https://www.facebook.com/207995705728702/

Yin & Associates Law Firm - ဥပဒေ နှင့် အထွေထွေ အကျိုးဆောင်လုပ်ငန်း, တိုက်/M6၊အခန်း(၂၃) ၊မေတ္တာလမ်းနှင့်၅လမ်းထောင့်၊သုခတော်ဝင်အိမ်ရာ၊ဇဗ္ဗူသီရိမြို့နယ်, Naypyidaw (2026)

05/06/2026

#ပြည်ထောင်စုတရားလွှတ်တော်ချုပ်
#အမိန့်ကြော်ငြာစာအမှတ်(၄၁၇/၂၀၂၆)

#တရားလွှတ်တော်ရှေ့နေတို့၏အခကြေးငွေသတ်မှတ်ခြင်းဆိုင်ရာနည်းဥပဒေများ

05/06/2026

#ပြည်ထောင်စုတရားလွှတ်တော်ချုပ်
#အမိန့်ကြော်ငြာစာအမှတ်(၄၁၆/၂၀၂၆)

#အထက်တန်းရှေ့နေတို့၏အခကြေးငွေသတ်မှတ်ခြင်းဆိုင်ရာနည်းဥပဒေများ

05/06/2026

#ပြည်ထောင်စုတရားလွှတ်တော်ချုပ်
#အမိန့်ကြော်ငြာစာအမှတ်(၄၁၈/၂၀၂၆)

#လိုင်စင်ရလျှောက်လွှာရေးသူများဆိုင်ရာနည်းဥပဒေများ

29/05/2026

#ပြည်ထောင်စုတရားလွှတ်တော်ချုပ်

#စာချွန်တော်

(၁၉-၆-၂၀၂၆)ရက်နေ့မှစ၍ စာချွန်တော်လျှောက်ထားမှုများကို ကနဦးကြားနာမည်ကြောင်း ပြည်ထောင်စုတရားလွှတ်တော်ချုပ်၏ website တွင်ကြေညာချက်

26/05/2026

၂၀.၅.၂၀၂၆
ကြေးမုံသတင်းစာ

ဥပဒေရေးရာဝန်ကြီးဌာန (ယခင်ပြည်ထောင်စုရှေ့နေချုပ်ရုံး)နှင့် ဥပဒေရုံးအဆင့်ဆင့်သည် ပြည်ထောင်စုရှေ့နေချုပ်ဥပဒေနှင့် နည်းဥပဒေ များပါ ပြဋ္ဌာန်းချက်များနှင့်အညီ လုပ်ငန်းတာဝန်များ ဆောင်ရွက်ကြရပါသည်။

နိုင်ငံတော်အစိုးရ၏ တရားဥပဒေစိုးမိုးရေးဆိုင်ရာမူဝါဒများ ပိုမိုခိုင်မာအားကောင်းစေရန်နှင့် ဥပဒေရုံးအဆင့်ဆင့်၏ လုပ်ငန်း ဆောင်ရွက်ချက်များ ပိုမိုကောင်းမွန်စေရန် *တရားဥပဒေစိုးမိုးရေး ဆီသို့”ဟူသည့် ရည်မှန်းချက်ကို ခိုင်မာစွာကိုင်စွဲလျက် ရှေ့ပြေးဥပဒေရုံး (Pilot Law Office)များကို သတ်မှတ်အကောင်အထည်ဖော် ဆောင်ရွက်ခဲ့ပါသည်။

ဥပဒေရေးရာဝန်ကြီးဌာနနှင့် ဥပဒေရုံးအဆင့်ဆင့်ရှိ ဥပဒေအရာရှိများက ရာဇဝတ်မှုများနှင့် နိုင်ငံတော်က တရားလို သို့မဟုတ် တရားပြိုင် အဖြစ်ပါဝင်သော တရားမမှုများတွင် တရားစွဲမတင်မီ ဥပဒေအကြံပေး ခြင်း၊ အမှုလိုက်ပါခြင်းများကို ဆောင်ရွက်ရပါသည်။ ခေတ်နှင့်လျော်ညီ သည့် တရားစွဲနှင့်အမှုလိုက်လုပ်ငန်းဆိုင်ရာများတွင် ပြည်သူများက ပိုမိုယုံကြည်မှုရှိစေရေးအတွက် တရားစွဲမတင်မီဥပဒေအကြံပေးခြင်း၊ အမှုလိုက်ပါဆောင်ရွက်ခြင်းစသည့် လုပ်ငန်းများကို သက်ဆိုင်ရာ တိုင်းဒေသကြီး၊ ပြည်နယ်ဥပဒေချုပ်ရုံးများနှင့် ခရိုင်ဥပဒေရုံးများက အဆင့်ဆင့်စနစ်တကျဆောင်ရွက်စေရန်နှင့် ကြီးကြပ်မှုပိုမိုအားကောင်း စေရန် ဖော်ဆောင်လျက်ရှိပါသည်။

*ပြည်သူ့အတွက် တည်ဆောက်လျက် ဥပဒေယုံကြည်ချက်" (Building Legal Trust for the People)ဟူသည့် ဆောင်ပုဒ်ဖြင့် ဥပဒေရေးရာဝန်ကြီးဌာန၏ မဟာဗျူဟာစီမံကိန်း(၂၀၂၅-၂၀၂၉) အရ ရှေ့ပြေးဥပဒေရုံးများ တိုးချဲ့တည်ထောင်ခြင်းနှင့် နစ်နာသူနှင့် သက်သေများကို တရားခွင်အကြိုတွေ့ဆုံမေးမြန်းခြင်းစသည့် လုပ်ငန်း များကို ပထမဦးစားပေးအဆင့်အဖြစ် သတ်မှတ်ထားရှိသောကြောင့် *ရှေ့ပြေးဥပဒေရုံးဆိုတာဘာလဲ၊ ရှေ့ပြေးဥပဒေရုံးတွေမှာ ဘာတွေ ဆောင်ရွက်နေကြတာလဲ”ဆိုသည်များကို သိရှိလိုသောအများပြည်သူ၊ ရှေ့နေရှေ့ရပ်၊ တရားစွဲအဖွဲ့အစည်း၊ သက်ဆိုင်ရာဥပဒေရုံးများနှင့် လုပ်ငန်းသဘာဝအရ ပတ်သက်ဆက်နွှယ်နေသူများ သိရှိစေရန် တင်ပြ လိုခြင်းဖြစ်ပါသည်။

ကြီးကြပ်ခြင်း၊

ဥပဒေရေးရာဝန်ကြီးဌာနအောက်ရှိ ဥပဒေရုံးအဆင့်ဆင့်တွင် အမှုကိစ္စရပ်စီမံခန့်ခွဲမှုစနစ်များ ပိုမိုကောင်းမွန်စေရန် စံနမူနာပြု ကနဦးအကောင်အထည်ဖော်မည့် ရှေ့ပြေးဥပဒေရုံးများ ရွေးချယ်ပြီး အောက်ပါအစီအစဉ်များ စမ်းသပ်ဆောင်ရွက်ခဲ့ပါသည် -

(က) ရှေ့ပြေးဥပဒေရုံးအင်္ဂါရပ်နှင့်လျော်ညီအောင် ပြင်ဆင်ခြင်း၊

(ခ) ရှေ့ပြေးဥပဒေရုံးအတွက် လိုအပ်သည့် အသုံးအဆောင် ပစ္စည်းများ ထောက်ပံ့ခြင်း၊

(ဂ) တရားစွဲနှင့် အမှုလိုက်လုပ်ငန်းများ စံပြုနမူနာဖြစ်ရန် ဆောင်ရွက်ခြင်း၊

(က) ရှေ့ပြေးဥပဒေရုံးအင်္ဂါရပ်နှင့် လျော်ညီအောင် ပြင်ဆင်မည့် ကိစ္စရပ်တွင် -

အမှုတွဲလက်ခံခြင်းနှင့် စုံစမ်းရေးဌာနထားရှိခြင်း၊ နစ်နာသူများ၊ သက်သေများနှင့် တွေ့ဆုံဆွေးနွေးခန်း ထားရှိခြင်း၊

တာဝန်ခံဥပဒေအရာရှိရုံးခန်း ပြင်ဆင်ဖွဲ့စည်းခြင်းနှင့် အမှုလိုက်ဥပဒေအရာရှိများအတွက် အခန်းဖွဲ့စည်းခြင်း၊ ဖိုင်တင်စင်အပါအဝင် ရုံးသုံးပရိဘောဂများ၏ အရည် အသွေးနှင့် စနစ်ကျမှု မြှင့်တင်ခြင်း၊

စာကြည့်တိုက်ထားရှိခြင်းနှင့်

အစည်းအဝေးခန်းထားရှိခြင်းတို့ ဖြစ်ပါသည်။

(ခ) ရှေ့ပြေးဥပဒေရုံးအတွက် လိုအပ်သည့် အသုံးအဆောင် ပစ္စည်းများ ထောက်ပံ့မည့်ကိစ္စရပ်တွင် -

အလိုအလျောက် ဆက်သွယ်ဆောင်ရွက်ခြင်းစနစ် အကောင်အထည်ဖော် ဆောင်ရွက်ရေးအတွက် ရှေ့ပြေးဥပဒေရုံးများရှိ ဥပဒေအရာရှိများနှင့် ဝန်ထမ်း များကို ကွန်ပျူတာပညာရပ် သင်ကြားပေးခြင်း၊

ကွန်ပျူတာနှင့် ဆက်စပ်ပစ္စည်းများ ထောက်ပံ့ပေးခြင်း၊ ရုံးလုပ်ငန်းဆောင်ရွက်ချက်များ မှတ်တမ်းတင်ခြင်းကို ကွန်ပျူတာစနစ်ဖြင့် ဆောင်ရွက်နိုင်ရန် Software ရေးဆွဲခြင်း၊

အမှုလိုက်ဥပဒေအရာရှိများက Software အသုံးပြု ဆောင်ရွက်နိုင်ရန် Tablet များ ထောက်ပံ့ခြင်း၊ အမှုလိုက်ဥပဒေအရာရှိများက အဆိုပါ Software အား အသုံးပြုဆောင်ရွက်ခြင်း ရှိ၊ မရှိကို အဆင့်မြင့်ရုံး တာဝန်ရှိသူများနှင့် တာဝန်ခံဥပဒေအရာရှိတို့က

သက်ဆိုင်ရာရှေ့ပြေးတရားရုံးများကအကောင်အထည် ဖော်သည့်စနစ်နှင့် ချိတ်ဆက်ဆောင်ရွက်ခြင်းတို့ ပါဝင် ပါသည်။

(ဂ) တရားစွဲနှင့် အမှုလိုက်လုပ်ငန်းပိုင်းဆိုင်ရာများ စံပြုနမူနာ ဖြစ်ရန် ဆောင်ရွက်ရမည့် ကိစ္စရပ်တွင် -

ပြစ်မှုဆိုင်ရာအမှုများကို တရားစွဲဆိုခြင်းမပြုမီ ဥပဒေ အကြံပြုချက် တောင်းခံသည့်အဆင့်တွင် နစ်နာသူ အမှုသည်များနှင့် တွေ့ဆုံမေးမြန်းကြားနာခြင်း၊ ရဲစက္ကူတွင် မပြည့်စုံ၊ မလုံလောက်သည့် အကြောင်း အချက်များကို အမှုစစ်ရဲအရာရှိထံ ဖုန်းဆက် မေးမြန်းခြင်း၊

အမှုများအား လျင်မြန်စွာ ပြီးပြတ်အောင်ဆောင်ရွက်ခြင်း၊ သေးငယ်သော ပြစ်မှုများကို တရားရုံးသို့ မရောက်ရှိစေ ဘဲ ပြီးပြတ်စေခြင်း၊

စုံစမ်းထောက်လှမ်းသည့်ကာလအတွင်း တရားစွဲအဖွဲ့ အစည်းများနှင့် ဥပဒေရုံးများ ပိုမိုပူးပေါင်းဆောင် ရွက်ခြင်းနှင့်

နစ်နာသူများ သက်သေများကို တရားခွင်အကြို တွေ့ဆုံဆွေးနွေးခြင်း (Pre-trial Interview)တို့ ဆောင်ရွက်ရန် ရည်ရွယ်ပါသည်။

ဥပဒေရေးရာဝန်ကြီးဌာနနှင့် အဆင့်ဆင့်သော ဥပဒေရုံးများ၏ အဓိကလုပ်ငန်းတာဝန်တွင် ပြစ်မှုဆိုင်ရာအမှုများကို တရားစွဲဆိုခြင်း မပြုမီ ဥပဒေအကြံပေးခြင်း ပါဝင်ပါသည်။ အထက်အပိုဒ်(ဂ)ပါအချက် များကို တစ်ချက်ချင်း ရှင်းလင်းလိုပါသည်။ စံပြုနမူနာရှေ့ပြေးဥပဒေ ရုံးများက ပြစ်မှုဆိုင်ရာအမှုများကို တရားစွဲဆိုခြင်းမပြုမီ ဥပဒေ အကြံပြုချက်တောင်းခံသည့်အဆင့်တွင် နစ်နာသူအမှုသည်များနှင့် တွေ့ဆုံမေးမြန်းကြားနာခြင်းသည် ပြီးပြည့်စုံသော ဥပဒေအကြံပြုချက် ဖြစ်စေရေးအတွက် ရည်ရွယ်ဆောင်ရွက်ခြင်းဖြစ်ပါသည်။

သာဓကအားဖြင့် စင်ကာပူနိုင်ငံအခြေစိုက် စားသုံးကုန်လုပ်ငန်းစု ၏လုပ်ငန်းအမည်အား Franchise ရရှိခဲ့သော မြန်မာနိုင်ငံသားနှစ်ဦး အနက် တစ်ဦးက ကျန်တစ်ဦးအပေါ် ကုန်အမှတ်တံဆိပ်လိမ်လည် အတုပြုမှုဖြင့် သက်ဆိုင်ရာရဲစခန်းသို့ တိုင်တန်းသောအမှုတွင် ထိုသူ နှစ်ဦး၏ Franchise Agreement များကို Notary Public ၏ ဘာသာပြန်ဆိုချက်ရယူဆောင်ရွက်ပေးနိုင်ရန် ပြောကြားချက်အပေါ် သက်ဆိုင်ရာအမှုသည်က ဆောင်ရွက်ပေးခဲ့ခြင်းကြောင့် မှန်ကန် ပြည့်စုံသောဥပဒေအကြံပြုချက် ပြန်ကြားနိုင်ခဲ့ပါသည်။ ယင်းသို့ ပြန်ကြားနိုင်ခြင်းသည် တရားရုံးသို့ တရားမစွဲတင်မီ အမှုသည်များနှင့် တွေ့ဆုံမေးမြန်းခြင်း အကျိုးရလဒ်ဖြစ်ပါသည်။

ရဲစက္ကူတွင် Computer Error နှင့် စာလုံးပေါင်းသတ်ပုံ မှားယွင်း ခြင်းတို့ကြောင့် သက်သေထွက်ဆိုချက်ပါဖော်ပြချက် ရှင်းလင်းမှုမရှိသော ကိစ္စရပ်မျိုးတွင် ရဲစက္ကူအမှုတွဲအား သက်ဆိုင်ရာ တရားစွဲအဖွဲ့ အစည်းသို့ တရားဝင်စာလမ်းကြောင်းဖြင့် ပြန်လည်ပေးပို့ခြင်းမပြုဘဲ မပြည့်စုံ၊ မလုံလောက်သည့် အကြောင်းအချက်များကို အမှုစစ်ရဲအရာရှိထံ ဖုန်းဆက်မေးမြန်းခြင်းဖြင့် အချိန်ကြန့်ကြာမှုမရှိစေဘဲ ဆောလျင်
စွာ ဆောင်ရွက်နိုင်မည်ဖြစ်ပါသည်။ အမှုများအား လျင်မြန်စွာ ပြီးပြတ်အောင်ဆောင်ရွက်စေခြင်း
တွင် ဥပဒေအကြံပြုချက် တောင်းခံသည့်အမှု၌ ဥပဒေနှင့် ပုဒ်မ ပြောင်းလဲခြင်း ဖြစ်ပေါ်စေနိုင်သော လိုအပ်ချက်၊ စွပ်စွဲခံရသူက ပြစ်မှုကျူးလွန်ကြောင်း ခိုင်မာစေမည့် လိုအပ်ချက်များဖြစ်မှသာ ရဲစက္ကူအမှုတွဲကို သက်ဆိုင်ရာ ရဲတပ်ဖွဲ့ သို့ ပြန်လည်ပေးပို့ဆောင်ရွက် စေပြီး သာမန်လိုအပ်ချက်မျှသာဖြစ်ပါက အမှုတွဲပြန်လည်ပေးပို့ခြင်း မပြုဘဲ ဥပဒေအကြံပြုချက် ပြန်ကြားပြီး ထပ်မံဆောင်ရွက်ရန် ညွှန်ပြ ခြင်းဖြင့် မြန်ဆန်စွာ ဆောင်ရွက်စေခြင်း၊ တရားစွဲဆိုတင်ပို့ပြီးနောက် သက်ဆိုင်ရာတရားရုံးတွင် အရေးပါသည့်သက်သေကို ဦးစားပေးဆင့် ခေါ်စစ်ဆေးနိုင်ရေး၊ တရားရုံးသို့ ရဲတပ်ဖွဲ့ဝင်သက်သေများ၊ ရပ်ကွက် နှင့် ကျေးရွာအုပ်စုအုပ်ချုပ်ရေးမှူးများ၊ ဆရာဝန်သက်သေများက ရုံးချိန်းမပျက်မကွက် လာရောက်စေရေးတို့အတွက် သက်ဆိုင်ရာဌာန၊ အဖွဲ့အစည်းများနှင့် ညှိနှိုင်းဆောင်ရွက်စေခြင်းကို အခြားဥပဒေရုံး များက စံနမူနာယူနိုင်သည်အထိ ပြသအကောင်အထည်ဖော်ရန်ဖြစ်ပါသည်။

သေးငယ်သောပြစ်မှုများကို တရားရုံးသို့ မရောက်ရှိစေဘဲ ပြီးပြတ်စေခြင်းမှာ ရာဇဝတ်ကျင့်ထုံးဥပဒေအရ အချို့သောပြစ်မှုများကို နစ်နာသူက ကျေအေးလိုက တရားစွဲဆိုတင်ပို့ခြင်းမပြုဘဲ ကျေအေး ပြီးပြတ်နိုင်ရန် ဖြစ်ပါသည်။ ထိုသို့ဆောင်ရွက်ခြင်းဖြင့် ကြီးသည့်အမှု ငယ်စေ၊ ငယ်သည့်အမှု ကျေအေးပပျောက်စေဟူသော သဘောတရား ကို ဖော်ဆောင်ခြင်းဖြင့် တရားဥပဒေစိုးမိုးရေးကို အထောက်အကူဖြစ် ရန် ဖြစ်ပါသည်။

လူကုန်ကူးမှုတားဆီးနှိမ်နင်းရေးဥပဒေအရ အရေးယူသော ပြစ်မှု များတွင် သက်ဆိုင်ရာ လူကုန်ကူးမှုတားဆီးနှိမ်နင်းရေးရဲတပ်ဖွဲ့၊ နယ်မြေရဲစခန်းနှင့် ဥပဒေရုံးတို့သည် အမှုစတင်တည်ဆောက်ချိန်မှစ၍ သက်ဆိုင်ရာတရားရုံး၏ အပြီးသတ်အမိန့် ရရှိပြီးသည့်အချိန်ကာလ အထိ ပူးပေါင်းဆောင်ရွက်ရာတွင် ရရှိခဲ့သော ရလဒ်ကောင်းများကို မူတည်၍ အခြားသော ရာဇဝတ်မှုများတွင်လည်း ယင်းကဲ့သို့ စုံစမ်း ထောက်လှမ်းသည့်ကာလအတွင်း တရားစွဲအဖွဲ့အစည်းနှင့် ဥပဒေရုံး များအကြား ပူးပေါင်းဆောင်ရွက်မှုကို စံနမူနာအဖြစ် မြင့်တင်ဆောင် ရွက်မည်ဖြစ်ပါသည်။

အမှုများတွင် နစ်နာသူ(များ)နှင့် သက်သေအများစုသည်တရားရုံး သို့ ရောက်ရှိဖူးသူများ မဟုတ်ကြ၍ ရုံးသဘောသဘာဝ၊ ရုံးကျင့်စဉ် တို့ကို နားလည်နိုင်မှုမရှိပါ။ ထို့ပြင် နိုင်ငံတော်အတွက် လိုက်ပါဆောင် ရွက်သော ဥပဒေအရာရှိများနှင့် ပြင်ပရှေ့နေများ၏ အခန်းကဏ္ဍကို သိကျွမ်းနားလည်မှုမရှိပါ။ ထို့ကြောင့် တရားခွင်တွင် သက်သေခံရာ၌ အမျိုးမျိုးသောဖိအားကြောင့် မိမိကြုံတွေ့ခဲ့ရသည့်ဖြစ်စဉ်ကို တရားရုံး နားလည်လက်ခံနိုင်အောင် ထွက်ဆိုနိုင်ခြင်းမရှိပါ။ ထိုကဲ့သို့သော နစ်နာသူနှင့် သက်သေတို့ကို တရားရုံး၏ သဘောသဘာဝ၊ တရားခွင် ၏ ဖွဲ့စည်းတည်ဆောက်ပုံနှင့် သက်သေစစ်မေးမှုအစီအစဉ်၊ တစ်ဖက် အမှုသည်က ပြန်လှန်မေးမြန်းဖွယ်ရှိနိုင်သောကိစ္စတို့ကို ကြိုတင်ရှင်းပြ ခြင်း၊၎င်းကြုံတွေ့ခဲ့ရသည့်အမှုဖြစ်စဉ်ကို ပြန်ပြောင်းအောက်မေ့သတိရ စေရန် မေးမြန်းခြင်းဖြင့် မးမြန်းခြင်းဖြင့် တရားရုံးအတွေ့ အကြုံမရှိသည့် နစ်နာသူနှင့် သက်သေ၏ စိတ်ဖိစီးမှုကို လျော့ကျစေနိုင်ရန်အလို့ငှာ တရားခွင် အကြိုတွေ့ဆုံမေးမြန်းခြင်း (Pre-Trial Interview) လမ်းညွှန်ချက် ထုတ်ပြန်၍ ရှေ့ပြေးဥပဒေရုံးများတွင် ဆောင်ရွက်ခြင်းသည် ထူးခြား သော ဝိသေသလက္ခဏာရပ်တစ်ခုလည်း ဖြစ်ပါသည်။
တရားခွင်အကြို တွေ့ဆုံမေးမြန်းရာတွင် အဓိကအရေးကြီးဆုံး အချက်မှာ ဥပဒေအရာရှိများအနေဖြင့် နစ်နာသူ(များ)နှင့် သက်သေ (များ)ကို တရားခွင်တွင် မည်သို့မည်ပုံထွက်ဆိုရမည်ဖြစ်ကြောင်း သင်ကြားခြင်းမပြုလုပ်ရန်ဖြစ်ပါသည်။ ၎င်း၏မှတ်ဉာဏ်ကို ပြန်လည် နှိုးဆွခြင်းသာဖြစ်ရပါမည်။ ရှေ့ပြေးဥပဒေရုံးများတွင် တာဝန် ထမ်းဆောင်လျက်ရှိသော ဥပဒေအရာရှိများအနေဖြင့် ဥပဒေရေးရာ ဝန်ကြီးဌာနက ထုတ်ပြန်ထားသော Pre-Trial Interview Guideline နှင့်အညီ လိုက်နာဆောင်ရွက်ရန် အရေးကြီးပါသည်။

ကနဦးစမ်းသပ်ခဲ့သည့် ရှေ့ပြေးဥပဒေရုံး သုံးရုံး၏အကောင်အထည် ဖော်နိုင်မှု ရလဒ်များအရ ၂၀၁၉ ခုနှစ်တွင် ခရိုင်ဥပဒေရုံး ငါးရုံးကိုလည်း ကောင်း၊ ၂၀၂၁ ခုနှစ်တွင် နောက်ထပ် ၁၀ ရုံးကိုလည်းကောင်း၊ ၂၀၂၄ ခုနှစ်တွင် ခရိုင်ဥပဒေရုံးငါးရုံးနှင့်မြို့နယ်ဥပဒေရုံးငါးရုံးကိုလည်းကောင်း ထပ်မံတိုးချဲ့ဖွဲ့စည်းဆောင်ရွက်ခဲ့သောကြောင့် ရှေ့ပြေးဥပဒေရုံး ၂၀ရုံး ရှိခဲ့ပါသည်။ ဥပဒေရေးရာဝန်ကြီးဌာန ပြည်ထောင်စုဝန်ကြီးနှင့် ပြည်ထောင်စုရှေ့နေချုပ်က ဥပဒေရေးရာဝန်ကြီးဌာနအောက်ရှိ မြို့နယ်ဥပဒေရုံး ၁၀ ရုံးကို ရှေ့ပြေးဥပဒေရုံးများအဖြစ် တိုးချဲ့သတ်မှတ် ၍ ၂၀၂၆ ခုနှစ် မေ ၁၃ ရက်တွင် နေပြည်တော်ကောင်စီနယ်မြေ အတွင်းရှိ ဇမ္ဗူသီရိမြို့နယ်၊ ဥတ္တရသီရိမြို့ နယ်၊ ဒက္ခိဏသီရိမြို့ နယ်နှင့် ပုဗ္ဗသီရိမြို့နယ်တို့ရှိ မြို့နယ်ဥပဒေရုံး လေးရုံးကို ရှေ့ပြေးဥပဒေရုံးများ အဖြစ် စတင်ဆောင်ရွက်စေခဲ့ပါသည်။ ယခုအခါ ရှေ့ပြေးဥပဒေရုံး စုစုပေါင်း ၃၈ ရုံးရှိပြီ ဖြစ်ပါသည်။ နိုင်ငံတကာစံချိန်စံညွှန်းများနှင့် အညီဖြစ်သော တရားစွဲနှင့် အမှုလိုက်လုပ်ငန်း ဆောင်ရွက်ချက်အသစ် များကို လိုအပ်သလိုပေါင်းစပ် ကျင့်သုံးဆောင်ရွက်ရန် ရည်ရွယ်၍ သတ်မှတ်ဆောင်ရွက်စေခဲ့ခြင်းဖြစ်ပြီး ယင်းရှေ့ပြေးဥပဒေရုံးများ၏ အတွေ့အကြုံများအပေါ်အခြေခံကာ မြန်မာနိုင်ငံ တစ်ဝန်းလုံးတွင် ရှေ့ပြေးဥပဒေရုံးများ တိုးချဲ့သတ်မှတ်ဆောင်ရွက်မည်ဖြစ်ပါ သည်။

နိဂုံးချုပ်အားဖြင့် ရှေ့ပြေးဥပဒေရုံးများအစီအစဉ်သည် ဥပဒေရုံး များ၏ ဥပဓိရုပ်နှင့် လုပ်ငန်းစွမ်းဆောင်ရည် တိုးတက်စေပြီး နည်းပညာအသုံးပြုဆောင်ရွက်ခြင်းကြောင့် လုပ်ငန်းမြန်ဆန်မှု ရှိကာ ပေါင်းစပ်ညှိနှိုင်းမှု အားကောင်းစေပါသည်။ ထို့ပြင် အရေးကြီးသောအမှုများမှ နစ်နာသူနှင့် သက်သေများက တရားရုံးရှေ့ သက်သေမခံမီ တရားခွင်နှင့် ရင်းနှီးကျွမ်းဝင်စေပြီး အမှုအဖြစ်အပျက်ကို ပြန်လည် အမှတ်ရစေရန် ကြိုတင်ပြင်ဆင်ပေးခြင်းကြောင့် တရားရုံးရှေ့တွင် ပြည့်စုံ မှန်ကန်စွာ ထွက်ဆိုခြင်းဖြင့် တရားစီရင်မှုနှင့် တရားဥပဒေစိုးမိုး ရေးကို အထောက်အကူ ဖြစ်စေပါသည်။

ရှေ့ပြေးဥပဒေရုံးများအစီအစဉ်အရ အမှုမှ နစ်နာသူ၊ တရားလိုနှင့် သက်သေတို့က အမှုကိစ္စနှင့်စပ်လျဉ်း၍ တင်ပြလိုသည့်ကိစ္စ၊ သိရှိလို သည့်ကိစ္စတို့ကို တင်ပြမေးမြန်းနိုင်ရန် စုံစမ်းရေးဌာနများဖွင့်လှစ်၍ လက်ခံဆောင်ရွက်ပေးခြင်းကြောင့် အများပြည်သူက ဥပဒေရေးရာ အကြံဉာဏ်နှင့် အကူအညီရရှိရန် လက်လှမ်းမီသည့်အပြင် ဥပဒေ ရေးရာဝန်ကြီးဌာန၊ အဆင့်ဆင့်သောဥပဒေရုံးများဥပဒေအရာရှိများ၏ လုပ်ငန်းဆောင်ရွက်ချက်အပေါ်ယုံကြည်ကိုးစားမှုတည်ဆောက်ခြင်း တရားဥပဒေစိုးမိုးရေးကို အဓိကအထောက်အကူ ဖြစ်စေနိုင်ပါကြောင်း ဖော်ပြအပ်ပါသည်။
Credit
ဥပဒေအရာရှိတစ်ဦး

20.5.2026 ကြေးမုံသတင်းစာ

24/04/2026

ကြေညာချက်
အမှတ်စဥ် ၁

11/03/2026

အမျိုးသားကာကွယ်ရေးနှင့်လုံခြုံရေးကောင်စီ ဥပဒေအမှတ် -၁၆/၂၀၂၆

၂၀၂၆ ခုနှစ် ၊ငွေကြေးခဝါချမှုတိုက်ဖျက်မူဥပဒေ

07/03/2026

ရှေ့နေများအက်ဥပဒေကို ပြင်ဆင်သည့်ဥပဒေ အပြည့်အစုံကိုသိမှ ဘာကိုဖြည့်စွက်ပြင်ဆင်တာလဲ သိနိုင်မှာပါ။
ရှေ့နေများအက်ဥပဒေ ပုဒ်မ ၁၀ မှာ ဒီိလိုပြဌာန်းထားပါတယ်..

၁၀။ ဤအက်ဥပဒေ သို့မဟုတ် အခြားတည်ဆဲဥပဒေတစ်ရပ်ရပ်တွင် ပြဋ္ဌာန်းထားသည်မှတစ်ပါး မည်သူမဆို ပုဒ်မ ၇ အရထုတ်ပေးသော အထောက်အထားလက်မှတ် ကိုင်ဆောင်ထားခြင်း မရှိသည့် အပြင် အဆိုပါတရားရုံး သို့မဟုတ် ယင်းရုံး၏လက်အောက်ခံရုံးတစ်ရုံးရုံးတွင် အမည်စာရင်း တင်သွင်း ထားခြင်း မရှိလျှင် ထိုသူအားမည်သည့် တရားရုံးတွင်မျှရှေ့နေအဖြစ် အမှုလိုက်ပါ ဆောင်ရွက်ခွင့်မရှိစေရ။

အခု ပြင်ဆင်ဖြည့်စွက်..

"ထို့ပြင် ရှေ့နေအဖြစ်မည်သည့်တရားရုံးပြင်ပ လုပ်ငန်းတစ်ရပ်ရပ်ကိုမျှ လုပ်ကိုင်ဆောင်ရွက်ခြင်းမပြုရ။" ဆိုတဲ့ စကားရပ်ကို ဖြည့်ရမယ်။

ရှေ့နေလိုင်စင်မရှိရင်ဖြစ်ဖြစ် လိုင်စင်ပိတ်ခံထားရတာဖြစ်ဖြစ် လိုင်စင်ဖျက်သိမ်း/ပိတ်သိမ်းခံရတာဖြစ်ဖြစ် အရေးယူခံရပြီးရင် ရှေ့နေ အဖြစ် ဘာမှ လုပ်ခွင့်မရှိကိုပြောတာပါ….

ရှေ့နေလိုင်စင်လက်ဝယ်ရှိရင် လုပ်မြဲ ရှေ့နေရှေ့ရပ်အလုပ်တွေ လုပ်မြဲအတိုင်း လုပ်ရုံပါပဲ။

07/03/2026

ရှေ့နေများအက်ဥပဒေကိုပြင်ဆင်သည့်ဥပဒေပြဌါန်း
၂၀၂၆ခုနှစ် မတ်လ ၇ရက်

11/02/2026

ခရစ်ယာန်ထိမ်းမြှားခြင်းဆိုင်ရာ အက်ဥပဒေအရ ဝိနည်းနှင်အညီ ထိမ်းမြှားလက်ထပ်ရာတွင် လိုက်နာရန် ။

ပြည်ထောင်စုတရားလွှတ်တော်ချုပ်၏
ညွှန်ကြားချက်အမှတ် (၁/၂၀၂၆)
၂၀၂၆ ခုနှစ်၊ ဇန်နဝါရီလ (၁၅)ရက်။

Crd.

Yin & Associates Law Firm - ဥပဒေ နှင့် အထွေထွေ အကျိုးဆောင်လုပ်ငန်း

05/06/2026

05/06/2026

05/06/2026

29/05/2026

26/05/2026

24/04/2026

11/03/2026

07/03/2026

07/03/2026

11/02/2026

Address

Website

Alerts

Shortcuts

Share

Category