08/02/2024
ဘဏ်မှာငွေချေးချင်ရင်
အရင်ကတော့ ကိုယ့်အိမ်ကို ဘဏ်ပေါင်ပီးငွေချေးရတယ်ဆိုရင် ရှက်စရာကြီးလို့ထင်ကြပါတယ်။ခုတော့ခေတ်ပြောင်းနေပါပီ ခေတ်မီသူတိုင်း ဘဏ်ပေါင်ပီး ငွေချေးနေကြပါပီ။ဘဏ်မှာအိမ်ပေါင်ပီး ငွေချေးကြတာကိုက ဂုဏ်ယူစရာဖြစ်နေလို့ပါ။
ဘာလို့လဲဆိုတော့ အိမ်ခြံမြေတွေပိုင်တိုင်း ဘဏ်ကငွေချေးလို့မရလို့ပါ။ခိုင်မာတဲ့လုပ်ငန်းတစ်ခုရှိရမယ်၊တိုက်ကလည်းဖြစ်ရအုံးမယ်၊နာမည်ပေါက်ပီးသား မြေကွက်လည်းဖြစ်ရမယ် နိုင် ငံတော် ကို အခွန်ထမ်းဆောင်နေတဲ့သူလည်းဖြစ်ပီး၊ကောင်းသတင်းနဲ့စီးပွားရေးလုပ်ကိုင်နေတဲ့သူလည်း ဖြစ်ရမှာဆိုတော့ ဘဏ်ပေါင်ပီးငွေချေးရတာ ဘယ်လောက် ဂုဏ်ယူစရာကောင်းလဲ။
အထက်ပါအချက်တွေပြည့်စုံတဲ့သူဆိုတာကလည်း အနည်းဆုံး လုပ်ငန်းရှင်/ သူဌေးလေးစာရင်း တော့ဝင်နေပီလေ။သူဌေးမှပဲ ဘဏ်မှာငွေချေးနိူင်တာမို့ ရှက်စရာမဟုတ်တော့ဘဲ ဂုဏ်ယူစရာဖြစ်နေပါပီလို့၊ ဘာလို့လဲဆိုတော့....,
ဘဏ်မှာငွေချေးချင်ရင်...
(၁) မိမိ (သို့)မိမိရဲ့ မိသားစုဝင် အမည်ပေါက် ဂရန်မြေ၊ဘိုးဘပိုင်မြေကွက်ရှိရပါမယ်။ တစ်ချို့ဘဏ်တွေကတော့ လယ်ယာမြေကို အခြားနည်းအသုံးပြုခွင့် လယ-၃၀(က)၊လယ-၃၀(ခ)၊ပုံစံ(၁၅-က) ကျပီးသားမြေတို့ကိုလည်း လက်ခံပါတယ်။
(၂) အဲဒီအမည်ပေါက်မြေပေါ်မှာ အနည်းဆုံး အုတ်ခံ နံကပ် အဆောက်အဦး ရှိရပါမယ်။အမည်ပေါက် အိမ်ခွန်ပြေစာရှိရပါမယ်။
**ကြီးတာသေးတာ မရှိပေမဲ့ အဆောက်အဦးနဲ့တူတဲ့ သင့်တော်တဲ့ အကျယ်အဝန်းတော့ရှိရင်ရပါတယ်။
(၃) နိုင် ငံတော် အသိအမှတ်ပြု သက်တမ်းရှိ လုပ်ငန်းလိုင်စင် လည်း ရှိရပါမယ်။မိမိ(သို့)မိမိရဲ့မိသားစုဝင် အမည်ဖြင့်
** စည်ပင်လိုင်စင်၊ ကသ လိုင်စင်၊စက်မှုလုပ်ငန်းလိုင်စင်၊ကုမ္ပဏီလိုင်စင်...စသည့်**
(၄) အဲဒီ မိမိလုပ်တဲ့လုပ်ငန်းအတွက် နိုင်ငံတော်ကို နှစ်စဉ် ဆောင်ထားတဲ့ အခွန်ပြေစာ တွေလည်း လိုအပ်ပါတယ်။များလေကောင်းလေပေါ့။ဝင်ငွေခွန်၊ကုန်သွယ်ခွန်၊အထူးကုန်စည်ခွန် ၊အမြတ်ခွန်...။
** တစ်ချို့ဘဏ်က အနည်းဆုံး ၂ နှစ်စာ၊တစ်ချို့ ၃နှစ်စာ၊တစ်ဆက်တည်းပေါ့ဥပမာ-၂၀၁၇/၁၈၊၂၀၁၆-၁၇၊၂၀၁၅/၁၆.....စသည့်**
(၅) လုပ်ငန်းရဲ့ နှစ်စဉ် အရှုံးအမြတ်စာရင်း ရှင်း တမ်း ၃ နှစ်စာ။
ပြည်သူ့စာရင်းကိုင်(CPA) လက်မှတ်ရရဲ့ အသိအမှတ်ပြု လက်မှတ်ပါ
(၆) တစ်ချို့ လုပ်ငန်းကြီးတွေဆိုရင်တော့ Master Plan, Future Plan တို့တင်ပြရပါသေးတယ်။
(၇) မိမိတင်မဲ့ဘဏ်သို့ တင်ပြရန် ရေးကူးရယူထားသည့် ဘဏ်တင်ပြရန် မြေပုံ၁၀၅၊မြေရာဇဝင်၁၀၆၊ဦးပိုင်မှတ်ပုံတင်စာရင်း ၁-က တို့လည်းလိုအပ်ပါသေးတယ်။
**သက်ဆိုင်ရာ စည်ပင်သာယာ၊မြေစာရင်းရုံးတွေမှာလျှောက်ထားထုတ်ယူရပါတယ်**
မိမိမြေအမည်ပေါက်ပိုင်ဆိုင်မှု့ စာချုပ်စာတမ်း အဆက်အဆက် အပြည့်အစုံ။
** မှတ်ပုံတင် အရောင်းအဝယ်စာချုပ်/အပေးစာချုပ်/စွန့်လွှတ်စာချုပ်/အမွေဆက်ခံပိုင်ဆိုင်ကြောင်းစာချုပ်/လဲလှယ်စာချုပ်/ပိုင်ဆိုင်ကြောင်းကြေညာစာတမ်းစာချုပ်/တရားရုံးအမိန့်/ဒီကရီ/ကျမ်းကျိန်ချက်.....စသည့်။
(၈) ကျန်တာတွေကတော့ တစ်ခုခုလျှောက်တိုင်းလိုအပ်တဲ့ မှတ်ပုံတင်၊အိမ်ထောင်စုစာရင်း၊ရပ်ကွက်ထောက်ခံစာ၊ပတ်စ်ပို့ ဓာတ်ပုံ၊တို့ ဖြစ်ပါတယ်။
**အရှုပ်အရှင်းကင်းစွာ နေထိုင်ပိုင်ဆိုင်လျှက်ရှိကြောင်း၊ ဘဏ်ပေါင်မှာဖြစ်ကြောင်း ကျမ်းကျိန်ချက် ကို အချို့ဘဏ်တွေက တောင်းပါတယ်**
(၉) လုပ်ငန်းလည်ပတ်ဆောင်ရွက်လုပ်ကိုင်နေပုံ လုပ်ငန်းဓာတ်ပုံများနဲ့ အာမခံ အပေါင်အဖြစ်ပေးမယ့် အိမ်ရဲ့ ရှေ့၊နောက်၊ဘေး ဘယ်ညာ ၊အခန်းဖွဲ့စည်းပုံအလိုက် ဓာတ်ပုံများ လိုအပ်ပါသေးတယ်။
(၁၀) ကုမ္ပဏီ၊ အစုစပ် လုပ်ငန်းများနဲ့ တင်ပြလျှောက်ထားတယ်ဆိုရင်တော့ ကုမ္ပဏီလက်မှတ်၊သွင်းကုန်ထုတ်ကုန်လိုင်စင်(ရှိလျှင်)သင်းဖွဲ့စည်းမျည်း၊သင်းဖွဲ့မှတ်တမ်း၊ပုံစံ-၆၊ပုံစံ-၂၆ ၊ပုံစံ-င(ရှိလျှင်)၊ဘဏ်မှချေးငွေရယူလျှောက်ထားရန်၊ငွေသွင်းငွေထုတ်လုပ်ငန်းများ ဒါရိုက်တာ အဖွဲ့ဝင် ဘယ်သူကို တာဝန်ပေးအပ်ကြောင်း အစည်းအဝေးဆုံးဖြတ်ချက်၊အစုစပ်လုပ်ငန်းအတွက် ငွေချေးယူခွင့်၊တာဝန်သတ်မှတ်ချက်၊ချေးငွေပြန်လည်ပေးဆပ်ရေး အစီအစဉ် တွေ လိုပါလိမ့်မယ်။
အသေးစိတ်ကိုတော့ မိမိလျှောက်မယ့် ဘဏ်ရဲ့ ချေးငွေဌာနမှာအသေးစိတ် မေးမြန်းနိုင်ကြပါတယ်။
အထက်ပါအချက်တွေပြည့်စုံပီဆိုရင်တော့ မိမိချေးငွေလျှောက်ထားမယ့်ဘဏ်မှာ လျှောက်လွှာနှင့်အကွ အခြားလိုအပ်တဲ့စာရွက်စာတမ်းများပြင်ဆင်ပီး လျှောက်ထားတဲ့အခါ--
ဘဏ်တာဝန်ရှိသူများမှ အာမခံအပေါင်ပေးမဲ့ အိမ်၊မြေနဲ့ လုပ်ငန်းအခြေအနေတို့ကို ကွင်းဆင်းစစ်ဆေးပီး၊သိချင်တဲ့အချက်အလက်တွေကိုမေးမြန်းပါတယ်၊ပီးနောက်ဘဏ်တာဝန်ရှိသူများမှ အာမခံအပေါင်ပေးမဲ့ အိမ်မြေပိုင်ဆိုင်မှု စာချုပ်စာတမ်းများကို ဘဏ်သို့အပ်နှံစေပီး၊ဘဏ်မှခန့်အပ်ထားတဲ့ ဘဏ်ရှေ့နေထံကို ပိုင်ဆိုင်မှု Title Clearဖြစ်/မဖြစ် အစီရင်ခံ မေးမြန်းကြပါတယ်၊ အဲနောက် ဘဏ်ကခန့်အပ်ထားတဲ့ ဘဏ်ရာဖြတ် ထံလည်း အိမ်မြေအဆောက်အဦးတွေရဲ့ ကာလတန်ဘိုး၊ဈေးကွက်ပေါက်ဈေး၊အတင်းအကြပ်ရောင်းဈေး တို့ကို ကွင်းဆင်းစစ်ဆေး အစီရင်ခံ တင်ပြရန် တောင်းခံစာပို့ပီး အားလုံးပြည့်စုံပီဆိုရင် ချေးငွေစိစစ်ချထားတဲ့ အဖွဲ့ထံဘဏ်မှတင်ပြပီး သင့်တော်တဲ့ချေးငွေ ကို ခွင့်ပြုချထားခံရပါတယ်။
ချေးငွေခွင့်ပြုပီးရင်တော့ မီးအာမခံဆက်ထားရပါတယ်။ အာမခံကုမ္ပဏီတွေကလည်း သူ့ဘဏ်နဲ့သူရှိပါတယ်
မြန်မာ့အာမခံလုပ်ငန်း
IKBZ၊ဧရာမြန်မာ၊အောင်သစ္စာဦး၊ဂရင်းဂါးဒီးယမ်း၊FNI....စသည့်။
ချေးငွေမှာလည်း ပုံစံကအမျိုးမျိုးရှိတော့ လုပ်ထုံးလုပ်နည်းလေးတွေတော့ နည်းနည်းကွာမှာပေါ့။။ဥပမာ
Loan ချေးငွေ
Over Draft စာရင်းပိုထုတ်ချေးငွေ
Small Loan
SME Loan
Home Loan
JICA Loan
ဂျာမဏီ Loan
Project Loan......စသည့်
အိမ်ဝယ်ဖို့/စက်ပစ္စည်းဝယ်ဖို့ ..ပညာရေးအတွက်..အစုံပါပဲ။
ချေးငွေကျလာတဲ့အပေါ် သုံးသုံး/မသုံးသုံး အတိုးပေးနေရတဲ့ ချေးငွေနဲ့။သုံးသလောက်အပေါ် ၁၂%၊မသုံးဖြစ်သေးတဲ့ အပေါ် ထိန်းသိမ်းခ ၁% ပေးနေရတဲ့ အမျိုးအစားတွေလည်းရှိပါတယ်။
SME Loan အတိုး ၁၀၀ကို ၈.၅% ကလွဲရင်
ဘဏ်တိုးပေးရတာ ၁၀၀ ကို တစ်နှစ်လျှင် ၁၃% ဘဏ်တိုင်း အတူတူပေမဲ့ အတိုးပေးရတဲ့လ ၁လ၁ကြိမ်၊၃လ၁ကြိမ် ၊အရစ်ကျစနစ်... အမျိုးမျိုးရှိပီး၊ချေးငွေသက်တမ်းမှာလည်း ၁နှစ်တစ်ခါပြန်ဆပ်ပြန်လျှောက်၊ ၃နှစ်ဆက်တိုက် သတ်မှတ်ရာခိုင်နံှုးနဲ့ အရစ်ကျပြန်ခွဲသွင်း၊၅နှစ်၊၆နှစ်၊၁၅ နှစ် ...ဘဏ်နဲ့ ချေးငွေ အမျိုးအစားအပေါ်မူတည်ပီး အမျိုးမျိုးရှိပါတယ်။
ဘဏ်ဟာ အပေါင်ဆိုင်မဟုတ်ဘူး။လုပ်ငန်းတိုးချဲ့လုပ်ကိုင်ဆောင်ရွက်ဖို့ ချေးငွေထုတ်ချေးပေးတယ်လို့ဆိုပေမယ့်.....
လုပ်ငန်းမှာ အမှန်တကယ်လိုအပ်လို့ ချေးတဲ့သူက ခပ်နည်းနည်းပါ။အမှန်တကယ် အများစုကတော့ ခေတ်မီ ချင်လို့ဘဏ်မှာ ငွေချေးထားကြတာပါ။
Author : Tin Aung Moe
