Law For All

Law For All Contact information, map and directions, contact form, opening hours, services, ratings, photos, videos and announcements from Law For All, Lawyer & Law Firm, Yangon.

19/02/2026

ဇာရီမှု မှာအရစ်ကျပေးဆပ်ဘို့လျှောက်ထားရန်နှင်ကာလစည်းကမ်းသတ်
ဇာရီမှုမှာအရစ်ကျပေးဆပ်ဘို့လျှောက်ထားတဲ့
အခါ ဘယ်အရလျှောက်ထားရမှာလည်းဆိုတာသိ
ထားဘို့လိုပါတယ်။တစ်ခါတစ်လေတွေ့ရတာရှိပါတယ်။ ဒီကရီကျငွေအား အရစ်ကျပေးဆပ်ခွင့်ပြုပါ
ရန်လျှောက်ထားခြင်းဆိုတာမျိုးပါ။အဲလိုမျိုးတော့
မဖြစ်သင့်ပါဘူး။ဥပဒေမသိတဲ့သူလျှောက်ထားတာ
မျိုးဖြစ်နေပါတယ်။ရုံးကလည်းအထင်သေးနိုင်ပါ
တယ်။လျှောက်ပြီဆိုရင် ပုဒ်မဘယ်လောက်အရ၊ဘယ်အမိန့် ဘယ်နည်းဥပဒေအရလျှောက်ထားတယ် ဆိုတာမျိုးဖြစ်သင့်ပါတယ်။
ဇာရီမှု မှာဒီကရီကျငွေကို အရစ်ကျပေးသွင်း
ခွင့်ပြုဘို့လျှောက်ထားလိုတဲ့အခါမှာ တရားမကျင့်
ထုံးဥပဒေ အမိန့် ၂၀ နည်း ၁၁(၂)အရလျှောက်ထာ
ရမှာဖြစ်ပါတယ်။ တရားမကျင့်ထုံးဥပဒေ အမိန့် ၂၀
နည်း ၁၁ (၂)အရ ဒီကရီကျငွေအား အရစ်ကျပေး
ဆောင်ခွင့်ပြုပါရန် လျှောက်ထားခြင်းဆိုတာမျိုး
ဖြစ်သင့်ပါတယ်။
ဒီကရီ ကျငွေကိုအရစ်ကျပေးဆပ်ဘို့လျှောက်
ထားတဲ့အခါကာလစည်းကမ်းသတ်ဘယ်လောက်
အတွင်းမှာလျှောက်ထားရမှာလည်းဆိုတဲ့ကိစ္စမှာ
၆ လအတွင်းလျှောက်ထားရမှာလို့အကြမ်းပြင်းသိ
ထားလို့မရပါဘူး။တိတိကျကျသိထားဘို့လိုပါလိမ့်
မယ်။တိတိကျကျသိမထားဘူးဆိုရင် ကိုယ်ကိုယ်
တိုင်လည်းမှားနိုင်သလို သူများမှားလာရင်လည်း
ကိုယ်က သိမှာမဟုတ်ပါဘူး။
ဒီကရီကျငွေကိုအရစ်ကျပေးဆပ်ဘို့ ကာလ
စည်းကမ်းသတ်ကိုဘယ်အချိန်ကစတင်ရေတွက်ရ
မှာလည်းဆိုတာက စသိထားရမှာပါ။တစ်ချို့က
ဇာရီမှုဖွင့်တဲ့အချိန်ကစပြီးရေတွက်ရမှာလို့ထင်နေ
တတ်ကြပါတယ်။ တစ်ကယ်အစစ်အမှန်ရေတွက်
ရမှာက ဒီကရီချမှတ်တဲ့အချိန်ကစတင်ရေတွက်ရ
မှာဖြစ်ပါတယ်။ ဒီလိုသိထားမှကိုယ်တိုင်လည်းမမှား
သလို သူများမှားလာရင်လည်းမှားနေပြီလို့သိမှာဖြစ်
ပါတယ်။
ဒီအချက်နဲ့ပတ်သက်ပြီးတော့ မောင်ဘုဒင်
(ခေါ်)မောင်ဘဒင် နှင့် ဦးခင်မောင် ၁၉၆၅ခုနှစ်
မ တ စ စာ ၁၉၂ စီရင်ထုံးမှာ စည်းကမ်းသတ်ဥပဒေ
အပိုဒ် ၁၇၅ တွင် ဒီကရီ ငွေကိုအရစ်ကျ ပေးဆောင်
ခြင်းပြုရန်မှာဒီကရီချမှတ်သောနေ့မှ ၆ လအတွင်း
လျှောက်ထားရန်ပြဌာန်းထားသည်။ဒီကရီချမှတ်သောနေ့ဆိုသည်မှာ အယူခံမရှိခဲ့လျှင် အောက်မူလ
ရုံးကချမှတ်သောနေ့ဖြစ်၍ အယူခံရှိလျှင် အယူခံရုံး
က အမိန့်ဒီကရီချမှတ်သောနေ့ဖြစ်သည်လိုထုံးဖွဲ့ထားပါတယ်။
Crd

04/02/2026

#ကန့်ကွက်နိုင်ကြောင်းသတင်းစာကြော်ငြာဆိုတာ

မေး။ အိမ်ခြံမြေအရောင်းအ၀ယ်ကိစ္စတွေနဲ့ပတ်သက်ပြီး သတင်းစာတွေမှာ အထောက်အထားခိုင်ခိုင်လုံလုံနဲ့ (၇) ရက်အတွင်း (၁၄) ရက်အတွင်း ကန့်ကွက်နိုင်ကြောင်း၊ မကန့်ကွက်ရင် ဥပဒေနဲ့အညီ အရောင်းအ၀ယ်ကိုဆက် လုပ်သွားမှာဖြစ်ကြောင်း ကြေညာချက်တွေကိုမကြာခဏဖတ်ရပါတယ်။

တကယ်လို့များ ဥပဒေအရပိုင်ဆိုင် ခွင့်ရှိသူတစ်ယောက်ယောက်က ဒီကြော်ငြာကို မဖတ်ဖြစ်လို့ ဒါမှမဟုတ် တစ်နယ်တစ်ကျေးရောက်နေလို့ အရောင်းအ၀ယ်ဖြစ်ပြီးမှ ကန့်ကွက်မယ်ဆိုရင် တရားမ၀င်တော့ဘူးလား။၀ယ်ထားပြီးသူကို တရားစွဲရမှာလား ။ ရောင်းလိုက်တဲ့ အမွေဆိုင်ရောတရားစွဲရမှာလား ဆိုတာ သိလိုပါတယ်❓❓

ဖြေ။ ဒါမျိုးက ပြဿနာဖြစ်တတ်ပါတယ်။
ဆိုကြပါစို့၊ မိဘက ဆုံးသွားတဲ့ အခါမှာ သားသမီးနှစ်ယောက် ကျန်ခဲ့တယ်။ နှစ်ယောက်ရှိတာမှာ ဒီအမွေကို သူတစ်ဦးတည်း ပိုင်ပါတယ်လို့ ကျမ်းကျိန်လွာ ဖန်တီးပြီး အခြားတစ် ယောက်ကို ရောင်းမယ်ဆိုရင် သက်ဆိုင်ရာ စည်ပင်သာယာက မြေပိုင်မြေယာဆိုရင် ကူးတဲ့အခါမှာ ကန့်ကွက် ရန်ရှိ၊မရှိဆိုတာ သတင်းစာမှာ ကြေညာလေ့ရှိပါတယ်။

ဒီတော့ ကျန်တဲ့ တစ်ယောက်က သူလည်းပိုင်ဆိုင်တဲ့ အမွေ ဆိုတော့ ဒီကိစ္စနဲ့ ပတ်သက်ပြီး လေ့လာရမယ်။ ဘာပဲဖြစ်ဖြစ် ကိုယ့်ကိစ္စဆိုတော့ သတိထားရတာပေါ့။ ကန့်ကွက်ရန်ရှိ၊မရှိလို့ ကြေညာတဲ့အချိန်မှာ သူက မကန့်ကွက်ဘူးဆိုရင် အရောင်းအဝယ် ဆက်ဖြစ်နေပါမယ်။

ဒီလိုဆိုရင် နောက်ကျမှ ဒီကိစ္စကိုသိတော့မှာပေါ့၊
နောက်မှသိတော့လည်းရပါတယ်။
ဒီစာချုပ်ကို ပျက်ပြယ်ကြောင်း ဖျက်သိမ်းပေးဖို့ ဆိုပြီး တရားစွဲရပါတယ်။
စွဲပြီဆိုရင် ကာလစည်းကမ်းသတ်က ပါလာပါပြီ။ ကန့်ကွက် ကြောင်းသတင်းစာမှာပါတဲ့ အချိန်ကစပြီး ၃ နှစ်အတွင်းမှာ ဒီစာချုပ်ဖျက်သိမ်း ပေးစေလိုမှုနဲ့ တရားစွဲချင်ရင် အချိန်မှီပါတယ်။

#ကာလစည်းကမ်းသတ်ကျော်မှ တရားစွဲမယ်ဆိုရင်တော့ ကိုယ့်အခွင့်အရေး ဆုံးရှုံးသွားပါပြီ။
ဒါကြောင့် ကိုယ့်မှာ ပစ္စည်းရှိတယ်ဆိုရင်တော့ အမြဲလေ့လာ ဖတ်ရှုနေရပါမယ်။
မသိလိုက်ရင်လည်း ကာလ စည်းကမ်းသတ်နဲ့ သတ်မှတ်ထားတဲ့ ကာလမှာ စွဲလို့ ရပါတယ်လို့ ဖြေကြားပေးချင်ပါတယ်။

- #ဦးကျော်ဇေယျ-ဥပဒေပညာရှင်အားလေးစားစွာ
Credit ပေးပါသည်။🙏
ပြန်လည်ကူးယူဖော်ပြခြင်းဖြစ်ပါသည်
ကျေးဇူးတင်ပါတယ်ရှင့်

28/01/2026

#သရေဖျက်မှု(3)မျိုး-

1)တည်မြဲတဲ့နည်းနဲ့(libel)
ဥပမာ-သတင်းစာမှကြေညာခြင်း။

2)မတည်မြဲတဲ့နည်းနဲ့(Slander)
ဥပမာ။နှုတ်ထွက်စကားနဲ့ပြောခြင်း၊

3)နှစ်နည်းလုံးနဲ့အသရေဖျက်မှု
(Defamation)
နှုတ်ထွက်စကား၊အမှတ်အသား၊မြင်သာနိုင်တဲ့ရှင်းလင်းတင်ဆက်မှုပုံသဏ္ဍန်အစရှိတာတစ်ခုခုကိုအသုံးပြုပြီး၊တစ်ယောက်ယောက်ရဲ့ဂုဏ်သရေကို နစ်နာစေဖို့ဆိုတဲ့အကြံနဲ့ပဲဖြစ်ဖြစ်၊သက်ဆိုင်သူရဲ့ဂုဏ်သရေကို နစ်နာစေမယ်လိုသိလျက်နဲ့ပဲဖြစ်ဖြစ် စွပ်စွဲချက်တစ်ခုခုကိုပြုလျှင်(သို့)ကြေညာလျှင်အသရေဖျက်တာဖြစ်ပါတယ်။

*မြန်မာနိုင်ငံမှာတော့အသရေဖျက်မှုနဲ့ပတ်သက်လာရင်ယေဘူယျသဘောနဲ့အသရေဖျက်မှုနဲ့တရားစွဲဆိုလေ့ရှိပါတယ်။
*စွဲဆိုရာမှာလည်းများသောအားဖြင့်ပြစ်မှုဆိုင်ရာဥပဒေပုဒ်မ-499နဲ့စွဲတတ်လေ့ရှိပြီး
တရားမနစ်နာမှုဆိုင်ရာအသရေဖျက်မှုနဲ့စွဲဆိုတဲ့အလေ့အထနည်းပါတယ်။

#အသရေဖျက်မှုမြောက်ရန်-

1)တစ်ဦးတစ်ယောက်သောသူရဲ့အသရေကိုကျဆင်းစေတယ်၊ပျက်ပျယ်စေတယ်။
2)နစ်နာသူကိုရည်ညွှန်းတယ်။
3)ကြေညာခဲ့တယ်။
4)နစ်နာသူနဲ့ပတ်သက်တဲ့အကြောင်းအချက်သည်မမှန်တဲ့အချက်အလက်တွေဖြစ်နေတယ်။
စတဲ့အဂ်ါ-(4)ချက်နဲ့ပြည့်စုံမှအသရေဖျက်မှုမြောက်ပါတယ်။

#ပြစ်မှုဆိုင်ရာဥပဒေပုဒ်မ-499
မည်သူမဆို၊နှုတ်ဖြင့်ဖြစ်စေ၊အမှတ်အသားဖြင့်ဖြစ်စေ၊ထင်ရှားသောပုံသဏ္ဍန်ဖြင့်ဖြစ်စေ၊လူတစ်ဦးတစ်ယောက်၏ အသရေကိုနစ်နာစေရန်အကြံဖြင့်သော်လည်းကောင်း၊ထိုသူနှင့်စပ်လျဥ်းသော စွပ်စွဲခြင်းသည် ထိုသူ၏အသရေကို နစ်နာစေမည်ဟုသိလျက်နှင့်သော်လည်းကောင်း၊ထိုသို့ယုံကြည်ရန်အကြောင်းရှိလျက်နှင့်သော်လည်းကောင်း ထိုသူနှင့်စပ်လျဥ်းသော စွပ်စွဲချက်ကိုပြုလျှင်သို့တည်းမဟုတ် ကြေညာလျှင်အောက်ပါကင်းလွတ်ချက်မှတစ်ပါးအဆိုပါလူ၏အသရေကိုဖျက်သည်မည်၏။

#အသရေဖျက်မှုမမြောက်နိုင်တဲ့ကင်းလွတ်ချက်များ

1)အများပြည်သူရဲ့အကျိုးအတွက်မှန်ကန်တဲ့အကြောင်းအရာကိုပြောဆိုတာ။
2)ပြည်သူ့ဝန်ထမ်းရဲ့ဝတ္တရားကိုဆောင်ရွက်တာ။
3)အများပြည်သူ့ပြဿနာတစ်ခုမှာတစ်စုံတစ်ယောက်ရဲ့အကျင့်စာရိတ္တနဲ့ပတ်သက်လို့ထင်မြင်ချက်ပေးတာ။
4)တရားရုံးရဲ့မှုခင်းဆောင်ရွက်ချက်တွေနဲ့အမိန့်စီရင်ချက်တွေကိုမှန်ကန်စွာကြေညာမှုပြုတာ။
5)တရားရုံးမှုခင်းတွေမှာ ပါဝင်တဲ့အမှုသည်၊ကိုယ်စားလှယ်နဲ့သက်သေတွေရဲ့အပြုအမူ၊အကျင့်စာရိတ္တနဲ့ပတ်သက်လို့သဘောရိုးအားဖြင့်ထင်မြင်ချက်ပေးတာ။
6)စာရေးဆရာတစ်ယောက်ကို သဘောရိုးနဲ့ဝေဖန်တာ။
7)အခွင့်အာဏာရှိသူတစ်ယောက်ကဥပဒေနဲ့အညီအပြစ်ဆိုတာ။
8)အခွင့်အာဏာရှိသူတစ်ယောက်ထံ အခြားသူတစ်ယောက်ယောက်အကြောင်းကိုဥပဒေနဲ့အညီစွပ်စွဲပြောဆိုတာ။
8)အခွင့်အာဏာရှိသူတစ်ယောက်ထံ အခြားသူတစ်ယောက်ယောက်အကြောင်းကိုဥပဒေနဲ့အညီစွပ်စွဲပြောဆိုတာ။
9)မိမိအကျိုး၊သူတပါးအကျိုးဒါမှမဟုတ်အများပြည်သူအကျိုးအတွက်ကာကွယ်စွပ်စွဲတာ
10)သူတပါးအကျိုးဒါမှမဟုတ်အများပြည်သူအကျိုးအတွက်သတိပေးတာ။

#ပုဒ်မ500
မည်သူမဆိုအခြားသူတစ်ဦးဦး၏အသရေကိုဖျက်လျှင်ထိုသူကိုနှစ်နှစ်ထိအလုပ်မဲ့ထောင်ဒဏ်ဖြစ်စေ၊ငွေဒဏ်ဖြစ်စေ၊ဒဏ်နှစ်ရပ်လုံးဖြစ်စေချမှတ်ရမည်။

***
အသရေဖျက်မှုကို ပြစ်မှုဆိုင်ရာပုဒ်မအရပြစ်ဒဏ်ခံရပြီးနောက်ပိုင်းတွင်ဖြစ်စေ၊ပြစ်မှုတစ်စုံတရာဖြင့်တိုင်တန်းသည့်အမှုတွင် စွပ်စွဲခံရသူမှတရားသေလွတ်မြောက်ပြီးအမှုမှာလီဆည်မှုအမျိုးအစားသတ်မှတ်သည့်အခါတွင်ဖြစ်စေနစ်နာမှုအတွက်လျော်ကြေးတောင်းဆိုသည့်အမှုများကြုံတတ်ပါသည်။

*လူတိုင်းမှာ တရားဥပဒေကအသိအမှတ်ပြုထားတဲ့အခွင့်အရေးရှိတယ်။
*အဲဒီအခွင့်အရေးတွေဖောက်ဖျက်ခံရရင် ကုစားမှုရှိရမှာဖြစ်တယ်။
*ဒါကြောင့်ဒီလိုကုစားမှုရှိနိုင်ဖို့အတွက်ဥပဒေဆိုင်ရာအခွင့်အရေးဖြစ်ဖို့လည်းလိုပါတယ်။
*ဒီတော့
လူတစ်ဦးတစ်ယောက်ကိုဖြစ်ဖြစ်၊အဲဒီလူရဲ့ပစ္စည်းကိုဖြစ်ဖြစ်၊ဂုဏ်သတင်းကိုဖြစ်ဖြစ်၊ထိပါးခံရပြီးဆိုရင်အဲဒီနစ်နာသူအနေနဲ့ တရားဥပဒေက ခွင့်ပြုတဲ့အတိုင်းအတာထိတော့ကုစားမှုရှိရမှာဖြစ်တယ်။

Crd:မြန်မာဥပဒေလက်စွဲ

08/01/2026

ဘိုးဘွားပိုင်မြေကို အမည်ပြောင်းတဲ့အခါ တရားဝင်ဖို့လုပ်ရမယ့် အချက်များ

ဘိုးဘွားပိုင်မြေဆိုတာဟာ ဘိုးစဉ်ဘောင်ဆက် အမွေ ဓားမဦးချ ဆက်ခံနေထိုင်လာကြတဲ့မြေဖြစ်ပြီး ဥပဒေအရ ပြောရရင်လည်း ဥပဒေပုဒ်မ (၄)၊ ပုဒ်မ ခွဲ (၁၀) အရ ဘိုးဘွားမိဘလက်ထက်ကတည်းက ပိုင်ဆိုင်လာတဲ့၊ လွှဲပြောင်းဆက်ခံခွင့်ရှိတဲ့ မြေအမျိုး အစားဖြစ်ပါတယ်။ ဘိုးဘွားပိုင်မြေတွေဟာ အိမ်ခြံမြေလောကမှာ လူကြိုက်များပြီး ဈေးလည်းကောင်းပါတယ်။

ဒီနေ့ခေတ် အခြေအနေအရ အခြားမြေတွေဖြစ်တဲ့ လယ်မြေ၊ ယာမြေ၊ လိုင်စင်မြေ၊ ပါမစ်မြေ၊ မြေငှားဂရမ်မြေ၊ ကျူးကျော်မြေ၊ မြို့ကွက်မြေပုံ၊ မြို့မြေစာရင်း၊ အခွန်လွတ် သာသနာ့မြေ၊ အခွန်လွတ်ဗဒ္ဓသိမ်မြေ စတဲ့ မြေတွေထက် ဘိုးဘွားပိုင်မြေဟာ ခိုင်မာမှု ရှိနေဆဲပါ။

ဘိုးဘွားပိုင်မြေကို အမွေဆက်ခံရခြင်းကြောင့်ဖြစ်စေ၊ ရောင်းချဝယ်ယူလိုက်ခြင်းကြောင့်ဖြစ်စေ အမည်ပြောင်းလဲမှုတွေ လုပ်ရပါတယ်။ အမည်ပြောင်းလဲမှုအတွက် ဘယ်လိုလျှောက်ထားရမလဲဆိုတာ ဗဟုသုတရစေဖို့ ဖော်ပြလိုက်ပါတယ်။

ဘိုးဘွားပိုင်မြေကို အမည်ပြောင်း လျှောက်ထားတဲ့အခါ အောက်ပါအတိုင်း အမျိုးအစားခွဲပါတယ်။

- အမည်ပြောင်း
- ဦးပိုင်းအမည်ပြောင်း ( ဦးပိုင်တစ်ခုကို ခွဲစိတ်ပြီး အမည်ပြောင်း လျှောက်ထားခြင်း )
- အမည်ဖြည့်စွက်ခြင်း (မူလအမည်ပေါက်အပြင် နောက်ထပ် လူတစ်ဦး၊ နှစ်ဦးကို ပိုင်ဆိုင်သူအဖြစ် ထပ်ထည့်ခြင်း)
- အမည်ပယ်ဖျက်ခြင်း (မူလနှစ်ဦး၊ သုံးဦး အမည်ပေါက်မှ တစ်ဦးဦးကို ပယ်ဖျက်ပေးဖို့ လျှောက်ထားခြင်း)

ဘိုးဘွားပိုင်မြေ အမည်ပြောင်းလျှောက်ထားရာမှာ အောက်ဖော်ပြပါ စာချုပ်စာတမ်းနဲ့ အထောက်အထားများ လိုအပ်ပါတယ်။

- လျှောက်ထားသူရဲ့ မှတ်ပုံတင် မိတ္တူမှန်
- မြေပုံ၊ မြေရာဇဝင်မူရင်း
- အမွေဆက်ခံခြင်း ဖြစ်ပါက အဆင့်ဆင့် အမွေဆက်ခံမှု စာချုပ်စာတမ်း၊ မိတ္တူ
- အရောင်းအဝယ် ဖြစ်ပါက အဆင့်ဆင့် အရောင်းအဝယ်ပြုလုပ်သည့် မှတ်ပုံတင်စာချုပ် မိတ္တူမှန်
- တရားရုံး ဒီဂရီ (သို့မဟုတ်) တရာမပုံစံ (၁၀၆)၊ တရားရုံးမှ အမည်ပြောင်းပေးရန် အကြောင်းကြားစာ
- အမည်ပေါက် သေဆုံးပါက သေစာရင်း မိတ္တူမှန်
- အိမ်ထောင်စုဇယား မိတ္တူမှန်
- အဆောက်အဦး ဓာတ်ပုံ
- ရပ်ကွက်အုပ်ချုပ်ရေးမှူး ထောက်ခံချက်

အထက်ဖော်ပြပါ အထောက်အထားတွေနဲ့ အမှုတွဲ တည်ဆောက်ပြီး သတင်းစာမှာ ထည့်ကြော်ငြာရပါမယ်။ ကြောငြာလို့ ကန့်ကွတ်မှု အရှုပ်အရှင်း မရှိရင်တော့ ၁ လ အတွင်း အမည်ပေါက် ဆောင်ရွက်နိုင်ပြီ ဖြစ်ပါတယ်။

ဒီအချက်အလက်တွေကတော့ အိမ်ခြံမြေဥပဒေရေးရာ ဖော်ပြချက်များထဲမှ ကောက်နုတ်ဖော်ပြခြင်းဖြစ်ပါတယ်။

စာဖတ်သူ မိတ်ဆွေများအားလုံး အိမ်ကောင်း၊ မြေကောင်းများ ပိုင်ဆိုင်ရပါစေကြောင်း ဆုမွန်ကောင်း တောင်းလိုက်ပါတယ်။

07/12/2025

ကွာရှင်းပြီးနောက် ပစ္စည်းတွေ ဘယ်လိုခွဲကြမှာလဲ ?

လင်မယားကွာရှင်းကြပြီး နောက်ဆက်တွဲပြဿနာကတော့ ပစ္စည်းခွဲဝေခြင်းပါပဲ။ တရားရုံးအထိ မရောက်ပဲ နှစ်ဘက်ပြေလည်အောင် မျှတစွာစီမံခွဲဝေနိုင်လျှင် အချိန်ကုန် ၊ ငွေကုန်သက်သာပြီး ပိုအဆင်ပြေနိုင်မှာ ဖြစ်ပါတယ် ။

ပစ္စည်းတွေ ခွဲဝေဖို့အတွက်ဆိုရင် လင်နှင့်မယားတို့ လင်ခန်းမယားခန်း တည်မြဲနေချိန်တွင် မိမိ၏ဝေစုကို သီးခြားခွဲဝေပေးရန် မည်သူမျှ တရားစွဲဆို တောင်းပိုင်ခွင့်မရှိပါဘူး ။

တကယ်တမ်း လင်မယားကွာရှင်း၍ ပစ္စည်းခွဲဝေရန်အကြောင်းပေါ်ပေါက်လာမယ်ဆိုရင် ..

နှစ်ဦးသဘောတူကွာရှင်းခြင်းလား
အိမ်ထောင်ရေးပြစ်မှုကြောင့်
ကွာရှင်းခြင်းလား
ငယ်လင်ငယ်မယားလား
အိမ်ထောင်ကြီးလား
နိဿယနှင့်နိဿတ သဘောလား
ခွဲမည့်ပစ္စည်းများသည် အမွေရပစ္စည်းလား
ပါရင်းပစ္စည်းလား
အထက်ပါပစ္စည်းလား
လက်ထပ်ပွားပစ္စည်းလား
ဆိုတာတွေကိုအခြေပြုပြီး ပစ္စည်းခွဲဝေဖို့ ဆုံးဖြတ်ကြရတာဖြစ်ပါတယ် ။

ပထမဆုံးအနေနဲ့ အိမ်ထောင်မှု အမျိုးမျိုးနဲ့ ပစ္စည်းသတ်မှတ်ပုံများကို လေ့လာဖတ်ရူကြည့်ကြစေလိုပါတယ် ။

ငယ်လင်ငယ်မယား"ဆိုသည်မှာ _

လက်ထပ်စဉ်က လူပျိုအပျိုအဖြစ် ထိမ်းမြားသူများဖြစ်လျှင် (သို့) တစ်ဦးကအိမ်ထောင်ပြုဖူးသူဖြစ်သော်လည်း ကျန်တစ်ဦးက အပျိုလူပျိုအဖြစ်ထိမ်းမြားလျှင် ငယ်လင်ငယ်မယားဟုခေါ်ပါသည်။ ငယ်လင်ငယ်မယားတို့ကွာရှင်းပြီး နောက်ပြန်၍ ပေါင်းသင်းလျှင် ငယ်လင်ငယ်မယားပင်ဖြစ်သည်။

"အိမ်ထောင်ကြီး"ဆိုသည်မှာ _

လင်ရောမယားပါအိမ်ထောင်ပြုဖူးကြသူများဖြစ်ကြပြီး အိမ်ထောင်အဖြစ် ထိမ်းမြားကြခြင်းဖြစ်လျှင် အိမ်ထောင်ကြီးဟုခေါ်သည်။

"နိဿယနှင့်နိဿတ"ဆိုသည်မှာ _

ကြိုးပမ်းရှာဖွေမှုဖြင့်ရရှိသည်ဖြစ်စေ၊ ကုသိုလ်ကံဖြင့်အမွေရရှိသည်ဖြစ်စေ၊ ပစ္စည်းရရှိသူကို နိဿယ (ထောက်ပံ့သူ)ဟုခေါ်သည်။ ထိုသူ၏ ကုသိုလ်ကံတရား (သို့) ကြိုးပမ်းမှုကို မှီခိုနေရသူကို နိဿိတ (မှီခိုသူ)ဟု ခေါ်သည်။လင်မယားကွာရှင်း၍ ပစ္စည်းခွဲဝေရေး၌ နိဿယက (၃)ပုံ ၊ (၂)ပုံ ရပြီး နိဿိတက (၃)ပုံ၊ (၁)ပုံ ရခွင့်ရှိသည်။

ပါရင်းပစ္စည်း"ဆိုသည်မှာ _

လင်ဖြစ်စေ၊ မယားဖြစ်စေ ထိမ်းမြားလက်ထပ်ခြင်းမပြုမီအချိန်က ပိုင်ဆိုင်ခဲ့သည့်ပစ္စည်းကိုလည်းကောင်း၊ ဒုတိယအိမ်ထောင်သည်များအဖို့ ပထမအိမ်ထောင်မှရသည့်ပစ္စည်းနှင့် ပထမအိမ်ထောင်နှင့်ပြတ်စဲပြီး ဒုတိယအိမ်ထောင်မပြုမီ ရသည့်ပစ္စည်းအားလုံးကိုလည်းကောင်း ဆိုလိုသည်။

အကြင်လင်မယားအဖြစ် လက်ထပ်ပေါင်းသင်းသည်နှင့်တပြိုင်နက် တစ်ဦး၏ပါရင်းပစ္စည်းတွင် ၎င်း၏ဇနီး (သို့) ခင်ပွန်းက (၃)ပုံ၊ (၁)ပုံ အကျိုးခံစားခွင့်အလိုအလျောက်ရရှိသည်။ ပါရင်းပစ္စည်းယူဆောင်လာသူက (၃)ပုံ၊ (၂)ပုံ ရရှိသည်။

အထက်ပါပစ္စည်း"ဆိုသည်မှာ _

အိမ်ထောင်ကျပြီးသူ ယောကျာ်း (သို့) မိန်းမ၏ အိမ်ထောင်ဟောင်းမှ အိမ်ထောင်သစ်သို့ ပါလာသောပစ္စည်းကို ဆိုလိုသည်။ တစ်နည်းအားဖြင့် ပါရင်းပစ္စည်း တစ်မျိုးပင်ဖြစ်သည်။ သို့ရာတွင်အထက်ပါပစ္စည်းမှာ ပါရင်းပစ္စည်းကဲ့သို့မဟုတ်။ မည်သည့်အခါမျှ လင်မယားနှစ်ဦးပိုင်ပစ္စည်းမဖြစ်။ အိမ်ထောင်ကျဖူးသော အိမ်ထောင်ကြီးနှင့် ထိမ်းမြားလျှင် တစ်ဦး၏ အထက်ပါပစ္စည်းကို ကျန်တစ်ဦးက အကျိုးခံစားခွင့်မရှိ။ အကြောင်းမှာ ယခင်အိမ်ထောင်အဟောင်းမှသားသမီး၏အခွင့်အရေးကို ကာကွယ်ပေးရန်အတွက်ဖြစ်သည်။

ခန်းဝင်ပစ္စည်း"ဆိုသည်မှာ_

မင်္ဂလာဆောင်ချိန်၌ မိဘဆွေမျိုးမိတ်ဆွေများမှ လင်နှင့်မယားနှစ်ဦးအကျိုးအတွက် လက်ဖွဲ့ကြသောပစ္စည်း (သို့) သတို့သားက သတို့သမီးကို နှစ်ဦးအကျိုးအတွက်ပေးအပ်သောပစ္စည်းဖြစ်သည်။ ခန်းဝင်ပစ္စည်းတွင် လင်နှင့်မယားအညီအမျှ အကျိုးခံစားခွင့်ရရှိသည်။

လက်ထပ်ပွားပစ္စည်း"ဆိုသည်မှာ_

လက်ထပ်ချိန်မှ စတင်ပွားများလာသော ပစ္စည်းများကိုခေါ်သည်။ လက်ထပ်ပွားပစ္စည်း (၂) မျိုးရှိသည်။
(က)လင် (သို့) မယားတစ်ဦးတည်း၏ ကြိုးပမ်းအားထုတ်မှုဖြင့်ရသော သာမန်လက်ထပ်ပွားပစ္စည်းနှင့် (ခ) လင်(သို့) မယားတစ်ဦးတည်း အမွေခံရရှိသောအမွေရလက်ထပ်ပွားပစ္စည်း။

သာမန်လက်ထပ်ပွားပစ္စည်း၌ လင်နှင့်မယားတို့အညီအမျှ ခံစားခွင့်ရရှိကြသည်။ အမွေရလက်ထပ်ပွားပစ္စည်း၌ အမွေရသူက (၃)ပုံ၊ (၂)ပုံ၊ ထိုသူ၏ဇနီး/ခင်ပွန်းက (၃)ပုံ၊ (၁)ပုံ ခံစားခွင့်ရှိကြသည်။

နှစ်ပါးစုံပစ္စည်း"ဆိုသည်မှာ_

လင်မယားနှစ်ဦး၏ ကြိုးပမ်းအားထုတ်ရှာဖွေမှုဖြင့် ရရှိသောပစ္စည်းကို ဆိုလိုသည်။ နှစ်ပါးစုံပစ္စည်း၌ လင်မယားနှစ်ဦးလုံး အညီအမျှအကျိုးခံစားခွင့်ရှိသည်။

နှစ်ဦးသဘောတူကွာရှင်းသည့်အခါ ..

အိမ်ထောင်ရေးပြစ်မှုမရှိဘဲ နှစ်ဦးသဘောတူကွာရှင်းလျှင် ပါရင်းပစ္စည်းကို ယူဆောင်လာသူတို့သည်ပြန်ယူခွင့်ရှိကြသည်။ အိမ်ထောင်ကြီးချင်း မည်သို့ကွာရှင်းသည်ဖြစ်စေ မိမိတို့၏ သက်ဆိုင်ရာအထက်ပါပစ္စည်းများကို ပြန်ရကြသည်။ အကြောင်းမှာအထက်ပါပစ္စည်းသည်အိမ်ထောင်ကြီးများအဖို့ နှစ်ဦးပိုင်ပစ္စည်းမဖြစ်နိုင်သည့်အပြင် တစ်ဦး၏ပစ္စည်း၌ တစ်ဦးအကျိုးခံစားခွင့်မရှိသောကြောင့်ဖြစ်သည်။

အိမ်ထောင်ရေးပြစ်မှုကြောင့်ကွာရှင်းသည့်အခါ

လင်ဖြစ်သူမှ သာမန်အိမ်ထောင်ရေးရက်စက်မှုကိုကျူးလွန်၍ ပစ္စည်းခွဲဝေလျှင် နှစ်ဦးသဘောတူကွာရှင်းသည့်နည်းတူ ပစ္စည်းခွဲဝေကြရသည်။ကြီးလေးသောရက်စက်မှု ကိုကျူးလွန်၍ ပစ္စည်းခွဲဝေလျှင် အပြစ်ရှိသူ၌ ပါရင်းပစ္စည်းအပါအဝင် နှစ်ဦးပိုင်ပစ္စည်းများမှ မိမိရသင့်သည့်ဝေစု ဆုံးရှုံးကြောင်းဆုံးဖြတ်သည်။

မယားသည် ဖောက်ပြန်ပြီး လင်အားစွန့်ပစ်သွားပါကနှစ်ပါးစုံပစ္စည်းရှိ မယား၏အခွင့်အရေးဆုံးရှုံးမည်။လင်ဖြစ်သူ ထောင်ကျနေစဉ် မယားမှနောက်အိမ်ထောင် ပြုခြင်းသည် ဖောက်ပြန်ခြင်းပင်ဖြစ်သည်။ လင်ငယ်နောက်လိုက်သော မယားသည်နှစ်ဦးပိုင်ပစ္စည်းများ၏ မည်သည့်အခွင့်အရေးမျှ ရပိုင်ခွင့်မရှိပေ ။
ကူးယူဖော်ပြပါသည်။

အိမ်ထောင်ရေးများကို မပြိုကွဲစေလိုသလို မတတ်သာတော့တဲ့အဆုံး အကယ်၍ ပြိုကွဲခဲ့ရသော် မိမိတို့ ရသင့်သည့် အခွင့်အရေး မဆုံးရှုံးစေရန် ဥပဒေပါဆုံးဖြတ်ချက်များကို သိရှိထားခြင်းဖြင့် တရားတဘောင် မရင်ဆိုင်ကြရပဲ နှစ်ဦးသဘောတူ အမွေပုံပစ္စည်းခန်း ခွဲစေနိုင်ရန် ရည်ရွယ်တင်ပြလိုက်ပါသည် ။

ဥပဒေရေးရာ...

26/11/2025

အိမ်ထောင်ရေးပြစ်မှုအကြောင်း

ဒီအပတ်မှာတော့ မြန်မာ့ဓလေ့ထုံးတမ်းဥပဒေမှာ ပါရှိတဲ့ အိမ်ထောင်ရေးပြစ်မှုတွေအကြောင်းကို ပြောပြပေးသွားမှာ ဖြစ်ပါတယ်။

🔶 မြန်မာ့ ဓလေ့ထုံးတမ်းဥပဒေအရ အိမ်ထောင်ရေးပြစ်မှု (၂) မျိုးရှိပါတယ်။
၁။ သာမန် အိမ်ထောင်ရေးပြစ်မှုနဲ့
၂။ ကြီးလေးသော အိမ်ထောင်ရေးပြစ်မှု တို့ဖြစ်ပါတယ်။

🔶 သာမန် အိမ်ထောင်ရေးပြစ်မှုတွေအနေနဲ့ -
၁။ လီဆယ်မှု
၂။ လင်၏ ဖောက်ပြန်မှု
(၂၀၁၅ ခုနှစ်၊ တစ်လင်တစ်မယားစနစ်ကျင့်သုံးခြင်းဆိုင်ရာဥပဒေအရ ကြီးလေးသော အိမ်ထောင်ရေး ပြစ်မှုအဖြစ် ပြောင်းလဲသတ်မှတ်ထားပါတယ်။)
၃။ ဒုတိယ မယားယူမှု
(၂၀၁၅ ခုနှစ်၊ တစ်လင်တစ်မယားစနစ်ကျင့်သုံးခြင်းဆိုင်ရာဥပဒေအရ ကြီးလေးသော အိမ်ထောင်ရေး ပြစ်မှုအဖြစ် ပြောင်းလဲသတ်မှတ်ထားပါတယ်။)
၄။ စွန့်ပစ်မှု
၅။ သာမန် ရက်စက်မှု စသဖြင့် (၅) မျိုးရှိပါတယ်။

🔶 ကြီးလေးသော အိမ်ထောင်ရေး ပြစ်မှုတွေအနေနဲ့ -
၁။ မယား၏ ဖောက်ပြန်မှု
၂။ ကြီးလေးသော ရက်စက်မှု စသဖြင့် (၂) မျိုး ရှိပါတယ်။

🔶 လီဆယ်မှု

🔸 လီဆယ်မှုဆိုတာကတော့ လိမ်လည်ပြီး လက်ထပ်ထိမ်းမြားတာကို ဆိုလိုပါတယ်။

🔸 ဥပမာ - ယောက်ျားဖြစ်သူက မယားကြီးရှိလျက်နဲ့၊ လူပျိုလို့ ပြောပြီး လက်ထပ်ခဲ့တာ၊ အရင် မယားနဲ့ ကွာရှင်းပြီးကြောင်း လိမ်လည်ပြောဆိုကာ လက်ထပ်ခဲ့တာဆိုရင် လိမ်လည်တာခံရတဲ့ မယားအနေနဲ့ လင်ကို ကွာရှင်းခွင့်ရှိပါတယ်။

🔸 လင်၏ ဖောက်ပြန်မှုနဲ့ ဒုတိယ မယားယူမှုတို့ဟာ၂၀၁၅ ခုနှစ်၊ တစ်လင်တစ်မယားစနစ် ကျင့်သုံးခြင်းဆိုင်ရာဥပဒေအရ ကြီးလေးသော အိမ်ထောင်ရေးပြစ်မှု မြောက်သွားတဲ့အတွက် မယား၏ ဖောက်ပြန်မှုနဲ့တကွ ပူးတွဲ ရှင်းပြပေးသွားမှာ ဖြစ်ပါတယ်။

🔶 လင် (သို့) မယား၏ ဖောက်ပြန်မှုနှင့် ဒုတိယ မယားယူမှု

🔸 လင်ဟာ မိမိရဲ့ မယားမဟုတ်တဲ့ အခြားမိန်းမတစ်ယောက်နဲ့ ကာမစပ်ယှက်မှု ကျူးလွန်ခဲ့ရင် လင်၏ ဖောက်ပြန်မှု လို့ခေါ်ပါတယ်။

🔸 မယားဟာ မိမိလင်မဟုတ်တဲ့ ယောကျ်ားတစ်ယောက်နဲ့ ကာမစပ်ယှက်မှု ကျူးလွန်ခဲ့ရင် မယား၏ ဖောက်ပြန်မှုလို့ ခေါ်ပါတယ်။

🔸 အဲ့ဒီလို ဖောက်ပြန်မှု ကျူးလွန်ခဲ့တဲ့အခါ ဖောက်ပြန်ခံရသူအနေနဲ့ ကျူးလွန်သူရဲ့ ဝန်ခံချက်ကို ရယူပြီး နှစ်ဦးသဘောတူ ကွာရှင်းနိုင်ပါတယ်။ ဒါမှမဟုတ် နှစ်ဦးသဘောတူကွာရှင်းဖို့ ကျူးလွန်သူက ခွင့်မပြုခဲ့ရင် ဖောက်ပြန်ခံရသူအနေနဲ့ ဖောက်ပြန်ထားတဲ့ သက်သေအထောက်အထား အစုံအလင်နဲ့တကွ တရားရုံးမှာ ကွာရှင်းပေးစေလိုမှု တရားစွဲဆိုနိုင်ပါတယ်။

🔸 ၂၀၁၅ ခုနှစ်၊ တစ်လင်တစ်မယားစနစ် ကျင့်သုံးခြင်းဆိုင်ရာ ဥပဒေ၊ ပုဒ်မ - ၁၃ မှာတော့ တရားဝင် အိမ်ထောင်ရှိသူက ထပ်မံထိမ်းမြားခဲ့ရင် ဒါမှမဟုတ် တရားမဝင် ပေါင်းသင်းခဲ့ရင် (၇) နှစ်ထပ်မပိုတဲ့ ထောင်ဒဏ်အပြင် ငွေဒဏ်လည်း ချမှတ်နိုင်တယ်လို့ ပြဌာန်းထားပါတယ်။ ဒီဥပဒေအရ ထိမ်းမြားလက်ထပ်မှု တစ်ခု အတည်ဖြစ်နေစဉ်မှာ ထပ်မံထိမ်းမြား ပေါင်းသင်းခွင့်မရှိပါဘူး။ ဒုတိယမယား ယူခွင့်မရှိဘူးဆိုတဲ့ အဓိပ္ပါယ်လည်း သက်ရောက်ပါတယ်။

🔸 ပုဒ်မ - ၁၄ အရ တရားဝင် အိမ်ထောင်ဖက်အနေနဲ့ အိမ်ထောင်ရေးပြစ်မှု ကျူးလွန်သူကို ကွာရှင်းခွင့် ရှိပါတယ်။

🔸 ပုဒ်မ - ၁၇ မှာလည်း ဥပ​ဒေအရဖြစ်စေ၊ ကိုးကွယ်ရာ ဘာသာအရဖြစ်စေ၊ ဓလေ့ထုံးတမ်းအရဖြစ်စေ၊ ထိမ်းမြားလက်ထပ်ထားတဲ့သူဟာ ယခင်ထိမ်းမြားလက်ထပ်တာကို ထိမ်ချိန်ပြီး ထပ်မံထိမ်းမြားခဲ့မယ်ဆိုရင် (၁၀) နှစ်ထက်မပိုတဲ့ ထောင်ဒဏ်ချမှတ်ရမယ့်အပြင် ငွေဒဏ်လည်း ချမှတ်နိုင်တယ်လို့ ပြဌာန်းထားပါတယ်။

🔶 စွန့်ပစ်မှု

🔸 မြန်မာ့ဓလေ့ထုံးတမ်းဥပဒေအရ လင်က စွန့်ပစ်ခဲ့ရင် (၃) နှစ်၊ မယားက စွန့်ပစ်ခဲ့ရင် (၁) နှစ် ကြာတဲ့အခါ သက်သေနဲ့တကွ တရားရုံးမှာ ကွာရှင်းပေးစေလိုမှု တရားစွဲဆိုနိုင်ပါတယ်။

🔸 အလိုအလျောက် တရားဝင် ကွာရှင်းပြတ်စဲ
ခြင်းဆိုတာ မရှိဘဲ စွန့်ပစ်ခံရသူမှာ တရားစွဲခွင့်ရှိတယ်လို့ ၁၈၉၂ ခုနှစ်မှာ စီရင်တဲ့ “မောင်စိုးမင်းနှင့် မတာ” စီရင်ထုံးမှာ ဆုံးဖြတ်ထားပါတယ်။

🔸 ဒီနေရာမှာ စွန့်ပစ်ခံရတဲ့သူအနေနဲ့ လင်ခန်း၊ မယားခန်း၊ ပြတ်စဲလိုတဲ့ ရည်ရွယ်ချက်မရှိရင် ဒါမှမဟုတ် စွန့်ပစ်ခံရသူက ကွာရှင်းလိုတဲ့ အပြုအမူကို ဖော်ပြလိုခြင်းမရှိရင် လင်ခန်းမယားခန်းမပြတ်စဲပါ။

🔸 သာမန်ရက်စက်မှုနဲ့ ကြီးလေးသော ရက်စက်မှုကိုလည်း ပူးတွဲ ဖော်ပြပေးသွားပါမယ်။

🔶 သာမန် ရက်စက်မှု

🔸 ရက်စက်မှုဆိုတဲ့နေရာမှာ ကိုယ်၏ ဆင်းရဲခြင်းသာမက စိတ်၏ ဆင်းရဲခြင်းလည်း ပါဝင် ပါတယ်။ အချို့သော စိတ်ဒုက္ခခံစားရမှုတွေဟာ ကိုယ်ထိလက်ရောက် ရိုက်နှက်ခြင်းခံရတဲ့ ကိုယ်ကာယဆင်းရဲခြင်းထက် ပိုမိုဆိုရွားပါတယ်။ ဒါကြောင့် စိတ်ဆင်းရဲအောင် ရက်စက်မှုပြုလျှင် ကွာရှင်းခွင့်ရနိုင်ပါတယ်။ (မစ္စစ်ပရိုတီမာဂို့(ရှ်) နှင့် ဘီမာလန်ဒူးဂို့(ရှ်) ၁၉၆၃၊ မ.တ.စ၊ စာ- ၅၂၆)

🔸 လင်က မယားကို နာကြည်းအောင် လင်ငယ်နေသည်ဟု အမြဲတစေ မဟုတ်မမှန် စွပ်စွဲပြောဆိုတာဟာ တရားဥပဒေအရ ရက်စက်မှု မြောက်ပါတယ်။ (ဦးသိန်းရွှေနှင့် ဒေါ်တင်မြ၊ ၁၉၇၈၊ မတစ၊ စာ - ၁၁၀)

🔸 လင်နဲ့ မယား တစ်ခါတစ်ရံ စိတ်သဘောချင်း မတိုက်ဆိုင်တဲ့အတွက် စိတ်လိုက်မာန်ပါ လင်က မယားကို ရိုက်နှက်တာဟာ ရက်စက်မှု ကျုးလွန်တယ်လို့ မဆိုနိုင်ပေမယ့်၊ မကြာခဏ လင်က မယားကို ကိုယ်ထိလက်ရောက်ရိုက်နှက်တာ၊ ဆံပင်ဆွဲတာ၊ စတဲ့ အပြုအမူတွေကို ပြုလုပ်ခဲ့တယ်ဆိုရင်တော့ လင်ဖြစ်သူအနေနဲ့ ရက်စက်မှုကို ကျူးလွန်ခဲ့သည်ဟု ကောက်ယူရမယ်လို့ “မစ္စစ်ပါးလ်ကျော် နှင့် ဦးကျော်” (၁၉၆၇ ခုနှစ်၊ မတစ၊ စာ - ၂၄၉) မှာ ထုံးဖွဲ့ထားပါတယ်။

🔶 ကြီးလေးသော ရက်စက်မှု

🔸 သာမန် ရက်စက်မှုနဲ့ ကြီးလေးသော ရက်စက်မှုရဲ့ ကွာခြားချက်ကတော့ ကိုယ်ထိလက်ရောက် ကျူးလွန်တဲ့အခါ ရရှိတဲ့ဒဏ်ရာဟာ ရာဇသတ်ကြီး ပုဒ်မ - ၃၂၀ အရ အပြင်းအထန် နာကျင်စေမှုမြောက်ရင် ဖြစ်စေ၊ မယားက ကွာရှင်းခွင့် မတောင်းတောင်းအောင် ရည်ရွယ်ချက်နဲ့ ညှင်းပန်းနှိပ်စက်နေရင် ဖြစ်စေ၊ လင်အနေနဲ့ နှိပ်စက်ညှင်းပန်းတာကို နောင်တမရဘဲ သူကိုယ်တိုင်က ကွာရှင်းပြတ်စဲဖို့ လိုလားနေရင် ဖြစ်စေ၊ အဲ့ဒီရက်စက်မှုဟာ “ကြီးလေးတဲ့ ရက်စက်မှု” မြောက်ပါတယ်။ (ဒေါ်ပုနှင့် မောင်ထွန်းခ)

🔸 ဓမ္မသတ်တွေအရ လင်ယောကျာ်းက မယားကို ရိုက်နှက်ဆုံးမတာကို ခွင့်ပြုခဲ့ပေမယ့် ယခုအခါမှာ လင်ယောကျ်ားအနေနဲ့ မိမိရဲ့ မယားအပေါ် အနည်းငယ်ဖြစ်စေ ရိုက်ခွင့်မရှိကြောင်း၊ အဲ့လို ရိုက်နှက်တာကိုလည်း အိမ်ထောင်ရေးပြစ်မှု အဖြစ် သတ်မှတ်ပြီး ကွာရှင်းခွင့်ရရှိနိုင်ကြောင်းကို ဦးမျိုးမြင့်နှင့် ဒေါ်ခင်မာကြည် (၁၉၆၈ ခုနှစ်၊ နိုင်ငံတော် တရားရုံးချုပ်၊ ပထမအယူခံမှု အမှတ် - ၁) မှာ ဆုံးဖြတ်ထားပါတယ်။

Crd

☎️ ဖုန်းနံပါတ် - 09421115345 ကို ဖုန်းခေါ်ဆိုပြီးဖြစ်စေ၊ ဆက်သွယ်စုံစမ်းမေးမြန်း

25/11/2025

ဂရန်ပျောက်ဆုံးသွားလျှင်
အသစ်လျှောက်လို့ရပါသလား
သိချင်ပါတယ််။

(မူလဂရန်ရှိပြီးမြေကိုအကြောင်းအမျိုးမျိုးဖြင့်ဂရန်ပြန်လည် လျှောက်ထားခြင်း) မူလဂရန်ရှိပြီးမြေကို ဂရန်သက်တမ်းကုန်ဆုံး၍ လည်းကောင်း၊ လွှဲပြောင်း၍လည်းကောင်း၊ ဦးပိုင်ခွဲ၍လည်းကောင်း၊ ဂရန်ပျောက်မိတ္တူလျှောက်၍လည်းကောင်း၊ ဂရန်အမျိုးအစားပြောင်း၍ လည်းကောင်း လျှောက်ထားလာပါက အောက်ဖော်ပြပါအတိုင်း အမျိုး အစားခွဲခြားဆောင်ရွက်ပါသည်-

(၁) ဂရန်အမည်ပြောင်း၊
(၂) ဂရန်ဦးပိုင်ခွဲ (ဂရန်မြေတစ်ခုကို အမည်မပြောင်းဘဲဂရန်နှစ်ခု၊ သုံးခု ထပ်မံခွဲစိတ်လျှောင်ထားခြင်း)
(၃) ဂရန်သက်တမ်းတိုး (ဂရန်သက်တမ်းကုန်၍ ထပ်မံသက်တမ်းတိုး လျှောက်ထားခြင်း)
(၄) သက်တမ်းတိုး၊ အမည်ပြောင်း (အမည်လည်းပြောင်း၊ သက်တမ်း လည်းတိုးမည်)
(၅) ဦးပိုင်ခွဲ၊ အမည်ပြောင်း (ဂရန်မြေတစ်ခုကို နှစ်ခု၊ သုံးခုခွဲပြီး အမည်ပြောင်းခြင်း)
(၆) ဂရန်ပျောက်၊ သက်တမ်းတိုး၊ အမည်ပြောင်း(သက်တမ်းကုန် ဂရန် ပျောက်ဆုံးပြီး သက်တမ်းတိုး၊ အမည်ပြောင်း လျှောက်ထားခြင်း)
(၇) ဂရန်မိတ္တူလျှောက်ထားခြင်း(ဂရန်မူရင်းပျောက်ဆုံးသွား၍အမည် ပြောင်းခြင်းမပြုဘဲ ဂရန်မိတ္တူလျှောက်ထားခြင်း)
(၈) တောမှမြို့ပြောင်းလျှောက်ထားခြင်း(ယခင်ပုသိမ်ကြီး၊ အမရပူရ မြို့ပြင်ပရှိမြေများကို ထုတ်ပေးထားသည့် တောဂရန်များကို မန္တလေးမြို့တော်စည်ပင်သာယာရေးကော်မတီနယ်နိမိတ်အတွင်း ကျရောက်၍ အမည်မပြောင်းဘဲ မြို့ဂရန်အဖြစ် ပြောင်းလဲ လျှောက်ထားခြင်း)
(၉) တောမှမြို့ပြောင်း၊ အမည်ပြောင်း(တောဂရန်မှမြို့ဂရန်အပြင် အမည်ပါပြောင်းပေးရန် လျှောက်ထားခြင်းဖြစ်ပါသည်။)
၂။ အထက်ဖော်ပြပါ ဂရန်လျှောက်ထားမည်ဆိုပါက အောက်ဖော်ပြပါ အထောက်အထား စာချုပ် စာတမ်းများကို ပူးတွဲတင်ပြရပါမည်-

(၁) ကာယကံရှင်၏ မှတ်ပုံတင်မိတ္တူမှန်၊
(၂) ဂရန်စာချုပ်မိတ္တူမှန်၊
(၃) အမွေဆက်ခံဖြစ်ပါက အမွေဆက်ခံပိုင်ဆိုင်ကြောင်း ကြေညာစာချုပ် မိတ္တူမှန်နှင့် ကျမ်းကျိန်ချက်၊
(၄) အရောင်းအဝယ်၊ ပေးကမ်း၊ စွန့်လွှတ်စာချုပ်မိတ္တူမှန်၊
(၅) တရားမမှုဖြစ်သည့်မြေဖြစ်ပါက တရားရုံးဒီကရီ၊ တရားမပုံစံ(၁၀၆)
(၆) မြေခွန်ပြေစာမိတ္တူမှန်၊
(၇) အိမ်ထောင်စုဇယားမိတ္တူမှန်၊
(၈) အဆောက်အဦဓါတ်ပုံ၊
(၉) ရပ်ကွက်အုပ်ချုပ်ရေးမှူးရုံး၏ ထောက်ခံချက်၊
(၁၀) အမည်ပေါက်၊အမွေဆက်ခံသူများ သေဆုံးပါက သေစာရင်းမိတ္တူမှန်များ။


၃။ အထက်ဖော်ပြပါ မြို့ဟောင်းမြေမှ ဂရန်လျှောက်ထားမှုများကို သတင်းစာ ကြော်ငြာပြီး ကန့်ကွက် မရှိ၊ အရှုပ်အရှင်းမရှိပါက (၁)လအတွင်း အပြီးဆောင်ရွက် ပေးနိုင်ပါသည်ဟု ဌာနဆိုင်ရာက
ဖော်ပြထားပါသည်။

03/11/2025

ဆက်သွယ်ရေးဥပဒေပုဒ်မ ၆၆(ဃ)ပြစ်မှုအား
ကိုယ်စားလှယ်လွှဲစာဖြင့်အမှုတိုင်ကြားခြင်း
။။။။။။။။။။။။။။။။။။။။။။။။။။။။။။။။။။။။။။။။။။။

၂၀၁၃ နှစ်တွင်ဆက်သွယ်ရေးဥပဒေကိုပြဌာန်းခဲ့ပြီး နောက်ဆက်သွယ်ရေးဥပဒေပုဒ်မ ၆၆(ဃ) သည် ပြည်သူ များ အကြားရေပန်းစားလာခဲ့သည်။၂၀၁၃ ခုနှစ်၊ဆကသွယ်ရေးဥပဒေပုဒ်မ ၆၆(ဃ)တွင်ဆက်သွယ်ရေးကွန် ယက် တစ်ခုခုကို အသုံးပြု၍ ပုဂ္ဂိုလ်တစ်ဦးဦးအား ခြောက်လှန့်တောင်းယူခြင်း၊ အနိုင်အထက်ပြုခြင်း၊ မတရား တားဆီးကန့်ကွက်ခြင်း၊အသရေဖျက်ခြင်း၊နှောင့်ယှက်ခြင်း၊မလျော်ဩဇာသုံးခြင်း သို့မဟုတ် ခြိမ်း ခြောက်ခြင်း တို့ပြုလုပ်ကြောင်းပြစ်မှုထင်ရှားစီရင်ခြင်းခံရလျှင်ထိုသူအား သုံးနှစ်ထက်မပိုသော ထောင်ဒဏ်ဖြစ်စေ၊ ငွေ ဒဏ် ဖြစ်စေ၊ဒဏ်နှစ်ရပ်လုံးဖြစ်စေ ကျခံနိုင်ကြောင်းပြဋ္ဌာန်းထားသည်။

၂၀၁၃ ခုနှစ် ဆက်သွယ်ရေးဥပဒေတွင် ပုဒ်မ ၆၆(ဃ)နှင့်ပတ်သက်၍ နစ်နာသူကအမှုတိုင်ကြားခွင့်ရှိသလို အခြားသူကလည်းတိုင်ကြားခွင့်ရှိသည်။အမှုတိုင်ကြားခြင်းနှင့်ပတ်သက်၍ပိတ်ပင်ထားချက်တစ်စုံတစ်ရာမပါရှိချေ။ပြစ်ဒဏ်မှာလည်းသုံးနှစ်ထက်မပိုသောထောင်ဒဏ်ဟုပြဋ္ဌာန်းထားသဖြင့်ရာဇဝတ်ကျင့်ထုံးဥပဒေ၊ဇယား(၂)အရ ရဲအရေးယူပိုင်ခွင့်ရှိသောပြစ်မှုဖြစ်ပြီး အာမခံမပေးနိုင်သောပြစ်မှုဖြစ်လာရလေသည်။

၂၀၁၇ခုနှစ်တွင် ဆက်သွယ်ရေးဥပဒေကိုပြင်ဆင်သည့်ဥပဒေကိုပြဌာန်းခဲ့ရာ ထိုပြင်ဆင်သည့်ဥပဒေ၊ပုဒ်မ ၅ ၊ပုဒ် မခွဲ(ဂ)တွင် ဆက်သွယ်ရေးဥပဒေပုဒ်မ ၆၆(ဃ)၏ပြစ်ဒဏ်ကို (၂)နှစ်ထက်မပိုသော ပြစ်ဒဏ်ဖြစ်စေ၊ ငွေဒဏ်ဖြစ် စေ၊ဒဏ်နှစ်ရပ်လုံးဖြစ်စေဟုလည်းကောင်း၊ဆက်သွယ်ရေးဥပဒေပုဒ်မ ၆၆(ဃ)ပြစ်မှုကို နစ်နာသူမှဖြစ်စေ၊ နစ်နာ သူမှကိုယ်စားလှယ်လွှဲအပ်ခြင်းခံရသူမှဖြစ်စေ တိုင်ကြားခြင်းမဟုတ်ပါက အရေးယူဆောင်ရွက်ခြင်းမပြုရ ဟု လည်းကောင်း တားမြစ်ပိတ်ပင်လိုက်သည်ကိုတွေ့ရပေမည်။ပြစ်ဒဏ်ကို(၂)နှစ်ထက်မပိုသောထောင်ဒဏ်ဟု ပြင်ဆင်လိုက်ခြင်းကြောင့်ရာဇ ဝတ်ကျင့်ထုံးဥပဒေ၊ဇယား(၂)အရ ရဲစခန်းမှုဖြစ်စေတရားရုံးမှဖြစ်စေ အာမခံပေး ရမည့်ပြစ်မှုတစ်ခုအဖြစ်သို့ရောက်ရှိသွားရလေသည်။ထို့အပြင်နစ်နာသူမှတိုင်ကြားခြင်း၊နစ်နာသူ၏ကိုယ်စားလှယ်လွှဲအပ်ခြင်းခံရသူမှတိုင်ကြားခြင်းမဟုတ်ပါက အမှုလက်ခံရေးဖွင့်ပေးမည် မဟုတ်တော့ချေ။

နစ်နာသူမှ တိုင်ကြားခြင်းဆိုရာတွင် နစ်နာသူကိုယ်တိုင်မှ တိုင်ကြားခြင်းဖြစ်သဖြင့် အထွေ အထူး ဆွေးနွေးရန် မရှိပါ။သို့ရာတွင် နစ်နာသူမှ ကိုယ် စားလှယ်လွှဲအပ်ခြင်းခံရသူမှ တိုင်ကြားမည်ဆိုပါက တရားဝင်ကိုယ်စား လှယ် လွှဲစာ လိုအပ်မည်ဖြစ်သည်။ထိုကိုယ်စားလှယ်လွှဲစာကို အမှုစစ်ရဲအရာရှိတို့မှ ရှာဖွေပုံစံဖြင့် သိမ်းဆည်းထားဖို့ လို ပါမည်။ထိုကိုယ်စားလှယ်လွှဲစာသည် အမှုအတွက်မည်မျှအရေးကြီးသနည်း ဆိုပါလျှင် အမှုတစ်ခုလုံးကို ပျက်စီးသွားစေနိုင်လောက်အောင် အရေးကြီးပါသည်ဟုပြောလိုပါသည်။

ဆက်သွယ်ရေးကွန်ယက်တစ်ခုခုကို အသုံးပြု၍ လူမှုကွန်ယက်ပေါ်တွင် အစိုးရဌာနတစ်ခုကို အသရေပျက်စေ ရန် တင်ပြခြင်း၊အစိုးရဌာန၏ အကြီးအကဲတစ်ဦးဦးကို အစိုးရဌာနအကြီးအကဲတစ်ဦးအနေဖြင့် အသရေ ပျက် အောင် တင်ပြခြင်းတို့ဖြစ်ပါက အမှုအား တရားလိုပြုလုပ်တိုင် တန်းရန် ကိုယ်စားလှယ်တာဝန်ပေးအပ်ကြောင်း ဌာနဆိုင်ရာ ရုံးစာဖြင့်လုံလောက်ပါသည်။

လူတစ်ဦးဦးအား ပုဂ္ဂလိက အသရေပျက်စေရန်လူမှုကွန်ယက်ပေါ်တွင်တင်ပြခြင်းများအား နစ်နာသူ၏ ကိုယ်စား လှယ်မှ ရဲစခန်းတွင် တိုင်ကြားမည်ဆိုပါက နစ်နာသူ၏ တရားဝင်ကိုယ်စားလှယ်လွှဲစာ လိုအပ်ပါမည်။ ထိုကိုယ် စားလှယ်လွှဲစာကို အထူးကိုယ်စားလှယ်လွှဲစာ (Special power)ဖြင့် လွှဲအပ်သည်က အကောင်းဆုံးဖြစ်သည်။ အကြောင်းကြောင်းကြောင့် အထူးကိုယ်စားလှယ်လွှဲစာ(Special power)မပြုလုပ်နိုင်ပါက ၃၀၀ ကျပ်ထက် တန်ဖိုးအနည်းသော အခွန်တံဆိပ်ခေါင်းစာရွက်ဖြင့် နည်းလမ်းတကျ လွှဲအပ်ရမည်။ အထူးကိုယ်စားလှယ် လွှဲစာ(Special power) လည်းမလုပ်နိုင်၊ အခွန်တံဆိပ်ခေါင်းဖြင့်လည်း မလုပ်နိုင်ဘဲ ရိုးရိုးစာရွက်တွင် ကိုယ်စား လှယ်လွှဲအပ်ကြောင်းကိုသာ ရေးသားလွှဲအပ်သည်ဆိုပါက ထိုစာရွက်ကို အခွန်တံဆိပ်ခေါင်း ထမ်းဆောင်ရန် လိုအပ်ပါသည်။ထိုစာရွက်အားယူကာ ပြည်တွင်းအခွန်ဦးစီးဌာနရုံးကိုသွားပြီး ကိုယ်စားလှယ်လွှဲစာ အားအခွန် ထမ်းဆောင်လိုကြောင်း ပြောပြလျှင် ၁၀၀ဝိ/- တန် အထူးကပ်တံဆိပ်ခေါင်းကိုကပ်ပေးလိုက်သည်နှင့် ထိုကိုယ် စား လှယ်လွှဲစာသည် အခွန်ထမ်းဆောင်ပြီးသား ကိုယ်စားလှယ်လွှဲစာဖြစ်သွားပေလိမ့်မည်။ အခွန်ထမ်းဆောင် ပြီးသား စာမှတ်စာတမ်းအားလုံးသည် တရားရုံးတွင် သက်သေခံအဖြစ် လက်ခံပေးရသည်ဆိုခြင်းကြောင့် ဤသို့ အခွန်ထမ်းပြီးသားကိုယ်စားလှယ်လွှဲစာသည်လည်း တရားရုံးတွင် သက် သေခံဝင်သွားလေပေပြီ။

အကယ်၍နစ်နာသူမှလွှဲအပ်သော ကိုယ်စားလှယ်လွှဲစာသည် စနစ်တကျမဟုတ်ခဲ့လျှင် တစ်ဖက်ရှေ့နေမှ တစ် ခွန်း တည်းသော မေးခွန်းကို မေး မြန်းရုံဖြင့် မိမိတို့တိုင်တန်းထားသော အမှုမှာ ပျက်စီးသွားနိုင်ပါသည်။

ထိုမေးခွန်းသည်ကား ဤအမှုကိုတိုင်ကြားရန်အတွက် နစ်နာသူမှ လွှဲ အပ်သည့် ကိုယ်စား လှယ်လွှဲစာသည် တရား ဥပဒေနှင့်အညီ နည်းလမ်းတကျလွှဲအပ်ထားသည့် ကိုယ်စားလှယ်လွှဲစာတစ်ခုမဟုတ်ဆိုသည်ကို သင်သိပါ သလား။

ရဲအုပ်အောင်ကျော်ထွန်း

(Zawgyi)

ဆက်သွယ်ရေးဥပဒေပုဒ်မ ၆၆(ဃ)ပြစ်မှုအား ကိုယ်စားလှယ်လွှဲစာဖြင့်အမှုတိုင်ကြားခြင်း
=========================

၂၀၁၃ နှစ်တွင်ဆက်သွယ်ရေးဥပဒေကိုပြဌာန်းခဲ့ပြီး နောက်ဆက်သွယ်ရေးဥပဒေပုဒ်မ ၆၆(ဃ)သည် ပြည်သူ များ အကြားရေပန်းစားလာခဲ့သည်။၂၀၁၃ ခုနှစ်၊ဆကသွယ်ရေးဥပဒေပုဒ်မ ၆၆(ဃ)တွင်ဆက်သွယ်ရေးကွန် ယက် တစ်ခုခုကို အသုံးပြု၍ ပုဂ္ဂိုလ်တစ်ဦးဦးအား ခြောက်လှန့်တောင်းယူခြင်း၊ အနိုင်အထက်ပြုခြင်း၊ မတရား တားဆီးကန့်ကွက်ခြင်း၊အသရေဖျက်ခြင်း၊နှောင့်ယှက်ခြင်း၊မလျော်ဩဇာသုံးခြင်း သို့မဟုတ် ခြိမ်း ခြောက်ခြင်း တို့ပြုလုပ်ကြောင်းပြစ်မှုထင်ရှားစီရင်ခြင်းခံရလျှင်ထိုသူအား သုံးနှစ်ထက်မပိုသော ထောင်ဒဏ်ဖြစ်စေ၊ ငွေ ဒဏ် ဖြစ်စေ၊ဒဏ်နှစ်ရပ်လုံးဖြစ်စေ ကျခံနိုင်ကြောင်းပြဋ္ဌာန်းထားသည်။

၂၀၁၃ ခုနှစ် ဆက်သွယ်ရေးဥပဒေတွင် ပုဒ်မ ၆၆(ဃ)နှင့်ပတ်သက်၍ နစ်နာသူကအမှုတိုင်ကြားခွင့်ရှိသလို အခြားသူကလည်းတိုင်ကြားခွင့်ရှိသည်။အမှုတိုင်ကြားခြင်းနှင့်ပတ်သက်၍ပိတ်ပင်ထားချက်တစ်စုံတစ်ရာမပါရှိချေ။ပြစ်ဒဏ်မှာလည်းသုံးနှစ်ထက်မပိုသောထောင်ဒဏ်ဟုပြဋ္ဌာန်းထားသဖြင့်ရာဇဝတ်ကျင့်ထုံးဥပဒေ၊ဇယား(၂)အရ ရဲအရေးယူပိုင်ခွင့်ရှိသောပြစ်မှုဖြစ်ပြီး အာမခံမပေးနိုင်သောပြစ်မှုဖြစ်လာရလေသည်။

၂၀၁၇ခုနှစ်တွင် ဆက်သွယ်ရေးဥပဒေကိုပြင်ဆင်သည့်ဥပဒေကိုပြဌာန်းခဲ့ရာ ထိုပြင်ဆင်သည့်ဥပဒေ၊ပုဒ်မ ၅ ၊ပုဒ် မခွဲ(ဂ)တွင် ဆက်သွယ်ရေးဥပဒေပုဒ်မ ၆၆(ဃ)၏ပြစ်ဒဏ်ကို (၂)နှစ်ထက်မပိုသော ပြစ်ဒဏ်ဖြစ်စေ၊ ငွေဒဏ်ဖြစ် စေ၊ဒဏ်နှစ်ရပ်လုံးဖြစ်စေဟုလည်းကောင်း၊ဆက်သွယ်ရေးဥပဒေပုဒ်မ ၆၆(ဃ)ပြစ်မှုကို နစ်နာသူမှဖြစ်စေ၊ နစ်နာ သူမှကိုယ်စားလှယ်လွှဲအပ်ခြင်းခံရသူမှဖြစ်စေ တိုင်ကြားခြင်းမဟုတ်ပါက အရေးယူဆောင်ရွက်ခြင်းမပြုရ ဟု လည်းကောင်း တားမြစ်ပိတ်ပင်လိုက်သည်ကိုတွေ့ရပေမည်။ပြစ်ဒဏ်ကို(၂)နှစ်ထက်မပိုသောထောင်ဒဏ်ဟု ပြင်ဆင်လိုက်ခြင်းကြောင့်ရာဇ ဝတ်ကျင့်ထုံးဥပဒေ၊ဇယား(၂)အရ ရဲစခန်းမှုဖြစ်စေတရားရုံးမှဖြစ်စေ အာမခံပေး ရမည့်ပြစ်မှုတစ်ခုအဖြစ်သို့ရောက်ရှိသွားရလေသည်။ထို့အပြင်နစ်နာသူမှတိုင်ကြားခြင်း၊နစ်နာသူ၏ကိုယ်စားလှယ်လွှဲအပ်ခြင်းခံရသူမှတိုင်ကြားခြင်းမဟုတ်ပါက အမှုလက်ခံရေးဖွင့်ပေးမည် မဟုတ်တော့ချေ။

နစ်နာသူမှ တိုင်ကြားခြင်းဆိုရာတွင် နစ်နာသူကိုယ်တိုင်မှ တိုင်ကြားခြင်းဖြစ်သဖြင့် အထွေအထူး ဆွေးနွေးရန် မရှိပါ။သို့ရာတွင် နစ်နာသူမှ ကိုယ် စားလှယ်လွှဲအပ်ခြင်းခံရသူမှ တိုင်ကြားမည်ဆိုပါက တရားဝင်ကိုယ်စား လှယ် လွှဲစာ လိုအပ်မည်ဖြစ်သည်။ထိုကိုယ်စားလှယ်လွှဲစာကို အမှုစစ်ရဲအရာရှိတို့မှ ရှာဖွေပုံစံဖြင့် သိမ်းဆည်းထားဖို့ လို ပါမည်။ထိုကိုယ်စားလှယ်လွှဲစာသည် အမှုအတွက်မည်မျှအရေးကြီးသနည်း ဆိုပါလျှင် အမှုတစ်ခုလုံးကို ပျက်စီးသွားစေနိုင်လောက်အောင် အရေးကြီးပါသည်ဟုပြောလိုပါသည်။

ဆက်သွယ်ရေးကွန်ယက်တစ်ခုခုကို အသုံးပြု၍ လူမှုကွန်ယက်ပေါ်တွင် အစိုးရဌာနတစ်ခုကို အသရေပျက်စေ ရန် တင်ပြခြင်း၊အစိုးရဌာန၏ အကြီးအကဲတစ်ဦးဦးကို အစိုးရဌာနအကြီးအကဲတစ်ဦးအနေဖြင့် အသရေ ပျက် အောင် တင်ပြခြင်းတို့ဖြစ်ပါက အမှုအား တရားလိုပြုလုပ်တိုင်တန်းရန် ကိုယ်စားလှယ်တာဝန်ပေးအပ်ကြောင်း ဌာနဆိုင်ရာ ရုံးစာဖြင့်လုံလောက်ပါသည်။

လူတစ်ဦးဦးအား ပုဂ္ဂလိက အသရေပျက်စေရန်လူမှုကွန်ယက်ပေါ်တွင်တင်ပြခြင်းများအား နစ်နာသူ၏ ကိုယ်စား လှယ်မှ ရဲစခန်းတွင် တိုင်ကြားမည်ဆိုပါက နစ်နာသူ၏ တရားဝင်ကိုယ်စားလှယ်လွှဲစာ လိုအပ်ပါမည်။ ထိုကိုယ် စားလှယ်လွှဲစာကို အထူးကိုယ်စားလှယ်လွှဲစာ(Special power)ဖြင့် လွှဲအပ်သည်က အကောင်းဆုံးဖြစ်သည်။ အကြောင်းကြောင်းကြောင့် အထူးကိုယ်စားလှယ်လွှဲစာ(Special power)မပြုလုပ်နိုင်ပါက ၃၀၀ ကျပ်ထက် တန်ဖိုးအနည်းသော အခွန်တံဆိပ်ခေါင်းစာရွက်ဖြင့် နည်းလမ်းတကျ လွှဲအပ်ရမည်။ အထူးကိုယ်စားလှယ် လွှဲစာ(Special power) လည်းမလုပ်နိုင်၊ အခွန်တံဆိပ်ခေါင်းဖြင့်လည်း မလုပ်နိုင်ဘဲ ရိုးရိုးစာရွက်တွင် ကိုယ်စား လှယ်လွှဲအပ်ကြောင်းကိုသာ ရေးသားလွှဲအပ်သည်ဆိုပါက ထိုစာရွက်ကို အခွန်တံဆိပ်ခေါင်း ထမ်းဆောင်ရန် လိုအပ်ပါသည်။ထိုစာရွက်အားယူကာ ပြည်တွင်းအခွန်ဦးစီးဌာနရုံးကိုသွားပြီး ကိုယ်စားလှယ်လွှဲစာ အားအခွန် ထမ်းဆောင်လိုကြောင်း ပြောပြလျှင် ၁၀၀ဝိ/- တန် အထူးကပ်တံဆိပ်ခေါင်းကိုကပ်ပေးလိုက်သည်နှင့် ထိုကိုယ် စား လှယ်လွှဲစာသည် အခွန်ထမ်းဆောင်ပြီးသား ကိုယ်စားလှယ်လွှဲစာဖြစ်သွားပေလိမ့်မည်။ အခွန်ထမ်းဆောင် ပြီးသား စာမှတ်စာတမ်းအားလုံးသည် တရားရုံးတွင် သက်သေခံအဖြစ် လက်ခံပေးရသည်ဆိုခြင်းကြောင့် ဤသို့ အခွန်ထမ်းပြီးသားကိုယ်စားလှယ်လွှဲစာသည်လည်း တရားရုံးတွင် သက် သေခံဝင်သွားလေပေပြီ။

အကယ်၍နစ်နာသူမှလွှဲအပ်သော ကိုယ်စားလှယ်လွှဲစာသည် စနစ်တကျမဟုတ်ခဲ့လျှင် တစ်ဖက်ရှေ့နေမှ တစ် ခွန်း တည်းသော မေးခွန်းကို မေး မြန်းရုံဖြင့် မိမိတို့တိုင်တန်းထားသော အမှုမှာ ပျက်စီးသွားနိုင်ပါသည်။

ထိုမေးခွန်းသည်ကား ဤအမှုကိုတိုင်ကြားရန်အတွက် နစ်နာသူမှ လွှဲ အပ်သည့် ကိုယ်စားလှယ်လွှဲစာသည် တရား ဥပဒေနှင့်အညီ နည်းလမ်းတကျလွှဲအပ်ထားသည့် ကိုယ်စားလှယ်လွှဲစာတစ်ခုမဟုတ်ဆိုသည်ကို သင်သိပါ သလား။

ရဲအုပ်အောင်ကျော်ထွန်း
ကျေးဇူးတင်ပါတယ်ရှင့်

30/09/2025

ဖုန်းထဲမှ အသံများကို သက်သေခံတင်သွင်းနိုင်ပါသလား

နှုတ်သက်သေခံချက်ဖြစ်စေ၊စာတမ်းအမှတ်အသား သက်သေခံချက်ဖြစ်စေ၊မူလသက်သေခံချက်(သို့) မိတ္တူသက်သေခံချက်ဟူ၍ နှစ်မျိုးရှိသည်။ မူလ သက်သေခံချက် ဆိုသည်မှာ အခြင်းအရာတစ်ခုကို မိမိ၏ အာရုံးငါးပါး တစ်ပါးပါးဖြင့် သိမြင်သူ၏ အစစ်ခံချက်ဖြစ်သည်။ သို့မဟုတ် တရားရုံးတွင် တင်ပြသော စာတမ်းအမှတ် အသား မူရင်းပစ္စည်း မူရင်းများဖြစ်သည်။ မိတ္တူ သက်သေခံချက်ဆိုသည်မှာ မူလသက်သေခံချက်ကို နှုတ်ဖြင့် တဆင့် ပြန်ပြောချက် သို့မဟုတ် အစီရင်ခံချက် သို့မဟုတ် စာတမ်းအမှတ်အသားတစ်ခု၏ မိတ္တူဖြစ်သည် ။ယေဘုယျအားဖြင့် သက်သေခံဥပဒေ၏ အခြေခံသဘောတရားအရ အကောာင်းဆုံးသော သက်သေခံချက်ကို တင်ပြရမည်ဖြစ်ရာ မူရင်းစာတမ်းအမှတ်အသားကို တင်ပြရမည်။

၂၀၁၅ ခုနှစ် သက်သေခံဥပဒေ ပြင်ဆင်သည့် ဥပဒေအရ အသံဖိုင်များအား စာတမ်းအမှတ်အသားဖြင့် သက်သေခံတင်သွင်း၍ ရပါသည်။ပြင်ဆင်ချက်ပုဒ်မ ၂(ခ) အရ စာတမ်းအမှတ်အသားဆိုသည့် စကားရပ်၏ ဥပမာ(၄)တွင် အသံ ထည့်သွင်းထားချက်များကို ယင်းမှ ပြန်လည်ထုတ်ဖော်နိုင်သော ဓာတ်ပြားတိတ်ခွေ အသံလမ်းကြောင်း (သို့ ) အခြားကရိယာ တစ်ခုခု အစားထိုးထားသည့် အတွက် တယ်လီဖုန်းထဲမှ ပြန်လည်ကူးယူထားသည့် စီဒီခွေ၊ တိတ်ခွေ ၊မန်မိုရီ ကဒ်များအား စာတမ်းအမှတ်အသားဟု သတ်မှတ်ခဲ့ပါသည်။ ထို့ကြောင့် ဖုန်းထဲမှ အသံများအားတိတ်ခွေ၊ မန်မိုရီကဒ်၊ စီဒီ များနှင့် ကူးယူလိုက်ပါက စာတမ်းအမှတ်အသား ဖြစ်သွားသဖြင့် ဖုန်းထဲမှ အသံများအား သက်သေခံတင်သွင်းနိုင်ပါသည်။
Crd

01/09/2025

အိမ်နှင့်မြေ သို့မဟုတ် မြေကွက် လွှဲပြောင်းရောင်းချရာတွင် ရေးသားချုပ်ဆိုသော မှတ်ပုံတင် အရောင်းအဝယ် စာချုပ်တွင် အဓိက ပါဝင်ရမည့် အချက်များ။
=========================

၁။ ရောင်းသူနှင့်ဝယ်သူတို့သည် နိုင်ငံသားများ ဖြစ်ရပါမည်။

၂။ ရောင်းသူနှင့် ဝယ်သူတို့၏ နိုင်ငံသားစိစစ်ရေးရေးကဒ်ပြားအမှတ် သို့မဟုတ် နိုင်ငံသားလက်မှတ်အမှတ်နှင့် နေရပ်လိပ်စာတို့ကို ပြည့်ပြည့်စုံစုံ ဖော်ပြရပါမည်။

၃။ ရောင်းချသည့်တန်ဖိုးကို မှန်မှန်ကန်ကန်ဖော်ပြရပါမည်။အကယ်၍တန်ဖိုးလျော့ပြပါက အခွန်လိမ်လည်မှုအရ အရေးယူခြင်း ခံရပါမည်။ လျော့ပြသည့်အခွန်တန်ဖိုး၏ ( ၁၀ )ဆကို ဒဏ်ငွေအဖြစ် ခံရနိုင်ဖွယ်ရာ ရှိပါသည်။

၄။ ရောင်းချသည့် မြေကွက်၏ ဦးပိုင်အမှတ်နှင့် အလားလေးရပ်၊ မြေဧရိယာအတိုင်းအတာတို့ကို ဖော်ပြရပါမည်။ ဂရန်၌ ဖော်ပြပါရှိသည့်အတိုင်း ဖြစ်ရပါမည်။

၅။ ရောင်းသူက ငွေအပြေအကျေ ရရှိပြီးကြောင်းနှင့် ဝယ်သူကလည်း အိမ်နှင့်မြေသို့မဟုတ် မြေကို လက်ဝယ်ရရှိပြီးကြောင်း ဖော်ပြပါရှိရပါသည်။

၆။ မှတ်ပုံတင် အရောင်းအဝယ်စာချုပ်အတွက် ကျသင့်သော တံဆိပ်ခေါင်းခွန်ကို ဝယ်သူက ထမ်းဆောင် ထားရပါမည်။

၇။ ကိုယ်စားလှယ်အဖြင့် ရောင်းချခြင်း၊ ဝယ်ယူခြင်းဖြစ်ပါက စာချုပ်စာတမ်းမှတ်ပုံတင်ရုံး၌ ပြုလုပ်ထားသော ကိုယ်စားလှယ်ဖြစ်ရမည့်အပြင် ကိုယ်စားလှယ်စာပေးသူ အသက်ထင်ရှား ရှိကြောင်း ကိုယ်စားလှယ်စာရရှိသူက တရားရုံးတော်တွင် သက်သေ( ၂ ) ဦး ပါဝင်၍ ပြုလုပ်သော ကျမ်းကျိန်ဆိုချက်နှင့်အတူ ကိုယ်စားလှယ်စာ မူရင်းကို တင်ပြရပါမည်။

၈။ ရောင်းချသူ သို့မဟုတ် ဝယ်ယူသူသည် နိုင်ငံခြားသို့ ရောက်ရှိနေသူဖြစ်ပါက နိုင်ငံခြားရှိ မြန်မာသံရုံးတွင် တရားဝင်ပြုလုပ်ထားသော ကိုယ်စားလှယ်လွှဲစာမူရင်းကို ပူးတွဲတင်ပြရပါမည်။

၉။ အမည်ပေါက်ပိုင်ဆိုင်သူ သို့မဟုတ် အမည်ပေါက်ပိုင်ဆိုင်သူ ကွယ်လွန်သွားပါက အမွေဆိုင်များက စာချုပ် စာတမ်းမှတ်ပုံတင်ရုံး၌ ပြုလုပ်ထားသော ပိုင်ဆိုင်ကြောင်း မြွက်ဟကြေညာစာတမ်း သို့မဟုတ် စီရင်ပိုင်ခွင့် ရှိသော တရားရုံးက ထုတ်ပေးထားသော အမွေထိန်း လက်မှတ်စာအပြင် တရားရုံးက အမွေထိန်းစာပါ မရွှေ့ မပြောင်းနိုင်သည့် အိမ်၊မြေ သို့ဟုတ် မြေကို ရောင်းချခွင့်ပြုသည့် အမိန်တို့ကို တင်ပြနိုင်ရပါမည်။

၁၀။ ပိုင်ဆိုင်ကြောင်း မြွက်ဟကြေညာစာတမ်းအရ ရောင်းချခြင်းဖြစ်ပါက အမွေဆိုင်အားလုံးက ရောင်းသူ အနေဖြင့် ပါဝင်လက်မှတ်ရေးထိုးရပါမည်။

၁၁။ အမွေထိန်းစာအရ ရောင်းချခြင်းဖြစ်ပါက အမွေထိန်းစာလက်မှတ်ရရှိသူက ရောင်းချသူအနေဖြင့် လက် မှတ်ရေးထိုးရပါမည်။ ထိုသို့ ရောင်းချခြင်းအတွက် တရားရုံး၏ ခွင့်ပြုချက်ပါရှိရပါမည်။

၁၂။ အရွယ်မရောက်သူကိုယ်စား တရားရုံးကခန့်ထားသည့် အုပ်ထိန်းသူက မရွှေ့မပြောင်းနိ်ုင်သော ပစ္စည်းကို ရောင်းချရန် တရားရုံး၏ ခွင့်ပြုမိန့်ရရှိပါက အရွယ်မရောက်သူပိုင် ရွှေ့ပြောင်း နိုင်သည့်ပစ္စည်းနှင့် မရွှ့မပြောင်း နိုင်သည့် ပစ္စည်းကို ရောင်းချနိုင်ပါသည်။

၁၃။ စာချုပ်စာတမ်းမှတ်ပုံတင်ရုံးတွင် ပိုင်ဆိုင်ကြောင်း မြွက်ဟကြေညာစာတမ်း လျှောက်ထားရာ၌ အမွေ ပိုင်ဆိုင်ကြောင်း၊ အမွေဆိုင်အားလုံးပါဝင်ကြောင်းနှင့် စပ်လျဉ်း၍ အမွေပိုင်ဆိုင်ကြောင်း၊ အမွေဆိုင်အားလုံး ပါဝင်ကြောင်းနှင့်စပ်လျဉ်း၍အမွေပိုင်ဆိုင်သူအချို့ကို ချန်လှပ်၍ ကျမ်းကျိန်ဆိုခြင်းပြုပါက မမှန်မကန် ကျမ်းကျိန် ဆိုမှုအတွက် တာဝန်ရှိသည့်အပြင် ထိုသို့ အမွေဆိုင်အချို့ကို ချန်လှန်၍ လျှောက်ထားရရှိသော ပိုင်ဆိုင် ကြောင်း မြွက်ဟကြေညာစာတမ်းမှာလည်း သက်ဆိ်ုင်ရာက သိရှိလျှင် သော်လည်းကောင်း၊ တစ်ဦးတစ် ယောက်က ကန့်ကွက်လာလျှင် သော်လည်းကောင်း၊ မှတ်ပုံတင်ထားပြီးသော စာချုပ်ပယ်ဖျက်ခြင်း ခံရမည်ဖြစ် ပါသည်။

၁၄။ အလားတူ မြေပုံမြေရာဇဝင် ကူးယူရာ၌လည်း ဖော်ပြသည့် ကတိသစ္စာပြုလွှာမှာ မှန်ကန်မှု မရှိပါက လိမ် လည်၍ကျမ်းကျိန်ဆိုမှုအတွက် အရေးယူခြင်းခံရနိ်ုင်ကြောင်း သိရှိထားသင့်ပါသည်။

၁၅။ ကွယ်လွန်သူ၏ အမွေဆိုင်သူ သားသမီးများ သို့မဟုတ် ကွယ်လွန်သူ၏ ညီအစ်ကိုမောင် နှမ အရင်းများက ကွယ်လွန်သူပိုင် အိမ်နှင့်မြေ သို့မဟုတ် မြေကွက်ကို စာချုပ်စာတမ်း မှတ်ပုံတင်ရုံးတွင် ပိုင်ဆိုင်ကြောင်း မြွက်ဟ ကြေညာစာတမ်းလျှောက်ထား၍ ခွင့်ပြုပါက စာချုပ်စာတမ်း မှတ်ပုံတင်ရုံးက သတ်မှတ်သည့် တံဆိပ်ခေါင်းခွန် ( ပုံသေ ) ပေးဆောင်ရပါမည်။

၁၆။ ကွယ်လွန်သူ၏ အမွေဆိုင်များအနက်မှ တစ်ဦးဦးက ကွယ်လွန်သူ၏ ရွှေ့ ပြောင်းနိုင်သော ပစ္စည်းနှင့် မရွှေ့ မပြောင်းနိုင်သောပစ္စည်းတို့ကို စီမံခန့်ခွဲနိုင်ရန် အမွေထိန်းစာ လျှောက်ထား နိုင်ကြပါသည်။ တစ်ခါတစ်ရံ အမွေဆိုင်များ အ ပြိုင်လျှောက်ထားလာပါက တရားရုံးက သင့်တော်မည့်အမွေဆိုင်ကို အမွေထိန်း လက်မှတ်စာ ထုတ်ပေးနိုင်ခွင့်ရှိပါသည်။ အမွေထိန်းစာ အပြိုင်လျှောက်ထားလာပါက တရားမကြီးမှုအဖြစ်ပြောင်းလဲ၍ တရား ရုံးက စစ်ဆေးသွားမည် ဖြစ်ပါ သည်။ အမွေထိန်းစာရရှိသူသည် လျှောက်ထားသည့် ပစ္စည်းတန်ဖိုး စုစုပေါင်း အပေါ် ကျပ်တစ်ရာနှင့်( ၇ ) ကျပ်နှုန်း ရုံးခွန်တော်ထမ်းဆောင်ရပါသည်။ ကွယ်လွန်သူပိုင် မရွှေ့မပြောင်းနိုင် သည့် အိမ်နှင့်မြေ သို့မဟုတ် မြေကွက်ကို ထုခွဲရောင်းချလိုပါက အမွေထိန်းစာ ထုတ်ပေးသည့် တရားရုံး ၏ခွင့်ပြုချက်ရရှိမှသာလျှင် ရောင်းချနိုင်မည်ဖြစ်ပါသည်။ အမွေထိန်းစာရရှိသူသည် ကွယ်လွန်သူမှ ရရန်ရှိသော ကြွေးမြီများကို ရှင်းလင်းပြီးနောက် ကျန်ငွေသားများနှင့် ပစ္စည်းများကို အမွေဆိုင် တို့အား မျှမျှတတ ခွဲဝေပေး ရန် တာဝန်ရှိပါသည်။

၁၇။ အပိုဒ် ၁၆ အရ အမွေထိန်းလက်မှတ်စာ အပြိုင်အဆိုင်လျှောက်ထားမှုတွင် အမွေပုံ စီမံခန့်ခွဲမှု စွဲဆိုရန် ပေါ်ပေါက်ပါက တရားရုံးအနေဖြင့် မည်သူ့ကိုမျှ အမွေထိန်းလက်မှတ်စာ ထုတ်ပေးမည် မဟုတ်ကြောင်း သတိ ပြုသင့်ပါသည်။ အမွေဆိုင်တို့အနေဖြင့် ကွယ်လွန်သူ အမွေရှင်၏ ကျန်ရစ်သော အမွေကို မိမိတို့ရသင့်ရထိုက် သော အမွေဝေစုကို စီရင်ပိုင်ခွင့်ရှိသော တရားရုံးတွင် တရားတစ်ထုံး စွဲဆိုရန် ဖြစ်ပါသည်။

ကိုးကား ( ဦးဗကြိုင် ( ဘီအေ၊ ဘီအယ်လ် ) ၊ မရွှေ့မပြောင်းနိုင်သည် အိမ်၊ခြံ၊မြေ၊ တိ်ုက်ခန်း စသည်များ ရောင်းချခြင်း၊ ဝယ်ယူခြင်း၊ ငှားရမ်းခြင်းဆိုင်ရာ ဥပဒေသိမှတ်ဖွယ်ရာ ၊ စာ ၉ မှ ၁၁ ထိ) ။ DVBLawLab
ကျေးဇူးတင်ပါတယ်ရှင်

Address

Yangon
11041

Website

Alerts

Be the first to know and let us send you an email when Law For All posts news and promotions. Your email address will not be used for any other purpose, and you can unsubscribe at any time.

Shortcuts

Share

Category