဝတ်ကျင့်ထုံးဥပဒေပုဒ်မ ၁၉၈)
⚖️နည်းလမ်းမကျသော ထိမ်းမြားခြင်းမှာ တရားမဝင်သောထိမ်းမြားခြင်းမဟုတ်သည့်ကိစ္စနှင့်စပ်လျဥ်း၍
ဦးဖိုးစိန်(ခ)ဟူဆင်ဟာမက်နှင့်ပြည်ထောင်စုဆိုရှယ်လစ်သမ္မတမြန်မာနိုင်ငံတော် ၂၊မခင်ဝင်း၊ ၁၉၈၃ မတစ ၁၂၈ အမှုတွင်
`` မဟာမေဒင်ဥပဒေအရ မဟာမေဒင်ယောက်ျား၂ဦး ရှေ့မှောက်တွင်ထိမ်းမြားလက်ထပ်ရမည်ဖြစ်သည်။ဤအမှုတွင်ဗလီဆရာတစ်ဦးတည်းရှေ့၌ထိမ်းမြားခဲ့ခြင်းဖြစ်၍ မခင်ဝင်းနှင့်ဦးဖိုးစိန်တို့ထိမ်းမြားမှုမှာနည်းလမ်းမကျချေ။သို့ရာတွင် မဟာမေဒင်ဥပဒေအရ နည်းလမ်းမကျသောထိမ်းမြားမှုသည် တရားမဝင်သောထိမ်းမြားမှုမဟုတ်။သို့ဖြစ်၍ ပုဒ်မ ၄၉၃အရပြစ်မှုမမြောက်။´´ ဟုစီရင်ဆုံးဖြတ်ထားပါသည်။
--------------------------------------
📚ကိုးကား📚
📙ရာဇသတ်ကြီး
📔ရာဇဝတ်ကျင့်ထုံးဥပဒေ
📓ပြစ်မှုဆိုင်ရာဥပဒေ၏သိကောင်းစရာများ
📘ရာဇသတ်ကြီးဋီကာ
---------------------------------------
ယခုကဲ့သို့ကျွန်တော့်၏ရေးသားမှုများသည် ဥပဒေနှင့်အလှမ်းဝေးကွာသောသာမာန်ပြည်သူများအခြားနယ်ပယ်မှသူများ ဥပဒေအသိပညာဗဟုသုတရရှိရန်အတွက်သာရည်ရွယ်ပါသည်။ဥပဒေပညာရှင်များ ဥပဒေပညာသင်ကြားနေသူများအနေဖြင့်ကျွန်တော်၏ရေးသားမှုများထဲတွင်အမှားတစ်စုံတစ်ရာပါရှိပါက ခွင့်လွှတ်ပေးပြီးအမှားကိုထောက်ပြပြင်ဆင်ပေးကြပါလို့မေတ္တာရပ်ခံအပ်ပါသည်။

#စီနီယာဂျူနီယာများအားအစဥ်လေးစားလျှက်
စည်သူထွန်း(fourth year LL.B)
ရန်ကုန်အရှေ့ပိုင်းတက္ကသိုလ်