Myanmar Legal Empowerment Network

19/05/2026

ကိုယ့်အိမ်ရှေ့ ကားလာပိတ်ရပ်ရင် ဒေါသမထွက်ပါနဲ့၊ ဥပဒေအသိနဲ့ အေးဆေး ဘယ်လိုဖြေရှင်းလို့ရနိုင်မလဲ?

အိမ်ကနေ အရေးတကြီးထွက်စရာရှိချိန် ကိုယ့်အိမ်ပေါက်ဝတည့်တည့်မှာ ကားလာပိတ်ရပ်ထားတာမျိုး ကြုံဖူးကြမှာပါ။ ဒီလိုအချိန်မှာ ရန်သွားဖြစ်တာ၊ သူများကားကို ထိခိုက်အောင်လုပ်မိတာမျိုးတွေက ကိုယ့်ကိုပါ အမှုပြန်ပတ်နိုင်ပါတယ်။ ဒါကြောင့် ဒေါသနဲ့မဖြေရှင်းဘဲ ကိုယ်ပိုင် ဥပဒေအသိဖြင့် အေးအေးဆေးဆေး ဘယ်လိုဖြေရှင်းမလဲ ကြည့်လိုက်ရအောင်။

၁။ စည်ပင်ဥပဒေကို သိထားပါ

"လမ်းက အများပိုင်တာပဲ" ဆိုပြီး ထင်သလို ရပ်ချင်တိုင်းရပ်လို့ မရပါဘူး။ မြန်မာနိုင်ငံက စည်ပင်သာယာရေး ဥပဒေတွေမှာရော၊ ယာဉ်အန္တရာယ်ကင်းရှင်းရေး ဥပဒေတွေမှာပါ အများပြည်သူပိုင် လမ်းမတွေပေါ်မှာ သွားလာမှုကို အနှောင့်အယှက်ဖြစ်စေမယ့် ယာဉ်ရပ်နားခြင်း၊ လမ်းပိတ်ဆို့ခြင်းတွေကို တားမြစ်ထားပြီးသားပါ။ ဒါကြောင့် သူတို့လုပ်ရပ်က ဥပဒေနဲ့မညီဘူးဆိုတာကို ကိုယ်က ယုံယုံကြည်ကြည် သိထားဖို့လိုပါတယ်။

၂။ ဥပဒေအသိနဲ့ လက်တွေ့လုပ်ဆောင်ပါ

ကိုယ့်ရဲ့ လွတ်လပ်စွာ သွားလာခွင့်ကို ထိခိုက်လာပြီဆိုရင် ပြဿနာကို ဥပဒေဘောင်ထဲကနေ ရှင်းဖို့ အရေးကြီးဆုံးက "သက်သေ" ပါပဲ။

သက်သေယူပါ - သင့်အိမ်ကို ပိတ်ရပ်ထားတဲ့ ကားနဲ့ အခြေအနေကို မှတ်တမ်းဓာတ်ပုံ၊ ဗီဒီယို သေချာရိုက်ထားပါ။

တိုင်ကြားပါ - အဲ့ဒီသက်သေအထောက်အထားတွေနဲ့အတူ ရပ်ကွက်အုပ်ချုပ်ရေးမှူးရုံး ဒါမှမဟုတ် စည်ပင်သာယာရေးကော်မတီ ကို ယုံကြည်မှုရှိရှိ သွားရောက်တိုင်ကြားပြီး ဖြေရှင်းနိုင်ပါတယ်။

သတိပြုမှတ်သားထားရန် - ဥပဒေအရ ကားရပ်နားခွင့် (လုံးဝ) မရှိသော နေရာများ စည်ပင်နဲ့ ယာဉ်စည်းကမ်းလမ်းစည်းကမ်း ဥပဒေတွေအရ အောက်ပါနေရာတွေမှာ ကားရပ်နားခြင်း၊ ပိတ်ဆို့ခြင်း လုံးဝမလုပ်ရပါဘူး။

- သူတစ်ပါး နေအိမ်၊ ခြံဝ၊ ကားအဝင်အထွက်ဂိတ် ပေါက်တည့်တည့်

- လမ်းဆုံ လမ်းခွနဲ့ လမ်းကွေ့ နေရာများ
(အနည်းဆုံး ပေ ၅၀ အတွင်း)

- လူကူးမျဉ်းကြားပေါ်နှင့် လူကူးမျဉ်းကြားအနီး

- မီးသတ်စခန်း၊ ဆေးရုံ၊ ရဲစခန်း စသည့် အရေးပေါ်ကား အဝင်အထွက် နေရာများ

- ဘတ်စ်ကားမှတ်တိုင်များ

- "ကားမရပ်ရ" (No Parking) ဟု ဆိုင်းဘုတ် တပ်ဆင်ထားသော နေရာများ

- တံတားပေါ် သို့မဟုတ် ဥမင်လိုဏ်ခေါင်း အတွင်းစသည်တို့ဖြစ်ပါတယ်။

ဥပဒေဆိုတာ ခက်ခဲနက်နဲတဲ့အရာမဟုတ်ဘဲ ကိုယ့်ရဲ့ နေ့စဉ်ဘဝ ပြဿနာတွေကို အေးအေးဆေးဆေး ဖြေရှင်းနိုင်ဖို့ ကာကွယ်ပေးထားတဲ့အရာပါ။ ကိုယ့်မှာ ဒီလို ဥပဒေအသိလေးရှိနေပြီဆိုရင် အိမ်ရှေ့ကားလာပိတ်ရပ်တဲ့ ပြဿနာတင်မကဘူး တခြားကိစ္စတွေကိုပါ မှန်မှန်ကန်ကန်နဲ့ ရဲရဲဝံ့ဝံ့ ဖြေရှင်းနိုင်ပြီပေါ့။

ဒါ့အပြင် အငြင်းပွားမှုတစ်စုံတစ်ရာဖြစ်လာရင် မိမိတို့ရပ်ရွာထဲက ညှိနှိုင်းဖြန်ဖြေသူနဲ့ ညှိနှိုင်းပြီးဖြစ်စေ၊ ရပ်ရွာအခြေပြုအငြင်းပွားမှုဖြေရှင်းရေးနည်းလမ်းများကို အသုံးပြုပြီးဖြစ်စေ ဖြေရှင်းရေးတွေကို ပြုလုပ်နိုင်ပါတယ်။

See less

01/05/2026

အပြည်ပြည်ဆိုင်ရာ အလုပ်သမားနေ့နှင့် အလုပ်သမားအခွင့်အရေး 👨‍🔧
=============================
🌎မေလ (၁) ရက်နေ့လို့ ပြောလိုက်တာနဲ့ ကမ္ဘာတစ်ဝန်းက အလုပ်သမားတွေရဲ့ အရေးပါမှုကို သတိရမိကြပါတယ်။ ဒီနေ့က သာမန်ဂုဏ်ပြုတဲ့နေ့တစ်နေ့သာမဟုတ်ပါဘူး။ အလုပ်သမားတွေက သူတို့ရဲ့ အခွင့်အရေးတွေ ရရှိလာဖို့အတွက် အချိန်အတော်ကြာ ကြိုးစားခဲ့ရပြီး အသက်၊ သွေး၊ ချွေးတွေပါ ရင်းနှီးပေးဆပ်ခဲ့ရတဲ့ သမိုင်းတစ်ခုကိုလည်း သယ်ဆောင်ထားတဲ့နေ့ဖြစ်ပါတယ်။

💁ကျွန်မတို့နေ့စဉ် အသုံးပြုနေတဲ့အရာတွေ၊ နေထိုင်နေတဲ့ လူမှုအသိုင်းအဝိုင်းတစ်ခုလုံးဟာ အလုပ်သမားတွေရဲ့ ကြိုးစားအားထုတ်မှုအပေါ်မှာပဲ တည်ဆောက်ထားတာပါ။ ဒါကြောင့် အလုပ်လုပ်ခြင်းဆိုတာ တာဝန်တစ်ခုတည်းမဟုတ်ဘဲ အခွင့်အရေးတွေနဲ့ပါ တန်းတူတွဲဖက် ပါဝင်နေသင့်တဲ့အရာတစ်ခုလည်း ဖြစ်ပါတယ်။

🔧အလုပ်သမားတစ်ယောက်အနေနဲ့ အခြေခံအခွင့်အရေးတွေကို ပြောရမယ်ဆိုရင် မျှတတဲ့လုပ်ခလစာရရှိခွင့်၊ လုံခြုံစိတ်ချရတဲ့ အလုပ်ခွင်မှာ အလုပ်လုပ်ခွင့်၊ မခွဲခြားဘဲ တန်းတူဆက်ဆံခံရခွင့် စတာတွေ ပါဝင်ပါတယ်။ ဒါတွေဟာ အထူးတောင်းဆိုရမယ့် အရာတွေမဟုတ်ဘဲ လူတိုင်းအတွက် အခြေခံအခွင့်အရေးတွေပါပဲ။

🔸ဒီနေရာမှာ အရေးကြီးဆုံးအချက်ကတော့ ကိုယ့်အခွင့်အရေးကို ကိုယ်တိုင် သိရှိထားခြင်းပါပဲ။

🧡 ဒါ့ကြောင့် အပြည်ပြည်ဆိုင်ရာ အလုပ်သမားနေ့ကနေစပြီး အလုပ်သမားတိုင်းအတွက် လေးစားမှုရှိပြီး ပိုမိုမျှတတဲ့ လုပ်ငန်းခွင်တွေ ရရှိလာဖို့ အားလုံးအတူတကွ စဉ်းစားကြပြီး လက်တွေ့လုပ်ဆောင်သွားကြဖို့ လှုံ့ဆော်ရင်း M-LEN မှ အပြည်ပြည်ဆိုင်ရာအလုပ်သမားနေ့အား ဝမ်းမြောက်ဝမ်းသာစွာ ဂုဏ်ပြုအပ်ပါတယ်။

30/04/2026

📢 WE ARE HIRING!

🔹 Position : MEAL Assistant (1 Post)
📍 Job Location : North Okkalapa Township, Yangon (Head Office)
🕒 Type : Full Time / Project-Based Contract
👤 Reporting to : MEAL Officer
⏳ Duration : 5 Months (extendable)
🚀 Starting Date : As soon as possible

✨ (MEAL) ကဏ္ဍကို စိတ်ဝင်စားပြီး လက်တွေ့အတွေ့အကြုံရယူချင်သူများအတွက် သင့်တော်တဲ့ အခွင့်အလမ်းပါ။

📌 စိတ်ဝင်စားပါက လျှောက်ထားလိုက်ပါနော်!

https://docs.google.com/forms/d/e/1FAIpQLSdxTGBnZIAPVTmlUB0CkRa3mPgqbJvJwa5EX0VI3lTvk2AoxA/viewform?

30/04/2026

📢 အလုပ်အကိုင်ခေါ်ယူမှု အခွင့်အလမ်း

ကမ္ဘာ့ကုလသမဂ္ဂ လူမှုဖွံ့ဖြိုးရေးနှင့် ပညာရေးကဏ္ဍများတွင် တာဝန်ယူမှုရှိစွာ ပါဝင်ဆောင်ရွက်လိုသူများအတွက် အောက်ပါအလုပ်အကိုင်အခွင့်အလမ်းများကို မျှဝေလိုက်ပါသည်။

━━━━━━━━━━━━━━━

🔹 ရာထူးအမည်
Mental Health and Psychosocial Support National Specialist

📍 တာဝန်ထမ်းဆောင်ရမည့်နေရာ
ရန်ကုန်မြို့ (UNICEF)

⏰ လျှောက်လွှာပိတ်သိမ်းရက်
၁၁ မေ ၂၀၂၆

🔗 လျှောက်ထားရန်
https://app.unv.org/opportunities/1784888021268482

━━━━━━━━━━━━━━━

🔹 ရာထူးအမည်
Education Management Information Systems Officer

📍 တာဝန်ထမ်းဆောင်ရမည့်နေရာ
ရန်ကုန်မြို့ (UNESCO)

⏰ လျှောက်လွှာပိတ်သိမ်းရက်
၁၃ မေ ၂၀၂၆

🔗 လျှောက်ထားရန်
https://app.unv.org/opportunities/1784888021268377

━━━━━━━━━━━━━━━

အထက်ဖော်ပြပါရာထူးများသည် လူမှုအသိုင်းအဝိုင်းအတွင်း လူမှုစိတ်ကျန်းမာရေးကောင်းမွန်ရေးနှင့် ပညာရေးစနစ်ဖွံ့ဖြိုးတိုးတက်ရေးတို့တွင် အရေးပါသော တာဝန်များကို ထမ်းဆောင်ရမည့် အခွင့်အလမ်းများဖြစ်ပါသည်။

အရည်အချင်းနှင့် အတွေ့အကြုံသင့်လျော်သူများအနေဖြင့် သတ်မှတ်ထားသော နောက်ဆုံးရက်မတိုင်မီ လျှောက်ထားနိုင်ပါသည်။

အသေးစိတ်အား လင့်တွင်ကြည့်ရှုပါ။

27/04/2026

လူသားချင်းစာနာထောက်ထားမှု လုပ်ငန်းစဉ်တွေမှာ အရေးအကြီးဆုံးက ဘာဖြစ်မလဲ❓
============================
အထူးသဖြင့် လိင်ပိုင်းဆိုင်ရာ အမြတ်ထုတ်ခြင်းနှင့် မဖွယ်မရာပြုခြင်း (Sexual Exlpoitation and Abuse - SEA) လို အခြေအနေမျိုးတွေမှာဆိုရင် "ရှင်သန်ကျန်ရစ်သူ ဗဟိုပြု ချဉ်းကပ်နည်း (Survival-Centered Approach)" ကို မဖြစ်မနေ ကျင့်သုံးဖို့ လိုအပ်ပါတယ်။ ဒါဟာ အကူအညီတောင်းခံလာသူရဲ့ လုံခြုံရေး၊ ဂုဏ်သိက္ခာနဲ့ ကိုယ်ပိုင်ဆုံးဖြတ်ခွင့်ကို အမြဲတမ်း ဦးစားပေးရမယ့် အခြေခံမူဝါဒ ဖြစ်ပါတယ်။

အကူအညီပေးတဲ့အခါ အဓိက သတိပြုရမယ့် အချက်တွေကတော့ -

🔹 မေးခွန်းတွေထက် အကူအညီကိုသာ ရှေးရှုပါ
-----------------------------------------------
အကူအညီတောင်းလာတဲ့အချိန်မှာ "တိုင်ချက်ဖွင့်ပြီးပြီလား"၊ "သက်သေအခိုင်အလုံရှိလား" စသဖြင့် မေးမြန်းနေခြင်းထက် သူတို့ လက်တလော လိုအပ်နေတဲ့ ကာကွယ်စောင့်ရှောက်မှုနဲ့ ပံ့ပိုးမှုကို ချက်ချင်းပေးနိုင်ဖို့က အရေးကြီးဆုံးပါ။

🔹 လုံးဝ မထိခိုက်စေရေး (Do No Harm)
--------------------------
ကူညီတဲ့ လုပ်ငန်းစဉ်တစ်လျှောက်မှာ ထိခိုက်ခံစားရသူကို စိတ်ဒဏ်ရာ အသစ်ထပ်မရစေဖို့ အထူးဂရုစိုက်ရပါမယ်။ အပြစ်တင်တဲ့ အသုံးအနှုန်းတွေ၊ လုံခြုံမှုမရှိတဲ့ မေးခွန်းတွေကို လုံးဝ ရှောင်ကြဉ်ရပါမယ်။

🔹 သဘောတူညီချက်နဲ့ ရွေးချယ်ခွင့် (Informed Consent)
------------------------------------
အကူအညီပေးသူတွေဘက်က ဘာတွေပံ့ပိုးပေးနိုင်လဲဆိုတာကို ရှင်းလင်းစွာ အသိပေးပြီး၊ ထိခိုက်ခံစားရသူ ကိုယ်တိုင် ရွေးချယ်ဆုံးဖြတ်ခွင့် ပေးရပါမယ်။ သူတို့ရဲ့ သဘောတူညီချက် ရရှိမှသာ ဆက်လက် ဆောင်ရွက်သင့်ပါတယ်။

🔹 ကလေးသူငယ်များအတွက် အထူးဂရုပြုမှု
--------------------------------------------
ကလေးငယ်တွေ ပါဝင်နေပြီဆိုရင်တော့ “ကလေး၏ အကောင်းဆုံး အကျိုးစီးပွား (Best Interests of the Child)” ကို ထိပ်ဆုံးကထားပြီး သူတို့နဲ့ ကိုက်ညီတဲ့ အလုံခြုံဆုံး နည်းလမ်းတွေနဲ့ ချဉ်းကပ်ရပါမယ်။

အချုပ်အားဖြင့် ဒီချဉ်းကပ်နည်းရဲ့ အဓိက မဏ္ဍိုင် (၄) ရပ်ကတော့ -
✅ လူ့ဂုဏ်သိက္ခာကို လေးစားတန်ဖိုးထားခြင်း
✅ ရုပ်ပိုင်းဆိုင်ရာနဲ့ စိတ်ပိုင်းဆိုင်ရာ လုံခြုံမှုကို ကာကွယ်ပေးခြင်း
✅ ကိုယ်ပိုင်ဆုံးဖြတ်ခွင့်ကို အလေးထားခြင်း
✅ ယဉ်ကျေးမှုနဲ့ ကိုက်ညီပြီး လက်လှမ်းမီတဲ့ အကူအညီတွေ ဖန်တီးပေးခြင်း တို့ပဲ ဖြစ်ပါတယ်။

ဒီအချက်တွေကို လိုက်နာကျင့်သုံးမှသာ ရှင်သန်ကျန်ရစ်သူတွေအတွက် တကယ်ကို ယုံကြည်စိတ်ချရတဲ့ လုံခြုံသော ပတ်ဝန်းကျင်တစ်ခု (Safe Space) ကို ဖန်တီးပေးနိုင်မှာ ဖြစ်ပါတယ်။

10/04/2026

ပျော်ရွှင်ဖွယ်ရာ နှစ်သစ်ကူး အခါသမယဖြစ်ပါစေကြောင်း 💐
----------------------------------------

မကြာမီကျရောက်တော့မယ့် မြန်မာ့ရိုးရာ အတာသင်္ကြန်ပွဲတော်မှာ စိတ်၏ချမ်းသာခြင်း၊ ကိုယ်၏ကျန်းမာခြင်းနဲ့ ပြည့်စုံကြပါစေကြောင်း M-LEN မှ ဦးစွာ ဆုမွန်ကောင်းတောင်းအပ်ပါတယ်။

ကျွန်မတို့ M-LEN ရဲ့ ဝန်ဆောင်မှုတွေကို သင်္ကြန်ရုံးပိတ်ရက်ဖြစ်တဲ့ ဧပြီလ (၁၁) ရက်နေ့ကနေ (၁၉) ရက်နေ့အထိ ခေတ္တပိတ်ထားမှာဖြစ်ပြီး၊ ဧပြီလ (၂၀) ရက်နေ့မှာ ပုံမှန်အတိုင်း ပြန်လည်ဝန်ဆောင်မှု ပေးသွားမှာဖြစ်ပါတယ်။

ပိတ်ရက်ကာလအတွင်း အဆင်မပြေမှုများရှိပါက ကြိုတင်တောင်းပန်အပ်ပါတယ်။

အားလုံးပဲ မင်္ဂလာရှိတဲ့ သင်္ကြန်ပိတ်ရက်လေး ဖြစ်ပါစေကြောင်း ထပ်မံဆုမွန်ကောင်းတောင်းလိုက်ပါတယ်ရှင်။ ✨

10/04/2026

🌱 Join Our Team | အဖွဲ့ဝင်သစ်များကို ဖိတ်ခေါ်ပါသည် 🌱

Braveheart Foundation မှ မြဝတီ၊ ကော့ကရိတ် နှင့် တောင်ငူ မြို့များတွင် ရပ်ရွာအခြေပြု အသိပညာပေးလုပ်ငန်းများ ဆောင်ရွက်ရန်အတွက်

👉 ရပ်ရွာအခြေပြု အသိပညာပေးသူ (၆) ဦးစီ ကို ခေါ်ယူလျက်ရှိပါသည်။

📍 တာဝန်ထမ်းဆောင်ရမည့်နေရာများ
---------------------------------------
မြဝတီ (၆)ဦး
ကော့ကရိတ် (၆)ဦး
တောင်ငူ (၆)ဦး

📅 လျှောက်ထားရန်နောက်ဆုံးနေ့
👉 (၂၁.၄.၂၀၂၆)

📩 လျှောက်ထားရန်
Email မှတဆင့် CV ပေးပို့နိုင်ပါသည်။
📧 [email protected]

💬 ရပ်ရွာအတွက် အကျိုးပြုလုပ်ငန်းများတွင် ပါဝင်လိုပါက ယနေ့ပဲ မိမိစိတ်ပါဝင်စားတဲ့ မြို့ကိုရွေးချယ် လျှောက်ထားပြီး ကျွန်ုပ်တို့နှင့်အတူ အပြောင်းအလဲတစ်ခု ဖန်တီးလိုက်ပါ။

အသေးစိတ်ကို ပုံတွေကြည့်ရှုနိုင်ပါသည်။

👉 Join Our Team! 💙

04/04/2026

[English Below]
📢 အကူအညီဆိုသည်မှာ အပေးအယူ မဟုတ်ပါ

ထောက်ပံ့ရေးပစ္စည်းတွေ လာဝေတဲ့နေ့က အပျော်ဆုံးဖြစ်ခဲ့တဲ့ ကျောင်းသားလေး မောင်မောင်... ဘာကြောင့် ရုတ်တရက်ကြီး မှိုင်တွေပြီး သူငယ်ချင်းတွေနဲ့ ဝေးရာကို ရှောင်ဖယ်သွားခဲ့ရတာလဲ?

လူသားချင်းစာနာထောက်ထားမှုလုပ်ငန်းများတွင် "ထိခိုက်နစ်နာမှုမရှိစေရေး (Do No Harm)" မူဝါဒနှင့်အညီ လိင်ပိုင်းဆိုင်ရာ ခေါင်းပုံဖြတ်ခြင်းနဲ့ မဖွယ်မရာပြုခြင်းမှ ကာကွယ်ခြင်း (PSEA) သည် ကျွန်ုပ်တို့၏ အဓိက တာဝန်တစ်ရပ်ဖြစ်သည်။ ထို့ကြောင့် အကူအညီပေးရာတွင် လုပ်ပိုင်ခွင့်နှင့် အာဏာမညီမျှမှု (Power Imbalance) ကို အလွဲသုံးစားပြုကာ ကလေးသူငယ်များအပေါ် လိင်ပိုင်းဆိုင်ရာ အမြတ်ထုတ်ခြင်းနှင့် ကာကွယ်စောင့်ရှောက်ခံရပိုင်ခွင့် (Safeguarding) ချိုးဖောက်မှုများအပေါ် မည်သည့်အခါမျှ "သည်းခံခွင့်လွှတ်မည်မဟုတ်ပါ (Zero Tolerance)"။

အကူအညီပေးရေးဝန်ထမ်းနှင့် တွေ့ဆုံအပြီး မောင်မောင့်ဆီမှာ ဘာတွေဖြစ်ပျက်ခဲ့တာလဲဆိုတာကို Braveheart Foundation ၏ ပံ့ပိုးကူညီမှုဖြင့် Myanmar Legal Empowerment Network မှ စီစဉ်တင်ဆက်ထားတဲ့ "ပန်းကလေးများ ပွင့်တော့မည်" အန်နီမေးရှင်း ဇာတ်လမ်းတိုလေးမှာ အခုပဲ ကြည့်ရှုလိုက်ပါ။

🛑 လိင်ပိုင်းဆိုင်ရာ ခေါင်းပုံဖြတ်ခြင်းနဲ့ မဖွယ်မရာပြုခြင်းမှ ကာကွယ်ခြင်း (PSEA) မူဝါဒများနှင့်အညီ ယင်းကဲ့သို့သော ကျူးလွန်မှုများကို သံသယရှိပါက လုံခြုံသော တိုင်ကြားမှုယန္တရားများမှတစ်ဆင့် မည်သည့်အဖွဲ့အစည်းကိုမဆို အချိန်မရွေး တိုင်ကြားနိုင်ပါသည်။



📢 Aid is Not an Exchange

On the day of the distribution, Maung Maung was the happiest kid in school. So why did he suddenly become so withdrawn from his friends?

In humanitarian work, in line with the "Do No Harm" principle, Protection from Sexual Exploitation and Abuse (PSEA) is our core responsibility. Therefore, we maintain a strict "Zero Tolerance" policy against anyone who exploits "Power Imbalances" during aid distribution to commit sexual exploitation and abuse against children, violating their right to "Safeguarding."

Find out what happened to Maung Maung after his interaction with an aid worker in "Little Flowers About to Bloom," a new educational animated short film presented by the Myanmar Legal Empowerment Network with the support of Braveheart Foundation.

🛑 In accordance with Protection from Sexual Exploitation and Abuse (PSEA) policies, if you suspect any violations, you can report them to ANY organization at any time through safe and confidential reporting mechanisms.

02/04/2026

💐“ပန်းကလေးများ ပွင့်တော့မည်”
----------------------------
{English Below}

လူသားချင်းစာနာထောက်ထားရေးလုပ်ငန်းများတွင်
“ရပ်ရွာလူထု၏ ဂုဏ်သိက္ခာကို ကာကွယ်ရေး” သည် အခြေခံတန်ဖိုးအဖြစ် အလွန်အရေးကြီးပါသည်။

သို့သော်—

အာဏာ၊ အခွင့်အရေးနှင့် အကူအညီပေးနိုင်မှုတို့ကို အသုံးချ၍ လူတစ်ဦး၏ ဂုဏ်သိက္ခာနှင့် လုံခြုံမှုကို ချိုးဖောက်သည့် လိင်ပိုင်းဆိုင်ရာ အမြတ်ထုတ်ခြင်းနှင့် မဖွယ်မရာပြုခြင်း (SEA) သည် မည်သည့်အခြေအနေမျိုးတွင်မဆို လုံးဝ လက်မခံနိုင်သော လုပ်ရပ်ဖြစ်ပါသည်။

PSEA သည် ကာကွယ်တားဆီးခြင်းသာမက တာဝန်ခံမှုရှိစေရန်နှင့် တိုင်ကြားနိုင်သော လုံခြုံသည့် လမ်းကြောင်းများရှိစေရန်ကိုပါ အဓိကထား ဆောင်ရွက်ပါသည်။

💁မကြာခင် M-LEN မှတင်ဆက်သွားမည့် PSEA ဗီဒီယိုတွင်—

ဖြစ်နိုင်ချေရှိသော SEA ဆိုင်ရာအန္တရာယ်များကို ဖော်ထုတ်ပြီး ဘယ်လို တုံ့ပြန်ရမလဲ၊ ဘယ်လို ကာကွယ်နိုင်မလဲဆိုတာများကို အခြေခံသဘောတရားများနှင့်အညီ ဖော်ပြသွားမည်ဖြစ်ပါသည်။

“အကူအညီ” သည် လိင်ပိုင်းဆိုင်ရာအလွဲသုံးစားမှုအတွက် အခွင့်အလမ်းတစ်ခု မဖြစ်သင့်ပါ။

🔜မကြာမီတွင် ကျွန်မတို့ M-LEN မှ တင်ဆက်သွားမည်ဖြစ်ပါသဖြင့် စောင့်မျှော်ကြည့်ရှုနိုင်ပါရန် ဖိတ်ခေါ်အပ်ပါသည်။

🌷“Little Flowers About to Bloom”
-------------------------------------
In humanitarian work,
protecting the dignity of communities is a fundamental value.

However,
any act that abuses power, authority, or access to assistance to violate a person’s dignity and safety, including Sexual Exploitation and Abuse (SEA), is never acceptable under any circumstances.

Protection from Sexual Exploitation and Abuse (PSEA) is not only about prevention, it also ensures accountability and access to safe reporting mechanisms.

💁In the upcoming PSEA awareness video by Braveheart Foundation, we will highlight potential SEA risks and demonstrate how to respond appropriately and prevent harm, based on key PSEA principles.

❗ Aid must never be a pathway to exploitation.
📢 Stay tuned....
M-LEN will be releasing this PSEA awareness video soon.

30/03/2026

🌍 Grassroots Justice Network Leadership Program 2026 အတွက် လျှောက်လွှာခေါ်ယူခြင်း
---------------------------------------
Grassroots Justice Network Academy မှ စီစဉ်ကျင်းပသည့် Leadership Program 2026 သို့ ပါဝင်လျှောက်ထားနိုင်ရန် စိတ်ဝင်စားသူများအား လေးစားစွာ ဖိတ်ခေါ်အပ်ပါသည်။

ဤ Program သည် လူထုအခြေပြုမျှတမှုလုပ်ငန်းများတွင် ပါဝင်ဆောင်ရွက်နေသူများ၏ ဦးဆောင်နိုင်မှု (Leadership)၊ အရည်အချင်း (Capacity) နှင့် လက်တွေ့အကောင်အထည်ဖော်နိုင်မှု (Action-Oriented Skills) များကို မြှင့်တင်ပေးရန် ရည်ရွယ်ထားသော အွန်လိုင်းသင်တန်းအစီအစဉ်တစ်ရပ်ဖြစ်ပါသည်။

📚 Program ၏ အဓိကပါဝင်မှုများ
-----------------------------------
ပါဝင်သူများအနေဖြင့်—

Legal Empowerment နှင့် Community Justice ဆိုင်ရာ အခြေခံသဘောတရားများကို လေ့လာသင်ယူနိုင်မည်
နိုင်ငံတကာမှ ကျွမ်းကျင်သူများနှင့် အတူ ဆွေးနွေးပွဲများ၊ Workshop များတွင် ပါဝင်နိုင်မည်
မိမိတို့၏ ရပ်ရွာအတွင်းရှိ ပြဿနာများကို ဖြေရှင်းရန် Action Plan များ ဖန်တီးနိုင်မည်
ကမ္ဘာတဝှမ်းရှိ justice practitioners များနှင့် ချိတ်ဆက်ဆောင်ရွက်နိုင်မည်
Program အတွင်း အသုံးပြုနိုင်သည့် သင်ယူရေးဆိုင်ရာ resource များကို ရရှိနိုင်မည်

📅 အရေးကြီးသော အချိန်ဇယား
--------------------------------
လျှောက်လွှာနောက်ဆုံးနေ့ – ၂၀၂၆ ခုနှစ် ဧပြီလ ၁၀ ရက်
ရွေးချယ်ခံရသူများ ကြေညာခြင်း – ဧပြီလ ၃၀ ရက်
Program ကာလ – မေ ၁ ရက်မှ ဇူလိုင် ၃၁ ရက်အထိ (၃ လ)

⏱️ ပါဝင်ဆောင်ရွက်ရန် လိုအပ်ချက်
--------------------------------
တစ်ပတ်လျှင် ခန့်မှန်းအားဖြင့် ၂ မှ ၄ နာရီအထိ အချိန်ပေးနိုင်ရမည်

🎯 အထူးအခွင့်အရေး
-------------------------
Program ကို အောင်မြင်စွာ ပြီးဆုံးသူများသည် မိမိတို့၏ Action Plan များကို အကောင်အထည်ဖော်ရန်
💰 USD 10,000 အထိ Action Grant ကို ဆက်လက် လျှောက်ထားနိုင်သည့် အခွင့်အရေး ရရှိနိုင်ပါသည်။

👥 လျှောက်ထားနိုင်သူများ
----------------------------
Community Paralegals
Grassroots Activists / Organizers
Civil Society Organizations (CSOs), NGOs, CBOs
Legal Empowerment ကိုဆောင်ရွက်နေသူများ
📌 မှတ်ချက် – Grassroots Justice Network ၏ Member ဖြစ်ရမည်။
🌱 နိဂုံးချုပ်
ဤ Leadership Program သည် လူထုအခြေပြုမျှတမှုလုပ်ငန်းများကို လက်တွေ့ကျကျ တိုးတက်အောင် ဆောင်ရွက်နိုင်ရန်အတွက် အရေးပါသော အခွင့်အလမ်းတစ်ရပ်ဖြစ်ပြီး၊ မိမိ၏ လုပ်ငန်းဆောင်ရွက်မှုများကို နိုင်ငံတကာအဆင့်သို့ ချဲ့ထွင်နိုင်ရန် အထောက်အကူပြုမည်ဖြစ်ပါသည်။

ထို့အတွက်ကြောင့် ဤအခွင့်အရေးကောင်းအား M-LEN မှ ပြန်လည်ဝေမျှပေးလိုက်ပါသည်။
📩 လျှောက်ထားရန်
👉

Applications are open for the inaugural Leadership Program, the first offering of the Grassroots Justice Network Academy. Apply by April 10, 2026.

23/03/2026

ရန်ကုန်မြို့တွင် ကျင်းပခဲ့သော တတိယအကြိမ် PSEA ဆိုင်ရာ နည်းပြဆရာဖြစ်သင်တန်း (TOT) 📍
============================

🔶 Braveheart Foundation မှ ဦးဆောင်ကာ PSEA Network Myanmar နှင့် ပူးပေါင်း၍ ကျင်းပခဲ့သော တတိယအကြိမ် PSEA ဆိုင်ရာ နည်းပြဆရာဖြစ်သင်တန်းကို ရန်ကုန်မြို့ရှိ Novotel Yangon Max Hotel တွင် မတ်လ (၁၇) ရက်နေ့မှ (၂၀) ရက်နေ့အထိ လေးရက်တာ ပြုလုပ်ကျင်းပခဲ့ပါသည်။ ယခုသင်တန်းတွင် PSEA စီမံကိန်းအောက်တွင် အတူတကွ ဆောင်ရွက်လျက်ရှိသော မိတ်ဖက်အဖွဲ့အစည်း (၁၂) ဖွဲ့မှ ဆရာ၊ ဆရာမများနှင့်အတူ PSEA ကွန်ရက်မှ ဆရာ၊ ဆရာမများလည်း ပါဝင်တက်ရောက်ခဲ့ကြပါသည်။

🔶 အဆိုပါ သင်တန်းသည် ယခင်အကြိမ်များထက် ပိုမိုနက်ရှိုင်းပြီး လက်တွေ့အသုံးချနိုင်မှုကို အဓိကထားသည့် Intensive TOT တစ်ရပ်ဖြစ်ပြီး PSEA ဆိုင်ရာ အခြေခံသဘောတရားများကို ပိုမိုခိုင်မာစေခြင်းနှင့်အတူ SEA ဆိုင်ရာ ကာကွယ်ရေး၊ တုံ့ပြန်ရေးနှင့် တာဝန်ခံမှုဆိုင်ရာ လုပ်ငန်းစဉ်များကို စနစ်တကျ နားလည်နိုင်စေရန် ရည်ရွယ်ထားပါသည်။ ထို့အပြင် GBV, SEA, SH တို့၏ ကွာခြားချက်များ၊ Survivor-Centered Approach၊ Complaint Handling နှင့် Reporting Mechanisms၊ Case Referral နှင့် Risk Management စသည့် အရေးကြီးသော အကြောင်းအရာများကိုလည်း အသေးစိတ်ရှင်းလင်းတင်ပြခြင်း၊ အုပ်စုလိုက် ဆွေးနွေးခြင်းနှင့် လက်တွေ့ လေ့ကျင့်ခန်းများမှတစ်ဆင့် အတူတကွ လေ့လာသင်ယူခဲ့ကြပါသည်။

🔶 သင်တန်း၏ အဓိက ထူးခြားချက်အနေဖြင့် ပါဝင်သူများသည် မိမိတို့ကိုယ်တိုင် PSEA သင်တန်းများ ပြန်လည်ပို့ချနိုင်ရန် Training Design နှင့် Facilitation Skills များကို လက်တွေ့ simulation sessions များမှတစ်ဆင့် လေ့ကျင့်ခဲ့ကြပြီး မိမိတို့၏ လုပ်ငန်းခွင်များနှင့် ဒေသအသိုင်းအဝိုင်းများအတွင်း PSEA အသိပညာများကို ထိရောက်စွာ ဖြန့်ဝေသင်ကြားနိုင်မည့် စွမ်းရည်များကို တိုးတက်မြှင့်တင်နိုင်ခဲ့ကြပါသည်။

🔶 ထို့ပြင် သင်တန်းကာလအတွင်း မိတ်ဖက်အဖွဲ့အစည်းများအချင်းချင်း အတွေ့အကြုံများ မျှဝေခြင်းနှင့် ရင်းနှီးချစ်ကြည်မှု တိုးတက်စေရန် အပြန်အလှန် ဆက်သွယ်ဆွေးနွေးနိုင်သည့် အခွင့်အလမ်းများကိုလည်း ဖန်တီးပေးနိုင်ခဲ့ပါသည်။ ယင်းကဲ့သို့ ပူးပေါင်းလေ့လာမှုများသည် အနာဂတ်တွင် PSEA ဆိုင်ရာ ကွန်ရက်အင်အားကို ပိုမိုခိုင်မာစေရန် အရေးပါသော အခြေခံတစ်ရပ်အဖြစ် ဖြစ်ထွန်းလာစေမည် ဖြစ်ပါသည်။

🔶 Braveheart Foundation အနေဖြင့် ရပ်ရွာလူထုများနှင့် ဘေးဒဏ်သင့်ပြည်သူများအား Sexual Exploitation and Abuse (SEA) မှ ကာကွယ်နိုင်ရန်နှင့် လုံခြုံသော အသိုင်းအဝိုင်းတစ်ခု တည်ဆောက်နိုင်ရန်အတွက် PSEA ဆိုင်ရာ လှုပ်ရှားမှုများကို ဆက်လက် အားထုတ်ဆောင်ရွက်သွားမည်ဖြစ်ကြောင်း ပြောကြားရင်း၊ ယခုတတိယအကြိမ် PSEA ဆရာဖြစ်သင်တန်း အောင်မြင်စွာ ပြီးမြောက်ခဲ့ခြင်းအား ဝမ်းမြောက်စွာ အသိပေးအပ်ပါသည်။