What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00 Saturday 09:00 - 12:00

http://lawyershandbook2013.blogspot.com/

Lawyer's Handbook, No. 322(First Floor), Aungtagon Street, (29) Ward, Dagon Myothit (North) Township, Yangon Region, Yangon (2026)

27/03/2025

၂၆.၃.၂၀၂၅ ရက်နေ့ အမိန့်ကြော်ငြာစာ အမှတ် (၂၉၆/၂၀၂၅) အရ ခရိုင်းတရားသူကြီးများ၏ စီရင်ပိုင်ခွင့်အာဏာ ထပ်မံတိုးမြင့်

26/02/2025

တရားမအမှုလိုက်တဲ့ ရှေ့နေကြီးများခင်ဗျာ ရုံးခွန်နှုန်းထားတွေပြောင်းပြီနော် 🥵
#ရုံးခွန်ဥပဒေပြင်ဆင်

26/02/2025

ကဲ ရှေ့နေဖြစ်ချင်တဲ့ သူတွေအတွက်နော် 🥰

28/11/2023

အများသိစေရန်ကြေညာခြင်း

၂၀၁၆ ခုနှစ် မေလ ၂၆ ရက်‌နေ့မှ စ၍ Lawyer's Handbook အမည်ဖြင့် page ထောင်ပြီး အများပြည်သူများ ၊ စီးပွားရေးလုပ်ငန်းရှင်များနှင့် ဥပဒေပညာ လေ့လာနေသူများ အားလုံး အတွက် ပြဌာန်း ဥပဒေများ ၊ နည်းဥပဒေများ ၊ ညွှန်ကြားချက်များနှင့် လုပ်ထုံးလုပ်နည်းများကို လည်းကောင်း၊ ဥပဒေပညာရှင် ဆရာကြီး၏ စာအုပ်များမှ ကောင်းနိုးရာရာ ဥပဒေပညာရပ်များ ကိုလည်ကောင်း ထုတ်နှုတ်ပြီး ဥပဒေပညာ အခမဲ့ဖြန့်ဖြူးပေးခဲ့ခြင်းများကို စွမ်းစွမ်းတမံ ပြုလုပ်‌ပေးခဲ့ပါသည်။

ထို့အပြင် Lawyer's Handbook အမည်ဖြင့် ဥပဒေရေးရာ ဝန်ဆောင်မှုများ ဖြစ်ကြသော -

၁ ။ အိမ်၊ ခြံ၊ မြေ အရောင်းအဝယ်နှင့် ပတ်သက်သည့် ဥပဒေဝန်ဆောင်မှု လုပ်ငန်းများ၊

၂ ။ ကုန်အမှတ်တံဆိပ် မူပိုင်ခွင့်လျှောက်ထားပေးသည့် ဝန်ဆောင်မှုလုပ်ငန်းများ၊

၃ ။ စီးပွားရေးလုပ်ငန်းဆိုင်ရာ ဥပဒေအကြံပေး လုပ်ငန်းများ၊

၄ ။ စီးပွားရေးလုပ်ငန်းဆိုင်ရာ စာချုပ်စာတမ်းများအပေါ် စိစစ်သုံးသပ်၍ ဥပဒေအကြံပေးခြင်း (Review and advising) ၊

စီးပွားရေးလုပ်ငန်းဆိုင်ရာ စာချုပ်စာတမ်းများ ချုပ်ဆိုရန်အတွက် ဥပဒေများနှင့်အညီ စာချုပ်ရေးဆွဲ ပြင်ဆင်ပေးခြင်း (Contract Drafting) ၊

စီးပွားရေးလုပ်ငန်းဆိုင်ရာ စာချုပ်စာတမ်းများကို ချုပ်ဆိုပေးခြင်း (Contracting) စသည့် စာချုပ်စာတမ်း ဝန်ဆောင်မှု လုပ်ငန်းများ၊

၅ ။ နို့တစ်စာ‌ပေးပို့ခြင်း နှင့် အများပြည်သူသိရှိစေလိုသော ကိစ္စအမျိုးမျိုးအတွက် နိုင်ငံပိုင်သတင်းစာများ၌ ရှေ့နေ ဖြင့် ထည့်‌သွင်း‌ကြေငြာပေးသည့် ဝန်ဆောင်မှု လုပ်ငန်းများ၊

၆ ။ တရားရုံးများတွင် ရာဇဝတ်မှုများ ၊ တရားမမှုများ စွဲဆို၍ အမှုလိုက်ပါဆောင်ရွက်ခြင်း စသည့် အမျိုးမျိုး သော ဥပဒေရေးရာဝန်ဆောင်မှု လုပ်ငန်းများကို လုပ်ကိုင်ဆောင်ရွက်လျှက်ရှိပါသည် ။

Lawyer's Handbook အမည်နှင့် ပတ်သက်၍ ယခု Lawyer's Handbook page ၊ Lawyer's Handbook Facebook Account သာရှိပြီး မည့်သည့် Application များ ၊ Page များ ၊ FB Account များ ပြုလုပ်ထားခြင်း မရှိသည်ကို ကြေငြာအပ်ပါသည် ။ Lawyer Handbook အနေဖြင့် နောက်ထပ်တိုးချဲ့ဆောင်ရွက်မည့် ဝန်ဆောင်မှုလုပ်ငန်းများကို ဤ page မှ ထပ်မံ မိတ်ဆက် ကြေငြာ သွားမှာ ဖြစ်ပါသည် ။

Lawyer's Handbook အမည်နှင့် Logo အမှတ်တံဆိပ်ကိုလည်း ရန်ကုန်မြို့ စာချုပ်စာတမ်းရုံး၌ မြွက်ဟကြေငြာစာချုပ်ဖြင့် မှတ်ပုံတင်ထားသလို မူပိုင်ခွင့်ဦးစီးဌာန၌လည်း ဝန်ဆောင်မှု အမှတ်တံဆိပ်အဖြစ် မှတ်ပုံတင်လျှောက်ထားပြီးဖြစ်ကြောင်း အသိပေးအပ်ပါသည် ။

Lawyer Handbook အမည် နှင့် Logo အမှတ်တံဆိပ်ကို တုပ၍ လုပ်ငန်းတူ ပုံစံတူယူသုံးပြီး ဆင်တူယိုးမှား ပြုလုပ် ဆောင်ရွက်လျှင် ရာဇသတ်ကြီးပါ ပြဌာန်းပုဒ်မများအရ အရေးယူ ဆောင်ရွက်သွားမည့်အပြင်၊ ကုန်အမှတ် တံဆိပ် မူပိုင်ခွင့်ဥပဒေအရလည်း ထပ်မံ အရေးယူဆောင်ရွက်ခံရမည် ဖြစ်ကြောင်းအတိအလင်း ကြေညာလိုက်ပါသည်။
Lawyer's Handbook

07/09/2023

အီလက်ထရောနစ်နည်းလမ်းဖြင့် ကူးသန်းရောင်းဝယ်ခြင်းလမ်းညွှန် (၂၀၂၃) (E-Commerce Guidelines - 2023)

02/09/2023

ရှေ့နေများ၊ နိုတြီပဗ္ဗလစ်များနှင့် ဥပဒေဖြင့် အသက်မွေးဝမ်းကျောင်းပြုသူများက ငွေကြေးခဝါချမှုနှင့် အကြမ်းဖက်မှုကို ငွေကြေးထောက်ပံ့မှုတိုက်ဖျက်ရေး AML/ CFT ဆိုင်ရာ OFFSITE စစ်တမ်းလွှာဖြေဆိုရန် ကြေညာချက်

နေပြည်တော်၊ ဇွန် ၂၂

၁။ ပြည်ထောင်စုတရားစီရင်ရေးကြီးကြပ်မှုရုံးသည် ရှေ့နေများ၊ နိုတြီပဗ္ဗလစ်များနှင့် ဥပဒေဖြင့် အသက်မွေးဝမ်းကျောင်းပြုသူများအတွက် ငွေကြေးခဝါချမှုနှင့်အကြမ်းဖက်မှုကို ငွေကြေးထောက်ပံ့မှုတိုက်ဖျက်ရေးဆိုင်ရာ ကြေညာချက်များကို ၁၈-၁၂-၂၀၁၉ ရက်စွဲ ဖြင့်လည်းကောင်း၊ ၃၀-၉-၂၀၂၂ ရက်စွဲဖြင့်လည်းကောင်း အသီးသီးထုတ်ပြန်ထားပြီးဖြစ်ပါသည်။

၂။ ကြီးကြပ်ရေးအာဏာပိုင်၏ ငွေကြေးခဝါချမှုဆိုင်ရာ ဆုံးရှုံးနိုင်ခြေအန္တရာယ်ကို လုပ်ငန်းခွင်ပြင်ပစစ်ဆေးခြင်းဆောင်ရွက်နိုင်ရန်အတွက် AML/CFT ဆိုင်ရာ Offsite စစ်တမ်းလွှာကို အောက်ပါအတိုင်း ဖြေဆိုတင်ပြကြပါရန် အသိပေးကြေညာအပ်ပါသည်။

(က) အထက်တန်းရှေ့နေများ

- သက်ဆိုင်ရာနှစ်အလိုက် သက်တမ်းတိုးလျှောက်ထားရာတွင် ပြည့်စုံစွာဖြေဆိုထားသော AML/CFT ဆိုင်ရာ Offsite စစ်တမ်းလွှာကို မပျက်မကွက်ပူးတွဲတင်ပြရန်၊

- တရားလွှတ်တော်ရှေ့နေ လျှောက်ထားရာတွင် ပြည့်စုံစွာဖြေဆိုထားသော AML/CFT ဆိုင်ရာ Offsite စစ်တမ်းလွှာကို မပျက်မကွက်ပူးတွဲ တင်ပြရန်၊

(ခ) တရားလွှတ်တော်ရှေ့နေများ

တရားလွှတ်တော်ရှေ့နေများသည် သက်ဆိုင်ရာနှစ်အလိုက် လုပ်ငန်းဆောင်ရွက်မှုများနှင့်စပ်လျဉ်း၍ AML/CFT ဆိုင်ရာ Offsite စစ်တမ်းလွှာကို ပြည့်စုံမှန်ကန်စွာဖြေဆိုပြီး နှစ်စဉ်ဇန်နဝါရီလ ၁၅ ရက်နေ့ နောက်ဆုံးထား၍ ကြီးကြပ်ရေးအာဏာပိုင် (ရှေ့နေရှေ့ရပ်နှင့်စစ်ဆေးရေးဌာန၊ ပြည်ထောင်စုတရားစီရင်ရေးကြီးကြပ်မှုရုံး) ပြည်ထောင်စုတရားလွှတ်တော်ချုပ်သို့ စာတိုက်မှလည်းကောင်း၊ အမြန်ချောပို့ဖြင့်လည်းကောင်း မပျက်မကွက်ပေးပို့တင်ပြရန် နှင့် Email Address; [email protected] သို့ ကြိုတင်ပေးပို့ရန်

(ဂ) နိုတြီပဗ္ဗလစ်များ

နိုတြီပဗ္ဗလစ်များသည် သက်ဆိုင်ရာနှစ်အလိုက် လုပ်ငန်းဆောင်ရွက်မှုများနှင့်စပ်လျဉ်း၍ AML/CFT ဆိုင်ရာ Offsite စစ်တမ်းလွှာကို ပြည့်စုံမှန်ကန်စွာ ဖြေဆိုပြီး နှစ်စဉ်ဇန်နဝါရီလ ၁၅ ရက်နေ့ နောက်ဆုံးထား၍ ကြီးကြပ်ရေး အာဏာပိုင် (ရှေ့နေရှေ့ရပ်နှင့်စစ်ဆေးရေးဌာန၊ ပြည်ထောင်စုတရားစီရင်ရေးကြီးကြပ်မှုရုံး) ပြည်ထောင်စုတရားလွှတ်တော်ချုပ်သို့ စာတိုက်မှလည်းကောင်း၊ အမြန်ချောပို့ဖြင့်လည်းကောင်း မပျက်မကွက်ပေးပို့တင်ပြရန် နှင့် Email Address; [email protected] သို့ ကြိုတင်ပေးပို့ရန်

(ဃ) Law Firm များ

Law Firm များသည် သက်ဆိုင်ရာနှစ်အလိုက် လုပ်ငန်းဆောင်ရွက်မှုများနှင့်စပ်လျဉ်း၍ AML/CFT ဆိုင်ရာ Offsite စစ်တမ်းလွှာကို အကောင်အထည်ဖော်ရေးအရာရှိက ပြည့်စုံမှန်ကန်စွာဖြေဆိုပြီး နှစ်စဉ်ဇန်နဝါရီလ ၁၅ ရက်နေ့ နောက်ဆုံးထား၍ ကြီးကြပ်ရေး အာဏာပိုင် (ရှေ့နေရှေ့ရပ်နှင့်စစ်ဆေးရေးဌာန၊ ပြည်ထောင်စုတရားစီရင်ရေးကြီးကြပ်မှုရုံး) ပြည်ထောင်စုတရားလွှတ်တော်ချုပ်သို့ စာတိုက်မှလည်းကောင်း၊ အမြန်ချောပို့ဖြင့်လည်းကောင်း မပျက်မကွက် ပေးပို့တင်ပြရန်နှင့် Email Address; [email protected] သို့ ကြိုတင်ပေးပို့ရန်

၃။ မေးမြန်းလိုသည့်အချက်အလက်များရှိပါက [email protected] သို့ လည်းကောင်း၊ ဖုန်းနံပါတ် ၀၆၇၃၄၃၀၄၂၄ နှင့် ၀၆၇၃၄၃၀၃၃၀ သို့ လည်းကောင်း ဆက်သွယ်စုံစမ်းမေးမြန်းနိုင်ပါသည်။

ရှေ့နေရှေ့ရပ်နှင့်စစ်ဆေးရေးဌာန
ပြည်ထောင်စုတရားလွှတ်တော်ချုပ်

02/09/2023

ဥပဒေဘွဲ့ရမဟုတ်တဲ့သူများ ရှေ့နေဖြစ်ချင်ပါက
တက်ရောက်ရမည့် ဥပဒေပညာ ဒီပလိုမာဘွဲ့
(PGDL)အကြောင်းအသေးစိတ်ရေးသားဖော်ပြလိုက်ပါတယ်

PGDLဆိုတာဘာလဲ။

PGDLဆိုတာ Post Graduate Diploma in Law
(ဥပဒေပညာ ဘွဲ့လွန် ဒီပလိုမာ)ဖြစ်ပါတယ်။
ရန်ကုန်အဝေးသင်တက္ကသိုလ်၌၂၀၁၂ခုနှစ်တွင်
စတင်ဖွင့်လှစ်သင်ကြားခဲ့ပါတယ်။

မေး- ဘယ်သူတွေ တက်ရောက်သင့်တာလဲ?
ဖြေ- ရှေ့နေအဖြစ် အသက်မွေးလိုသူတွေ၊ဥပဒေ
ပညာကို တက္ကသိုလ်မှာ တက်ချင်ပေမယ့် အခြားဘွဲ့သင်ယူခဲ့ရသူတွေ တက်ရောက်သင့်ပါတယ်။

မေး- သင်တန်းကအောင်မြင်ရင် ရှေ့နေလိုင်စင်ရမှာလား?
ဖြေ- PGDL အောင်မြင်သူဟာ ဘွဲ့လက်မှတ်မှာ Post Graduate Diploma In Law Course is recognized as equivalent to Registered Lawyer Course, as this qualification is certified by Ministry of Education လို့ဆိုထားတဲ့အတွက် PGDL အောင်မြင်ပြီးတဲ့နောက် သတ်မှတ်ထားတဲ့ အလုပ်သင်ရှေ့နေ ကာလပြီးဆုံးတဲ့ အခါ ရှေ့နေလိုင်စင် ရမှာဖြစ်ပါတယ်။ချိန်ဘာဆင်းရပါတယ်။

မေး- လျှောက်ထားသူရဲ့ အရည်အချင်းတွေကရော ဘာတွေလိုမလဲ?
ဖြေ- ဥပဒေဘွဲ့မှအပ မည်သည့်တက္ကသိုလ်မှဖြစ်စေ ဘွဲ့တစ်ခုခု ရရှိထားသူ ဖြစ်ရပါမယ်။ Online Course ဖြစ်တဲ့အတွက် မိမိ နေထိုင်ရာဒေသမှာ အင်တာနက်ကွန်ယက်ရှိရပါမယ်။ စာမေးပွဲဖြေတဲ့အခါမှာကွန်ပျူတာအသုံးပြုရ မှာဖြစ်လို့ ကွန်ပျူတာ ကို ကျွမ်းကျင်စွာ အသုံးပြုတတ်သူဖြစ်ရပါမယ်။

မေး-အသက်ကန့်သက်ချက်ရှိလား
ဖြေ-အသက်ကန့်သက်ချက်မရှိပါဘူး။

မေး- လျှောက်ထားတဲ့အခါ ဘယ်လိုလျှောက်ရမလဲ?
ဖြေ- အင်တာနက်ကွန်ယက်မှတစ်ဆင့် website လိပ်စာ ဖြစ်တဲ့ http://www.yudeonline.edu.mm မှ တစ်ဆင့် လျှောက်ထားရပါမယ်။

မေး- ဘာအချက်အလက်တွေ လိုအပ်လဲ?
ဖြေ-
၁။ အမည်
၂။ မှတ်ပုံတင်နံပါတ်
၃။ ဓာတ်ပုံ passport ပုံ soft copy
၄။ မွေးနေ့သက္ကရာဇ်
၅။ အလုပ်အကိုင်၊ လိပ်စာ၊ လုပ်သက်အတွေ့အကြုံ
၆။ Email လိပ်စာ၊ဖုန်းနံပါတ်
၇။ အဖအမည်၊ မှတ်ပုံတင်နံပါတ်၊အလုပ်အကိုင်၊နေရပ်လိပ်စာ
၈။ အမိအမည်၊ မှတ်ပုံတင်နံပါတ်၊အလုပ်အကိုင်၊နေရပ်လိပ်စာ
၉။ ဘွဲ့အမည်၊ မေဂျာ၊အထူးပြု၊ဘွဲ့လက်မှတ်မိတ္တူ

မေး- စာမေးပွဲကို ရန်ကုန်မှာ သွားဖြေရမှာလား?
ဖြေ- ဝင်ခွင့်ရ ကျောင်းသားကို email ကနေ အကြောင်းကြားမှာဖြစ်ပြီး ကိုယ်တိုင်ဖြစ်စေ လူစားဖြင့် ဖြစ်စေ ကျောင်းအပ်နိုင်ပြီး ၅ လ semester တစ်ခုအတွက် Face to Face ၂ကြိမ်နဲ့ စာမေးပွဲ ဖြေဖို့ တစ်ကြိမ် စုစုပေါင်း သုံးကြိမ် ရန်ကုန်မြို့ သထုံလမ်းမှာရှိတဲ့ အဝေးသင်တက္ကသိုလ်ကို သွားရောက်ရမှာဖြစ်ပါတယ်။

မေး- Face to Face ကဘာလဲ?
ဖြေ- သင်ခန်းစာတွေနဲ့ ပတ်သက်ပြီး လူတွေ့ ရှင်းလင်းသင်ပြတာဖြစ်ပါတယ်။ Face to Face တစ်ကြိမ်ကို ၂ရက် ပြုလုပ်ပေးပါတယ်။

သင်ကြားတဲ့ဘာသာရပ်များအနေနဲ့ ပထမပညာသင်ကာလမှာ ဘာသာရပ် (၅) ခုရှိပါတယ်။
၁။ Law 6101 _ Criminal Law and Criminal Procedure Code
၂။ Law 6102 _ Family Law
၃။ Law 6103 _ Contract and Tort
၄။ Law 6104 _ Business Law and Labour Law
၅။ Law 6105 _ Land Law and Revenue Law

ပထမ ပညာသင်ကာလရဲ့ ဘာသာရပ် ၅ ခုကို တစ်ခုလျှင် စာစဉ် အ‌ဖြေတစ်ခု တင်ရပြီး၊ တစ်နာရီအတွင်း မေးခွန်း ၆၀ အပြီးဖြေရတဲ့ ကျူတိုရီရယ် တစ်ခု ဖြေရပါတယ်။ ကြားထဲမှာ face to face နှစ်ကြိမ် သင်ယူရပါတယ်။
ပြီးလျှင် ရန်ကုန်အဝေးသင်တက္ကသိုလ်သို့ သွား‌ရောက်ကာ ကွက်လပ်ဖြည့် ၂၀၊ အမှန်ရွေး ၄၀၊ မှားမှန်ရွေး ၄၀ ၊မေးခွန်းတို ၁၀၊ စုစုပေါင်း မေးခွန်း ၁၁၀ ကို ၃ နာရီအတွင်း ဖြေဆိုရပါတယ်။

ဘာသာရပ်တစ်ခုလျှင် ၆၀ မှတ်ရရင် အောင်တယ်ဆိုပါတယ်။ (ဘွဲ့လွန်အောင်မှတ်တွေက ၆၅ ပါ။ ဖြေဆိုသူတွေသိ‌တာက ၆၀ ပါ။ moderation လည်းဖြစ်နိုင်ပါတယ်။ ဒါကြောင့် ဆိုပါတယ် လို့ post မှာသုံးထားတာပါ။)

ဒုတိယပညာသင်ကာလအတွက်တော့
၁။ Law 6106 _ Civil Procedure Code
၂။ Law 6107 _ The Evidence Act
၃။ Law 6108 _ Constitutional Law and Administrative Law
၄။ Law 6109 _ International Law
တို့သင်ကြားရပါတယ်။

ဖြေဆိုပုံအောင်မြင်ပုံက ပထမပညာသင်ကာလအတိုင်းဖြစ်ပါတယ်။

ပြီးတော့ဒုတိယပညာသင်ကာလမှာ ဘွဲ့ယူစာတမ်းတစ်ခုတင်သွင်းပြီး အဆိုပါစာတမ်းအတွက် ရန်ကုန်အဝေးသင်တက္ကသိုလ်သို့သွားရောက်ကာ လူတွေ့စစ်ဆေးမှုခံယူရပါတယ်။

အားလုံးကို english ဘာသာရပ်အသုံးပြု၊ ဆက်သွယ်ရေးကွန်ရက်ကြားခံထားသင်ကြားသင်ယူဖြေဆိုရတာပါ။

မေး- သင်တန်းသား ဘယ်လောက်လက်ခံမှာလဲ?
ဖြေ- Batch 13 မှစတင်ပြီး သင်တန်းသား ၁၀၀ လက်ခံသင်ကြားပေးပါတယ်။ယခင်က သင်တန်းသား ၅၀ သာလက်ခံပါတယ်။

မေး-အခုတက်ချင်လို့တက်လို့ရနိုင်မလား
ဖြေ-👇

Crd - မူရင်း

31/03/2023

အမှတ်တံဆိပ်မှတ်ပုံတင်လျှောက်ထားခြင်းအတွက် အခကြေးငွေပေးဆောင်ရမည့် နည်းလမ်းများ သတ်မှတ်ခြင်း

31/03/2023

အမိန့်အမှတ်(၆၃/၂၀၂၀)အရ ဒုတိယအဆင့်အနေဖြင့် မှတ်ပုံတင်လျှောက်ထားရန် ကြေညာချက်

31/03/2023

အမှတ်တံဆိပ်မှတ်ပုံတင်လျှောက်ထားခြင်းဆိုင်ရာ ဝန်ဆောင်မှု အခကြေးငွေများသတ်မှတ်ခြင်း

31/03/2023

ကုန်အမှတ်တံဆိပ် မှတ်ပုံတင်ခြင်းဆိုင်ရာ နည်းဥပဒေ

31/03/2023

ကုန်အမှတ်တံဆိပ်မူပိုင်ခွင့်ဥပဒေအရ စွဲဆိုမှုများ စစ်ဆေးစီရင်ခြင်းဆိုင်ရာလုပ်ထုံးလုပ်နည်းများ

Lawyer's Handbook

27/03/2025

26/02/2025

26/02/2025

28/11/2023

07/09/2023

02/09/2023

02/09/2023

31/03/2023

31/03/2023

31/03/2023

31/03/2023

31/03/2023

Address

Opening Hours

Telephone

Website

Alerts

Contact The Business

Shortcuts

Share

Category

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00
Saturday	09:00 - 12:00