04/08/2025
“ပိုင်ဆိုင်မှု အမည်ပေါက် ပြောင်းဖြစ်အောင် ပြောင်းပါ”
အိမ်ခြံမြေတွေ ဝယ်ယူကြတဲ့အခါမှာ အများစုက မိမိတို့ဝယ်ယူလိုက်တဲ့ အိမ်ခြံမြေ ပိုင်ဆိုင်မှုတွေကို အမည်ပေါက် ပြောင်းဖို့ လက်နှေးနေကြတယ် ၊ ဝန်လေးနေကြတယ်။ ငွေကုန်မှာ ကြောက်ကြတယ်။
တချို့ဆိုရင် ဝယ်ယူပြီး နေထိုင်သည့်ကာလ နှစ်ပေါင်း ၃၀ ကျော်သည်အထိ အမည်ပေါက် မလုပ်ကြသေးဘူး။
ဘာကြောင့် အမည်ပေါက် မပြောင်းကြတာလဲ?
အခွန်ဆောင်ရမှာကို ကြောက်နေကြတယ်..။ အချိန်ကုန် တယ် ထင်ကြတယ်...ဒါဟာ နောက်ပိုင်းမှာ ပြဿနာတွေ အကြီးကြီး တက်နိုင်ပါတယ်။
ကျွန်တော့်ထံကို ဆက်သွယ်လာသည့် တဦးအကြောင်း ပြောပြမယ်....။
မန္တလေးမှာရှိတဲ့ အဘိုးကြီး အဖွားကြီး နှစ်ဦးဟာ လွန်ခဲ့သော နှစ်ပေါင်း ၃၀ ကျော်က ခြံ တစ်ကွက်ဝယ်ပြီးနေထိုင်ခဲ့ကြသည်မှာ ယနေ့တိုင် ဖြစ်သည်လို့သီရပါတယ်...။ သူတို့ဝယ်ပြီး နေထိုင်လာခဲ့ကြတဲ့ ခြံကို အမည်ပေါက် မပြောင်းခဲ့ကြဘူးလို့လည်း သိရပါတယ်...။
အမည်ပေါက် မပြောင်းပဲ ထားခဲ့ကြသည့် အချိန်တွေကြာတော့, ခုမှ ထပြီး အမည်ပေါက် ပြောင်းဖို့ လုပ်တဲ့ အချိန်မှာ.တော့ ဥပဒေ တတ်ကျွမ်းသည့် ဥပဒေ ပညာရှင်ကို အလုပ် အပ်ခဲ့ကြသည်ပေါ့။
ထိုပညာရှင်ကလည်း စာချုပ်တွေ အဆင့်ဆင့်တွေ အလုပ်ပိုလာနိုင်တယ်ဆိုတဲ့ အထင်နှင့်စာချုပ်စာတမ်းတွေကိုတဆင့်ခြင်း အစဉ်အဆက်မလုပ်တော့ဘဲ ရောင်းသူ-ဝယ်သူ တိုက်ရိုက်လုပ်ပြီး တဖက်သတ် အနိုင်ဒီဂရီနှင့် လုပ်ဖို့အတွက် ကန့်ကွက်စာ ထုတ်လိုက်တဲ့အချိန်မှာ မူလ အမည်ပေါက် ရောင်းချလိုက်တဲ့သူက သူတို့ရောင်းလိုက် တာ ဒီလူတွေကို မရောင်းထားပါဘူးဆိုပြီး... ထ, ကန့်ကွက်တော့တာ,ပါပဲ..။
တကယ်တော့.... အဲ ဒီလို မဖြစ်သင့်ပါဘူး။
ခုတော့ အဘိုးကြီး အဖွားကြီး အသက်ကြီးမှ တရားရုံးမှာ ရင်ဆိုင်ကြရတော့မယ်။ ဟိုက တရားစွဲပြီ ဆိုတဲ့အဆင့်ထိ ဖြစ်လာကြပြီ။
တကယ်တော့ တရားခံက ဘယ်သူလဲ...။
ဘယ်သူမပြု မိမိ မှုဆိုသလိုပါပဲ..။ အဲဒါ ဝယ်ပြီး အမည်ပေါက် မပြောင်းခဲ့ခြင်းရဲ့ နောက်ဆက်တွဲ ရောဂါတွေပါပဲ။ အလုပ်ရှုပ်တယ်ထင်ပြီး အမည်ပေါက် မပြောင်းခဲ့ခြင်းရဲ့အကျိုးဆက်ဆိုရင်လည်း မမှားနိုင်။
ဒါကြောင့် အိမ်ခြံမြေ ဝယ်ပြီးတဲ့ အခါမှာ-သားစဉ်မြေးဆက် စိတ်အေးချမ်းစွာ နေထိုင်နိုင်ဖို့အတွက်. -ဝယ်ယူပြီးသော အိမ်ခြံမြေ များကို - အမည်ပေါက် ပြောင်းထားဖို့ မမေ့ကြပါနှင့််လို့ အကြံပြုလိုက်ပါတယ်..။
Credit
