https://www.facebook.com/105825504674654/

DSS - Real Estate Service, North Dagon, Yangon (2026)

09/01/2025

# # #အိမ်ခြံမြေလောကထဲသို့ဝင်ရောက်လာသော
ကျားဖြန့် (သို့ ) Digital Marketing ရဲ့ ဖြတ်မျဥ်းများ.....

အိမ်ခြံမြေလောကထဲကိုပါ ကျားဖြန့်တို့ စတင်ဝင်ရောက်ဖို့ကြိုးစားလာပါပြီ။
အဝေးရောက်သူတွေ၊ နိုင်ငံခြားရောက်သူတွေနဲ့ အယုံလွယ်သူတွေကို ပစ်မှတ်ထားနိုင်ပါတယ်။ အလိမ် မခံရအောင် ကြိုတင်အသိပေးခြင်းဖြစ်ပါတယ်။

စာရေးသူ အိမ်ခြံမြေလောကထဲကို စျေးကွက်စီးပွားရေးစနစ် - Digital Marketing စနစ်ကိုအသုံးပြုပြီးဝင်ရောက်ခဲ့ပါတယ်။ ထိုစနစ်က အိမ်ခြံမြေလောကမှာ အကျိုးဆောင်၊ ရောင်းသူ၊ ဝယ်သူတွေအတွက် အကျိုးအမြတ်များစွာရှိခဲ့ပါတယ်။ ထိုစနစ်ကြောင့် စာရေးသူ အချိန်တိုအတွင်းမှာ အရောင်းအဝယ်တွေဖြစ်ခဲ့ပြီး အောင်မြင်ခဲ့တယ်လို့ပြောလို့ရပါတယ်။

စျေးကွက်စီးပွားရေးစနစ်နဲ့ပတ်သတ်ပြီး
ဖတ်ရှုလေ့လာခဲ့သောစာအုပ်တစ်အုပ်ထဲတွင် စျေးကွက်ထိုးဖောက်ပုံကို ဤသို့ရှင်းပြထားပါတယ်
မိမိဝန်ဆောင်မှုကို လူအယောက် (၁၀၀) ကို အသိပေးနိုင်အောင်ကြိုးစားပါ...
ထိုလူအယောက် (၁၀၀) လောက်ထဲကမှ (၁၀) ယောက် လောက်သည် ဝန်ဆောင်မှုကိုပိုမိုသိချင်သည့်အတွက် မိမိထံသို့ဆက်သွယ်လာပါလိမ့်မည်...
ထို လူ (၁၀) ယောက်ကိုသေချာရှင်းပြပြီးသောအခါ (၁၀) ယောက်ထဲကမှ (၁) ယောက် သို့မဟုတ် (၂) ယောက်လောက်သည် မိမိ၏ဝန်ဆောင်မှုကို ဝယ်ယူအားပေးလိမ့်မည်...
စျေးကွက်စီးပွားရေးတွင် အောင်မြင်မှု၏လျှို့ဝှက်ချက်မှာ မိမိ၏ထုတ်ကုန်နှင့် ဝန်ဆောင်မှုများကို စျေးကွက်ထဲသို့ မြန်မြန်ဆန်ဆန်၊ ကျယ်ကျယ်ပြန့်ပြန့်ရောက်ရှိအောင်စွမ်းဆောင်နိုင်မှုဖြစ်သည်....
မြန်မြန်ဆန်ဆန်နှင့် ကျယ်ကျယ်ပြန့်ပြန့် ရောက်ရှိနိုင်လေလေ အောင်မြင်မှုနှုန်း မြန်လေလေဖြစ်၏...ဟုရှင်းပြထားလေသည်။
ထိုစနစ်ကြောင့် စာရေးသူအနေနဲ့ ၃ နှစ်ကျော် ဆိုတဲ့ အချိန်တိုအတွင်းမှာ အိမ်ခြံမြေ အရောင်းအဝယ် ပေါင်း ၁၀၀ ကျော် ၂၀၀ နီးပါကို ရောင်းထွက်အောင် အကျိုးဆောင်နိုင်ခဲ့ပါတယ်။

ထိုစနစ်ကိုသုံးပြီး မသမာသူ၊ အလိမ်အညာ၊ ကျားဖြန့်များလည်း အိမ်ခြံမြေလောကထဲကိုဝင်ရောက်ဖို့ကြိုးစားလာပါပြီ။
ကျားဖြန့်များဝင်ရောက်လာသောနည်းလမ်းမှာ
" အရှုပ်အရှင်းရှိသော အိမ်ခြံမြေ၊ မြေကို ရှင်းလင်းပေးခြင်း"
"ဂရန်လျှောက်ပေးခြင်း"
"ခြံအမည်ပေါက်လျှောက်ခြင်း"
"လုပ်ငန်းလိုင်စင် အမည်ပေါက်လျှောက်ခြင်း၊
ပြောင်းခြင်း" စသည့်ဝန်ဆောင်မှုပေးမည်ဟုဆိုကာ
အဝေးရောက်သူတွေ၊ နိုင်ငံခြားရောက်သူတွေနဲ့ အယုံလွယ်သူတွေကို ပစ်မှတ်ထား လိမ်လည်ဖို့ ကြိုးစားလာခြင်းဖြစ်ပါတယ်။
ထိုဝန်ဆောင်မှုများ မဖြစ်မနေလိုအပ်ပါက ဝန်ဆောင်မှုပေးသူကို မျက်မြင်တွေ့ပြီးမှ၊ လူကိုယ်တိုင်တွေ့ပြီးမှ လုပ်ငန်းအပ်နှံဖို့အကြံပေးချင်ပါတယ်။
အဝေးရောက်နေလို့၊ နိုင်ငံခြားရောက်နေလို့ ကိုယ်တိုင်မတွေ့နိုင်ပါက မိမိကိုယ်စားလူလွှတ်၍ ဝန်ဆောင်မှုပေးသူအားတွေ့ပြီးမှ ဝန်ဆောင်မှုယူဖို့အကြံပေးချင်ပါတယ်။ ငွေကြိုလွှဲပေးခြင်းမျိုး(လုံးဝ)မလုပ်ဖို့ကိုလည်း အကြံပေးချင်ပါတယ်။
မသမာသူ၊ အလိမ်အညာ၊ ကျားဖြန့်များ အန္တရာယ်မှကာကွယ်နိုင်ကြပါစေလို့ဆုမွန်ကောင်းတောင်းပေးအပ်ပါတယ်။
အလိမ် မခံရအောင် ယခုpostကို ဝိုင်းShareပေးကြပါဦးခင်ဗျာ
အောက်ကပုံကတော့ စာရေးသူကိုမမြင်တာကြာတော့မေ့နေမှာစိုး၍ တင်ခြင်းဖြစ်ပါတယ်ခင်ဗျာ

ေးပါတယ်။
#ချစ်သဲမောင်
ဥက္ကဌ (တွံတေးမြို့နယ်)
မြန်မာနိုင်ငံအိမ်ခြံမြေဝန်ဆောင်မှုအသင်း (MRESA)
၇.၁.၂၀၂၅ / ၀၁း၅၀ am

06/12/2024

မြေဝယ်မကျဆိုသည်မှာ… (မြေကို ဝယ်ခြင်းဆိုသည်ထက် မြေ၏ပိုင်ဆိုင်မှုကို ဝယ်ယူခြင်းဖြစ်သည်)

🔹 မြေဝယ်မကျဆိုသည်မှာ တွေ့တဲ့ခြံမြေကို ပေါချောင်ကောင်းစျေးတွေနဲ့ရတဲ့မြေတိုင်းကတော့ 100% အာမမခံနိုင်ပါဘူးဗျာ.. 😎

🔹 ရင်းနှီးမြုပ်နှံသင့်တဲ့ခြံမြေများရှိသလို လုံးဝမဝယ်သင့်တဲ့ ခြံမြေမျိုးလည်းများစွာရှိပါသည်။ မြေပိုင်ဆိုင်မှုစာချုပ်စာတမ်းအမျိုးမျိုးနှင့် အရှုပ်ရှင်းအမျိုးမျိုးရှိပါသည်။ ဝယ်ထားသောခြံသည် ပိုင်ဆိုင်မှု့ခိုင်မာ၍ နောင်တစ်ချိန်မှာ အချက်ချာကျနိုင်သော နေရာဖြစ်ရမည်။ မြေအရောင်းဝယ်မှာ မြေကိုဝယ်ခြင်းဆိုသည် ထက် မြေ၏ပိုင်ဆိုင်မှုကို ဝယ်ယူခြင်းဖြစ်ပါသည်။

🔹 ဂရံမြေ 🔹
လူတိုင်း မြေဝယ်မည်ဆုံးဖြတ်ပါက ဂရံမြေကိုသာ ပိုသဘောကျနှစ်သက်ကြသည်။ အရောင်းဝယ်လွယ်
ကူသည်။ လူတိုင်းနှစ်သက်သောမြေ (သစ်တောဂရံမြေ၊ စိုက်ပျိုးဂရံမြေ၊ စက်မှုဇုံဂရံမြေ၊ လူနေထိုင်အိမ်
ဂရံမြေ) အမျိုးမျိုးရှိသည်။

🔹 သစ်တော ဂရံမြေ 🔹
သစ်တောရုံးမှ ထုတ်ပေးသော ဂရံမြေဖြစ်ပြီး မိသားစု တစ်အိမ်စာဆောက်လုပ်ခွင့်မှအပ အခြားစီးပွား
ရေးပြုလုပ်ရန် (သို့) ခြံပိုင်း၍ရောင်းဝယ်ရန် မလွယ်ကူပါ။ ခွင့်ပြုချက် အဆင့်ဆင့်လျှောက်တင်ရပါမည်။

🔹 စိုက်ပျိုး ဂရံမြေ 🔹
အစိုးရမှ တိုက်ရိုက်ထုတ်ပေးသော ဂရံ (စလစ်) မြေအငှားစာချုပ်ဖြစ်ပြီး လူနေထိုင်ခွင့်၊ အရောင်းဝယ်ပြုလုပ်ခွင့်၊ အကွက်ရိုက်ရောင်းချခြင်း လုံးဝပြုလုပ်ရန်မသင့်။ ထို့သို့ပြုမည်ဆိုပါက အစိုးရမှ အချိန်မရွေးပြန်သိမ်းနိုင်သည်။

🔹 စက်မှုဇုံဂရံမြေ 🔹
က(၃၀)ဖြင့် ခွင့်ပြုချက်ကျပြီး စက်မှုလုပ်ငန်းမှအပ (3)ခ ပါရင် လူနေအိမ်ဆောက်နေထိုင်၍ ရသည်။

🔹 လူနေထိုင်အိမ်ဂရံ 🔹
ထို ဂရံ မှသာလျှင် လူနေရန် အိမ်ဆောက်လုပ်ရန် ဥပဒေအရသော်၄င်း၊ အရောင်းဝယ်ပြုရန်သော်၄င်း လုံးဝကင်းရှင်းသည် စည်ပင်မှ ထုတ်ပေးသော စာအုပ်စိမ်းဖြင့် ဂရံမြေ ဝယ်ယူမည်ဆိုပါက ဝယ်ယူသူမှ စစ်ဆေးရမည်၊ မခိုင်မာသော ဂရံ မြေများလည်းရှိသည့်နည်းတူ အရောင်းဝယ်ပြုလုပ်ရာ အရှုပ်ရှင်းများ
များသော ဂရံ မြေ များလည်းရှိသည်။(မှတ်ချက်-ဂရံမြေများသည် အစိုးရစီမံကိန်း နှင့် မလွတ်ကင်းပါကသိမ်းယူနိုင်ပါသည် ပြည်သူရွေးချယ်ထားတဲ့ အစိုးရဖြစ်ပါက လျော်ကြေး ပြန်ရပါသည်)

🔹 ပါမစ်မြေ🔹
ဂရံ ပြောင်းလျှောက်မည်ဆိုပါက လွယ်ကူပြီးခိုင်မာမှု့ ရှိသောမြေပါ သို့သာ် ပါမစ်မြေ ဝယ်ယူမည်ဆိုပါက အကောင်းဆုံးရှေ့နေငှားရမ်းပြီးစီစစ်ပါ စရံချပြီးသတင်းစာတွင်ကြေငြာထည့်ထားပါ ပါမစ်မြေသည်
အရင် အိုးအိမ်ရုံးမှ ထုတ်ပေးသော ပိုင်ဆိုင်မှုစာရွက်စာတမ်း အိမ်ထောင်စုစာရင်းကဲ့သို့ မိသားစုဓာတ်ပုံနှင့်တကွ မြေပိုင်ဆိုင်မှုစာချုပ် တွဲလျက်ပါရှိရပါမည်။(မှတ်ချက်-ပါမစ်မြေသည် အတုပေါများသည်)

🔹 ပြေစာ(စလစ်) 🔹
ပြေစာ စလစ်ဖြင့် ပြသနိုင်သောမြေ များသည်အများအားဖြင့် ပိုင်ဆိုင်မှုခိုင်မာပါသည် သို့သော် စည်ပင်
ဧရိယာအပြင်ဘက်မှ မြေမျိုးများဖြစ်ပြီး မြို့မြေဧရိယာအတွင်းဖြစ်နေပါက ဂရံအထိလျှောက်နိုင်ပါသည်။
▪Gပြေစာ(စလစ်) ▪R/G ပြေစာ(စလစ်) ▪L ပြေစာ (စလစ်) ▪စ/ ပြေစာ (စလစ်) ▪ပုံစံ(5) ပြေစာ (စလစ်)▪ ရွာမြေ ပြေစာ(စလစ်) ▪R4 ပြေစာ(စလစ်)တို့ဖြစ်သည်။

🔹 G ပြေစာ (စလစ်) 🔹
အရောင်းဝယ် အတွက် စိတ်ချရပြီး( ခြံမြေ) ဟုခေါ်ဝေါ် ကြသည် အရှုပ်ရှင်း အနည်းငယ်သာရှိမည် (အမွေဆိုင်) အိမ်ဆောက်လုပ်လူနေထိုင်နိုင်သည် သို့သာ် ဥပဒေအရ ပိုမိုတရားဝင်လိုလျှင် (သ/အ)
လျှောက်လွှာတင်ပြီး အိမ်ဆောက်လုပ် လူနေထိုင်နိုင်ပါသည်။

🔹 R/G ပြေစာ(စလစ်) 🔹
လယ်မှ ပုံစုံပြောင်းထားသော မြေဖြစ်ပြီး စိုက်ပျိုးခွင့် မိသားစုနေအိမ်အတွက်(လယ်အိမ်)ပြောင်းလျှောက်ပြီး G ပြေစာ(စလစ်) သို့မဟုတ် (က.၃၀) အဖြစ်ပြောင်းလျှောက်နိုင်သော မြေ ဖြစ်သည်။

🔹 L ပြေစာ (စလစ်) 🔹
သစ်တောမှ မြေအငှား ဂရံ (သို့)ယာယီခွင့်ပြုချက် ချပေးသောမြေဖြစ်ပြီး (အခြား)ပြောင်းလျှောက်ခွင့် မှာရရင်ရ မရရင် မရပါ ဝယ်မည်ဆိုပါက ဌာနဆိုင်ရာသို့ အကြောင်းကြား၍ လုပ်သင့် သည့်အရာများညွန်ကြားချက် အတိုင်းလိုက်နာ၍ ပြောင်းလွဲရပါမည် အကွက်ရိုက် ရောင်းချခွင့် မရှိပါကြောင်း။

🔹 စ/ ပြေစာ (စလစ်) 🔹
အရောင်းဝယ် မပြုလုပ်လျင်ပိုကောင်းမည် အစိုးရမှတိုက်ရိုက်ချပေးသော စိုက်ပျိုးဂရံ(သို့ဟုတ်)ပြေစာ
စလစ်ဖြစ်ပြီး စိုက်ပျိုးရန်အတွက် သီးသန့်သာဖြစ်၍ တစ်မိသားစုမှအပ အခြားအိမ်များဆောက်လုပ်ခွင့်
မရှိပါ အခြားမြေသို့ ပုံစံပြောင်းလျှောက်၍မရပါ အလွန်ခက်ခဲမည် အရှုပ်ရှင်းများစွာရှင်းရမည် အကွက်
ရိုက် ရာင်းချခြင်းမရှိပါ အစိုးရမှ အလွယ်တကူ ပြန်လည်သိမ်းယူ နိုင်ပါသည်။

🔹 ပုံစံ(5) ပြေစာ 🔹
ထိုမြေသည် လယ်ပျက်ဖြစ်ပြီး အခြားမြေသို့ စီးပွားရေး စက်မှု့ဇုံ လူနေအိမ် အကွက်ရိုက်ရောင်းခြင်း စသည့် အရာများတွက် ခွင့်ပြုချက် လျှောက်၍ ပြုလုပ်နိုင်ပါသည် လယ်ပျက်ဖြစ်၍ ရွာတိုးချဲ့ခြင်း မြို့ဧရိယာတိုးချဲ့ခြင်း စသည့် အရာများပြုလုပ်နိုင်သည်။ (အရှုပ်ရှင်း မရှိပါ/ အဓိက မြေစာရင်းရုံးပါ)

🔹 ရွာမြေ ပြေစာ (စလစ်) 🔹
မြေ အမျိုးစားတွင် ခိုင်မာမှုရှိပြီး Google Map တွင်လည်း Singnal ပြသမည် Singnal မပြ
သသော်လည်း R4(သို့မဟုတ်)G မြေ ဖြစ်နေပါက ရွာမြေ ခြံမြေအမျိုးစားတွင် ထည့်သွင်းနိုင်ပါသည် အစိုးရ စီမံကိန်းရှိသော်လည်း မပယ်ဖျက်နိုင် စက်မှုဇုံလည်း ဝင်လာ၍ မရ နိုင်၊ ပြန်သိမ်းယူမည့် စိုးရိမ် မှု့မျိုး အရှင်းမရှိပါ။ #အိမ်ခြံမြေဂျာနယ်

🔹 R4 ပြေစာ(စလစ်) 🔹
ထိုမြေမျိုးသည်လည်း လယ်ပျက် ဖြစ်ပြီး ရွာဧရိယာအတွင်းပါနေပါက ရွာမြေ ဟု ခေါ်ဝေါ် နိုင်ပါသည်
အစိုးရမဖျက်သိမ်းပါ လူနေခွင့်ရှိပါသည် အမည်ပေါက်ဖြင့် ပြောင်းလျှောက်၍ အခြား မြေအမျိုးစားသို့
ပြောင်းလျှောက်ရန် လွယ်ကူပါသည် လယ်ဧရိယာ အတွင်းတွင် မပါဝင်ရန်သာလိုသည်လယ်မြေပေ
မယ့် အရောင်းဝယ်ပြုလုပ်ရာတွင် လွယ်ကူပါသည် R1,R2, R3လယ်များသာ အရောင်းဝယ်မပြုလုပ်ရန်
သတိထားရပါမည် လမ်းမဘေးမျိုး ဆိုပါက R3 မြေမျိုး ဖြစ်နေလည်း R4(သို့) ပုံစံ(5)သို့ ပြောင်းလျှောက်နိုင်သည် တစ်ခုသိထားရမည်မှာ မြန်မာနိုင်ငံတွင် လယ်မြေသည်အများဆုံး ဖြစ်ပြီး မြို့နယ်
(ရပ်ကွက်) တိုးချဲ့ခြင်းလုပ်ငန်းမှာ လယ်မြေကိုသာ အသုံးများဆုံးဖြစ်ပါသည်။

🔹 ဘိုးဘွားပိုင်မြေ 🔹
မျက်မြင်အထောက်ထား တွေ့ရန် အလွန်ခက်ခဲပါသည်။`Moderator´ မိမိ မမြင်ဘူး မတွေ့ဘူးတာလည်း ဖြစ်နိုင်ပါတယ်။
ဘိုးဘွားပိုင်မြေသည် ကတ္တီပါအသားဖြင့် ပိတ်ပေါ်တွင်စာလုံးများအား အပ်ချည်ဖြင့် ထွင်းထားသော
စာချုပ်စာတမ်း အမျိုးစားဖြစ်သည် ခိုင်မာမှု့က ဂရံ မြေထက် အဆများစွာသာသည် ခေတ်အဆက်ဆက် အမွှေ ဆက်ခံခွင့်ရှိပြီး အရောင်းဝယ် ပြုလုပ်ရာ၌ အမွေစား အမွေခံ အရှုပ်ရှင်းရှိသည်။

🔹 အရှုပ်ရှင်းဆိုသည်မှာ 🔹
မြေပိုင်ရှင်မှာ အမွေဆိုင် ရှိခြင်း ပေါင်နှံထားခြင်း အစိုးရစီမံကိန်းနှင့် မလွတ်ကင်းခြင်း သစ်တောမြေ
များအား ပိုင်းရောင်းခြင်း အစိုးရမှ တိုက်ရိုက်ချပေးသော စိုက်ပျိုးမြေ ဂရံများရောင်းချခြင်း ပုံစံ 7သာ ထွက်ရှိထားသော လယ်များရောင်းချခြင်းများ ဖြစ်ပါတယ် မြေဝယ်ယူမည်ဆိုပါက ထိုအရာများနှင့် မသက်ဆိုင်သော မြေများကိုမှ အရှုပ်ရှင်းကင်းသည်ဟု ဆိုရပါမည်။

🔹 မြေဝယ်ယူမည်ဆိုပါက 🔹
မြေပိုင်ရှင်၏ စာချုပ်စာတန်း သမိုင်းကောက်ကြောင်းအားစုံစမ်းပါ အမွေဆိုင်များရှိပါက ထိုသူများအား
ရောင်းရန် သဘောတူကြောင်း မိမိရှေ့နေ အရှေ့တွင် ခံဝန်လက်မှတ်ရေးထိုးခိုင်းပါ ပေါင်နှံထားခြင်း ရှိမရှိ အားစစ်ဆေးပါ ဘဏ် (သို့မဟုတ်) ရပ်ကွက်အုပ်ချုပ်ရေးမှုးသို့ စစ်ဆေးနိုင်ပါသည် သစ်တောမြေ ဟုတ် မဟုတ်ကို ပြေစာ(စလစ်)တွင် စစ်ဆေးနိုင်ပါသည် သစ်တောမြေဆိုပါက မြေဦးပိုင်မှာ L စာလုံး
ပါမည်။ ( ပြင်ဦးလွင် ကဲသို့ ပြန်လည် သိမ်းယူခံရပါမည်)

စိုက်ပျိုးမြေဆိုပါက ပြေစာ(စလစ်)တွင် (စ)စာလုံးပါမည် မဝယ်ပါက ပို၍ကောင်းသည် လယ်မြေ ဝယ်
ယူမည်ဆိုပါက ပုံစံ(105)စစ်ဆေးပါ ပုံစံ(7)တစ်မျိုးတည်းသာ ပါမည်ဆိုပါက လယ်တစ်မျိုးတည်း စိုက်ပျိုးခွင့်သာ ရှိပါသည်။

Credit. သိမှတ်ဖွယ်ရာဥပဒေရေးရာအဖြာဖြာ

03/12/2024

အခု ကိုးရီးယားမှာ ရုတ်တရက်ထုတ်လိုက်တဲ့ မာရှယ်လောကြောင့် အခု လွှတ်တော်ထဲမှာ ပြည်သူတွေက လွှတ်တော်ထဲ စစ်သားတွေ မဝင်နိုင်အောင် ပိတ်ထားပေးလို့ အခြေအနေတွေတင်းမာနေပါတယ်
စစ်သားတွေက လွှတ်တော်ထဲဝင်ဖို့ ပြတင်းပေါက်မှန်တွေခွဲပြီး ဝင်ဖို့လုပ်နေပါတယ် ….

13/05/2024

အမွေဆက်ခံပိုင်ဆိုင်မှု

ကွယ်လွန်သွားသည့်ပိုင်ရှင်၏ အိမ် နှင့် မြေ သို့မဟုတ် မြေကွက်ကို အမွေဆိုင်များက ရောင်းချခြင်း၊ငှားရမ်းခြင်း ပြုလုပ်လိုပါက လိုက်နာဆောင်ရွက်ရန် နည်းလမ်းများ.......

အမွေဆိုင် သားသမီးများ သို့မဟုတ် အမွေဆိုင် ညီအစ်ကိုမောင်နှမများက စာချုပ်စာတမ်း မှတ်ပုံတင်ရုံးတွင် ပိုင်ဆိုင်ကြောင်းမြွက်ဟကြေညာစာတမ်း လျှောက်ထားရရှိပြီး ဖြစ်လျှင်ဖြစ်စေ၊ စီရင်ပိုင်ခွင့်ရှိသော တရားရုံး တော်သို့ အမွေထိန်းလက်မှတ် လျှောက်ထားရပြီးလျှင် ဖြစ်စေ၊ ကွယ်လွန်သူပိုင် အိမ်၊ မြေ သို့မဟုတ် မြေကွက် ကို လွှဲပြောင်းရောင်းချခြင်း သို့မဟုတ် ငှားရမ်းခြင်းတို့ကို ဥပဒေနှင့်အညီပြုလုပ်နိုင်ခွင့်ရှိပါသည်။

စာချုပ်စာတမ်းမှတ်ပုံတင်ရုံးတွင် အမွေဆိုင်အားလုံးပါဝင်၍ ပိုင်ဆိုင်ကြောင်း မြွက်ဟကြေညာ စာတမ်း ပြုလုပ်ပါက ကနေဦးမြေပုံ မြေရာဇဝင်ကူးယူရပါမည်။ အမည်ပေါက်ပိုင်ဆိုင်သူ အမှန်တကယ်သေဆုံးကြောင်း သက်ဆိုင်ရာက တရားဝင်ထုတ်ပေးသော သေစာရင်း တင်ပြနိုင်ရပါမည်။

မြေပုံမြေရာဇဝင်ကူးယူရာတွင် အမွေဆိုင်အားလုံးက တရားရုံးတော်၌ အမွေဆိုင်များ ဖြစ်ကြောင်း၊ အခြား အမွေဆိုင်များ မကျန်ရှိတော့ကြောင်း၊ ကွယ်လွန်သူ၏ အမွေဆိုင်များ မှန်ကန်ကြောင်း ဖော်ပြ၍ ကျမ်းကျိန် လွှာပြုလုပ်၍ ရန်ကုန်မြို့တော်စည်ပင်သာယာရေး ကော်မတီ၊ မြေပုံမြေရာဇဝင်ဌာနသို့ အမည်ပြောင်းရန် အတွက်နှင့် ရောင်းချရန်အတွက် မြေပုံမြေရာဇဝင် ( ၂ )စုံ ကူးယူခွင့် လျှောက်ထားရပါမည်။ မြေပုံကူးရာတွင် မြေပုံမြေရာဇဝင်ဌာန၏ သတ်မှတ်ချက်များနှင့်အညီ လျှောက်ထားခြင်းနှင့် ကျသင့်သော ကူးခများ ပေးသွင်း ရခြင်း ပြုလုပ်ရပါမည်။

ရန်ကုန်မြို့တော်စည်ပင်သာယာရေးကော်မတီ၊ မြေပုံမြေရာဇဝင်ဌာနက သတင်းစာတွင် ကြော်ငြာ ထည့်သွင်းပြီး ကန့်ကွက်သူ မရှိသည့်အခါကျမှ အမည်ပြောင်းနှင့် ရောင်းချရန်အတွက် မြေပုံမြေရာဇဝင် ထုတ် ပေးမည်ဖြစ်ပါသည်။ ကန့်ကွက် မှုတစ်စုံတစ်ရာ ပေါ်ပေါက်လာပါက ကန့်ကွက်သူဘက်မှ အထောက်အထား ခိုင်ခိုင်လုံလုံ မတင်ပြနိုင်ပါက ကန့်ကွက်ချက်ကို မြေပုံမြေရာဇဝင်ဌာနက စဉ်းစားပေးမည် မဟုတ်ပါ။
( မှတ်ချက် ၊ အမည်ပေါက်ကိုယ်ပိုင် မြေပုံကူးယူပါက သတင်းစာတွင် ကြော်ငြာရန် မလိုအပ်ဟု သိရှိရပါသည်။ )

ပိုင်ဆိုင်ကြောင်း မြွက်ဟကြေညာစာတမ်းနှင့် အရောင်းစာချုပ်ကို တစ်ကြိမ်တည်း မှတ်ပုံတင်ရန် ဆောင် ရွက်နိုင်ခွင့်ရှိပါသည်။
အဓိကလိုအပ်ချက်မှာ စာချုပ်စာတမ်း မှတ်ပုံတင်ရုံး၏ လိုအပ်ချက်များကို ပြည့်ပြည့်စုံစုံ တင်ပြနိုင်ရပါမည်။

အကယ်၍ အမွေဆိုင်တစ်ဦးတစ်ယောက်မှာ ခရီးလွန်နေပါက အထူးကိုယ်စားလှယ်ပေးအပ်၍ ခရီးလွန် နေသော အမွေဆိုင်အတွက် ဆောင်ရွက်နိုင်ခွင့်ရှိပါသည်။
( မှတ်ချက်။ ။ အမွေဆိုင်တစ်ဦးတစ်ယောက်ကို ထိန်ချန်ပါက မှတ်ပုံတင်စာချုပ်မှာ တရားဝင်မည် မဟုတ်ပါ။ )

သေဆုံးသွားသော အမွေဆိုင်၏ဇနီး သို့မဟုတ် သားသမီးများကိုပါ ထည့်သွင်းဆောင်ရွက်ပါမှ စာချုပ်မှာ တရားဝင်မည်ဖြစ်ပါသည်။

အထူးသတိထားသင့်သောအချက်မှာ
အမွေဆိုင်များကို ချန်လှန်၍ မှတ်ပုံတင်အရောင်းအဝယ် စာချုပ်စာ တမ်းပြုလုပ်ပါက ဥပဒေနှင့်ဆန့်ကျင်သဖြင့် ယင်းစာချုပ်မှာ ကနေဦးကပင် ပျက်ပြယ်နေပါသည်။

အမွေထိန်းစာဖြင့် ရောင်းချခြင်းဖြစ်ပါက ရောင်းချခွင့်ပြုရန် တရားရုံး၏ခွင့်ပြုမိန့် ပါရှိရပါမည်။

Ref :
[ဦးဗကြိုင်(ဘီအေ၊ အီအယ်လ်)၊ မရွှေ့မပြာင်းနိုင်သည့် အိမ် ခြံ မြေ တိုက်ခန်း စသည်များရောင်းချခြင်း၊ ဝယ်ယူခြင်း ငှားရမ်းခြင်းဆိုင်ရာ ဥပဒေသိမှတ်ဖွယ်ရာ၊ စာ ၈ ) ] ။
Credit to owner with respect

24/03/2024

ဂရန်မြေကို ဝယ်ယူလျှင်

➢ အဆင့်(၁၀)ဆင့်လုပ်ဆောင်မှသာ ပြီးပြည့်စုံပါသည်။

➢ ဤ(၁၀)အဆင့်ကို(၁)ဆင့်မ ျှ ဈေးမဆစ်ပါနှင့် အခက်အခဲတွေပေါ် လာလိမ့်မည်။
(အတွေ.အကြုံကိုရေးတာပါ။)

➢ အရောင်းအဝယ်စရန်ကြီး(စရန်ငွေ)မပေးမီ(၃)ဆင့် လုပ်ဆောင်ရပါမည်။

1. ဘယ်လောက်ပင်ရင်းနှီးကြပါစေ၊ ဂရန်မိတ္တူကိုယူ၍ စည်ပင်မှာစစ်ဆေးပါ။

2. စရန်ကြီးပေးခါနီး မူရင်ဂရန်ကိုမြင်တွေ.ရမှသာလ ျှင် စရန်ချပါ။

3. စရန်ချပြီးသည်နှင့်တပြိုင်နက်နိုင်ငံပိုင်သတင်းစာတွင် ကန်.ကွက်ရန်ရှိ/မရှိ ကြော်ငြာထည့်ပါ။

➢ ၄-မျိုး ရမှငွေပြေချေပါ။

1. အရောင်းအဝယ်ပြုလုပ်ရန်အတွက်ထုတ်ယူထားသော မြေပုံမြေရာဇဝင်။

2. မူရင်းဂရန် အမည်ပေါက်ထံမှ SP။

3. မူရင်းဂရန်နှင့် ဆက်စပ်စာချုပ်များ။

4. မြေကွက်နှင့် တိုက် လက်ရောက်ရယူပါ။

➢ ဝယ်ယူပြီးနောက် ၃-ဆင့်။

1. တန်ဘိုးလျော့ချုပ်သည့်စာချုပ်တစ်ဆောင်နှင့် မြေပုံမြေရာဇဝင်ကို “ရာဖြတ်” တင်ပါ။

2. “ရာဖြတ်” ၏၊ သတ်မှတ်တန်ဖိုးအရ “အခွန်တော်ခေါင်း” နှင့် “မှတ်ပုံတင်ကြေး” တို.ဖြင့်မှတ်ပုံတင်စာချုပ်ချုပ်ဆိုပါ။

3. အားလုံးပြီးမှ မြို.တော်စည်ပင်တွင် “ဂရန်” နှင့် “မြေကွက်” အမည်ပြောင်းပါ။

Credit :🙏🙏🙏ဆရာ ကြည်စိုးIC

09/03/2024

BOT မြေပေါ်ဆောကိတဲ့တိုက်ခန်းနဲ့ဂရန်မြေပေါ်ဆောက်တဲ့တိုက်ခန်းကွာခြားချက်

BOT-Build Operate Transfer,စနစ်နဲ့ဌားထားတဲ့မြေပေါ်မှာဆောက်တဲ့တိုက်ခန်းနဲ့ဂရန်မြေဘိုးဘွားပိုင်မြေပေါ်မှာဆောက်တဲ့တိုက်ခန်းတွေရဲ့ကွာခြားချက်ကိုနိူင်းယှဉ်ဖော်ပြပေးလိုက်ပါရစေ
ဘီအိုတီစနစ်နဲ့ဌားထားတဲ့မြေပေါ်မှာဆောက်တဲ့တိုက်ခန်းတွေကိုဝယ်ရင်
အစိုးရဆီကနေဘီအိုတီစနစ်နဲ့ဌားထားတယ်တိုက်ခန်းဆောက်တဲ့ကုမ္ပဏီကိုယ်တိုင်ကအစိုးရဆီကဌားထားရတော့ဌားထားတဲ့သက်တမ်းပြည့်ရင်ပြန်အပ်ရမှာပါ Build Operate Transfer ဖြစ်တာကြောင့်သက်တမ်းပြည့်ရင်အရှိအတိုင်းပြန်အပ်ရမှာဖြစ်ပါတယ်
ကွန်ဒိုမီနီယမ်တိုက်ခန်းဖြစ်လာရင်အခန်းဝယ်တဲ့သူကမြေကြီးပါရှယ်ယာပိုင်တဲ့သဘောဖြစ်လာတယ်လို့သိရပါတယ်မြန်မာန်ုင်ငံဆောက်လုပ်ရေးများအသင်းဥက္ကဌ U Htay Thar ကဘီအိုစီစနစ်ကနှစ်၅၀ဌားထားတယ်ထပ်တိုး Extension ကဆယ်နှစ်+ဆယ်နှစ်နဲ့နှစ်ပေါင်း ၇၀ သက်တမ်းပြီးရင်တော့ပြီးပြီပေါ့သက်တမ်းထပ်တိုးပေးဖို့ကတော့အဲဒီအချိန်မှာတိုင်းပြည်ကိုစီမံခန့်ခွဲနေတဲ့သူတွေရဲ့အဆုံးအဖြတ်ပေါ်မှာမူတည်ပါတယ်။
သူကနှစ်၇၀လောက်ဆိုရင်အဆောက်အအုံရဲ့သက်တမ်းကကုန်ပြီအဲဒီအဆောက်အအုံပေါ်မှာနေထိုင်တဲ့သူတွေကဘာပိုင်မလဲဆိုတာကတော့မပြောနိုင်ပါဘူး
ဝယ်တဲ့သူတွေကနှစ်၅၀-၇၀လောက်နေရရင်ကျေနပ်တယ်ဆိုရင်ဝယ်နိုင်တယ်
သက်တမ်းကျန်သေးရင်တောင်အဆောက်အအုံတွေကပြင်ကြမှာဘဲအဲဒီအချိန်ကျရင်တော့ပိုင်ဆိုင်မူရူပ်ထွေးနိုင်တယ်။

ဘိုးဘွားပိုင်မြေဂရန်မြေပေါ်မှာဆောက်တဲ့တိုက်ခန်းတွေကိုဝယ်ရင်
ကွန်ဒိုမီနီယမ်တိုက်ခန်းဖြစ်လာရင်အခန်းဝယ်တဲ့သူကမြေကြီးပါရှယ်ယာပိုင်တဲ့သဘောဖြစ်လာတာကြောင့်ဘိုးဘွားပိုင်မြေနဲ့ဂရန်မြေပေါ်မှာဆောက်ရင်အဲဒီမြေကြီးပါပိုင်ဆိုင်ခွင့်ရမှာဖြစ်ပါတယ်ဂရန်သက်တမ်းကုန်သွားရင်လဲအစိုးရဆီမှာသက်တမ်းထပ်တိုးနိုင်မှာဖြစ်ပါတယ်တချို့ဆောက်လုပ်ရေးကုမ္ပဏီတွေကဘယ်ဥပဒေကိုမဆိုလိုက်နာပါမည်ဆိုတဲ့ခံဝန်ချက်နဲ့စာချုပ်ချုပ်ပေးတယ်အဲဒီလိုမျိုးဝယ်ရင်တော့ဝယ်တဲ့သူတွေမနစ်နာနိုင်ဘူးလို့သိရပါတယ်။

:ဥပဒေရေးရာ

27/02/2024

အိမ်မှာရှိတဲ့ မကောင်းတဲ့ အငွေ့အသက်တွေကို
******************************************
တိုက်ဖျက်နည်း
*************

သင့် အိမ်မှာ မကောင်းတဲ့ အငွေ့အသက်တွေ ရှိနေနိုင်တယ်..။ ဒီလိုလေး မကြာမကြာ လုပ်ပေးလိုက်ပါ။

အိမ် မှာနေရတာ ငြီးစီစီကြီး၊ တစ်မျိုးကြီးဖြစ်နေတယ်လို့ သင်ခံစားနေရပါသလား ❓❓

အိမ် ထဲမှာ သင်မမြင်နိုင်တဲ့ မကောင်းတဲ့အငွေ့အသက်တွေတစ်ခါတစ်ရံရှိနေတတ်ပါတယ်။

ဒါကိုဖျက်ပြီး နေချင်စရာကောင်းတဲ့အိမ်လေးဖြစ်ဖို့ အောက်ပါရိုးရှင်းတဲ့နည်းကို သုံးနိုင်ပါတယ်။

နည်းလမ်းကတော့ ဖန်ခွက်တစ်ခွက်ရယ်၊ ဆားရယ်၊ ဗီနီဂါရည်( ရှာလကာရည် )ရယ်ပဲလိုတယ်လို့ ဆိုပါတယ်။

✅ဖန်ခွက်ထဲ ဆားအနည်းငယ်၊ ရေအနည်းငယ်၊ ဗီနီဂါရည်( ရှာလကာရည် )အနည်း ငယ်ကို ရောထည့်ပြီး အိမ်ရဲ့ ဧည့်ခန်းဖြစ်ဖြစ်၊အိပ်ခန်းဖြစ်ဖြစ် သင်အလိုရှိတဲ့နေရာမှာထားထားပါ။

✅တစ်ရက်ကြာအောင်ထားရမှာဖြစ်ပါတယ်။၂၄နာရီပြည့်တဲ့အခါ ဖန်ခွက်ကိုပြန်လာစစ်ပါ။ ဆားအခြေအနေကိုကြည့်ပါ။

✅ဆားတွေက အပေါ်ကို တက်နေတယ်၊ ဒါမှမဟုတ် ရေလျှံကျနေမယ်ဆိုရင် အဆိုပါနည်းလမ်းအတိုင်းထပ်မံပြုလုပ်ပြီးထားပါ။

✅ဆားတွေအပေါ်တက်တာရပ်တဲ့အထိ ထားရမှာဖြစ်ပါတယ်။

✅အိမ်ထဲလူမမြင်တဲ့နေရာမှာထားရင် မကောင်းတဲ့အငွေ့အသက်တွေ စုပ်ယူပေးပြီး
အိမ်မှာနေရတာပိုပြီး ပျော်ဖို့ကောင်းလာလိမ့်မယ်လို့ ဆိုပါတယ်…

Crd;
မေတ္တာဖြင့် မျှဝေခြင်း.......

16/02/2024

တိုက်ခန်းဝယ်တာ ရောင်းသူက ငွေချေပြီးရင် တစ်လနှစ်လလောက် ခဏနေချင်တယ်လိုအကူညီတောင်းပါတယ်
အဆင်ပြေပါ့မလားဆရာ။

တိုက်ခန်းကို အပျောက်စနစ်ဖြင့် ဝယ်ယူသည်ဆိုသော်လည်း စာချုပ်စာတမ်းကို မှတ်ပုံတင်စာချုပ်ဖြင့် ဝယ်ယူခြင်းမဟုတ်သောကြောင့် ပစ္စည်းလွှဲပြောင်းခြင်းအက်ဥပဒေပုဒ်မ ၅၄ အရ အခန်း၏ ပိုင်ဆိုင်အကျိုး ခံစားခွင့်ကို လွှဲပြောင်းရရှိမည်မဟုတ်ပါ။ အခန်ုးကို လက်ရောက်မရရှိခဲ့သောကြောင့် ပစ္စည်းလွှဲပြောင်းခြင်း အက်ဥပဒေပုဒ်မ ၁၀၅ အရ အခန်း၏ အကျိုးခံစားခွင့်ကိုလည်း လက်ခံရရှိခြင်းမရှိပါ။
အခွင့်အမိန့်အရ နေထိုင်ခွင့်ပေးသူသည် အခွင့်အမိန့်ပေးစဉ်က ခွင့်ပြုချက်ဖြင့် နေထိုင်ခွင့် ပေးသည်ဆိုသောပစ္စည်းကို လက်ရှိဖြစ်ရန် လိုအပ်ပါသည်။
ဦးဘခင် (ခ) ဦးအဒူလ်ဆိုလ် ပါ ၃နှင့် ဦးအဒူ (ခ) ဦးထွန်းလှ ပါအမှုတွင် ဥပစာတစ်ခု၏ပိုင်ရှင် (သို့)ယင်းဥပစာကို ပိုင်ဆိုင်ပြီး လက်ရှိစီမံခန့်ခွဲခွင့်ရှိသူကသာ အခြားသူတစ်ဦးကို ၎င်းပိုင်ဆိုင်သည့် ဥပစာအတွင်း နေထိုင်ခွင့် ပြုနိုင်ကြောင်း အခွင့်အမိန့်ပေးနိုင်ပါသည်ဟု စီရင်ထုံးတွင် ဖော်ပြပါရှိသည်။
ပစ္စည်းလွှဲပြောင်းခြင်းအက်ဥပဒေပုဒ်မ ၁၀၅ တွင် မရွှေ့မပြောင်းနိုင်သော ပစ္စည်းကို အငှားချထား ခြင်းဆိုသည်မှာ-ထိုပစ္စည်း၏ အကျိုးခံစားခွင့်ကို အချိန်ကာလသတ်မှတ်၍ဖြစ်စေ၊ ထာဝစဉ်ဖြစ်စေ၊ တန်ဖိုးပေးသည့်အတွက် လွှဲပြောင်းပေးခြင်းဖြစ်သည်ဟု အဓိပ္ပါယ်ဖွင့်ဆိုထားပါသည်။
ပုဒ်မ ၁၀၅ အရ ပစ္စည်းကို အငှားချထားပါက အငှားချထားသည့် ပစ္စည်း၏အကျိုးခံစားခွင့်ကို လွှဲပြောင်းလက်ခံရရှိမှသာ ငှားရမ်းသူဖြစ်လာမည်ဖြစ်သည်။

အငှားစာချုပ်ချုပ်ဆိုခြင်းသည် အဖိုးစားနားပေး၍ အခန်းကိုယာယီ လက်ရောက်နေထိုင်ရန် စာချုပ်ချုပ်ဆိုခြင်းဖြစ်၍ အခွင့်အမိန့်အရနေထိုင်ခွင့်ပြုခြင်းနှင့် မတူပါ။
ဥပစာတွင် နေထိုင်သူသည် ဥပဒေအရ ပိုင်ရှင်အဖြစ် ဆက်လက်နေထိုင်သည့်အခြေအနေမျိုးရှိသည့်အတွက် အခွင့်အမိန့်အရ နေထိုင်သူအဖြစ် ဖယ်ရှားခွင့်မရှိကြောင်း ၊ ဝယ်ယူသူသည် လက်ရှိနေထိုင်သူအား အခွင့်အမိန့်အရ နေထိုင်သူအဖြစ် ဖယ်ရှားခွင့်မရှိကြောင်း ဦးရန်ကနားနှင့် ဒေါ်ခင်သီအမှု ၁၉၈၄ ခုနှစ်၊ မြန်မာနိုင်ငံတရားစီရင်ထုံး ၊စာမျက်နှာ ၁၅ နှင့်ဒေါ်သောင်းစိန်နှင့် ဒေါ်ကြည်အမှု- ၁၉၈၄ခုနှစ်၊ မြန်မာနိုင်ငံတရားစီရင်ထုံး ၊စာမျက်နှာ ၄၃ တို့တွင် စီရင်ထုံးဖွဲ့ထားပါသည်။

ထို့ကြောင့်တိုက်ခန်းကို အပျောက်အရောင်းအဝယ်စာချုပ်ဖြင့် ဝယ်ယူပြီး လက်ရှိရယူခဲ့ခြင်းလည်းမရှိပဲ တိုက်ခန်းကို မူလကပင်နေထိုင်ပြီးရောင်းချသူများကို ဝယ်ယူသူက ခွင့်ပြုချက်ဖြင့် အခွင့်အမိန့်ဖြင့် နေထိုင်ခွင့်ပေးသူဟု သတ်မှတ်မရပါကြောင်း၊
အပျောက်စနစ်ဖြင့် တိုက်ခန်းဝယ်ယူသူသည် ဝယ်ယူစဉ်က အခန်းလက်ရောက်ရယူခဲ့မှသာ မိမိပိုင်ဆိုင်မှုအပြည့်အဝရှိမည်ဖြစ်ပါသည်။

ထို့ကြောင့်အပြည့်ဝငွေချေတာနဲ့တိုက်ခန်းကိုလက်ရောက်ယူသင့်ပါကြောင်း
ဖော်ပြပေးလိုက်ပါတယ်။
credit to copy

09/01/2024

ဂရန်မြေဝယ်မယ်ဆိုရင်ရောင်းသူ/ ဝယ်သူ သိထားသင့်သော အခွန်ကိစ္စ
စာချုပ်သွားချုပ်ရင် ရောင်းသူကို ရောင်းခွန်ဆောင်ဖို့ ၊ အရောင်းမြေပုံကူးပေးဖို့ အမြဲပြောရတယ် ။
စာချုပ် ချုပ်တိုင်း ရှင်းရတဲ့ ကိစ္စ
ရောင်းခွန် / ဝယ်ခွန်ဆောင်ပြီး အိမ်ခြံမြေတွေ ပိုင်ဆိူင်နိုင်ကြပါစေ

အိမ်ခြံမြေတစ်ခု ဝယ်တဲ့အခါ.. အထူးသဖြင့် ဂရန်မြေတွေကို ဝယ်ယူတဲ့အခါ.. မဖြစ်မနေ ဆောင်ရမဲ့ အခွန် ၂ မျိုးရှိပါတယ်။ ပထမ တစ်ခုက ရောင်းသူက ဆောင်ရမဲ့ ရောင်းခွန် ဖြစ်ပြီး၊ ဒုတိယ တစ်ခုက ဝယ်သူက ဆောင်ရမဲ့ ဝယ်ခွန် ဖြစ်ပါတယ်။

👉 ရောင်းခွန်ကတော့ အိမ်ခြံမြေရောင်းချတဲ့ အခါ ရရှိလာတဲ့ အမြတ်အစွန်းရဲ့ ၁၀ ရာခိုင်နှုန်းကို အခွန်ပေးရပါတယ်။ ဥပမာ - ဦးဖြူက မြေကွက်တစ်ကွက်ကို ၂၀၂၀ မှာ သိန်း ၁၀၀၀ နဲ့ ဝယ်ခဲ့တဲ့ မြေကွက်ကို ၂၀၂၄ မှာ သိန်း ၅၀၀၀ နဲ့ ပြန်လည်ရောင်းချခဲ့တယ်ဆိုရင် သူရရှိတဲ့ အမြတ်အစွန်းက သိန်း ၄၀၀၀ ဖြစ်ပါတယ်။ ဒါကြောင့် ဒီအမြတ်အစွန်း သိန်း ၄၀၀၀ ရဲ့ ၁၀ ရာခိုင်နှုန်း သိန်း ၄၀၀ ကို အခွန်ဆောင်ရမှာ ဖြစ်ပါတယ်။

👉 ဝယ်ခွန်ကတော့ ဝယ်သူဘက်က ဆောင်ရမှာ ဖြစ်ပြီး ပေးဆောင်ရမဲ့ နှုန်းထားတွေကတော့ အောက်ပါအတိုင်း ဖြစ်ပါတယ်။
• ငွေကျပ်သိန်းတစ်ထောင်အထိ ၃ ရာခိုင် နှုန်း။
• ငွေကျပ်သိန်းတစ်ထောင် မှ ငွေကျပ်သိန်း ငါးထောင်အထိ ၅ ရာခိုင်နှုန်း။
• ငွေကျပ်သိန်း ငါးထောင်မှ၊ ငွေကျပ်သိန်း တစ်သောင်းအထိ ၁ဝ ရာခိုင်နှုန်း။
• ငွေကျပ်သိန်းတစ်သောင်း မှ ငွေကျပ်သိန်းတစ်သောင်း ငါးထောင်အထိ ၂ဝ ရာခိုင်နှုန်း
• ငွေကျပ်သိန်းတစ်သောင်း ငါးထောင်တစ်ကျပ်နှင့် အထက် ၃ဝ ရာခိုင်နှုန်း ထမ်းဆောင်ရမည် ဟု သတ်မှတ်ထားပါတယ်။
ဝယ်ခွန်ဆောင်တဲ့အခါမှာ အခွန်သက်သာစေတဲ့ နည်းလမ်းကတော့ ဝင်ငွေရလမ်းကို ဖေါ်ပြနိုင်ပြီး အခွန်ဆောင်ထားတယ်ဆိုရင် တော့ အိမ်ခြံမြေဝယ်တဲ့အခါ ဆောင်ရတဲ့အခွန်က သက်သာပါတယ်။

👉 ဒီအခွန်ကိစ္စတွေကို ရောင်းသူ ဝယ်သူကြား ရှင်းရှင်းလင်းလင်း ဖြစ်အောင် စရန်စာချုပ် ချုပ်ဆိုကတည်းက ရောင်းသူက ရောင်းခွန်ဆောင် ဝယ်သူက ဝယ်ခွန်ဆောင်ရပါမယ်လို့ အတိအလင်း ရေးသားပြီး စာချုပ်ချုပ်ဖို့ လိုပါတယ်နော်

08/01/2024

စာချုပ်ချုပ်ချင်လို့ပါ
စာချုပ်ဘယ်လိုရေးရမလဲဆရာ
ဘယ်အချက်တွေပါမှ ပြည့်စုံတာလဲ
ဖြေကြားပေးပါ။

အရောင်းအဝယ် စာချုပ်ချုပ်ဆိုရာတွင် ပါဝင်သင့်သည့် အဓိကအချက် (၁၀)ချက်

(၁) ပြည့်စုံတိကျသော စာချုပ်ခေါင်းစဉ် ရေးသားရန်

(၂) စာချုပ် ချုပ်ဆိုသည့် နေ့ရက်၊ လ၊ ခုနှစ်သက္ကရာဇ်တို့ကို မှန်ကန်စွာရေးသားရန်

(၃) စာချုပ်ပြုလုပ်ချုပ်ဆိုသည့်နေရာကို ရေးသားရန်

(၄) စာချုပ်တွင် ပါဝင်လက်မှတ်ရေးထိုးသူများအားလုံး (သက်သေများအပါအဝင်) ၏ အမည်၊ အဖအမည်၊ မှတ်ပုံတင်အမှတ်၊ နေရပ်လိပ်စာ တို့ကိုပြည့်စုံမှန်ကန်စေရန် သက်ဆိုင်သူများအားလုံးကို ပြသစိစစ်အတည်ပြုပြီးမှ ရေးသားရန်

(၅) ရောင်းချသည့်တန်ဖိုးငွေ၊ စရန်ငွေ၊ ကျန်ငွေ စသည့်ငွေကြေးပမာဏများ ရေးသားရာတွင် ကိန်းဂဏန်းဖြင့်ရေးသားရမည့်အပြင်၊ (ကွင်းစ၊ ကွင်းပိတ်အတွင်း) စာသားဖြင့်ပါ ရေးသားဖေါ်ပြရန်

(၆) ငွေချေရန်နေ့ရက် စသည့် နေ့ရက်အချိန်ရွေးချယ်မှုကို လုပ်ငန်းဆောင်ရွက်ရန်နှင့် နှစ်ဦးနှစ်ဖက် အမှန်တကယ် အဆင်ပြေမည့်နေ့ရက်အချိန်ကာလကို သေချာစွာဆွေးနွေးရွေးချယ်သတ်မှတ်ပြီး တိကျစွာဖော်ပြရန်

(၇) စာချုပ်တွင်ပါဝင်ထည့်သွင်းချုပ်ဆိုမည့် ကမ်းလှမ်းချက်နှင့် သဘောတူညီချက်များ၊ လိုက်နာရန်ကတိဝန်ခံချက်များ၊ အပြန်အလှန်သဘောတူညီချက်များ၊ ဆောင်ရွက်ရန်တာဝန်များ၊ ပျက်ကွက်မှုများရှိပါက ပျက်ကွက်မှုအတွက်နစ်နာသူသို့ ဆောင်ရွက်ပေးရန်များ၊ ပျက်ကွက်မှုအတွက်နစ်နာသူသို့ ပေးရန်အကျိုးခံစားခွင့်များ စသည့်အချက်များကို ပြည့်စုံ တိကျ ခိုင်မာစွာ ရေးသားရန်

(၈) အရောင်းအဝယ်ပြုလုပ်သည့်ပစ္စည်းစာရင်း (အိမ်ခြံမြေ) နှင့် သက်ဆိုင်သည့်အချက်အလက်အပြည့်အစုံ (အလားလေးရပ်အပါအဝင်)တို့ကို ပြည့်စုံမှန်ကန်စွာရေးသားရန်

(၉) စာချုပ်ပါ အချက်များသည် ချုပ်ဆိုသည့်စာချုပ်ကိုပျက်ပြယ်စေသည့် အချက်များမပါစေရန်

(၁၀) စရန်ပေးသူ၊ စရန်လက်ခံသူ၊ ရောင်းသူ၊ ဝယ်သူ၊ သက်သေများ စသည့်စာချုပ်တွင်ပါဝင်လက်မှတ်ရေးထိုးမည့်သူများသည် စာချုပ်ပါ အကြောင်းအရာများအားလုံးကို
အသေးစိတ်စစ်ဆေးဖတ်ရှုကာ နားလည်လက်ခံသဘောတူမှသာလျှင် မိမိလက်မှတ်ရေးထိုးရမည့်နေရာတွင် စာချုပ် ချုပ်ဆို လက်မှတ်ရေးထိုး ၍ လက်ဝဲဘက်လက်မဖြင့်လက်ဗွေနှိပ်ရန်

02/01/2024

2024မှာ ထားသင့်သော wallpaper က "infinity sign" လေးဖြစ်ပါတယ်။

2+0+2+4= 8 ဂဏန်း ရတဲ့နှစ်တွေနဲ့ infinity သင်္ကေတလေးနဲ့က ဆက်စပ်မှုတွေ အများကြီးရှိပါတယ်။

phone တွေ၊ Tablet တွေ၊ computer တွေမှာ Wallpaper အဖြစ်အသုံးပြုနိုင်သလို၊infinity ပုံစံ လက်စွပ်၊ ဆွဲသီးလေးတွေ ဝတ်ဆင်နိုင်ပါတယ်။

ဒါအပြင် ပုံကို print ထုတ်ပြီး ပိုက်ဆံအိတ်ထဲလဲဆောင်ထားနိုင်ပါတယ်။

🍀 #ဆောင်ထားခြင်းဖြင့်ဘာတွေကံကောင်းစေသလဲ ?
ဆိုရင် wealth and prosperity, power, infinity, and karmic balance ဆိုတဲ့ ကောင်းခြင်းတွေကို ရရှိစေပါတယ်။

စည်းစိမ်ချမ်းသာတိုးခြင်း၊တန်ခိုးအာဏာရရှိခြင်း၊အနန္တ စွမ်းအင်နှင့် ကံတရားမျှတမှုဆိုတဲ့ ကောင်းခြင်းတွေရရှိစေပါတယ်။

#2024 မှာ ကံကောင်းခြင်းတွေ မိမိတို့အပေါ် အပြည့်အဝ သက်ရောက်နိုင်ပါစေ။
credit from #ဆရာငြိမ်းအေးလူ

DSS - Real Estate Service

09/01/2025

06/12/2024

03/12/2024

13/05/2024

24/03/2024

09/03/2024

27/02/2024

16/02/2024

09/01/2024

08/01/2024

02/01/2024

Address

Telephone

Website

Alerts

Contact The Business

Shortcuts

Share

Category