What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00

https://www.facebook.com/101855672837313/

U Zin Lin Aung- Legal Service, Yangon (2026)

04/02/2026

ဂရန်ခွဲစိတ်ဝယ်ယူမည့်သူများ သတိထားရမည့် အချက်[ ၁ ] ချက်
=========================================

ဂရန်မြေ ခွဲစိတ် ပေ (၄၀×၆၀) မှ ပေ (၂၀×၆၀) ခွဲစိတ်ဝယ်ယူမည့်သူများ-

မိတ်ဆွေတစ်ဦးက ဂရန်ခွဲစိတ်ဝယ်ယူမှာမို့ ဆရာရေ လာရောက်ဆောင်ရွက်ပေးရန် ဖုန်းဆက်လာပါသဖြင့် အရောင်းအဝယ်ပြုလုပ်မည့် ဝင်းမြေဆီသို့ ပုဂံလုံးစီး ၍ အမြန်ဆုံး နှင်းမောင်းလိုက်ပါတော့တယ်။

အဲ့ရောက်တော့ ရောင်းသူ/ဝယ်သူ နှင့် အကျိုးဆောင်များမှ ခရီးစီးကြိုကြကာ စကားစမြည်းလေးတွေပြော၍ စာရွက်စာတမ်းများ စစ်လိုက်ပါတော့တယ်။

ပြသနာက အခုမှစတွေ့တော့တယ် ဂရန်စာရွက်ပေါ်မှာက ပေ (၄၀×၆၀) စတုရန်ပေ (၂၄၀၀) ပေါ့။ သို့သော် မြေပြင်မှာက ပေ (၄၃× ၆၀) ဖြစ်နေပြီး အဲ့ထဲမှ ပေ (၂၀× ၆၀) ခွဲရောင်းပါမည်။ ပိုနေတဲ့ ၃ ပေ သည် BDS ခေါ် လမ်းကြားမြေ (စည် ပင်ပိုင်) မြေဖြစ်နေပါတယ်။ ယင်း ၃ ပေ အပါအဝင် ပေ (၂၃ × ၆၀) ပေါ်မှာ ခိုင် မာတဲ့ အဆောက်အဦ ဆောက်ထားတာ တွေ့ရှိထားပြီး တစ်ခြမ်းဖြစ်သည့် ပေ (၂၀ × ၆၀) အား အရောင်းအဝယ်ပြုလုပ်ကြပါမည်။

စာရွက်စာတမ်းနှင့် ပိုင်ဆိုင်မူကလည်း ကင်းရှင်းပါသော်လည်း အရောင်းအဝယ်တော့ အထ မမြောက်ဖြစ်၊ ပွဲပျက်သွားတယ် ခေါ်ပါတော့။ ဘာကြောင့်လဲ ဆိုတော့------

BDS လမ်းကြားမြေ/ စည်ပင်ပိုင်မြေ ၃ ပေပေါ်မှာ ခိုင်မှာသည့် အဆောက်အဦ ဆောက်လုပ်ထားသဖြင့် မိမိအမည်ပေါက်ရရှိဖို့ရန် ဂရန်ခွဲပြုလုပ်သည့်အချိန်မှာ အရမ်းခက်ခဲသွားပါမည်။

- ယင်း ၃ ပေအား ရောင်းချသူမှ မြေပိုအနေဖြင့် လျှောက်မှာလား။ (သို့မဟုတ်)
- ၃ ပေပေါ်တွင် ဆောက်ထားတဲ့ အဆောက်အဦကို ဖျက်ပေးမှာလား။

အထက်ပါ အချက် ၂ ချက်အား ရောင်းသူက မဆောင်ရွက်ပေးနိုင်ရင် ဂရန်ခွဲစိတ်ပြုလုပ်ရန်အတွက် တိုင်းခွဲ/ ဦးပိုင်ခွဲစိတ်အဆင့်မှာပင် ရပ်စဲနေလိမ့်မည့် ရှေ့ဆက် ရန် အလားအလားမရှိတော့ပါ။

စာဖတ်မိတ်ဆွေများ ကျန်းမာရွှင်လန်းကြပါစေ🙏

🚫Pls Do Not Copy🚫

ဦးဇင်လင်းအောင်- ဥပဒေရေးရာ ဝန်ဆောင်မှုလုပ်ငန်း

09 986 252 417

#ဂရန်မြေ
#အိမ်ခြံမြေ
#ဂရန်ခွဲစိတ်

02/02/2026

နူတ်ကျန်ဂရန် ဝယ်မည်ဆိုပါက သတိထား-
===========================

(၂) ပူးတွဲပိုင် ဂရန်မြေကို အပြန်အလှန်စွန့်လွှတ်စာချုပ်ပြုလုပ်ကြပြီး တစ်ဖက် သတ် ဂရန်ခွဲထွက်သွားမည်ဆိုပါက ကျန်တဲ့အခြမ်းသည် "နူတ်ကျန်ဂရန်"လို့ ဆို ရပေမည်။

ပေ (၄၀×၆၀) ဂရန်မြေအား A နှင့် B သည် ပူးတွဲပိုင်ဆိုင်ထားပါစို့။

ပေ (၂၀×၆၀) စီ ခွဲကြမည်ဆိုပါက A ကလည်း B ရယူမည့်အခြမ်းဘက်ကို စွန့်လွှတ်ရပေမည်။ ထိုနည်းတူစွာ B ကလည်း A ရယူမည့်အခြမ်းဘက်ကို စွန့်လွှတ်ရပေမည်။ ဒါ့ကြောင့် အပြန်အလှန်စွန့်လွှတ်စာချုပ် ချုပ်ဆိုရမည်။

ယင်းစွန့်လွှတ်စာချုပ် ချုပ်ဆိုပြီးနောက် A နှင့် B (၂) ဦးတစ်ပြိုင်တည်း ဂရန်ခွဲထွက်မပြုလုပ်ဘဲ A ဆိုတဲ့ တစ်ဦးက ဂရန်ခွဲထွက်မည်ဆိုပါက ယင်းလူသည် ပေ (၂၀×၆၀) ဆိုတဲ့ ဂရန်ခွဲ စာအုပ်အသစ် တစ်အုပ်ရရှိသွားပါမည်။

ကျန်ရှိ B မှာတော့ မူလဂရန်စာအုပ်ပဲကျန်ရှိခဲ့ပြီး ယင်းစာအုပ်၏ ပထမစာမျက် နှာတွင် မင်နီဖြင့် ကန့်လန့်ဖြတ်ရေးသားမှတ်သားထားသည်မှာ---

[ A၊ B နှစ်ဦးတို့အနက်မှ အမည်ပေါက်တစ်ဦးဖြစ်သည့် B ထံမှ စွန့်လွှတ်စာချူပ်ကို့ အထောက်အထားပြု၍ A အမည်ဖြင့် ပေ (၂၀×၆၀) အား မြေကွက်အမှတ် (၁၂၁၄/ က) ဖြင့် ဂရန်ခွဲထုတ်ပေးပြီး ဖြစ်ပါသဖြင့်...(မူလအမည်ပေါက် A၊ B အမည်ဖြင့် ကျန်ဧရိယာ ပေ (၂၀×၆၀) အား မြေကွက်အမှတ် (၁၂၁၄/ခ) ဖြင့် ကျန်ရှိပါသည်)။ ]

အဆိုပါ နူတ်ကျန်ဂရန် ပေ (၂၀×၆၀) သည် A၊ B အမည်ဖြင့် ဆက်လက်ကျန်ရှိနေသေးကြောင်း ထင်ရှားမြင်သာပါသည်။

ဦးဇင်လင်းအောင်- ဥပဒေရေးရာ ဝန်ဆောင်မှုလုပ်ငန်း
09 986 252 417

🚫 Pls Do Not Copy 🚫

#နူတ်ကျန်ဂရန်
#ဂရန်မြေ
#အိမ်ခြံမြေ

02/01/2026

#ဘဏ်ချိတ် ဖြင့်ဝယ်ယူမည်ဆိုပါက သိထားသင့်သည့်အချက် ၃ ချက်
=============================================

အိမ်ခြံမြေအား ဘဏ်ချိတ်ဖြင့်ဝယ်ယူမည် ဆိုပါက ရောင်းချသူ၊ ဝယ်ယူသူများအနေဖြင့် လိုအပ်သည့်စာရွက်စာတမ်းများအား မိမိချိတ်ဆက်မည့် ဘဏ်၏ သတ်မှတ်ထားသည့် စာရွက်စာတမ်း အထောက်အထားများပြသပေးရမည်ဆိုတာ အားလုံးနားလည်းကြပြီဆိုတော့ အထူးအထွေတင်ပြစရာမလိုတော့ပါဘူး။

ယခုတင်ပြသွားမှာကတော့---
ဘဏ်ချိတ်ဖြင့် အိမ်ခြံမြေဝယ်ယူမည်ဆိုပါက အောက်ပါအချက် (၃)ချက်များကိုတော့ သတိထားစေချင်ပါတယ်။

၁။ စရန်ငွေပေးပြီးနောက် အကြောင်းကြောင်းကြောင့် ဘဏ်မှ ချေးငွေမရရှိပါက မိမိအနေဖြင့် ကျန်ငွေအား ပေးချေနိုင်ရန် အင်အားရှိပါသလား။

၂။ ဆက်လက်ပေးချေရန်အင်းအားမရှိပါက ပေးချေထားသည့်စရန်ငွေ အဆုံးအ ရှုံးခံနိုင်ပါ့မလား။

၃။ ဘဏ်မှ ချေးငွေခွင့်မပြုပါက ပေးချေထားသည့်စရန်ငွေအား မဆုံးရှုံးစေရန် ရောင်းသူ/ဝယ်သူကြား ဘယ်လိုကတိကဝတ်တွေ ထည့်သွင်းချုပ်ဆိုထားသင့်မလဲ။

ဘဏ်ချိတ်နဲ့ပတ်သတ်၍ ဆရာ့ကိုယ်တွေ့လေး တစ်ဆက်တည်းတင်ပြပေးလိုက်ပါ့မယ်-

မိတ်ဆွေတစ်ဦးက ဂရန်မြေအမည်ပေါက်သူထံမှ ဘဏ်ချိတ်ဖြင့် ဝယ်ယူမှာမို့ ရောင်းချသူထံမှ စာရွက်စာတမ်းများ စိစစ်ပေးရန် အကူအညီတောင်းခံလာသ ဖြင့် သွားရောက်၍ စစ်ဆေးရာ-

ပိုင်ဆိုင်မှု ခိုင်မာတယ်ဆိုပြီး စရန်စွတ်မချလိုက်ပါနဲ့။
-------------------------------------------------------------‐------
ပိုင်ဆိုင်မှုအနေဖြင့် ရောင်းသူ၏ ဂရန်အမည်ပေါက် ဖြစ်နေ၍ ပြဿနာမရှိပါ။

ပြဿနာက ဒီကစပါပြီ_ ရောင်းချသူ၏ ဂရန်မြေက ပေ (၄၀×၆၀) အနက်မှ ပေ (၁၀×၆၀) က အခြားသူအား ခွဲခြမ်းရောင်းချထားပြီး ၎င်းပိုင်ဆိုင်တဲ့ ပေ ( ၃၀ × ၆၀) ပေါ်မှာ ဆောက်ထားတဲ့ အဆောက်အဦးကို ဘဏ်ချိတ်နဲ့ ဝယ်မှာပါ။

သို့သော်ဂရန်ခွဲစိတ်အနေဖြင့်ပြုလုပ်ဖို့ကလည်း မရပါတော့ မူလအမည်ပေါက်သူကပဲ ပေ (၄၀×၆၀) ဂရန်ပဲဆက်လက်ကိုင်ဆောင်ထားပါတယ်။ ယင်းအခြေအနေအရ ဘဏ်က လုံးဝလက်မခံပါ။

ဘဏ်ချိတ်အနေဖြင့်အဆင်ပြေအောင် ပေ (၄၀× ၆၀) ဂရန်အား ရောင်းချသူက ပိုင်ဆိုင်ပါတယ်ဆိုပြီး ဝယ်ယူသူအမည်ပေါက်ပြောင်းလိုက်၍ ဘဏ်အား အာမခံအနေဖြင့် ပေးထားမယ်ဆိုင်ရင် ဘဏ်က လက်ခံမယ်သော်လည်း ပေ (၁၀×၆၀) ပိုင်ဆိုင်တဲ့တစ်ဖက်က လက်ခံပါ့မလား။

အကြံပြုချက်
------------------
အထက်ပါ အခြေအနေများကြောင့် မိတ်ဆွေအား အဆိုပါ ဂရန်မြေကွက်အား မဝယ်ယူရန် အကြံပြုလိုက်ပါတယ်။

🚫Pls Do Not Copy🚫

နှစ်သစ်မှာ အားလုံး ရွှင်လန်းချမ်းမြေ့ကြပါစေ🙏

ဦးဇင်လင်းအောင်- ဥပဒေရေးရာ ဝန်ဆောင်မှုလုပ်ငန်း

Tele Link - https://t.me/Legalservi

Viber No- 09 986 252 417

#ဘဏ်ချိတ်

#အိမ်ခြံမြေ
#ဂရန်မြေ

29/12/2025

ပါမစ်မြေနဲ့ ဂရန်မြေကို ဝယ်ရင် ဘယ်ဟာကပိုပြီးကောင်းသလဲ
========================================

''ပါမစ်မြေနဲ့ ဂရန်မြေကို ဝယ်ရင် ဘယ်ဟာကပိုပြီးကောင်းသလဲ ဆရာ''ဟု မိတ် ဆွေတစ်ဦးက စာရေးသူထံ အကြံတောင်းခံလာပါသဖြင့်---

'' ၂ ခု စလုံးကောင်းတာချည်းပါပဲ။ ဒါပေမယ့် စာရွက်စာတမ်းခိုင်မာပြီး အရှုပ်အ ရှင်း ကင်းရှင်းဖို့က အဓိက အရေးကြီးဆုံးပေါ့ ''။

အမည်ပြောင်းတဲ့ကိစ္စ ဘယ်လိုဆက်လက် ဆောင်ရွက်ရမလဲ ဆရာ
--‐-----------------------------------------------------------------------------------------

#ပါမစ်မြေ ကတော့ ယခင်ကာလတုန်းက အရပ်ရောင်းအဝယ်စာချုပ်အဆက် အစပ်မူရင်းများနှင့် ပါမစ်မူရင်းတင်ပြပြီး လျှောက်ထားသူ အမည်ပေါက် ဂရန် ပြုလုပ်လို့ရပါတယ်။

သို့သော်.. ပြည်ထောင်စုအဆင့် အခွန်ကောက်ခံမှု အထောက်အကူပြုအဖွဲ့၏ အ စည်းအဝေး အဆုံးအဖြတ်ချက်အရ (၂၉.၇.၂၀၂၄) ရက်နေ့မှစ၍ ပါမစ်အမည်ပေါက်သူမှသာလျှင် ဂရန်အမည်ပေါက် ပြုလုပ်ဆောင်ရွက်လို့ရပါတော့မည်။

ပြီးမှ ဝယ်ယူသူ အနေဖြင့် မိမိအမည်ပေါက်ပြောင်းလဲလိုပါက ကျသင့်သည့် အ ခွန်များထမ်းဆောင်၍ အရောင်းအဝယ်စာချုပ်အား မှတ်ပုံတင်ပြုလုပ်ပြီး ဂရန်အမည်ပြောင်း ဆောင်ရွက်လို့ရပါမည်။

#ဂရန်မြေ ကလည်း ဂရန်အမည်ပေါက်သူထံမှ ဝယ်ယူပြီး မိမိအမည်ပေါက်ပြောင်းလဲလိုပါက ကျသင့်သည့်အခွန်များထမ်းဆောင်၍ အရောင်းအဝယ် စာ ချုပ်အား မှတ်ပုံတင်ပြုလုပ်ပြီး ဂရန်အမည်ပြောင်း ဆောင်ရွက်လို့ရပါမယ်။

#ဂရန်ဂတုံး ဆိုရင်လည်း 👇 အောက်ပါ့လင့်တွင် အသေးစိတ်ဖော်ပြထား-

https://m.facebook.com/story.php?story_fbid=122156025536803541&id=61574106233251&mibextid=Nif5oz

အားလုံး ရွှင်လန်းချမ်းမြေ့ကြပါစေ🙏🙏🙏

🚫Pls Do Not Copy🚫

ဦးဇင်လင်းအောင်- ဥပဒေရေးရာ ဝန်ဆောင်မှုလုပ်ငန်း

https://t.me/Legalservi

Viber No- 09 986 252 417

24/12/2025

#ဂရန်ဂတုံး ဝယ်ယူပြီး အမည်ပြောင်းရန်နည်းလမ်း
================================

အရပ်စာချုပ်ဖြင့်ဝယ်ယူထားသည့်ဂရန်မြေက ဂရန်ဂတုံး [အမည်ပေါက်ပိုင်ရှင် သေဆုံး/ ရှာမရ (သို့) ၎င်း၏ အမွေဆက်ခံသူများက ဆောင်ရွက်ပေးရန် ငြင်း ဆန်] ပါက ဝယ်ယူသူ အမည်ပေါက်ရရှိအောင် ဆောင်ရွက်ရန် နည်းလမ်းက တော့....

တရားရုံး၏ အနိုင်ဒီကရီရရှိမှသာ ဆောင်ရွက်လို့ရမည်ဆိုတာ လူတိုင်းနီးပါသိရှိလောက်ပါပြီ။ သို့သော် ထိုသို့ ဆောင်ရွက်ရန် နည်းလမ်းအား မသိသေးသူများအတွက် မျှဝေပေးသွားပါမယ်----------

မိမိဝယ်ယူထားသည့် အိမ်ခြံမြေအား အရပ် အရောင်းအဝယ် ကတိစာချုပ်ချုပ်ဆိုပြီး လက်ဝယ်ရှိရုံမျှဖြင့် တရားရုံးတွင် မိမိပိုင်ဆိုင်ကြောင်း မြွက်ဟကြေညာပေးစေလိုမှု စွဲဆိုလို့မရပါဘူး။

အရပ် အရောင်းအဝယ်ကတိစာချုပ်ချုပ်ဆိုပြီးနောက် ရောင်းသူက ရောင်းချခြင်းကို အပြီးတိုင် မှတ်ပုံတင်စာချုပ် ချုပ်ဆိုမပေးပါက သီးခြားသက်သာခွင့် အက်ဥဒေပုဒ်မ ၁၂ အရ ပဋိညာဉ်အတိုင်းဆောင်ရွက်ပေးစေလိုမှုစွဲဆိုရပါမည်။

ထိုသို့ အမှုစွဲဆိုပါက ဂရန်အမည်ပေါက်သူထံမှ အရပ်စာချုပ်ဖြင့် ရောင်းချသူ များကိုလည်း တရားပြိုင်ထဲ ထည့်စွဲဆိုရပါတယ်။

[ မှတ်ချက်- အမည်ပေါက်ပိုင်ရှင်နှင့် ချုပ်ဆိုသည့် စာချုပ်တွင် ဝယ်ယူသူ (သို့) ဝယ်ယူသူ၏ ညွှန်ပြပြောဆိုသူ အလိုရှိသည့်အချိန်တွင် အရောင်းအဝယ်စာချုပ်အား မှတ်ပုံတင်စာချုပ်ပြုလုပ်ဆောင်ရွက်ပေးရပါမည်ဟု ကတိကဝတ် စကားရပ်အား ထည့်သွင်းဖော်ပြချုပ်ဆိုထားသင့်ပါတယ်။]

သီးခြား ၁၂ နှင့် ၄၂ ခြားနာပုံ
===================
အရောင်းအဝယ်ကတိစာချုပ် ချုပ်ဆိုထားရုံမျှဖြင့် ရောင်းချခြင်း မပြီးမြောက်သေးပါ။

အရောင်းအဝယ် အရပ်ကတိစာချုပ်ချုပ်ဆိုပြီးနောက် ရောင်းချသူက ရောင်းချခြင်းကို အပြီးတိုင် မှတ်ပုံတင်စာချုပ် ချုပ်ဆိုမပေးပါက သီးခြားသက် သာခွင့် အက်ဥဒေပုဒ်မ ၁၂ အရ ပဋိညာဉ်အတိုင်း ဆောင်ရွက်ပေးစေလိုမှုနှင့် စွဲဆိုရပါမည်။

(ပိုင်ဆိုင်ကြောင်း မြွက်ဟကြေညာပေးစေလိုမှု မစွဲဆိုနိုင်ပါ။)

သီးခြားသက်သာခွင့် အက်ဥပဒေပုဒ်မ ၄၂ အရ ပိုင်ဆိုင်ကြောင်း မြွက်ဟကြေ ညာပေးစေလိုမှုတွင် ပိုင်ရှင်ဘဝ ရောက်မှသာလျှင် မြွက်ဟကြေညာပေးလို့ရမည် ဖြစ်ပါသည်။

*အရောင်းအဝယ် ကတိစာချုပ်ချုပ်ဆိုပြီး လက်ဝယ်ရှိရုံမျှဖြင့် တရားရုံးတွင် မိမိပိုင်ဆိုင်ကြောင်း မြွက်ဟကြေညာပေးစေလိုမှု စွဲဆိုနိုင်ခွင့်မရှိပါ။ ၁၉၈၁၊ မတစ၊ စာ- ၁၂၅ တွင် ဆုံးဖြတ်ထားပါသည်။

🚫 Pls Do Not Copy🚫

အားလုံးရွှင်လန်းချမ်းမြေ့ကြပါစေ🙏

ဦးဇင်လင်းအောင်- ဥပဒေရေးရာ ဝန်ဆောင်မှု လုပ်ငန်း
09 986 252 417

#အိမ်ခြံမြေ
#တိုက်ခန်း
#ဂရန်မြေ

22/12/2025

ဂရန်မြေဝယ်ယူမည်ဆိုပါက- သိရှိထားသင့်သည့် ဂရန်မြေပိုင်ရှင်များ။
=============================================
#ဂရန်မြေဆိုတာ-------

+ ဂရန်အမည်ပေါက်တိုင်း ပိုင်ရှင်လို့သတ်မှတ်လို့ရပါသလား။
+ ဂရန်အမည်မပေါက်တိုင်း မြေပိုင်ရှင်မဟုတ်ဘူးလို့ သတ်မှတ်လို့ရပါသလား။
+ လက်ဝယ်ထားရှိတိုင်း မြေပိုင်ရှင်လို့ သတ်မှတ်လို့ရပါသလား။

ဂရန်မြေဝယ်ယူတော့မည်ဆိုပါက မိမိတို့အနေဖြင့် မဖြစ်မနေ ဖော်ပြပါပိုင်ရှင်များနဲ့ တွေ့ကြုံရပါလိမ့်မယ်။ ၎င်းတို့ထံမှ ဝယ်ယူမည်ဆိုပါက ဝယ်ယူသူများအနေဖြင့် မိမိတို့အမည်ပေါက်ပြုလုပ်ရန် အဆင့်များအား တစ်ဆင့်ချင်း ရှင်းပြပေးသွားပါ့မယ်။

၁။ ဂရန်အမည်ပေါက်သူထံမှ တိုက်ရိုက်ဝယ်မလား။
၂။ ကိုယ်စားလှယ်ရရှိထားသူထံမှ ဝယ်မလား။
၃။ အမှတ်စဥ် ၁၊ ၂တို့ထံမှမဟုတ်ဘဲ၊ အမွေဆက်ခံရရှိသူများထံမှ ဝယ်ယူကြမလား။
၄။ အမှတ်စဥ် ၁၊ ၂၊ ၃ တို့ထံမှမဟုတ်ဘဲ၊အရပ်စာချုပ်အဆက် အစပ်နဲ့ ဝယ်ယူသူထံမှ ဝယ်ယူမလား။
၅။ မှတ်ပုံတင်စာချုပ်ဖြင့် အရောင်းအဝယ်စာချုပ်/ပေးကမ်းစာချုပ်/ စွန့်လွှတ် စာချုပ်ဖြင့်ပြုလုပ်ထားသူထံမှ ဝယ်ယူမလား။

1️⃣ အမှတ်စဥ် ၁ အနေဖြင့် ဂရန်အမည်ပေါက်သူထံမှ ဝယ်ယူမည်ဆိုပါက ဂရန်အမည်ပေါက်သူမှ ၎င်းကိုယ်တိုင် (က) အဆင့်ဆောင်ရွက်ရပါမည်။

(က) အရောင်းအဝယ်မြေပုံကူး။
(ခ) ရာဖြတ်ဌာနသို့ တင်ရမည့် လုပ်ငန်းစဥ်။
(ဂ) ရာဖြတ်ဌာနက သတ်မှတ်သည့် အခွန်နူန်းထားအတိုင်း မြန်မာ့စီးပွားရေးဘဏ်တွင် အခွန်ဆောင်။
(ဃ) အရောင်းအဝယ်စာချုပ်အား မှတ်ပုံတင်လုပ်ငန်စဥ်။
(င) ဂရန်အမည်ပြောင်းလုပ်ငန်းစဥ်။

2️⃣ အမှတ်စဥ် ၂ အနေဖြင့် ကိုယ်စားလှယ်ရရှိသူထံမှ ဝယ်ယူမည်ဆိုပါက ကိုယ် စားလှယ်ရရှိသူမှ ၎င်းကိုယ်တိုင်---
(၁) တရားရုံးကျမ်းကျိန်လွှာ (ကိုယ်စားလှယ်လွှဲစာသည် ယနေ့ချိန်ထိ ပြန်လည်ရုတ်သိမ်းထားခြင်းမရှိကြောင်း၊ လွှဲပေးသူသည် ယနေ့ချိန်ထိသက်ရှိထင်ရှားရှိကြောင်း)နှင့်အတူအထက်ပါ (၂) အမှတ်စဥ် ၁ ပါအတိုင်းဆောင်ရွက်ရပါမည်။

[မှတ်ချက်။ အခုလောလောဆယ် (GP/SP) ဖြင့် မြေပုံရေးကူးခြင်းအား ခတ္တယာယီပိတ်ပင်ထားပါတယ်။]

3️⃣ အမှတ်စဥ် ၃ အနေဖြင့် အမွေဆက်ခံခွင့်ရှိသူထံမှ ဝယ်ယူမည်ဆိုပါက ၎င်းကိုယ်တိုင်-

(၁) အမွေဆက်ခံပိုင်ဆိုင်ကြောင်းကြေညာစာချုပ်အား မှတ်ပုံတင်ပြီးနောက် ၎င်းတို့အမည်ဖြင့် ဂရန်အမည်ပေါက်အရင်ပြု လုပ်ရပါမည်။ ထို့နောက် အထက်ပါ အမှတ်စဥ် ၁ ပါအတိုင်းဆောင်ရွက်ရပါမည်။

4️⃣ အမှတ်စဥ် ၄ အနေဖြင့် ဂရန်အမည်ပေါက်သူ(သို့) အမည်ပေါက်သူ၏အမွေဆက်ခံသူများ ဆက်သွယ်၍မရပါက-
(၁) တရားရုံး၏အနိုင်ဒီကရီရရှိအောင်ပြုလုပ်ရပေမည်။ ထို့နောက် တရားရုံးအာရှိအနေဖြင့် ဂရန်အမည်ပေါက်သူ၏ ကိုယ်စား----
(၂) အထက်ပါ အမှတ်စဥ် ၁ ပါအတိုင်းဆောင်ရွက်ရပါမည်။

🚫 Pls Do Not Copy🚫

ဦးဇင်လင်းအောင်- ဥပဒေရေးရာ ဝန်ဆောင်မှုလုပ်ငန်း
09 986 252 417

17/12/2025

ဂရန်မြေကွက် ခွဲစိတ်ဝယ်ယူမည်ဆိုပါက မဝယ်ခင် သတိထားရမည့်အချက် (၄) ချက်
==================================================

အဲ့လို မြေကွက်ဝယ်ယူပြီး မိမိ၏ ဂရန်အမည်ပေါက် ဆောင်ရွက်မည်ဆိုပါက အ ခက်အခဲများမဖြစ်စေရန် အောက်ဖော်ပြပါ အချက် (၄) ချက်သတိထား-

၁။ အနည်းဆုံးစတုရန်ပေ (၁၂၀၀)၊ ပေ (၂၀ × ၆၀) ပြည့်ဖို့လို။

၂။ ကွက်ပျက်မဖြစ်သည့်မြေ ဖြစ်ဖို့လို။

ခွဲစိတ်မည့်မြေသည် "ပေ" ပြည့်သော်လည်း ခွဲစိတ်လို့ ကျန်ရစ်မည့်အခြမ်းသည် ကွက်ပျက်မဖြစ်သွားဖို့လိုအပ်ပါတယ်--- [ ကွက်ပျက်ဆိုတာ ပေ (၄၀ × ၆၀) အ နက် ပေ (၃၀ × ၆၀) အား ဂရန်ခွဲစိတ်မည်ဆိုပါက ပေ ( ၁၀ × ၆၀ )သာ ကျန်ရစ်မည့်အခြမ်းကို ဆိုလိုပါတယ်။

ကွက်ပျက်အကြောင်း အသေးစိတ်ဖတ်ရန်👇
https://www.facebook.com/share/p/14RQiyAkrQV/

၃။ မြေပိုပေါ် ကျူးကျော်ဆောက်လုပ်ထားခြင်း မဖြစ်စေဖို့လို။

ခွဲစိတ်မည့်မြေ နှင့် ကျန်သည့်အခြမ်းကလည်း "ပေ" ပြည့်ကြသော်လည်း ခွဲစိတ်လို့ကျန်ရစ်မည့်အခြမ်း၏ ဆက်စပ်လျှက်ရှိသည့် အစိုးမြေ/စည်ပင်မြေပေါ် တွင် ကျန်ရစ်မည့်အခြမ်းပိုင်ရှင်က ကျူးကျော်၍ အခိုင်အမာအဆောက်အဦး ဆောက် လုပ်ထားပါက ဂရန်ခွဲစိတ်ဖို့ ခက်ခဲတတ်ပါတယ်။
ဘာကြောင့်ခက်သွားလဲဆိုရင် မြေတိုင်းမြေပုံ၊ တိုင်းခွဲ အတည်ပြုမြေပုံ အတွက် ကွင်းဆင်းစစ်ဆေးသည့်အခါ ကျန်ရစ်အခြမ်း၏ ပိုင်ရှင်သည့် အခြားမြေပေါ်တွင် ကျူးကျော်နေတယ်- ယင်းကျူးကျော်မူကို ဖယ်ရှားပေးမှ လုပ်ငန်းကဆက် လက်ဆောင်ရွက်လို့ရမှာဖြစ်နေလို့ပါ။

၄။ ဂရန်မူရင်းကိုင်ဆောင်သူမှ သက်ဆိုင်ရာဌာနသို့ လိုအပ်သည့်အချိန် လိုက်လံပြသ ဆောင်ရွက်ပေးနိုင်ဖို့လို။

အားလုံး ကျန်းမာရွှင်လန်းကျပါစေ🙏🙏🙏

🚫 Pls Do Not Copy🚫

ဦးဇင်လင်းအောင်- ဥပဒေရေးရာ ဝန်ဆောင်မှုလုပ်ငန်း
U Zin Lin Aung- Legal Service
09 986 252 417

#အိမ်ခြံမြေ
#ဂရန်မြေ
#တိုက်ခန်း
#အိုးအိမ်တိုက်ခန်း

11/12/2025

#ပါမစ်ပျောက်ဖြင့် ဂရန်လျှောက်ထားရရှိထားသူများသတင်းကောင်း
=============================================

ပါမစ်ပျောက်ဖြင့် ဂရန်လျှောက်ထားရရှိထားသူများသည် ယခင်ကာလအပိုင်းအ ခြားတစ်ခုတုန်းက မိမိပိုင်ဆိုင်သည့် ဂရန်မြေအား ပြန်လည်ရောင်းချရန်အတွက် အခက်အခဲ များစွာရှိခဲ့ကြပါတယ်။

အဘယ်ကြောင့်ဆိုသော် သက်ဆိုင်ရာမြေယာဌာနမှ အရောင်းမြေပုံများ ရေးကူး ခွင့် ခေတ္တယာယီပိတ်ပင်ထားတော့ အရောင်းအဝယ် မဖြစ်ကြပါ။

ယခု မကြာမီ မြေယာဌာနမှ လက်ခံဆောင်ရွက်ပေးတော့ပါမည်ဖြစ်ကြောင်း....

ဦးဇင်လင်းအောင်- ဥပဒေရေးရာ ဝန်ဆောင်မှုလုပ်ငန်း
U Zin Lin Aung- Legal Service

09 986 252 417

03/12/2025

အိမ်ခြံမြေတစ်ခု (ဂရန်မြေ)ကို ရောင်း/ ဝယ်ယူတဲ့အခါ ရောင်းသူ/ ဝယ်သူများ မဖြစ်မနေ သိထားသင့်သည့် အခွန် ကိစ္စ (၃) မျိုး။
==========================================

ဒီအခွန်ကိစ္စတွေကို သိရှိထားပြီးဆိုရင် ရောင်းသူ ဝယ်သူကြား ရှင်းရှင်းလင်းလင်း ဖြစ်အောင် စရန်စာချုပ် ချုပ်ဆိုကတည်း က ရောင်းသူက ရောင်းခွန်ဆောင်- ဝယ်သူက ဝယ်ခွန်နှင့် တံ ဆိပ်ခေါင်းခွန်ဆောင်ရပါမယ်လို့ အတိအလင်း ရေးသားပြီး စာ ချုပ်ချုပ်ဖို့ လိုပါတယ်နော်...

အဲ့လို ထည့်သွင်းချုပ်ဆိုမထားရင် ဝယ်ယူသူက အမည်ပေါက်ပြောင်းလဲချိန်မှာအခွန်ဆောင်ရမည့်ကိစ္စနဲ့ပတ်သတ်လို့ ရောင်း သူ- ဝယ်ယူသူကြား အငြင်းပွားဖွယ်ရာတွေ ဖြစ်လာတတ်ကြပါတယ်။

-ပထမ တစ်ခုက ရောင်းသူက ဆောင်ရမဲ့ ရောင်းခွန် ဖြစ်ပြီး၊

-ဒုတိယကတော့ ဝယ်ယူသူက ဆောင်ရမဲ့ ဝယ်ခွန်နှင့် တံဆိပ် ခေါင်းခွန် ဖြစ်ပါတယ်။

1️⃣ရောင်းခွန်ကတော့ အိမ်ခြံမြေရောင်းချတဲ့ အခါ ရရှိလာတဲ့ အမြတ်အစွန်းရဲ့ ၁၀ ရာခိုင်နှုန်းကို အခွန်ပေးရပါတယ်။

ဥပမာ - ဦးဖြူက မြေကွက်တစ်ကွက်ကို ၂၀၂၀ မှာ သိန်း ၁၀၀ ၀ နဲ့ ဝယ်ခဲ့တဲ့ မြေကွက်ကို ၂၀၂၄ မှာ သိန်း ၅၀၀၀ နဲ့ ပြန်လည်ရောင်းချခဲ့တယ်ဆိုရင် သူရရှိတဲ့ အမြတ်အစွန်းက သိန်း ၄၀၀ ၀ ဖြစ်ပါတယ်။

ဒါကြောင့် ဒီအမြတ်အစွန်း သိန်း ၄၀၀၀ ရဲ့ ၁၀ ရာခိုင်နှုန်းသိန်း ၄၀၀ ကို အခွန်ဆောင်ရမှာ ဖြစ်ပါတယ်။

2️⃣ဝယ်ခွန်ကတော့ ဝယ်ယူသူဘက်က ဆောင်ရမှာဖြစ်ပြီးပေးဆောင်ရမဲ့ နှုန်းထားကတော့အောက်ပါအတိုင်းဖြစ်ပါတယ်။

၁ ကျပ် မှ သိန်း ၃၀၀၀ အထိ ၃ %
သိန်း ၃၀၀၀ မှ သိန်း ၆၀၀၀ အထိ ၅ %
သိန်း ၆၀၀၀ မှ၊ သိန်း ၁၀၀၀၀ အထိ ၁၀%
သိန်း ၁၀၀၀၀ မှသိန်း ၃၀၀၀၀ အထိ ၁၅%
သိန်း ၃၀၀၀၀ အထက် ၃၀%
ထမ်းဆောင်ရမည် ဟု သတ်မှတ်ထားပါတယ်။

3️⃣တံဆိပ်ခေါင်းခွန်ကတော့ ရာဖြတ်ဌာနသတ်မှတ်ထားသည့်နူန်းထားအပေါ် ၂% အပိုထမ်း ၂% စုစုပေါင်း ၄ ရာခိုင်နူန်းဖြစ်ပါတယ်။

မှတ်ချက်----- စာချုပ်စာတမ်း မှတ်ပုံတင်ကြေး ၀.၅ ကိုတော့ ဝယ်ယူသူက ထမ်း ဆောင်ရပါမည်။

ဦးဇင်လင်းအောင်- ဥပဒေရေးရာ ဝန်ဆောင်မှုလုပ်ငန်း
U Zin Lin Aung- Legal Service
09 986 252 417

#တိုက်ခန်း
#အိမ်ခြံမြေ
#အခွန်

27/11/2025

ကိုယ်စွမ်းသလောက်တော့
ကြိုးစားပေးခဲ့ပါတယ်.....

အားလုံးရွှင်လန်း ချမ်းမြေ့ကြပါစေ🙏🙏🙏

14/11/2025

အိုးအိမ်တိုက်ခန်းဝယ်ပြီး Owner Book အမည်ပေါက်ရချင်သူများ အတွက်
=================================================

အိုးအိမ်တိုက်ခန်းကို Owner Book အမည်ပေါက်သူထံမှ ဝယ်မယ်ဆိုရင် အရပ်ကတိစာချုပ်နဲ့ ဝယ်လို့ရပါတယ်။ "နှစ်ဦးသဘောတူ တိုက်ခန်း အရောင်းအဝယ် ကတိစာချုပ်" ချုပ်ရမှာပေါ့။

ပထမဦးစွာ အရောင်းအဝယ်မပြုလုပ်ခင်---

အရှုပ်အရှင်း ရှိ/မရှိတော့ မြို့နယ်အုပ်ချုပ်ရေးမှူးရုံးမှ စုံစမ်းသင့်ပါတယ်။ ထို့ ပြင်အိုးအိမ်မှာ ရှိ/ မရှိ စုံစမ်း ကန့်ကွက်ချက်ကင်းတယ်။ အရှုပ်အရှင်းကင်းတယ်ဆိုရင်တော့ ဝယ်လို့ရပါပြီ၊

ပိုပြီးသေချာအောင် လူသိရှင်ကြား သိအောင် မြန်မာ့အလင်း/ကြေးမုံ သတင်းစာကြော်ငြာလိုက်ပါ။

စာချုပ်ပြီးတာနဲ့ တိုက်ခန်းကို အရယူမယ်။ ကိုယ့်သော့နဲ့ ပြောင်းပြီး ခတ်မယ်။
ပြီးတော့ Owner Book အမည်ပေါက်သူ ကိုယ်တိုင် လိုက်ပြီး မြို့ပြနှင့်အိမ်ရာဖွံ့ဖြိုးရေးဦးစီးဌာန ဗိုလ်ချုပ်လမ်း ရန်ကုန်တိုင်းဒေသကြီးရုံးမှာ လိုက်ပြီးဆောင် ရွက်ပေးဖို့ လိုပါတယ်။

တစ်ခါတည်း အမည်ပြောင်း လျှောက်လို့ရတယ်။
--------------------------------------------------------------------
အမည်ပြောင်းလျှောက်လွှာတင်ပြီး အဆင့်ဆင့်ဆောင်ရွက်ရပါတယ်။

ဒီလိုလျှောက်မယ်ဆိုရင်တော့မိမိဝယ်ယူထားတဲ့အခန်းရဲ့ရှေ့တည့်တည့်က(၄-၆) ဓါတ်ပုံ(၁)ပုံ၊ ခေါင်းရင်းဘက်ခြမ်းကဓါတ်ပုံ(၁)ပုံ၊ ခြေရင်းဘက်ခြမ်းက ဓါတ်ပုံ(၁)ပုံစုစုပေါင်းဓါတ်ပုံ(၃)ပုံနဲ့တကွ ယာယီတိုက်ခန်းအရောင်းအဝယ် ကတိစာ ချုပ်ဝယ်ယူ/ရောင်းသူတို့ရဲ့မှတ်ပုံတင်/အိမ်ထောင်စုစာရင်းတို့ကို ရန်ကုန်တိုင်းဒေသကြီးကာလတန်ဖိုးစိစစ်ရေးရုံးမှာအခွန်ထမ်းဆောင်ဖို့တင်ပြရပါတယ်။

အခွန်နှုန်းကတော့ -----

(၃%)ပဲဆောင်ရပါတယ်။မြေကွက်မဟုတ်တဲ့အတွက်..တံဆိပ်ခေါင်းဖိုး (၄%)မဆောင်ရဘူးလေ။

အခွန်ထမ်း ဆောင်ထားတဲ့ ပြေစာနှင့်အတူ ပိုင်ဆိုင်မူစာရွက်စာတမ်းများ ယူ ဆောင်၍ မြို့ပြနှင့်အိမ်ရာဖွံ့ဖြိုးရေးဦးစီးဌာနသို့ လျှောက်ထားရပါမည်။

ဌာနမှ ကွင်းဆင်းစစ်ဆေးခြင်း၊ သတင်းစာကြေညာထည့်သွင်းခြင်း ဆောင်ရွက်ပြီး ကန့်ကွက်ချက်ကင်းတယ်။ အရှုပ်အရှင်းကင်းတယ်ဆိုရင်တော့ Owner Book အမည်ပြောင်းလဲပေးပါမည်။

ဦးဇင်လင်းအောင်- ဥပဒေရေးရာ ဝန်ဆောင်မှုလုပ်ငန်း

အိုးအိမ်တိုက်ခန်း အမည်ပြောင်း ဝန်ဆောင်မှု

09 986 252 417

#ဥပဒေ
#အိုးအိမ်တိုက်ခန်း
#ဂရန်မြေ

#တိုက်ခန်း

07/11/2025

မိမိရဲ့ ဂရန်မြေက သက်တမ်းကုန်နေပြီလား၊ ဒါဆိုရင် သက်တမ်း တိုးထားပါ-
=================================================

သက်တမ်းကုန်ဆုံးနေတဲ့ မိမိ၏ ဂရန်မြေပေါ်မှာ ကျူးကျော်ဝင်ရောက်နေထိုင် သူ/ အခမဲ့ထားရှိသူတွေက ဖယ်ရှားမပေးပါက တရားစွဲဆိုခွင့် အခွင့်အရေး ရှိ/ မရှိ။

ဂရန်မြေဆိုတာ မြေကိုအသုံးပြုနိုင်သော အခွင့်အရေးဖြစ်သည်၊ အဆိုပါအခွင့်အရေးသည် ဂရန်စာချုပ်တွင် ခွင့်ပြုထားသည့် သက်တမ်းအတွင်းသာ အကျိုးခံစားခွင့် ရရှိနိုင်မည်။ ဂရန်သက်တမ်းကုန်ဆုံးသွားသည့်အခါ ဂရန်ရရှိထားသူသည် ၎င်းရရှိထားသော မြေအသုံးပြုပိုင်ခွင့် အခွင့်အရေးသည်လည်း ကုန်ဆုံးသွားသည့်အတွက် ထိုမြေတွင် ၎င်းအနေဖြင့် အခွင့်အရေးတစ်စုံတစ်ရာမျှ မရှိတော့ဟု ဆိုရပေမည်။

ထို့ကြောင့် တရားစွဲဆိုခွင့် အခွင့်အရေးလည်း မရရှိထိုက်ပေ။

ကိုးကား- ဦးဝင်းခိုင် ပါ- နှင့် ဒေါ်ငွေခိုင် (ခ) ဒေါ်လှမေ ၂၀၁၄ စီရင်ထုံး

U Zin Lin Aung- Legal Service

09 986 252 417

U Zin Lin Aung- Legal Service

04/02/2026

02/02/2026

02/01/2026

29/12/2025

24/12/2025

22/12/2025

17/12/2025

11/12/2025

03/12/2025

27/11/2025

14/11/2025

07/11/2025

Address

Opening Hours

Telephone

Website

Alerts

Shortcuts

Share

Category

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00