28/04/2026
ငါးတွေက ရေသောက်ကြလား
ဒီမေးခွန်းကို ကပ်သီးကပ်သပ်မေးကြတယ်လို့ ထင်ရ
ပေမဲ့ တကယ်တမ်းက စိတ်ဝင်စားဖို့ကောင်းတဲ့မေးခွန်း
ပါ ၊ ငါးတွေက ရေသောက်လားဆိုတာကို သက်သက်
ဖြေပေးတာထက် ရေနေသတ္တဝါတွေက ရေသောက်ကြ
လားလို့ပြောတာက ပိုပြီးပြည့်စုံမယ်လို့ထင်လို့ လေ့လာ
ဖတ်မှတ်ထားသလောက် ဒီနေရာမှာအပိုင်း(၃)ပိုင်းခွဲပြီး
ပြောပြချင်ပါတယ်။
၁။ ပင်လယ်ငါးများနဲ့ ရေငံသတ္တဝါများ
၂။ ရေချိုငါးများနဲ့ ရေချိုသတ္တဝါများ
၃။ ရေနေနို့တိုက်သတ္တဝါများ ဆိုပြီးပြောပြပါ့မယ်
ရေနေသတ္တဝါတွေရဲ့သဘာဝအရ သူတို့ရဲ့ရေသောက်
၏ ၊ မသောက်၏ဆိုတာက ကွဲပြားနေတာဖြစ်လို့ခွဲပြော
မှဖြစ်မှာမလို့ပါ
#ပင်လယ်ငါးများနဲ့ရေငံသတ္တဝါများ
ပင်လယ်နေငါးတွေက ရေသောက်ကြလားဆိုရင် ရေကို
အများကြီးသောက်ကြပါတယ် ပါးစပ်ကနေပဲ စုပ်ယူပြီး
သောက်ကြတာပါ ၊ ဒီလောက်ငန်နေတဲ့ရေကို ငါးတွေ
သောက်ကြတာဖြစ်နိုင်ပါ့မလားလို့တွေးမိကြပါလိမ့်မယ်
ဟုတ်ပါတယ် သောက်ကြပါတယ် ၊ သိကြတဲ့အတိုင်းပဲ
ပင်လယ်ရေက ပင်လယ်ငါးတွေရဲ့ခန္ဓာကိုယ်ထဲကအရည်
တွေထက်ပိုငန်ပါတယ်
သဘာဝအရ ရေဟာအငန်ဓာတ်ပေါ့တဲ့ဆီကနေ အငန်
ဓာတ်များတဲ့ဆီကို စိမ့်ထွက်တတ်တဲ့အတွက် ပင်လယ်
ငါးတွေရဲ့ခန္ဓာကိုယ်ထဲက အငန်ဓာတ်ပေါ့ ရေတွေက
အငန်ဓာတ်များတဲ့ပင်လယ်ရေထဲကို အမြဲစိမ့်ထွက်နေပါ
တယ် ၊ ဒါကြောင့် ပင်လယ်နေငါးတွေဟာ ရေဓာတ်မခမ်း
ခြောက်သွားအောင် ပင်လယ်ရေကိုအဆက်မပြတ်ဆိုတဲ့
အတိုင်းသောက်နေရပါတယ် သောက်လိုက်တဲ့ ရေထဲက
ပိုနေတဲ့ ဆားဓာတ်တွေကိုတော့ ပါးဟက်နဲ့ ဆီးကနေ
တစ်ဆင့် အပြင်ကိုပြန်လည်စွန့်ထုတ်ပစ်ပါတယ်
ဒီနေရာမှာ တခြားသော ရေနေသတ္တဝါများဖြစ်ကြတဲ့
ရေဘဝဲနဲ့ ကင်းမွန်တွေလို သတ္တဝါတွေမှာကျ တစ်မျိုးကွဲ
သွားကြပြန်ပါတယ် ၊ သူတို့တွေကျတော့ သဘာဝအရ
ခန္ဓာကိုယ်ထဲမှာရှိတဲ့အငန်ဓာတ်ကို အပြင်က ပင်လယ်
ရေရဲ့အငန်ဓာတ်နဲ့ အမြဲတမ်းညီမျှနေအောင် ထိန်းညှိ
ထားနိုင်ကြပါတယ် ဒါကြောင့်လည်း ရေကိုပါးစပ်ကနေ
တကူးတကသောက်စရာမလိုဘဲ သူတို့ရဲ့ အရေပြားက
နေတစ်ဆင့် လိုအပ်တဲ့ရေဓာတ်ကို အလိုလိုစုပ်ယူရရှိနေ
တာပါ ၊ ဒီလိုသတ္တဝါတွေကိုတော့ Osmoconformers
လို့ခေါ်ကြပြီး လူသိများတဲ့အကောင်တချို့ကတော့
အောက်ပါအတိုင်းပါပဲ။
(ရေဘဝဲ ၊ ကင်းမွန် ၊ ကြယ်ငါး ၊ ပုစွန်၊ ဂဏန်း ၊ ကျောက်ပုစွန်များ ၊ ပင်လယ်မျှော့နဲ့ ဂျယ်လီငါးများ ၊ ငါမန်းများ..စသဖြင့်)
#ရေချိုငါးများနဲ့ရေချိုသတ္တဝါများ
ရေချိုမှာနေတဲ့ ငါးတွေကတော့လည်း တစ်မျိုးကွဲသွား
ကြပြန်ပါတယ် ၊ တည့်တည့်ပြောရရင် ရေချိုငါးတွေက
ရေမသောက်ကြပါဘူး ၊ မြစ်၊ ချောင်း၊ အင်းအိုင်တွေထဲကရေက ငါးတွေရဲ့ခန္ဓာကိုယ်ထဲမှာရှိတဲ့ အရည်ထက်ကို အငန်ဓာတ် ပိုပေါ့လို့ပါ ၊ ဒါကြောင့် ရေတွေက သူတို့ရဲ့အရေပြားနဲ့ ပါးဟက်တွေကနေတစ်ဆင့် ခန္ဓာကိုယ်ထဲကို
အလိုလိုစိမ့်ဝင်နေလို့ ရေကို တကူးတကသောက်စရာ
မလိုကြပါဘူး ၊ တစ်ဖက်မှာလည်း သူတို့က ရေသောက်
စရာမလိုတဲ့အပြင် ခန္ဓာကိုယ်ထဲကို အလိုလိုဝင်လာတဲ့
ရေပိုတွေကိုတောင် ဖယ်ရှားဖို့လိုအပ်တာမျိုးရှိပါတယ်
ဒါကြောင့် ရေချိုငါးတွေက သူတို့က်ိုယ်ထဲကရေပိုတွေ
ထွက်သွားအောင် ဆီးကိုအမြဲတမ်း တစိမ့်စိမ့်သွားပေး
နေကြရပါတယ် ၊ ဒီနေရာမှာ ဖားနဲ့ ဖားလောင်းတွေက
တော့ ရေချိုငါးနဲ့အတူတူပါပဲ ၊ ရေမသောက်ကြပါဘူး
ဒီ့ပြင် ရေချိုမှာနေတဲ့ တခြားသော သတ္တဝါတွေဖြစ်တဲ့
လိပ်၊ မိကျောင်းနဲ့ ဖျံလို Osmoregulators အကောင်တွေ
ကတော့ သူတို့မှာ ရေစိမ့်မဝင်နိုင်တဲ့အကြေးခွံနဲ့ထူထဲတဲ့
ခန္ဓာကိုယ်တည်ဆောက်ပုံကြောင့် အရေပြားကနေရေကို
စုပ်ယူမပေးနိုင်ပါဘူး ၊ ဒီ့အတွက် ပါးစပ်နဲ့ရေကိုသောက်
ကြရပါတယ် ဒါပေမဲ့ အမြဲတမ်းတော့ သောက်နေရတာ
မဟုတ်ပါဘူး လိုအပ်တဲ့အခါမှပါ။
#ရေနေနို့တိုက်သတ္တဝါများ
ဒီလိုသတ္တဝါတွေကတော့ ပင်လယ်ရေငံထဲမှာနေပေမဲ့
ပင်လယ်ရေကို တိုက်ရိုက်သောက်လေ့မရှိပါဘူး ဘာလို့
လဲဆိုတော့ ရေနေနို့တိုက်သတ္တဝါတွေမှာကျ ပင်လယ်
ရေကို သောက်လိုက်ရင်ပါလာတဲ့အငန်ဓာတ်တွေကို ပြန်
စွန့်ထုတ်ဖို့ သူတို့ရဲ့ကျောက်ကပ်က အလုပ်အရမ်းလုပ်ရ
မှာဖြစ်တဲ့အတွက် ရေကိုတမင်တကာ စုပ်ယူသောက်ကြ
လေ့မရှိကြပါဘူး အဲ့ဒီအတွက် သူတို့လိုအပ်တဲ့ ရေဓာတ်
ကို သူတို့စားတဲ့အစာဖြစ်တဲ့ငါး ၊ ရေဘဝဲနဲ့ ကင်းမွန်တို့လို
Osmoconformers အကောင်တွေဆီကနေပဲ အဓိကရယူ
ကြပါတယ်
ဒီတော့ အပေါ်ကအချက်သုံးချက်ကို အတိုပြန်ချုပ်ရရင်
- ပင်လယ်ငါးနဲ့ ရေငံသတ္တဝါအများစုက ရေကိုပါးစပ်နဲ့
စုပ်ယူသောက်ကြတယ် ၊ Osmoconformers အကောင်
တွေကျ ရေဓာတ်ကိုအလိုလိုထိန်းထားနိုင်ကြလို့ သောက်
စရာမလိုဘူး
- ရေချိုငါးနဲ့ ရေချိုသတ္တဝါအများစုက သူတို့ရဲအရေပြား
နဲ့ ပါးဟက်တွေကနေတစ်ဆင့် ခန္ဓာကိုယ်ထဲကို အလိုလို
စိမ့်ဝင်နေတတ်လို့ ရေကိုစုပ်ယူသောက်စရာမလိုကြဘူး
ဒါပေမဲ့ ရေချိုနေ Osmoregulators အကောင်တွေကျတော့ ရေကိုပါးစပ်နဲ့ စုပ်ယူသောက်ကြရတယ်
- ရေနေနို့တိုက်သတ္တဝါတွေမှာကျပြန်လည်း ပင်လယ်ရေ
ငန်မှာနေကြပေမဲ့ ရေမသောက်ကြပဲ လိုအပ်တဲ့ရေဓာတ်ကို သူတို့ရဲ့စားတဲ့အစာဖြစ်တဲ့ Osmoconformers လို သတ္တဝါတွေကနေ ရရှိကြပါတယ်
ဒီလောက်ဆို အနည်းငယ် ရှင်းသွားလောက်ပြီလို့
မျှော်လင့်မိပါတယ်။
